泰太廚房

營業中

休息中

咁岩黎到大尾督 就一於試下呢間泰太廚房臨時打去book位 得返室外 室内無位 諗住都唔會太熱啦一去到 其實環境唔錯 好開陽 望住d山~ 樹~ 好似去左泰國咁🌴不過夏天坐室外 實太熱啦🔥而且仲有d昆蟲仔 如果大家想食/怕熱 記得提前book室内位(小編冰水都叫左好多杯🧊，飲水都飽)講下佢d食物啦 點左咖喱蟹肉焗麵包、特式蟹肉炒飯、燒牛仔骨價錢都幾貴 差唔多樣樣野都係過100~200~😖 而且味道一般 九龍城d泰國餐廳好食好多🤨👉🏻咖喱蟹肉焗麵包店員會即場 幫你切開 咖喱蟹肉分量唔多~ 咖喱偏甜 咖喱汁索曬落塊麵包 麵包都唔係好好食 得個頂係有脆皮 擺耐左 仲會淋曬~ 麻麻地~  👉🏻特式蟹肉炒飯蟹肉都算比得多 炒得乾身 不過味道就唔係好突出 無咩特別👉🏻燒牛仔骨隔離比個左泰式辣醬 辣辣地好開胃但本身個牛仔骨 無咩味 唔夠惹味~ 肉質都嫩ge📝性價比唔高，味道一般，唔推介😐😐不過室外影相幾有feel

大尾督泰太廚房必飲冬陰功湯酸辣十分開胃😋馳名咖喱大蟹焗包上台時會當面幫你切開，仲會細心問你是否需要影相特色海鮮菠蘿炒飯粒粒金黃色，調味不錯仲有車仔造型爽口泰式生蝦😆超可愛值得過來一試呢！

行完山之後落到大美督 一見到泰國菜🇹🇭 就即刻衝左入去💨💨心諗泰國野都唔會泰差既😆 呢間幾好喎😋如果你有煮開飯 就知落多啲油 嘢食會好味啲唉呀 望返張相呢個冬陰功湯河真係好油😨不過真係好好味。夠酸夠辣夠熱 其他嘢食即刻比下去可能行完山又肚餓 所有野食都加哂分🤭

之前大食妹同朋友去左大埔玩, 晏晝食咗呢間好好食嘅泰太廚房, 同大家分享一下<泰太招牌炒飯>泰太招牌炒飯係泰太廚房嘅招牌菜式米飯炒得粒粒分明, 裏面混合左海鮮同炒蛋, 簡單又好食仲有脆卜卜嘅蝦片做伴碟<泰式炭燒鱔片>炭燒鱔片非常肥美, 入口有陣香濃嘅炭燒味, 油脂入口即化, 肥而不膩<泰式燒雞>燒雞同樣好出色, 用香茅調味嘅燒雞味道甜甜地, 外皮又薄又脆, 雞肉都好嫩<泰太咖喱蟹肉焗麵包>仲有啲特別嘅泰國菜, 好似係咖喱蟹肉焗麵包可惜嗰日麵包缺貨, 改咗做油酥餅, 如果唔係應該會更好食咖喱蟹肉椰香十足<醃燒豬頸肉沙律>本身諗住食個酸酸辣辣嘅豬頸肉沙律, 點知泰太廚房嘅沙律裏面都係洋蔥同葱, 都係一啲大食妹唔食嘅嘢<椰汁雞湯>最後仲飲咗佢個暖笠笠嘅椰汁雞湯泰太嘅椰汁雞湯味道酸酸地好開胃

成日都去食大尾督的泰國菜，去親都係單車埔對面果幾間，今次試下遠少少的泰太廚房，講下個環境，可以選擇坐室內或室外，由於呢幾日唔熱，所以我地選擇左室外，由於唔太多車，在涼風輕送的環境下吹水、食野格外好味。今次我哋食咗9個餸，樣樣都好好食，不過呢兩個餸最令我深刻印象，原因係：隻蝦真係好大隻，初頭以為係龍蝦，但睇真啲係大頭蝦，真係好搶眼。 而另一個海鮮咖哩麵包，外皮脆、包肉鬆軟，而且個主力咖哩香甜，唔係得個辣字。餐廳共有6個車位，如果要泊車真係要早啲到，如果唔係就要泊去大尾督錶位。

去大尾篤放風箏，搵左間泰國餐廳，份量大大份，味道就普普通通，但係全部都新鮮熱辣上枱，叫左菠蘿炒飯、炒貴刁、豬頸肉同沙嗲串燒。菠蘿炒飯好足料，用左新鮮菠蘿，不過唔甜😂有海鮮包括魷魚、青口，醬汁有啲怪。海鮮唔係同炒飯一齊炒所以有啲凍。炒貴刁好似好正宗，有埋白砂糖，香口既腰果，整體好感好夾味道唔錯。厚切豬頸肉.....太厚了,都係薄切好食D至於串燒可以雞豬各一半，大大件，等於人哋兩份😂不過沙嗲汁唔夠濃味，有進步既空間。是日天氣幾舒服，環境舒適，坐餐廳都唔覺得熱

平時喺市區食得太多，今日入去大美督試下，去到門面見到幾靚入去試吓，平日都多人原來要book枱，我都門口覆我左問我有冇訂台， 不過佢都有位，打開Menu都好豐富，最後叫左豬頸肉，因為見到門口人炭燒，的確非常惹味，肉汁非常豐富，咁啱佢有半隻乳豬叫我哋試吓話係招牌菜就試吓啦，剛剛燒起皮脆肉嫩，叫咗個咖喱包蟹肉，真係淡淡蟹肉，仲叫多左個蒜容包同白飯撈黎食，叫多個菜就完結埋單1000$有找，環境非常好，熱鬧得黎又有點寧靜，而家涼涼地又幾好，下次可以多d人黎試下。

今日朋友揸電單車入大埔遊車河，見到間泰國嘢就走入去試吓啦。我哋三個人食，叫咗一份雞肉咖喱，雞肉串燒，薄餅，炒通菜，仲有個炒粉。所有菜式賣相好好，薄餅配嗰個咖喱好夾。仲每人嗌多咗杯嘢飲。整體來講唔錯，環境氣氛都好好。

知道龍尾泳灘開左，專程入大尾督食泰國菜，九龍城就食得多，今日星期六超多人，塞車都塞好耐又冇位泊車，本身訂枱今晚食飯，打去餐廳問可唔可以泊車先，佢話要四點後先可以泊，我地都差唔多時間在大埔食碗麵就入去，講返餐飯先，之前留左半隻燒豬同咖喱炒蟹。先講燒乳豬皮脆肉亂，多汁惹味，400$半隻非常抵食，名副其實招牌菜。咖喱炒蟹，因為餐廳話即日新鮮預貨，所以要留定，當日係斤幾重肉蟹，售價500$，都係好抵食，咖哩非常香清，充滿椰香味，撈飯撈蒜蓉包確實一流。另外燒鱔沙爹串燒全部炭燒，真是美味！串燒更加是淡淡肉，雞肉特別嫩滑。當日太熱頂唔順坐室內，冷氣強勁，不過如果室外都有冷氣就好， 因為出邊環境較好。

今日一家四口去大尾篤踩單車，夜晚卜左泰太廚房晚飯，先頭訂左半隻乳豬，原來生蝦都要訂，待應仲話電話問過我需唔需要訂？我聽唔到卜左6:30 去到都好多人好彩訂左，天氣有d焗好彩都叫有把風扇仔唔算好熱，特別要講係個炭燒豬仔真係好正，個皮脆到食薯片咁，因為我同我成家人都未食過泰式燒豬都覺得好特別，另外仲有個咖哩蟹包唔洗拆殼，淡淡咖哩蟹肉，呢個又係好好味，生蝦刺身好特別用成架車上，爽口新鮮，唔怪得要訂（不過我無訂都有，哈哈），另外叫左豬頸肉，辣椒炒魷魚，蒜蓉包同個菜，樣樣都中上味道，埋單1200元，差唔多啦，食完出去行陣沙灘都幾舒服，因為我本身住香港區，特登入黎食，好彩無失望。

突然之間好想食咖喱同埋薄餅就上網睇吓邊度有、環境又舒服嘅，然後男朋友就搵到 話大埔呢度有好多泰菜，原本打算去附近另一間泰國菜的，但係去到門口嘅時候我發現，我以前有去過嗰間而且覺得麻麻地...所以就喺附近睇吓食邊一間，係唔係好遠嘅地方見到好大個招牌”泰太”，我馬上就決定要去呢一間了，因為佢環境睇落去唔錯，有outdoor嘅枱，而且我隱約記得以前睇過網上食評話呢間係好好食嘅，環境真係唔錯而且揸車嘅話可以泊喺門口，黃咖喱雞 $148一坐低就馬上叫咗我最想食嘅咖喱雞同埋薄餅，個咖喱整得幾好食，不過我個人覺得可以再辣少少🤏🏻，個薄餅其實都算好食，但就好似落多咗粉黏咗少少🤏🏻，但其實都好味嘅呢個豬頸肉($128)超好食，夠juicy 又軟熟，必食推介👍🏻馬拉盞炒椰菜苗 $118 ，呢個都正常好食😋辣肉碎炒飯 $128, 呢個炒飯都唔錯乾濕合適生蝦 $168呢一個係我唯一覺得唔好食嘅，首先嗰啲蝦好似擺咗喺度好耐咁，唔知係咪因為佢離開啲冰好遠，食嘅時候佢係室溫個感覺就好似飲唔凍嘅啤酒咁，怪怪的🙂見到佢門口喺度燒緊乳豬仔，可惜我哋得兩個人食唔到，問咗侍應佢話乳豬需要預訂好似八百幾蚊一隻，希望下次多啲人可

3月時份去大尾篤玩，由於限聚令啲關係，所以決定買外賣，5個人宵夜，輕食。叫咗木瓜沙律 只能算正常，啲木瓜好林、偏甜半打沙嗲 啲豬肉好嚡，難食泰式皮蛋 最正常嘅一個餸飛天通菜 好似烚菜、梅梅咁，一啲都唔似炒出嚟由落單到做好外賣，足足五十分鐘，當天非假期，舖頭人流不高😕，全單5佰蚊服務員比完食物我哋立即就想走，都唔等我哋睇下食物齊唔齊，當我地發覺冇比餐具，咁我地要求5套餐具，我哋等左十分鐘之後先拎到餐具比我哋，好奇怪點解要咁耐🤔食物拎返去住既地方大約15分鐘，大家食後感不值，原來去到偏遠地區，價格高都冇合理回報😔

Last Sunday our family had a great dinner in there. It was my second visit within 3 months. A cosy and intimate restaurant with fabulous food!May seem a bit pricy but well worth every penny. Highly recommend this restaurant to all Thai Food Lovers!

難得有一天假，梗係要chill一chill佢啦!踩單車嚟大美督嘅人都唔會對呢間野陌生，踩到盡頭就會見到呢一間泰國菜！天氣涼得來有少少，熱飲完杯啤酒再踩上堤壩繼續旅程❤️

今日同老婆呢間野再食 之前食過3次 一向覺得金毛個侍應5多應人又寸嘴又黑面！好似我係打佢工咁 不過老婆話比多一次呢間野最後機會於是入去啦 現埸已經只有3成入座率 心諗⋯⋯會唔會伏咗？坐低叫個金毛侍應 佢又黑口黑面埋嚟 於是我叫了以下5味菜式：冬陰功（細），馬拉盞通菜，咖喱面包蟹，豬頸肉，蝦醬炒飯⋯⋯隔15分鐘後所有食物到齊！學食神話齋～冬陰功得過辣字 又唔夠熱 失敗，蝦醬炒飯冇蝦醬味 失敗，咖喱面包蟹竟然係甜？失敗中失敗！！其他2味回格的士 不過價錢真係5值收呢個價 下次我會去番忠誠泰國菜！以後唔會再去泰太廚房的！