泰太廚房

營業中

休息中

一直都係依間泰國菜嘅忠實粉絲知道佢哋有新嘅菜式必須嚟試吓🥰咁當然我每次嚟到必要嘅一定係生蝦🦐一定新鮮、一定夠凍、汁又香😋真係一個人都食得晒❤️今次試咗佢哋嘅新菜式冬陰功鱸魚👏🏻👏🏻因為我哋今日兩個人嚟食，又唔夠膽叫咁多嘢本身想叫冬陰功飲，但係又怕太飽，因為又要飲酒，所以就淨係叫咗依個魚估佢唔到咁大兜冬陰功湯🫢🫢🫢真係一石二鳥👍🏻👍🏻👍🏻又有湯飲又有魚食，仲有🍄同菜仲有好多香料檸檬葉咁樣超香超甜超正直程想叫個白飯撈嚟食咁嚟到一定要識炭燒嘢啦今日揀咗個豬頸肉，一定好食㗎，佢啲炭燒唔會唔好食叫多個飛天通菜有啲塞始終健康啲其實我哋兩個女仔已經好飽，不過都係叫多份串燒冇辦法㗎，見到隔離食得咁香自己都想食食唔晒咪打包囉其實氣炸鍋飯都好好食，但係其實我都食晒先走🤣🤣🤣佢好似仲有其他新嘢，好似火山骨、冬陰功pizza、紅咖喱魷魚蝦球等等登登我都唔記得啦食完今晚已經約緊朋友食吓一餐🤣啲嘢咁大碟我都食得晒，睇來我對好食嘅嘢係冇抵抗力💪🏻💪🏻💪🏻

公司有提供渡假屋玩，就當然要試下，係疫情之後先開放比大家玩😎 今次揀左大美督的渡假屋，抽中左頂樓個層，開心🥳走上天台BBQ都好方便😎第二日既早晨，就係附近找找有咩餐廳，見到間環境幾好既,好有泰國風味，出面仲可以泊車👍👍 而且天氣又唔係好熱唔太凍，好適合坐戶外chill😎因為係我地既早餐所以叫既野又唔可以太過辣😂所以就無叫冬蔭公湯，叫左個椰子雞湯，好好味呀，好補暖☺️咖哩泰國菜係必叫喔，佢地唔會太咸，好啱我口味😋野飲方面原本好想叫佢的泰式奶菜，點知佢話暫時無得供應🥹 唯有叫個泰式咖啡，都好好飲👍連我唔飲開咖啡都鍾意飲，另一杯想試下佢個薄荷味咖啡☕️要提提大家唔好點，好伏，佢既薄荷糖漿好甜😫其他所有都好好

食過呢間鋪好幾次，今日又黎食試吓個燒乳豬，一早訂咗枱留咗半隻乳豬，我哋四個人基本上都食唔晒。我哋留咗6:30叫完嘢剛好燒起乳豬，即場炭燒，叫左職員起咁D肥膏，皮好脆；唔同中式個D，肉好入味，點埋酸辣汁食真係好正！跟住黎左個咖喱蟹肉麵包，幫我哋切開源之後叫我哋Lo多啲汁食，成個包都係淡淡蟹肉，呢個包好滿足，跟住仲叫咗炭燒豬頸肉，又係非常惹味，馬拉盞炒雜菜及蒜蓉包，都係不過不失，埋單每人250都信理，天氣涼涼地坐室外幾好環境

公司食飯，老細問有咩好推介，最近食過泰太廚房都覺得相當唔錯，於是推介呢度。一早已經訂咗燒乳豬，上次我都食唔到，因為冇預訂。今次終於有得試吓開頭嚟咗燒乳豬，真係同我平時食中式既唔同，即場炭燒，好香，味道好濃郁，小小肥。咖喱大蝦，好大兜，蝦好多又多汁送飯一流。之後仲叫咗冬陰功湯，柚子沙律，泰式生菜包都係正常野，之後仲叫咗個咖喱包蟹，職員幫我哋切開，香味湧哂出來，仲有個炭燒豬頸肉同埋沙嗲串燒，都好香炭燒味，食物仍然保持到唔錯。

初三訂咗台食團年飯，預留咗生蝦刺身同一隻蟹，我哋四個準時到就有位坐，我哋叫咗生蝦刺身，炭燒鱔片，粉絲蟹煲，燒羊架，咖喱炒大蝦。首先嚟咗個粉絲蟹煲，因為我哋又食咖喱大蝦，所以職員推介隻蟹不如轉粉絲煲，隻蟹好大隻粉絲索晒汁非常好味，嗰煲勁多香料。生蝦職員話因為訂咗，所以比多四隻，食得出好新鮮（其實一望就知）。燒羊架同埋燒鱔片係職場炭燒，一上枱勁香炭燒被擁晒出嚟。仲有個咖喱大蝦嚟到勁大煲送飯送蒜蓉包就一流，不過當日蒜蓉包賣晒，薄餅又賣晒，唯有送白飯食。

年初二團年飯，一早訂咗太太廚房食飯，一共14人，留咗7:00室內，仲訂咗乳豬。雖然個場好爆，但係上菜速度都好快，但係侍應有啲混亂，好似全部都係新手，唔係好熟架步。先講食物，頭盤生蝦刺身，幾新鮮唔錯，有兩隻汁醬俾你揀。跟住就嚟咗燒乳豬，即場炭燒，皮脆多汁。跟住叫咗椰菜苗，炒貴刁，炒肉碎，仲有好多。由於太快食晒，所以都冇咩點影相，食物質素都算中上，唯獨係侍應有點混亂，好彩都好好禮貌。新年價錢都冇特別收費。不過下次都係唔好呢啲日子過嚟。

年初二晚食飯，今日12點幾打黎book枱，已經冇得留燒豬。食飯冇影相，因為食到好嬲。 要咩冇咩。落單個陣咩都就話有，等左成個鐘，催佢先話冇。燒雞冇，椰青冇，通菜冇，大蜆冇，魷魚冇。服務冇。d野食哂要自己收碟，因為冇人收。

聽朋友講好多次話呢度嘅泰國菜好正，而且在室外位置真係同泰國一模一樣，終於有機會同屋企人嚟試下。我哋四個人訂咗半隻燒豬，$500，準時7:00去到坐低叫嘢食就即刻有得食，門外燒烤吧，即場炭燒，皮脆肉嫩，職員話泰國街邊都有得食，我真係未見過，不過呢隻乳豬真係值得推介。另外咖喱蟹肉包，職員好細心幫我地開埋，好creamy 淡淡蟹肉，咖喱唔辣，岩哂家人食。沙爹燒雞肉串，即場炭燒，熱辣辣，非常美味。建議訂台坐室內位置，真係好有泰國風味。

今日又入大美督玩，去過食呢間泰國餐廳食飯都好幾次，天氣秋涼，坐室外好舒服，同埋家人喜歡呢度既環境。特別推介呢度咖喱炒蟹，預台時職員會問要唔要留，佢地自稱每日新鮮入貨，所以要訂。隻蟹真係非常靚，肉蟹，價錢合理啦，好大盤咖喱汁，好濃椰香味。燒白鱔，即場炭燒，味道新鮮其實仲叫左生蝦刺身，菜，炒飯，沙律，但係全部都影唔切相但呢間餐廳入到門口已感受到泰國氣氛，當晚都非常人多，職員們都有點忙，見議先打電話訂座。

今日同女朋友踩單車，由沙田市中心踩到去大尾篤，嚟到呢間泰太廚房。我冇Book枱，咁我同女朋友都有耐心等位，等咗一陣就入坐。 好戲在後頭，我同我女朋友揀好食咩之後，就叫咗芒果椰汁冰，菠蘿海鮮炒飯，一個金邊粉，同埋一個小食拼盆。 因為佢水吧同廚房係分開，先嚟咗一杯芒果椰汁冰，之後就係慢長而且離哂大譜嘅等待。😡😡😡 我同我女朋友，由6:30叫咁食咩，一直等一直等，我親眼睇住比我地遲入嚟嘅一對情侶，同埋另一張6人枱嘅客，佢地叫嘅嘢都嚟到，我足足等咗一個鐘頭，問咗2次我地叫嘢食物嚟到未，都一碟食物都未嚟過，第2次問佢，仲要同我講，個小食併盤有D嘢冇，所以整唔到。🤬🤬🤬 不知所謂，頭先第一次問佢佢又冇出聲，而家先話冇，即刻攞袋走人，埋咗杯嘢飲嘅錢就即刻走。🤬🤬🤬

✨月亮蝦餅✨綠咖哩雞肉✨蝦醬空心菜✨泰北傳統香茅炸雞翅泰太廚房泰好吃😋😋😋十月吃的，餐廳的服務人員好像有些是泰國人裝潢加上擺設的照片，氣氛也都蠻有泰國感口味上還是有調整沒有100%泰，但至少有80%泰不能出國的時候，是很能解饞的好地方雞翅激推！！我應該可以自己吃掉一盤😋其他料理也都好吃，無雷，隨意點都讚👍👍👍(食記越來越簡略了XDDD)泰式蒜香鸡扒#泰式料理 #泰式 #蒜 #酸柑 #鸡扒 

一行8人慶祝生日，份量夠，味道非常好，正宗泰菜，門口可以泊車，非常方便，特別推介大蝦粉絲煲，應該選用虎蝦，偏大隻，其他食物都好好食，員工服務態度好，唯獨缺點價錢偏貴

放假無無聊聊帶兩位公主入左去大尾督消磨時間！行下玩下又到食飯時間，最後係附近搵左間好有泰國風情的餐廳「泰太廚房」「泰太廚房」環境舒適，門口有車位可以泊車，行入餐廳，門口有架篤篤車，好似即刻帶我去做泰國一樣！餐廳分左室內同室外，不過夏天甘熱就選室內會舒服d,如果天氣涼翻d選室外肯定好似身處泰國一樣☀️🏝🏖「泰式魚露生蝦」推車擺設賣相好吸睛，一份有8隻，生蝦啖啖肉夠大隻且爽口彈牙，個泰式辣汁好好味（不過就辣左少少）好傳統配左生蒜片，辣椒同苦瓜一齊食，味道更上一層樓「醃豬肉碎沙律（生菜包）」惹味辛辣的豬肉碎包入爽脆的生菜，讓人食指大動「馳名冬陰公湯」酸酸辣辣的湯配上大大隻的大頭蝦🦐🦐， 個湯就偏咸左d,味道都還算唔錯「泰太咖哩蟹肉焗麵包」一上到黎，個店員就會幫手切開，個麵包表面焗到脆卜卜，入面裝住香濃的咖哩蟹肉，咖哩汁偏甜d汁索曬落個包到，真係好好味吖，小朋友都食lam lam 脷，尼個真係值得推介😋😋「新鮮菠蘿海鮮炒飯」炒飯分量好大，味道都好好！最好食還是佢的燒新鮮菠蘿🍍，真係又甜又多汁

Book了洞梓度假屋，估唔到橫風橫雨。3點先入住，仲有一位朋友未到。我哋先去大尾篤搵食。餐廳門口有幾個停車位，方便我們泊🚘，由於天雨加上平日的關係，餐廳空無一人。門口有篤篤車的擺設，增加泰式風情。餐廳分有室內及室外位置，天氣惡劣，我哋選擇喺室內食。先上一個冬蔭功🥣，都好大鍋，用了很多香料，味道都幾辣，裏面有好多隻大頭蝦🦐，好新鮮，肉質彈牙。👍👍蜜汁燒鱔：肉質好爽脆，燒🔥得恰到好處，10分肥美。👍👍👍椰菜苗炒豬肉：同出邊泰式餐廳食到分別不大，正正常常。泰式小食拼盤：單骨雞翼，蟹鉗、春卷、蝦餅，大堆頭，好香口👍泰式菠蘿海鮮炒飯：好大碟，亦好好味。有3款海鮮，最好食係啲燒菠蘿，鮮甜多汁。👍👍👍埋單$983，價錢合理，有機會會再幫襯。

星期六日記得要卜位先好去，佢室內位置不多，夏天要坐室外要好有勇氣😂門外有小量泊車位。六人行叫左7樣野食同小小野飲。泰式小食拼盆-$218(4.5/5)，7樣野食中最好食係佢，如果多人黎都幾推薦試下，每樣小食都好食，炸物炸得好鬆脆，全部都勁熱辣辣，脆卜卜。醃無骨鳳爪-$108(3.5/5)酸酸辣辣好開胃，同一碟有某幾隻勁辣，可能醃得耐，鳳爪偏細隻，同份量都唔多，$108黎講有小小唔值。炭燒沙爹雞肉-$128(3/5)完。全。無。炭。燒。味。當佢普通沙嗲雞肉串係正常既，係無炭燒味覺得有啲可惜。泰太咖喱蟹肉焗麵包（小霸王）-$178(4/5)佢唔算好重蟹味，係口腔入面咬耐啲先會搵到蟹味，佢個包吸哂啲汁，打開已經唔係液態既咖哩，係偏稠。佢唔算係好辣既咖哩，配包係幾好食。馬拉盞炒通菜-$118(4/5)炒得幾香，幾有鑊氣，小小辣。新鮮菠蘿海鮮炒飯-$148(3/5)不過不失，海鮮有小小魷魚同兩三隻蝦，菠蘿無乜烤過既味道，同就咁食既新鮮菠蘿一樣味。泰式蛋網炒貴刁-$148(3.5/5)個賣相幾吸引既，有辣椒粉，糖同花生碎係旁邊比你自己撈。份量都夠。總結:佢食物質素無乜令人驚喜，但絕對合格既，味道正