泉章居 (已結業)

話說食團年飯去泉章居，9人食8人餐都抵食，有1隻霸王雞（無敵大）+4小菜+例湯。我們通常會order 多個粉絲蝦煲和甜品。經上次試過茶果有驚喜後，今日又有新甜品：【雞噤笨】，伙記亞姐極力推介雞噤笨，點呀！當我們水魚呀！。。。原來是【雞頸板】。聽到我們呀！雞噤笨！只是一個街坊甜品，很有小時候的回憶。一家人相聚難得有個笑話。祝你們新年快樂！

每逢諗唔到想食咩嘅日子，就會好想食啲家常小菜，飲碗熱湯，叫幾個餸同屋企人或者朋友一齊食，傾吓計，都會覺得好enjoy !今晚，同朋友又諗唔到食乜嘢，我話不如去食小菜啦！咦，好喎都好耐冇食過（朋友話）！咁我哋一行四人就去咗泉章居食飯啦。好習慣地，一坐低就會用啲熱茶嚟洗下啲杯碟，之後就攞張餐單剔剔剔。今次我哋就嗌左個四人餐，包括有半隻雞同埋三個餸。本身係有個湯嘅，呢晚個湯就係蓮藕湯，但係因為天氣涼，個湯又熱辣辣，我都未嚟得切影相都差唔多飲晒啦大少嘅最愛就係梅菜扣肉，呢個餸係每次嚟都會必叫，因為我係屋企係一定唔會煮嘅。到而家我都仲未好夠膽成舊肥肉咁擺入口，但係啲梅菜呢我就次次都唔會食淨。因為佢嘅梅菜浸得夠透，甜度適中，用嚟撈飯真係一流！跟住呢個就係蟹肉豆苗，其實呢個就真係普普通通啦，味道冇乜特別！最恐怖嘅事食食吓有條頭髮啊！不過店員都好好即刻換過另一啲俾我哋！粟米斑塊，呢個餸老少咸宜，小朋友又鍾意撈飯，斑塊外邊都仲係脆卜卜，啲粟米汁嘅濃度啱啱好，可以掛到上去啲斑塊度！嚟到泉章居，有咩可能唔食雞吖？今次我哋就叫咗霸王雞，啲蔥絲同薑絲同埋啲雞一齊食，點小小砂薑真係好味道！而且，佢連啲雞胸都唔會話

泉章居-炸鮮奶 $68好味指數🌟🌟🌟/5👧🏻 太內無黎食尼間，一向中意飲奶❤️ 凡係奶製品都超喜愛，除左上次食左雙皮奶，今次尼個炸鮮奶都唔錯，外面脆卜卜(記得曾熱食，凍左會易出油)，裡面系奶白色膏狀嘅香濃鮮奶😆 點埋沙糖食出好出色！無記錯有10件，超多🤦🏻‍♀️

喺朋友推介下，黎左呢間泉章居，位置有少少「格攝」，喺旺角東站同埋旺角站中間，一入到去，都有唔少人坐咗喺度等，初時以為要等位，所以問知客拎左張飛就自動坐埋一邊等，坐左5分鐘，佢就同我講「上得去架啦!」。(之後另外兩個遲黎少少既朋友同我都一樣經歷左喺樓下等位既經驗)據聞泉章居既雞出名好食，所以就叫左個二人餐，要左例牌既霸王雞，有兩碟小菜，送個例湯，都算幾抵，怕唔夠食就再叫多左碟臘味飯。本來諗住例牌份量既雞應該好細碟下，點知佢一上菜，個份量比想像中大好多！最後我地三個男人都好夠食。佢既雞肉好滑，啖啖都係肉，醃得香口，但又唔會太鹹。佢有配個麻醬，一齊點黎食都唔錯，不過咁靚既雞，當然係原汁原味食最好！冬天豆苗當造，當然要叫番碟蟹肉扒豆苗，果然無令人失望，豆苗食落好清甜，只係唔太感覺到佢有蟹肉味，不過撈白飯食都係一流！例湯雖然話係二人份量，但都好大碗下，最後我地三個男人都係飲剩少少。飲落都幾開胃舒服，比較清甜，對平時無乜湯水飲既返工一族都係一個唔錯既推介。粉絲牛仔骨煲，又係另一個撈白飯之選！牛仔骨食落好夠稔，好有黑椒味，而粉絲更加係吸哂牛仔骨同埋黑椒汁既精華！臘味飯，最後呢碟就真係比較普通，同平時

同朋友約即興飯局唔想食放題又諗唔到食咩好行下行下就行左去麥花臣個邊 咁不如食中菜啦 入到去叫左個2人餐包例湯同1個例牌招牌鹽焗雞/霸王雞同2個小菜小菜選擇超級多！當日例湯係蓮藕豬骨湯我地叫左招牌鹽焗雞滑蛋蝦仁同金銀蛋莧菜因為得2個女仔唔想食咁多肉全部都好好味😊😊😊個雞真係好滑好入味個蛋好滑連例湯我地都每人飲左2大碗所以話老字號食物質素幾時都有保證到最尾我地2個女仔食唔晒🙈🙈 盡左力，3個人食都仲得

想帶媽咪食客家菜，選了泉章居，原來5:30pm已開始做晚市，限時1.5小時便要埋單. 3個都不大吃的女人們，選了$298的3餸餐，送例湯. 花生眉豆雞腳湯，味道OK，只是略鹹了小許.客家菜怎可少了鹽焗雞呢，份量不少，肉質頗滑口!秘制密汁蒜子骨，酸酸地，夠醒胃，裏面肉質夠稔，只是外面炸得有點硬!豉汁蒸大鱔，雖然姐姐說級數不夠肥美，但我認為已不錯了!這裏的侍應好敏銳，效率高，有禮，值得一讚，3餸餐連2碗飯，埋單$381.

為咗慶祝表弟畢業，今日一班親戚嚟到泉章居食晚飯。以酒樓小菜嚟講，呢間都算係相當唔錯，每一碟菜嘅質素都好平均。鹽焗雞果然係招牌菜，咸香味濃，雞身嫩滑，隻雞本身好大份，十幾人食都夠。梅菜扣肉都好吸引，醬油帶甜，豬腩肉入晒味，雖然好肥膩，但無豬油嘅騷味。而我最鐘意嘅係炸釀豆腐，新鮮炸起，舊舊都熱辣辣，而且皮好脆，但入面無因為咁而炸到乾晒，豆香味都好濃，上面嘅釀物有少少咸魚香（真實係咪咸魚有待確認），同平時嘅魚肉味道多層次好多，同本身無調味嘅豆腐一齊食就啱啱好。成餐飯都喺水平之上，不過對正風口位，啲食物好快吹凍曬，要喇喇林襯熱食先得。

屋企人生日，去左泉章居食晚飯，呢度不嬲都係屋企人開飯熱點之一，因為抵食夾大件叫左幾樣餸同例湯，上菜好快。個例湯飲落冇味精同好足料，我飲左三大碗，大家都話正！個霸王雞好大份！好嫩又滑唔un，點埋個醬真係一流。生炒骨啖啖肉，甜甜酸酸好好味，媽咪最鐘意食。而個西蘭花同豆腐真係普通左少少，麻麻地，下次可以唔叫服務方面呢度啲呀姐都幾好，幾周到，同埋好快手，哈哈哈總括黎講去呢度一定要叫雞啲野幾好食又大大份，價錢唔貴，服務ok，同屋企人黎最岩回頭指數：4.5/5

月頭好兄弟結婚，幫手做兄弟。新婚夫婦話今晚要請班兄弟食番餐飯，慰勞下大家。黎到方便大家嘅中間點旺角，一班人梗係食中菜，傾得大聲ｄ都無問題。叫左個六人套餐 $718金牌鹽焗雞 - 鹽焗雞係呢度招牌菜，眼見好多枱都有叫。份量都幾多。雞皮爽，入口雞肉嫩滑，鹽焗嘅咸味滲入雞肉度，咸味剛剛好。西芹蝦仁花姿片 - 蝦同花姿片份量偏少，西芹好多，味道ok。竹笙鼎湖上素 - 竹笙再配上生菜、冬菇，全素小菜，味道比較清淡。中式牛柳 - 酸酸甜甜，好開胃，送飯一流嘅小菜。脆皮炸鮮奶 – 外脆內嫩，一口咬落去，奶味濃郁。

好在太太一早訂位，否則都冇咁大張檯。。。沒想到平日都咁多人！我地都係第一次坐一樓一樓感覺沒樓上那麼堂煌，經理也比較有性格，不過服務是很到位的。我們九個人，就叫一個六人餐$718，一個兩人餐$298吧！套餐都送例湯，我們將其中一個例湯加$70轉為白果豬肚湯(例)白果味濃，但偏淡味，可以加多少少鹽花就好啦！還有豬肚和白果可以食！金牌鹽焗雞都好大隻！我地九個人食都有淨！鹽味重，肉質滑，果然是招牌菜！中式牛柳茄汁味的牛柳，洋蔥很好吃西芹蝦仁花姿片偏油，蝦和花姿片不多，不過好像用了蝦膏炒，很惹味！蟹肉扒豆苗蟹肉很多！豆苗很嫩竹笙鼎湖上素獻汁有點多，但整體味偏淡脆皮炸鮮奶這個必吃！！！鮮奶內見一粒粒，如果再幼滑一點就好了，不過仍很好吃！海上鮮 餐內的海上鮮是蒸倉魚一條，肉質實淨，好吃！豉汁蒸大鱔 大約有十件，豉汁味濃，不過很多骨，不算厚肉

相信泉章居好多人都去過，還可能去了好多次。鹽焗雞、炸大腸，梅菜扣肉都是經典的客家菜。客家煎釀豆腐是其中一個非食不可的經典客家菜。原來泉章居所採用的豆腐，是與本地其中一間豆腐工廠合作研發。用上有機黃豆、秘製配方的豆腐，還可以減低豆腐在煎煮時出水的現象。怪不得豆腐入口充滿黃豆味道。炸大腸，肯定不是每一個人都喜歡他，因為無論廚房點樣炸，都一定有點腸腥酥味道、但是喜歡就是喜歡、喜歡就是這種獨特的味道。鹽焗雞，絕對是他們的經典菜色、鹹味適中、就算連雞胸位置雞肉嫩滑，冇得輸。梅菜扣肉煲，對於我來說，實在是太肥膩了及非常入味！甜甜的梅菜及醬油，配合豬腩肉。忍不住食了兩件、實在太邪惡。

Chicken with spicy ginger sauce(sand ginger) is one of the dishes you should eat in this famous Chinese restaurant. They have 3 locations and we went to the main one in Mong Kong. Their service is reputed to be horrible and they didn't disappoint 😂🤣.

今晚約咗幾個認識咗剛剛10年嘅夜校同學食飯，順便慶祝一下，佢地有2個又就快做媽媽呢，為了方便佢地，揀咗在旺角食飯，呢間泉章居我之前未嚟過。5個人叫咗個4人套餐~ 粟米魚肚羹、薑蔥霸王雞、咕嚕肉、琵琶豆腐及炒莧菜。粟米魚肚羹我最鍾意，夠晒熱，好好味，薑蔥霸王雞~一向都係泉章居嘅招牌餸，冇得輸！我少吃雞都食咗幾件，味道好夠，好味的，咕嚕肉~整得都OK，不過就凍得好快，蒜蓉炒莧菜就一般啦，琵琶豆腐都OK，個汁好味。今晚我地坐房，吾會好嘈，三五知己聚聚傾計啱晒，呢度嘅服務都OK，沖水收嘢都有跟足。

今時今日這麼差劣的服務態度，怎麼還未關門？！入食店，首先要點菜，只有二枱食客，也等十五分鐘也不過來招呼，你問他那小菜的價錢，用非常差的語氣說自己找，不關他事！點菜紙有些小菜在餐牌找不到，你問他不答，那些大嬸待應，大叔部長回答你的態度比差更差。想知什麼是差，來這家你會找到！！！！！！

今個冬天終於有點寒意。開年飯潮未過， 在泉章居吃了半席，當然不能錯過禦寒三寶，暖暖胃。 半席菜可以在各個系列中自選菜式，比其他餐廳規定好的套餐，自由度較大。 太史五蛇羮。「秋風起，三蛇肥」，蛇羮是南方人的秋冬袪濕進補排行榜首位，先來熱辣辣一碗。 加薄脆、菊花一起吃，味道幾似碗仔翅。明白的，感覺良好就好了。 喜歡這個枝竹羊腩煲，禦寒第二寶，添加生菜，新一年生猛又發財。羊腩煲的汁調味好，肉入味，邊滾邊吃有令香味濃郁，大伙兒一起吃，寧舍熱鬧暖笠笠。 人氣金牌鹽焗雞，幾乎每次來都會點。受歡迎當然有原因，雞身嫰滑 ，點沙薑吃，惹味暖胃。 過年大魚大肉就最好意頭。若要出外食飯魚肉蒸得好，我建議揀魚不要貪大條。都係嗰句，約12至14兩的應該好穩陣，人多寧願蒸兩條，就是這樣。 蒜香帶子蒸豆腐。呢味麻麻，帶子猶如一個枯萎了的一蚊銀。 花枝片西蘭花 : 干燒伊麵，加辣椒醬食，人人都飽足。 脆皮炸大腸併脆皮炸鮮奶 。泉章居的炸鮮奶出名，少少甜，多多脆；炸大腸的味道就有點離奇古怪，不想去闡述了。 老派人認為開年必點髮菜蠔豉，食個好意頭，要嘅要嘅。 最後甜品客家甜茶粿。茶果質地似馬拉糕