泰國人海南雞 (弼街) (已結業)

只因有胡慧沖作生招牌，怎也得試試這裏的海南雞飯。不知是否肚餓關係，加上份量不多，很快便吃光這碟海南雞飯。雞算滑，那碟紅色辣醬汁雖不及其他泰國舖香，也還可以。可惜老公試的什錦撈金邊粉加了大量豉油，太咸了﹗相反什肉丸和什肉則很淡。原本那幼幼的粉應很好吃，都給糟蹋了﹗吃了幾口還發現牛肉帶血紅色，明顯未熟，立刻叫老板換了。奇怪的是，那天是星期六下午，但也有午餐供應，$38一碟海南雞飯送飲料，我們揀了青檸梳打，很解渴，算抵食。但包括我在內，很多食客都詢問有沒有散叫的餐牌，其實是想叫一、兩款小吃。我們叫了蝦餅，水準OK。四塊只售罄$38。即使食評彈到佢暈，依然人山人海。

我嗜辣,加上近日潮濕,一進去便問waiter邊款咖哩較辣。他介紹青咖哩較辣:1.色:色澤吸引,當中有青豆、雞柳和茄子,也有香葉點綴2.香:看上去淺蘋果綠,又稀稀地,以為無料到,但確實幾香。3.味:味道不錯,撈飯一流,就是不夠辣,可以說根本不辣。整體都唔錯呀,我見座無虛席,幾乎個個點海南雞飯,當時有d後悔無點,但看到本站樓下的食評後,就覺得青咖哩好d,加上該店有一位泰藉人士在烹調,感覺上可靠d。最好的一點是不加一。

上個禮拜去咗食下午茶, 啱啱開o個陣試過D炸蝦餅, 好好食, 好彈牙, 好脆, 但上個禮拜再去食, 唔得喎, 無咁彈牙不得止, 仲有少少腥味, no good, 但個海南雞飯D飯就好咗, 無咁硬, 好食咗, 總括嚟講, 係差咗囉~有D失望!!

上星期食完, 叫左青咖哩及海南雞飯, d青咖哩都幾香, 但海南雞飯好不知所謂,又唔滑, 又冇味,份量又少, 以後唔會再食!!!

點解開到通街都係,係咩飲食集團?泰式海南雞飯--細細碟,味道OK喎泰式炸蝦餅--熱辣辣,大大件,蝦餅彈牙有鮮味道鹵水鴨金邊粉--湯底唔夠香,鴨肉一般

星期日中午，與babe來試試這間最近周圍都見到的餐廳要了海南雞飯($38) - 雞幾滑，幾有雞味，好過好時沙爹的雞，不過比較少，個sauce幾好味，油飯味道較淡，不夠香，碗湯熱d會更好，整體不俗雞絲湯金邊粉($28)d雞很大塊，像手撕雞，幾滑，不過跟湯底一樣都很淡環境不太好，地下不太清潔，很擠迫，又要搭檯但如果在mk想吃海南雞，都可以再來的。

貴，但又唔係特別好食，如果唔係胡x中，我都唔會去食。嘩﹗唔好話service喇，態度差到死....仲有，好dirty，d位又坐得好唔舒服

尋日行過....見佢冇乜人就入去la....因為佢平時好多人架><入到去....同個fd叫左個芒果糯米飯同木瓜沙律...個木瓜沙律叫個陣佢問我地辣地唔辣@@..((心諗沙律有辣架咩XD))最後都係唔辣.....個木瓜沙律黎先....個賣相都OK....食落都唔錯.......之後個芒果糯米飯先黎......D糯米飯都幾香....不過D芒果好酸=.=同個waiter講.....佢好好人咁換比我地^^食完成餐都覺ok呀.....不過我未試佢個海南雞飯.....見你地講有好有唔好....唔知試唔試好XD下次有機會都會去食過^^

環境一般!服務一般!出品更加一般!但是價格卻不一般!慕名而來,以為就算沒有非常驚艷,也應該不會太離譜.所以點了個"失望海南雞飯",一個"無水準鹵水鴨金邊湯粉"再加一個"死咸不香青木瓜絲沙律"."失望海南雞飯":肉不滑,也不嫩,沒什么雞味.雞飯雖然不油膩,但是也不香.例湯不熱,味道也一般.唯一還OK的是辣椒醬.$38一客,超不值."無水準鹵水鴨金邊湯粉":湯不熱,金邊粉不夠滑,鹵水鴨一般,吃起來實在是全無感覺可言,唯一的功能是能填飽肚子.$28一碗,認真不值."死咸不香青木瓜絲沙律:得個咸,沒有青檸及其他香料的香味,一點都不正宗.$35一客,超級不值,打死我好過~~!!另外一提:我想叫半打串燒試看看,牛同豬同價,問服務員是否能雙拼,他用非常高傲的態度回覆:唔得!,結果我就不想點了.我很納悶,這樣雙拼,他會虧大本咩?真系不會做生意!

夜晚８點幾同男朋友搵野食！！見到(泰國人海南雞)見個名ok就走入去!!間店好迫!!不過d店員都幾有禮貌!!一坐底就叫海南雞飯+冬陰公(細)個湯一黎到個樣都ok!!都大碗..兩個都夠飲!!點知一飲!!個湯超咸...未飲過d冬陰公係咸既!!頂唔順叫個待應換過啦..佢地都無乜野即換..仲問我地o唔ok..第二碗終於無咁咸...不過都唔好飲架la.飲左一半無飲..=.=個飯有雞味!!不過凍哂..d雞都係凍哂...仲加送清湯不過味道過得去啦!!成餐飯都以為好好食!!下次唔會再去la

上幾次經過時，見到好多人。那天得登走來試0下。餐廳不大，座椅沒有椅背，坐得有點辛苦，不過為求一試0甘多人排隊食既海南雞飯，唯有張就一0下。雞都不是太有雞味，其他的不在話下。而且，有很多樣食品都無。例如，菜就只有生菜（雖然餐牌上有好幾種choices），啤酒也沒有，旁邊台食客嘗試點0羊dish (forgot its name)，也沒有。。。試了一次，也沒有再幫親了。

點了招牌菜海南雞飯，飯生米，很油，量太少，不夠飽，雞肉不算嫩滑，跟一般的白切雞差不多，夥計的態度差，叫飲品時，叫個樣無個樣，仲話可以唔要，因為是送的咁話，差的想起身走人，更令人不舒服的是門口的大頭相，有點令人不開胃，以為舖裡面人多一定有水準，點知呢個世界人云亦云的人真的不少，我很天真很儍，但此後會長大了。

近期呢間舖都算出名,因為全港急然多左好多佢地既分店!上次食過覺得管理不善,今次去睇吓會唔會有進步..我於是就去幫襯多次海南雞飯!味道比上次有少少進步,但係d飯都係偏淡,雞肉反而滑,點雞既醬都開胃!但係始終人事既問題依舊,服務依然一文不值,人在等位但有位兩班人同時要坐,又無人解決到問題...希望加以改善啦!

一下子開好多分店, 多到有點兒嚇人.新年前已經入過去想試, 但店內情況極度混亂, 見其他人客d單又錯晒, 我坐低又無人招呼咁, 最終頂唔順走!新年後再, 店內情況依然混亂, 但比新年前叫做好, 所以成功叫海南雞飯同埋酸辣鳯爪.海南雞飯, 份量好細, 尤其是d雞, 得兩三件雞, 味道就可以啦. 飯一樣少, 其實真係唔多夠飽, 而價錢又唔係平wo. 用海南雞做招牌, 但又唔係好出色...

打正旗號sell海南雞飯, 但只有兩個字--- 超差!!!飯- 可以話係白飯, 無味雞- 只有4件雞胸肉, 無味而且"hi"口價錢- 差唔多$40, 去大家樂食個白切雞飯仲好食過佢! 不知所謂另外仲叫左左個冬陰功金邊粉, 極其量只係一碗湯加辣油, 完全無冬陰既味道!!!! 咩黎架??!!!!唔怪鬼佢呢間鋪無裝修, 可能只係"hit and run", 睇佢幾時執! 見隔離台既人客都係度投訴唔好食...唔該老闆檢討下啦!!個侍應仲話個廚師係泰國人...so what? 唔係個個泰國人都識煮野食架!!!(如果食評有負分我一定係比負分!! they deserve it!)