泰好記

營業中

休息中

原先想去一間旺角樓上舖食串燒，點知去到先發覺執咗，但旺角通菜街一向出名多美食，好快我就搵到另外一些我想食嘅嘢喇。泰好記 THAI HO KEE📍旺角通菜街75-77號🐮醉邁牛腩 $62個名吸引咗我，於是就點選。牛腩第一眼望落肉好乾好瘦，但點知口感軟腍帶點辣味，配埋白飯，直頭係絕配😋飲品就加咗 $8叫咗一杯特飲~芒果沙冰，🥭芒果沙冰應該用左新鮮芒果去整，芒果味好濃，夏天消暑一流！加咗 $12叫咗小食~泰式炸蝦餅，蝦餅外酥裡嫩，口感彈牙，蝦味鮮濃，配埋泰式辣醬酸甜醒胃，一人份量剛好。呢間位於旺角通菜街的平民泰式料理，有驚喜而且選擇很多，有泰式小食、肉類、海鮮、炒粉麵飯、燒烤及泰式甜品等，款式一應俱全而且價錢非常親民。#香港 #美食 #小店 #旺角 #泰國菜 #foodie

行經女人街，每次兩旁都見到好多吸引嘅餐廳。今次就揀咗呢間由泰國人主理嘅泰菜，餐廳環境寬敞舒適，幾適合一班人聚會🙌🏻🐽燒豬頸肉炭燒豬頸肉嗰邊燒到少少脆，但仍然保留到豬肉口感嫩滑👍🏻配埋個泰式Sauce，超級開胃！🥘咖哩炒大蜆 (配蒜蓉包)咖喱味超濃郁，大蜆肥美兼份量十足！一粒沙都冇，超級推薦！我仲叫多咗份蒜蓉包送汁😝正！🦐燒蝦泰式蛋包金邊粉食泰菜必叫金邊粉，呢間嘅金邊粉上面鋪咗一層薄薄嘅蛋皮，仲有大蝦襯托，賣相吸引！配以大量花生碎、芽菜，炒得相當入味😋開頭覺得自己叫得太多嘢食，但每樣嘢都比想像中出色，最後竟然清晒😆🙌🏻

女人街不嬲都多嘢食，有時諗唔到食咩就會亂入一間，今次去咗一間都幾抵食嘅泰國嘢，個名仲係食字，叫做泰好記😂嘢食嘅選擇都相當多，基本嘅泰國嘢都有齊。叫咗10次有九次我都食嘅香葉肉碎煎蛋飯，肉碎炒得好香，而且非常之夠味，唔錯！另外仲有馬拉盞炒通菜，非常大兜，而且好夠鑊氣，好有泰式風味👍🏻而紅咖喱牛肉亦都好足料，除咗肥牛之外，亦都有茄子、四季豆等等，非常惹味！另外叫咗一份蒜蓉包，蒜蓉包都焗得好香脆，而且搽得夠多蒜蓉牛油，夠香！嘢飲就叫咗食泰國嘢必飲嘅珍多冰同椰青，非常之解暑！

地方寬闊，多卡位，泰式裝潢，播住泰文歌，夠哂地道！Lunch set選擇多，而且價錢非常親民！👉🏻黃咖哩牛肋粒飯 牛肋粒份量多，軟嫩又唔鞋，配濃郁嘅黃咖哩，咖哩嘅香氣撈白飯一流！👉🏻蟹肉炒飯好多蟹肉鋪面，炒飯唔會好油膩，粒粒分明入味！加$12有小食👉🏻炸蝦餅切開共四小件，金黃酥脆，配泰式甜辣醬提升風味！👉🏻串燒豬肉雞肉各一串，調味適中，配沙嗲醬一齊食更惹味！👉🏻椰汁雞湯湯底濃郁，入口滑順，有好多雞肉同菇，兩個人飲都分到好多碗！👉🏻泰式燒魷魚成條燒魷魚，好鮮，咬口好彈牙爽口，炭燒微焦風味更香口！👉🏻泰式凍奶茶茶香濃郁，奶茶醇厚！👉🏻泰式凍咖啡咖啡香，口感順滑！

泰好記 (旺角).▪️二人套餐$399▪️.叫左個比較貴少少嘅二人套餐包曬前菜小菜小食甜品先來個燒豬頸肉沙律🥗 都係燒豬頸肉片多.湯方面由於屋企人都唔好辣所以揀左椰子雞湯，有少少酸酸哋應該係青檸飲落都有泰式嘅感覺.主菜方面，佢包括黃咖喱雜菜配蒜蓉包，蒜蓉包唔使點汁已經好有味另外仲包個細嘅小食拼盤，入面有魚餅蝦餅等，配上泰式辣醬夠香口！.由於二人套餐仲會送埋甜品同埋兩杯飲品，我哋其中一杯就叫咗椰汁沙冰！.📌 泰好記 (旺角)旺角通菜街75-77號地舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

行旺角又多咗個地方可以同朋友仔hea下吹下水,一開始係畀佢28蚊一支象啤吸引。小食拼盤（小）這拼盤讓人嘗試到不同風味的泰式小食，有炸蝦餅、炸春卷及炸魚卷，蝦餅彈牙，春卷魚卷香脆可口。 泰式乾炒河（豬）這道泰式乾炒河的份量相當出色，河粉的口感滑順炒得恰到好處。豬肉片鮮嫩，帶有一絲微辣的風味。 串燒三拼（豬/牛/雞）串燒三拼則是另一個亮點。每種肉類都有各自的特色。豬肉串燒甜中帶鹹，牛肉則帶有濃郁的肉香，而雞肉串燒則清新可口，略帶焦香。搭配的醬汁提升了整體風味，讓每一口都充滿驚喜。這拼盤讓人能夠體驗到不同肉類的風味。象啤大大支先$28,十分推介。

雖然啱啱去完泰國🇹🇭返嚟，但係又念念不忘 #泰國菜喺#旺角 搵食發現依間就泰國人主理嘅泰國菜餐廳真係認真唔錯lunch🍽️價錢都幾抵泰式冬陰功🍲:充滿了酸、辣、甜、鮮的味道,超級刺激你的味蕾!湯頭濃郁香醇,帶點椰子奶香,裡頭有各種新鮮海鮮,爽脆的蝦子再加上泰式香料的點綴,超級開胃! 😋🔥黃咖喱牛肉配蒜蓉法包🍛🥖:咖喱濃郁香醇,帶有微微的辣味和奶香,一點也不嗆口,非常入味!再配上酥脆香濃的蒜蓉法包👍泰式乾炒豬肉河粉🍜:河粉Q彈爽滑,!醬汁鹹香微辣,滿滿的胡椒香氣,惹味又飽肚😋👍泰式炒通菜🥦醬汁恰到好處,鹹香微甜,爽口又不膩,太讓人上癮了! 😋💯

泰好記今次要介紹喺旺角一間泰國菜餐廳叫「泰好記」，餐廳名真係太好記，好唔好食，性價比高唔高，真係永遠記得「太好記」！呢間泰國菜餐廳門口有一級，輪椅人士要入去食嘅話，就要自備斜板，成功入到餐廳唔代表入到座位，因為門口要直角L形入去，我部輪椅都係啱啱好入到去，解決咗門口要直角L形入去就通通無障礙，店員就帶我去最方便輪椅嘅位置坐，佢哋係用QR code落單，午市套餐真係好抵食，最平$58起，仲可以加$12揀一款小食，揀特飲都只係加$8（椰青及啤酒除外），真係平到笑！1.黃咖哩牛肋粒飯$62+青檸沙冰$8+炸蝦餅$12（8.5/10）呢個黃咖哩係有少少甜辣辣地，牛肋粒大約有10舊，不過每舊牛肋粒都有少少韌，其他配料有薯仔同洋蔥，咖哩汁撈飯一流！飲品就加咗$8叫咗一杯特飲：青檸沙冰，呢杯酸酸哋嘅青檸沙冰飲落酸到好醒神，好解渴又解辣！小食就加咗$12叫咗炸蝦餅，原來一碟炸蝦餅係有一大舊炸蝦餅，佢哋已經剪開四小舊比客人方便食，炸蝦餅炸得好脆，入面蝦膠脹卜卜，蝦膠落得好足，好好味！2.醉邁牛腩金邊粉$62+芒果沙冰$8+泰式鳳爪$12（8/10）醉邁牛腩金邊粉個牛腩有5大舊，每一舊都比較瘦，有少少韌，

今日收咗工去咗旺角嗰頭行街 行到攰之後喺通菜街揀咗間就腳嘅泰國餐廳食 竟然有驚喜‼️🔸燒蝦泰式蛋包金邊粉個人認為炒金邊粉係一間泰式餐廳好食同唔好食嘅標準🫣 而呢間餐廳嘅金邊粉炒得尚算出色👍👍 所以對其他食物期望都幾高🤣賣相方面個金邊粉有層薄薄嘅蛋鋪住住，而且仲有一大隻蝦做襯托 撈埋其他配料，例如花生碎 真係好出色😋🔸冬蔭功湯非常濃味嘅冬陰功湯 用咗大量泰式香料同埋香茅去煮出黎🥳 個湯仲要好足料，有好多蝦仁、菇類、同埋蕃茄仔雖然揀咗細碗，但係份量都唔少 絕對夠兩至三個人飲👍👍🔸青咖哩雞飯有好多舊去骨雞柳 而且青咖喱都整得非常正宗好香口😋 送白飯食真係食到冇停口😳🔸泰式炒椰菜苗以為個椰菜苗係細細粒圓軲轆嗰隻 點知原來唔係係好爽口嘅椰菜葉 但係重點係個泰式醬炒得好入味同埋好香☺️ 同時又唔會太油總結來講餐廳食物質素好高，價錢非常合理，而且服務好同環境坐得好舒服 🤭🤭下次再行過附近絕對會返嚟食

改個名都真係幾好記😝叫左個一人盡興套餐$88 超抵食 有主食有小食仲有野飲🍛香葉炒肉碎飯 簡左豬 有牛同雞簡呢道主菜嘅豬肉肉碎炒得正正好，肉質鮮嫩，香葉嘅香氣添咗獨特風味，飯吸收咗肉汁同香料嘅味道。🍗燒雞全翼 甜甜地 應該係用蜜糖烤 ，好味！🧋泰式凍奶茶 +$3 叫左少甜少冰 泰奶本身比較甜 ，嗌少甜啱啱好🍤 炸蝦餅炸蝦餅外脆內嫩，每一口都感受到蝦肉嘅鮮味。搭配泰式辣醬汁更加好味，同埋份量都相當多 ，有8大塊。🍛咖喱軟殼蟹 非常濃烈既咖喱，建議配飯一起吃 ，如果唔係會過咸🥭芒果糯米飯最後以甜品收尾，香滑嘅糯米配埋新鮮嘅芒果，口感一流。糯米相當軟，配住芒果嘅果香，淋上椰漿後更加濃郁，甜而不膩。食完飽到上心口呀 😝

食泰國菜梗係要搵泰國人主理先夠正宗，今晚就去咗位於旺角通菜街的「🇹🇭泰好記 」，地理位置方便，旺角地鐵站一出行幾分鐘就到，去到舖頭就見到有其他客人喺門口等位，相當人氣🫶▪️冬陰功湯 $ 75冬陰功湯是泰式最有名的湯，也是酸辣之意，冬陰是指酸辣，功指的則是蝦，這裏做得十分到位，酸辣度適中，充滿泰式香料味道，而且有滿滿湯料，大蝦、魷魚，青口、香菇，好飲又好食▪️馬拉盞炒椰菜苗 $ 78食泰菜最愛食馬拉盞炒椰菜苗，每次必食，椰菜苗炒得爽脆，馬拉盞香辣濃味，味道越食越想食▪️生蝦刺身 $ 95生蝦非常大隻，口感彈牙，蒜頭、辣椒和苦瓜，而且蝦頭唔浪費，炸到脆卜卜好香口，配上酸辣泰式醬汁，好惹味▪️燒烏頭 $ 168即叫即燒，烏頭魚好大條又厚肉，魚肉煙靭有咬口，充滿鹽香，滿滿香矛和香料的香氣，喜歡食魚既朋友絕不能錯過▪️燒雞全翼 $ 36師傅掌握火候好好，大大隻雞皮特別香口，而且好夠入味，肉質嫩滑啖啖肉，必點▪️蒜蓉包 $ 38蒜蓉包即點即烘，好香脆而且充滿蒜蓉牛油香，無論就咁食或者點咖喱都咁好食▪️泰式乾炒海鮮河 $ 78估唔到全晚最正就係呢個炒河，河粉好像沙河粉超級粗，但口感香滑，配上海鮮配料大蝦、魷魚、青

今日嚟到旺角食泰國菜🇹🇭, 旺中帶靜環境舒適以卡位為主,空間感十足,感覺寫意而且性價比高🥰💁🏻‍♀️泰式咖哩軟殼蟹🦀$168,淡淡椰香味🥥唔太辣, 肉質鬆脆嫩滑鮮味十足💁🏻‍♀️蒜蓉包$38, 外脆內軟配咖哩食一流💁🏻‍♀️泰式濕炒河🍲$68,可選豬,牛或雞 河粉相當美味順滑,冇油膩感覺💁🏻‍♀️鹵水豬髀飯🐖$70,豬髀軟嫩,入口充滿膠質, 鹵水汁唔會偏鹹, 配上酸菜, 送飯🍚一流泰好記旺角通菜街75-77號地舖

本人唔多鍾意去花園街側邊啲食肆食嘢，原因好簡單，都係覺得環境唔多衛生！但今日呢間泰國菜真係令我改觀！除咗衛生環境一流之外，食物質素很高很高！鍾意食泰國菜嘅朋友真係要來試一試。佢啲泰菜好正宗，應該係泰國人開嘅。用啲香料非常之足夠，絕對唔係用味精搭夠。首先我哋嗌左個冬陰功海鮮清湯。香料十足，海鮮新鮮，熱辣辣飲落去好正。青檸明爐蒸烏頭魚香料味調教得好好， 各種香料很配很惹味，十分濃郁，我哋連湯都飲到一滴不留🤤🤤🤤菠蘿炒飯失望嘅係佢唔係原隻菠蘿上，不過真係好抵食大大碟只係$65 ！用了豐富，連當中嘅雞肉都有鮮味！一定會再約朋友過嚟食！

嚟到旺角嘅泰好記，就要試吓佢嘅二人餐因為佢嘅二人餐都相當抵食。我就叫咗一個二人套餐B首先會有一份生蝦刺身新鮮爽脆，配上適量的醬汁，帶出鮮甜的海味。然後再有燒豬頸肉沙律少許辣，豬肉燒得剛剛好，帶有微辣的調味，香氣四溢。然後熱菜中，黃咖哩雜菜味道香濃，咖哩醬汁滲透入蔬菜，每一口都充滿濃濃的咖哩香氣。搭配蒜蓉包一同享用更加美味。椰汁雞湯湯底帶有微酸的風味，湯內有豐富的雞肉，清爽又滋補。拼盤上的不同炸物則為套餐增添了一份炸脆的風味，再點上泰式酸辣醬，讓人食慾大增。而且呢個套餐仲包兩杯餐飲，就算係飲沙冰都有得包埋！

泰好記餐廳位於九龍旺角通菜街75號地鋪,餐廳裝修簡約帶有點兒泰式風格,餐廳主播泰國菜,多種泰式粉麵飯海鮮甜品供客人選擇,服務員都係泰國人,招呼態度殷勤有禮。燒牛肉沙律沙律內有車厘茄,芫茜,蔥粒,蒜粒,辣椒,紫洋蔥絲和青瓜絲等,燒牛肉份量都不少,廚師製作燒牛肉好惹味,食落微辣,有牛味,吾會靭,好香口,酸酸地辣辣地幾開胃。明爐青檸蒸烏頭魚原條烏頭魚上桌,服務員在魚型器皿下加火種,保持烏頭魚的溫度,魚身鋪滿蒜粒,青椒,紅椒,椰菜,青檸,香茅等,魚肉入口鮮甜,熱騰騰,不辣,食到尾魚肉仍熱,好暖心。芒果糯米飯甜品芒果糯米飯配有椰醬,上桌糯米飯熱辣辣新鮮製作,入口軟糯,芒果新鮮甜度適中,食落芒果味香濃,飲品雪碧汽水。