泰傳奇 (已結業)

菜一向無賣飛佛😍但唔想次次咁heavy 食返啲平野先😏今次黎左九龍灣emax 的泰傳奇，emax夜晚人流不嬲唔多，食嘢唔使等位！我地叫左個海南雞飯😍豬手飯同兩杯龍眼冰😙海南雞飯個辣醬同出面唔同，出面多數都係酸辣，呢個係好似蒜香味咁，好特別👍🏻豬手飯個汁好香，甜甜地撈飯好正，豬手好淋，一咬就開，唔會好厚好鞋👍🏻👍🏻龍眼冰超多龍眼，😍😍😍夠凍又唔會過甜，其實呢個價錢係抵👍🏻👍🏻$65一個餐+$8有特飲👍🏻

話咁快又黎到Happy Friday ，收左工跟同事到附近搵食，佢話之前食過呢間泰傳奇，食物質數都可以，咁就近近地係EMax開餐先。#海南雞飯（要髀位）食落有咸香味，去了骨的海南雞，叫了髀位置故無論係雞皮同肉，都非常滑溜，配上金黃色的油飯，同事食鬼晒🤣。#炒金邊粉有3隻中蝦，配料有花生、韮菜、芽菜、蝦乾仔同豆腐乾，酸酸甜甜的，碟旁邊仲放有辣椒乾，方便喜嘗辣的我，即炒熱辣辣的超開胃😋。叫了三色冰消暑解渴。

🔺 泰傳奇今次午飯時間去左九展食午餐，其實嗰度係全層都係food count。行過門口見到間泰式風情嘅餐廳就入咗去試。兩個人去食叫咗兩個餐！泰式無骨豬手飯$50豬手飯個汁滷水味好重，而且豬肉炆得夠林再配埋個秘製酸汁汁好惹味😋海鮮喇沙米線$65喇沙湯椰汁味好夠，而且唔會太辣！相信適合眾人口味👍🏻海鮮又足夠兩個跟餐都可以加$8有個特色嘢飲今次叫咗三色冰同埋龍眼冰！飲品好足料，飲落去啖啖都會有口感同多果肉✨加分

EMAX有返music show睇，開場前上二樓醫左肚仔先。行一圈睇下有冇咩啱食，樣樣風味餐廳都有，不過比較想食泰式野就決定左泰傳奇。天氣熱人氣旺，叫杯充滿椰汁base香氣既珍多冰cool cool先，飲一大啖順喉好暢快，再舀杯中紅紅綠綠colorful既食，清甜幾Q彈！另外三色冰亦是椰漿沖調🥤三色馬蹄經過加工，染成紅綠橙色，帶來外層煙韌、咬落爽脆的口感，色澤也較鮮艷。外層煙韌香甜，無需添加其他配料已很豐富。有我至like既泰式豬手飯，滷得入味又出色，夾起一件睇下横切，豬手皮厚薄度啱啱好，燈光之下仲幾晶瑩夠油水，中間軟筋夾層都唔少。大口咬落Juicy度足，尤其豬手皮質地軟滑又帶D回彈感，連飯吸汁食好開胃。另一份就點鮮嫩既泰式海南雞飯，份量唔細，肉厚白滑兼冇骨，雞皮之下沒有脂肪層，連皮帶肉食感覺超嫩滑兼帶鮮雞味美油香。隨附雞飯之三色調味醬碟，將泰式風味既靈魂帶入其中，雞肉沾上少許甜醬油味道更鮮，配搭另一款酸辣汁又有截然不同香辣激情，薑蓉最適合加少少在飯面拌吃，加埋啖好實在既雞油拌飯，食完成個人充滿energy去睇good show😆

近年九展多了不同食肆，今日去睇演唱會之前去了一間泰國菜餐廳，分別叫了海南雞飯同泰式豬手飯。🐔🍛海南雞飯雞算嫩滑，屬雞上髀部位，配以辣椒醬、黑豉油及蒜蓉，突出鮮味，油飯食落也不太油膩，黃薑味重。🐷🍖泰式豬手飯豬手入味，咬落煙韌，每碟都有青瓜、番茄及蔬菜，十分健康飲品方面叫了椰汁杯🥥有椰子清幽的香味，沒有想像中咁甜，確是炎炎夏日的好選擇

今日約左朋友去咗九龍灣行街，經過九展就隨意去咗呢間泰式料理食TEA上網睇資料原來依間係一個香港明星籃球員開嘅餐廳，佢地員工有部份都係泰國人👍🏼煮出黎啲菜式嘅味道都好正宗佢間餐廳喺2樓都好容易搵到，入到去環境都好舒服，裝修都好新淨。我哋坐低大概4:00⋯⋯有下午茶食，啲價錢都抵食，呢度落單好方便用手機掃一掃二維碼就可以落單我哋好快就叫咗一碟喇沙米線仲有泰式豬手飯，加左兩杯嘢飲，一杯係龍眼冰另外一杯係珍多冰等食物嘅時間都唔會太耐，喇沙米線個有少少辣，但係好彩我哋係食辣嘅，所以冇問題，湯底幾濃郁，另外海鮮都足料，有魷魚、青口、蝦等等，裏面仲有豆卜，但份量略嫌有啲細，如果男仔食未必夠食，女仔就ok ge!整體黎講係好好味，海鮮係好新鮮，完全唔會有霉左嘅問題，湯底惹味濃口，有驚喜嘅！豬手飯係我去泰國餐廳必嗌，因為我真係對佢有情意結我第一次黎依間食我都會試下食，點知又係出色，我好鐘意豬手夠淋身又多肉，唔會食落口感蟹恰恰，啲汁酸酸咪咪好開胃，加配酸菜撈落飯真係好味到不停咁食呢個豬手飯我對佢非常滿意！而我嗌左一杯珍多冰啲椰漿幾濃郁，好好飲，裡面啲珍多都算多份量，口感不錯！

.寶寶2歲後我帶多咗佢去街放電， #九展 係其中一個常去嘅地方，貪佢人流少啲唔洗同人迫😆而且有好多餐廳選擇，今次試咗 #泰國菜 泰傳奇#有驚喜 所以推介下✨.［泰式雞肉炒飯］炒得好香👍🏻粒粒分明，調味又ok真係估佢唔到🙈好食而且份量多😋掋食！.［泰式海南雞飯］帶住寶寶例牌要食海南雞😏呢度都做得唔錯雞肉嫩滑，油飯香而不膩👌🏻💯.龍眼冰😊珍多冰唔會過甜，好正常✨(😂飲過太多間都甜到喊)龍眼冰俾好多粒龍眼😍寶寶中意食

泰傳奇下午茶和午餐的選擇都多，這裡價錢算親民也坐得舒服泰傳奇海南雞飯 $62雞肉和飯的份量不少，雞味清香，肉嫩皮爽，沾上豉油、辣醬、薑蓉一起吃，黃油飯充滿淡淡油香味，很美味火車站炒飯(扎肉) $68一上枱已經聞到陣陣香味，飯炒得粒粒分明，粒粒都充滿醬油鹹香，配有札肉絲、魷魚、蛋、車厘茄、菜一起炒，很香口很惹味，火車站炒飯是泰國家常菜，能夠嘗到泰國家鄉的風味三色冰 $8香濃椰漿，香甜可口，三色啫喱咬開裡面是馬蹄，外層煙韌內裡爽脆的口感

嚟到九展同仔買校服，行行下先知原來2樓好多野食，揀咗間泰國餐廳食個lunch☺️餐廳都幾闊落開揚，枱與枱之間距離都幾闊，坐得舒服😌點咗個海南雞飯($62)俾仔仔，份量都唔少，雞件有5-6件，雞肉嫩滑，加埋薑蓉一齊食仲正，油飯勁香又軟熟，平時唔鍾意食飯嘅仔竟然食咗一大半！我就點咗海鮮喇沙米線🍜($65)，滑滑米線加上滿滿椰香濃郁湯底，仲有豆卜、魷魚、青口、蝦等配菜，又幾好味😋飲品一杯加$8，珍多冰滿滿椰奶香，斑斕粉條幾好咬，龍眼冰有幾粒龍眼肉，味道清甜

XXG難得入到E-max睇戲 終於可以試到上年火熱又bookmark咗嘅小食&啤酒放題泰菜館😂 雖然活動就冇咗 但見到午市套餐都幾抵食👀▪️7.5/10▫️<< 火車頭炒飯 >> $68 配料有扎肉、魷魚絲、蕃茄、芥蘭等 秘製醬汁濃香 炒飯又夠乾身 惹味有鑊氣👅 份量超大碟 餓底必叫▪️7.5/10▫️<< 泰式炒金邊粉 >> $50 份量一樣好足😛 用嫩雞髀肉取代大蝦 金邊粉酸酸甜甜 夾埋花生粒同辣椒碎 夠開胃👍🏻 麵條濕潤 煙韌有咬口 但偏碎～🌿店舖大 以深色做主調 有吊燈同牆草做裝飾 環境具泰國風情🇹🇭🐽總括嚟講 泰國人主理 午市價錢唔貴 大份抵食之餘 味道十分抵讚🤟🏻 特推火車頭炒飯cp值高 跟套餐更可+$8換三色冰、龍眼冰等特飲‼️ 好想食錯過咗嘅啤酒&小食放題🥲

工作需要黎致emax，搞掂d野都成兩三點！！所以就同腦細食埋野先走我地係二樓既食街隨意入左呢間泰式餐廳呢個時段既有lunch set又有tea set我要左一份tea set 既“海南雞飯”HKd$62咁岩個啖啖肉既脾位，正！！！食海南雞又點少得配油飯呢xpp好中意呢度既油飯粒粒分明，雖有油香而不覺油膩腦細就要左午市套餐既“海鮮喇沙湯米線”HKd$65睇落都唔錯啵套餐加上八蚊就可以轉飲泰式特飲，我地分別要左三色冰同珍多冰，香甜帶椰香derrrr（不過略甜），所以怕甜既要記得小甜XDDD

特登過嚟九龍灣展貿睇傢俬同埋裝修，懶得出去再搵所以睇吓有咩好食，行過門口有個好熱情嘅侍應哥哥介紹話呢度嘅海鮮喇沙好好食，同埋個火車頭炒飯都好正，所以就比佢吸引到入咗去坐喇我哋根據佢嘅指引order左一個海鮮喇沙米線同埋一個火車頭扎肉炒飯，再+$8 有杯特飲，一杯椰汁冰同埋一杯珍多冰，椰汁味好濃郁（掛住飲唔記得影相）跟住到我哋好期待嘅海鮮喇沙米線，個湯底好濃郁有椰奶香同埋唔係好辣，除咗有喇沙必備嘅豆卜之外，好足料有兩隻大大隻青口仲有蝦🦐，哥哥仔真係冇介紹錯個炒飯就不過不失正正常常，最正係真係冇加一嘅。

最近見泰國🇹🇭有機會開關，但暫時都未能飛。講講下好掛住 #泰國美食，即時同朋友去 #泰傳奇 食返個午餐先。我選擇 #海鮮喇沙米線 🍜，有青口、蝦🦐、魷魚🦑、雞蛋同豆卜等。喇沙湯底椰香味濃，好在不會辣，連唔食辣嘅我都可以食到☺️。海鮮我鍾意 #青口，大隻又鮮甜，米線不會太淋，分量吾少食完都夠飽。朋友點咗 #泰傳奇海南雞飯，海南雞分量很多，大件又多肉，食落唔韌，配上金黃色 #油飯 🍚味道很香。仲有秘製調味料，更加有 #泰式風味。套餐加$8有特飲，我選擇 #三色冰，裡面有3種顏色的 #馬蹄，食落爽甜，配上椰奶幾特別。仲有 #龍眼冰🍹，有很多 #龍眼肉，清甜又解喝。

📌火車站炒飯(扎肉）$68味道上好岩我口味，唔會太咸或太淡，係九龍城泰國餐廳既味道。即係？即係我覺得廚師可能係泰國人😅📌泰式船麵(配豬頸肉|墨魚丸|改配金邊粉）$50本身要左小辣，個辣唔係好夠。於是加左隔離既配料四寶中既青紅辣椒魚露同辣椒粉，成碗船麵變到好惹味👍🏻咁岩係下午茶時段，全部餐點都有配飲品Tim，都幾抵食架。

早兩日有嘢做所以去咗一轉九龍灣，好懶唔想行到咁遠所以就去咗呢間泰國店食下午茶。呢間舖頭嘅下午茶餐都幾抵食，最平40幾蚊就已經有一碗泰式粉面連埋一杯嘢飲，CP值都幾高，至於質素係點？我哋一齊睇落去啦！我今日叫咗個船麵配珍多冰，我朋友就叫咗個泰式炒河，配龍眼冰。個泰式船麵係用檬粉做底，面嘅質地唔會太淋，佢嘅湯底酸酸甜甜都幾開胃開胃，中間會滲出少少嘅辣味，炸豬扒都有香茅味，炸豬皮卜卜脆浸落啲湯度都唔錯㗎。至於泰式炒河就有微微嘅甜味，配料都好地有配上泰國平時食嘅配料，佢嘅豆乾好香脆，配上河粉都唔錯㗎，總括嚟講呢間餐廳嘅CP值都唔錯，如果喺附近經過嘅話都可以一試。