泉章居 (已結業)

泉章居系香港噶老字型大小，主打中式客家菜，我屋企人就好中意食哩間店，所以一到咩重要節日噶話，都會去哩間店食飯。每次來都會點果個鹽焗雞，好香啊，滴雞肉好入味，雞肉又滑又好味，鹹度剛剛好，果然系哩間店噶招牌菜！大家來泉章居噶時候記得試試只鹽焗雞啦！

冇得輸又抵食的客家菜喺旺角諗食咩第一時間就諗起呢間客家菜 我哋五個人叫咗個四人餐 今次叫咗霸王雞 豉汁蒸鱔魚 金銀蛋浸莧菜 酸甜生炒骨 套餐還有粉葛湯 好足料好濃味 每次食都覺得食品保持到質素 服務又好 霸王雞又滑又香 唔會太鹹唔會太淡唔會太油 味道啱啱好 菜很新鮮 鱔魚亦好入味又新鮮 每樣餸都份量十足 最後加咗個甜品 唔記得叫乜名 有花生🥜糯米既皮 煙煙銀銀 正呀 👍🏻價錢係$7x食完我哋五個人覺得份量啱啱好 最後埋單$6xx /5個人真係好抵食

兩個人，當然是叫了二人餐。客家菜，不離鹽雞，豆腐和扣肉。就點了例牌鹽焗雞，梅菜扣肉同埋支竹火腩豆腐煲，加送例湯一鍋, 索價$348， 未包白飯。例湯湯料有紅蘿蔔同五花肉。湯清清的，飲落有著同湯料無關的味道，我稱之為味精。個湯得個大兜，味道乏善可陳。兩人餐送咁大兜湯做乜？我情願佢一人只俾一碗，但碗湯做好些少。味精水，你俾一桶我都無意思。鹽焗雞 （例）很大份，看上去幾肥美。肉質幾滑，不嚡也有雞味，但真的完全同「鹽焗」扯唔上關係，邊度有焗的氣息呢？ 說是客家咸雞都不對。正確嚟講，佢應該叫咸切雞。算是最好食的一道菜。梅菜扣肉不是原煲上，有點失望。梅菜甜甜的幾好送飯，但扣肉很實，不鬆化，那種入口即溶纯屬幻想。以客家菜館而言，水準令人失望。西環的德記好太多了。支竹火腩豆腐煲用料算豐富，配料有炸蒜，腐竹等，豆腐同腐竹也算滑。但火腩過晒火氣，燒豬皮唔脆，舊肉煮到溶溶爛爛。茶餐廳比佢好。以紅磡冰室為例，人地嘅火腩件件靚仔，豬皮有時仲是脆的，原煲上仲熱辣辣吱吱聲，味道也夠晒濃，成件事對板好多。埋單： $428。 我覺得有點貴。望真D, 白飯另計一個$12, 茶位每位$10, 加埋加一， 隱藏收費都成$70

一行五人吃飯，好彩一早book左枱，離開嘅時候勁多人等位！五個人叫咗四人套餐，對比起之前OpenRice睇到嘅$508，而家加咗價$538，包半隻雞或者一條魚，加三個自選小菜。選擇都幾多，揀咗一陣終於叫咗：例湯：都足料，幾好飲叫咗霸王雞，好大隻，啲雞好嫩滑西檸鴨，外脆內嫩，出面少有得食蟹肉扒西蘭花，蟹肉相對比較少，但係個味都幾好生炆斑頭煵，啲魚好滑啖啖肉👍🏻整體都唔錯，Keep到水準👍🏻上菜速度快❤️茶芥貴咗啲，晚市$12/人，另外要加一食物份量都夠多，另外只係叫咗三個白飯都好夠飽。如果多啲人黎食可以叫多幾個餸試多啲菜式！

由細細個開始就開始食泉章居就超中意食佢哋啲鹽焗雞同炸大腸我哋两個人叫咗個二人餐餐包咗一個例湯仲包一隻雞或一條魚 仲可以揀两款小菜我哋例湯 跟餐轉飲白果豬肚湯 要加$78湯嘅份量好大 好多料 豬肚清洗得很乾淨 奶白色的湯 好香甜 豬肚味好濃細細個就好中意飲霸王雞份量好多 雞肉好滑 好味道 每次嚟泉章居 一定要叫雞食西檸芝麻蝦球以二人餐嚟計 每人都食到4粒蝦球本身蝦球炸很有點乾身 但卜卜脆 加上西檸汁 效果出奇地良好生炆斑頭腩斑腩數量都幾多 但有點咸每人消費~$235左右一湯三個小菜 两個人都係食唔晒的

我一直聽朋友講呢度客家菜好出名，今次終於試到！叫左二人餐，會先黎例湯，本身唔知道，所以好驚喜！而且好大碗好足料金牌鹽焗雞係一定要試！雞身好滑，入味之餘唔會好咸！點埋沙薑更加有風味！欖菜肉鬆四季豆不過不失好香！炸鮮奶直情可以話皮簿餡靚！外面脆，入面好滑，鮮奶味好濃郁，䁔䁔地，食過返尋味呢度食飯三個字形容曬！快、靚、正！

母親是客家人，慶祝母親節，選了泉章居；座無虛席，侍應招待有禮；菜色美味，上菜有效率，用膳環境實而不華，酒樓格局；美中不足是埋單時部長/經理態度浮誇，一時大聲疾呼客人多謝老細，同時又稱呼客人哥仔；感覺不太尊重客人。

來泉章居吃的是懷舊的味道～是和家人聚餐，菜色選擇多，一個人中午也有碟頭飯，價錢實惠又吃得飽！六位用鹽焗雞半隻（可選霸王雞）＋三款小菜 468，附送每日例湯，飯需另外叫。金牌鹽焗雞半隻：毅力不搖的招牌菜色，鹽焗雞的水準一直保持得很好！鹽分滲透入雞皮和肉裡，雞皮微鹹很滑，雞肉嫩而不柴，雞胸的部分偏硬一些，記得點沙薑更添風味梅菜扣肉：經典客家菜梅菜扣肉一定版上有名！這裡的梅菜扣肉選用半肥半瘦的五花腩，蒸得非常入味，調味偏甜，梅菜份量多，味道濃！瘦肉的部分有些會祡，肥肉則入口即化，搭配一起吃剛剛好，一定要用醬汁撈飯，非常好下飯脆皮炸大腸：大腸內脂肪大致上去除乾淨，外層炸得酥脆仍保有大腸的韌性，不過稍嫌有大腸的臭味😅下面的醃蘿蔔是亮點！酸甜帶爽脆度，可以解膩時菜扒牛丸：牛丸超多粒，味道口感正常，像是來貨，菜心不夠十條

客家人食飯當遠幫襯客家飯店。泉章居。今日係麥花臣有活動，午飯食咩雞，泉章居客家菜。梅菜扣肉。釀豆腐，東江豆腐煲，客家炆豬肉，鹽焗雞。仲有啤酒，白飯。整體非常色香味有齊。唯獨一樣，不講不快。鹽焗雞，俾人切肉又離皮的雞肉。雞，不是甚麼貴價食材，可能有人肚餓太耐了。睇相評論。

今日難得鄉下嘅客家親戚嚟到香港旅行，一於帶佢地去試下呢間客家酒樓。佢都幾近旺角地鐵站，出口六分鐘一行到。我哋叫咗個金牌鹽焗雞，柱侯牛腩煲， 椒鹽焗豬扒，梅菜扣肉，脆皮炸鮮奶同埋一個客家炒飯。而酒樓就送左個湯比我地。呢個就係想留餸嘅例湯花生雞腳湯：雖然佢酒樓送嘅，但係個湯一啲都唔會馬虎了事，個湯好足料好美味。而且飲完之後唔會有口乾嘅感覺，應該冇落到味精。金牌鹽焗雞：呢個就係佢哋金牌嘅鹽焗雞啦。個皮好爽嫩 ，而依個雞肉，肉質鮮嫩有雞味。送飯就ok，就咁食就咸咗啲。柱侯牛腩煲：個牛腩煲牛腩炆得幾入味。但最好食嘅係啲支竹，支竹索咗啲牛腩茄汁之後好好食。椒鹽焗豬扒：椒鹽焗豬扒不過不失，炸得唔會太乾身，同出邊食嘅相差唔太多。梅菜扣肉：呢個係我今晚最鍾意嘅兩度中之一 ：東坡肉。佢嘅肥瘦適中，一啖咬落去，瘦肉有濃濃既肉香，肥膏有香滑既油香，一口有多重享受。脆皮炸鮮奶：呢個就係今餐裏面我個最鍾意嘅一味餸。 鮮奶炸左之後，表面好香脆，但係入面好似豆腐咁軟滑蛋，但又充滿咗牛奶嘅奶香味。一件脆皮炸鮮奶已經有三重享受，真係想叫多份量食。客家炒飯：個炒飯睇落去好似好濕，但其實都ok乾身。而且飯粒，粒粒分明，有少少

星期日夜晚超多人。看到餐牌有D驚，因為比一般酒樓貴好多，平均每樣都要100+。後來有位姐姐比張粉紅色嘅套餐紙我地，叫左6人套餐，一隻招牌鹽焗雞同4個小菜。送一煲例湯，有好多花生同雞腳，叫做抵返條數。鹽焗雞唔記得影相，好滑，好入味，而且唔會好鹹。柱候牛腩煲就鹹少少，但牛腩好多，D汁送飯一流。梅菜扣肉都好多，而且梅菜冇渣，都係送飯一流。豬扒彈牙新鮮，唔算突出。仲有炸鮮奶冇影相，食落口係凍嘅不過口感好滑好濃郁。最後仲有個客家炒飯，飽飽地冇乜試清楚個味。但其實D菜應該配白飯會好D。埋單平均130，算係比一般酒樓貴20~30%度，但味道係有保證。都可以有下次。

年廿九同屋企人食團年飯， 揀咗我屋企人嘅至愛泉章居，係一間老字號客家菜，我由細食到大，遠至我嫲嫲同老豆都係佢嘅忠粉，最出名食鹽焗雞同梅菜扣肉。多數人叫套餐，包一個例湯，配招牌鹽焗雞or 霸王雞，再加兩至三款小菜價錢不等，我哋叫左一個二人餐再加一碟小菜，好似比一個四人餐抵食少少。共四個餸，鹽焗雞 ，梅菜扣肉，西檸魚塊，鮮魷炒菜。全部熱辣辣上枱，扣肉好林，而梅菜唔太咸送飯一流，鹽焗雞肉質鮮嫩，永冇失手。一家人食咗一餐開開心心嘅團年飯迎接新年

|值得推介的客家菜|快到新春🌸當然不少得和家人一齊食團年飯。帶着歲多的小朋友，定位時，一定會問有沒有BB櫈提供。今次選擇在旺角一間老字號的客家酒樓安頓座位點菜後，上菜的速度很快。每次到泉章居，必定要脆皮炸鮮奶（$98）外面脆博博，裏面有膏狀的鮮奶，再點砂糖，入口香濃鬆脆。菠蘿咕嚕肉（$98）酸酸甜甜，香脆可口，送飯一流蟹肉扒西蘭花（$110）吃了很多炸物，要食健康的蔬菜，味道不錯。東江豆腐煲（$100）味道及賣相都遜色，有點失望。

以前經常光顧，後來因為食物及服務質素每況愈下已有幾年沒來過。。。今天見它們又再獲米芝蓮推介決定再試！估不到真的大大改善我們點了一個四人餐再加枝竹羊腩煲金牌鹽焗雞味道是不錯，但吃得出不是真的用鹽焗出來。。。明白這樣太費時，行惜作物招牌菜期望會高一點梅菜扣肉是最出色的一道菜！果然是客家菜館！豬肉扣得十分入味，送飯一流菠蘿咕嚕肉香脆可口，但一涼了就不好吃了今年入冬的第一煲羊腩煲！超多羊肉很足料！而且真的要讚一下這裡的侍應！整餐飯都很主動服務我們，還幫我們將生菜放在煲的底部以免燒焦

朋友下午有婚宴，回到家已經太夜了，不夠時間到街市買餸，老公說想去這間食店吃中餐。這裡有一個二人套餐，三餸一湯，餸菜的選擇非常多，我選了霸王雞，蟹肉扒豆苗及西檸芝麻雞。是日例湯，湯裡是有葛，燒肉及瘦肉，因為是老火湯的關係，湯的味道是會比較濃，少少咸。份量很多，每人可飲兩至三碗。薑蔥霸王雞，有半隻。雞不像雪藏，雞肉很滑，加埋蔥一起吃，很香很好吃。蟹肉扒豆苗，鋪上濃結剛好的獻汁，味道跟家常便飯差不多，不錯。西檸芝麻蝦球，每隻蝦都大隻，外面是薄薄的粉，炸得很香口，加上酸酸甜甜的醬汁，很是開胃。我們只是叫了一個白飯就夠了，份量真的很多。這個餐如果三個人都夠吃，這樣就會緊加抵食。