泰好記

營業中

休息中

冬蔭海鮮湯 ($75)呢到嘅冬蔭功湯酸酸辣辣勁香香料味，而且唔會話辣到飲唔到，大人同小朋友都岩飲。配料主要有菇同大蝦，大蝦足足有六隻，蝦肉非常爽彈，加埋都有五六碗份量。明爐青檸蒸烏頭 ($178)蒸烏頭真係喜出望外，首先魚肉鮮嫩札實，再配上用大量蒜蓉粒、辣椒、椰菜絲同青檸煮成嘅湯汁，既惹味又開胃。另外，下面仲會有個火熱住條魚，唔怕話一路食，條魚慢慢凍。店家仲額外提供湯汁俾客人一路食一路加。海南雞飯 ($70)海南雞雞肉十分嫩滑，而且已經直接去骨，食起上黎十分方便。油飯就用雞湯煮成，啖啖油飯都有濃郁嘅雞味。海南雞配埋油飯雞真係必試。椰青 ($40)椰青好新鮮，飲落好清新甜。

最近同朋友去咗一間叫旺角嘅泰國餐廳，餐牌個封面好得意有老細個樣，呢度仲有唔少泰國人員工。香葉辣椒河牛 $68超有鑊氣，牛肉嫩滑，香葉同辣椒嘅味道融合得非常好。不過要提醒下，呢道菜真係極之辣，鍾意食辣嘅朋友一定唔可以錯過。泰式燒魷魚 $128原條燒魷魚超大條，肉質鮮嫩，燒得啱啱好，配埋酸酸辣辣嘅汁，真係一流。每一口都充滿海鮮嘅鮮味同泰式風味。小食拼盤（小） $80小食拼盤有炸蝦餅、炸蝦卷、炸魚卷各兩件，呢個組合真係啱晒一班朋友分享。炸嘢炸得好香脆，唔會油膩，每一款小食都各有特色。泰式青咖喱雞 $78咖喱濃郁，雞肉嫩滑份量多，特別推介你哋可以另外加蒜蓉包$38，一齊食真係好味，蒜蓉包嘅香氣同咖喱好夾。

這間泰國菜餐廳位於旺角通菜街，泰式料理選擇多樣化，更有親民貼地的二人套餐。店內環境寬敞舒適，裝潢以泰國風格為主，擺放相關裝飾，設有特大卡位，適合多人聚會。咖哩炒大蝦 - $268四隻珍寶海蝦開邊去腸，肉質厚實富彈性，蝦味濃郁鮮美；濃稠的黃咖喱保留濃郁芬芳的印度香料味，帶有順滑香甜的椰漿，味道溫和醇厚易入口，還有大量蔬菜如洋蔥及青椒等。明爐青檸蒸烏頭魚 - $178泰式明爐魚有一整條烏頭魚，去魚鱗及內臟，肉厚又嫩滑且魚刺少，吸飽清新的湯汁酸酸辣辣。串燒三拼(六串) - $108可任意組合豬、牛及雞。即叫即燒的串燒毫不乾柴，每串有著肥美飽滿的肉，嫩滑又多汁，可蘸上沙嗲醬汁。椰汁芒果糯米飯 - $68一整排香甜多汁的鮮芒果肉，又有濃稠奶香十足的椰漿，雙色糯米飯更有紫米飯，煙煙韌韌兩種口感好豐富。椰青 - $40大大個椰子內有充足的椰青水，清新香甜又解膩，更有嫩滑多汁的椰子肉。

旺角女人街向來都好多特式小店今次去左呢間好地道嘅泰國菜餐廳廚房樓面都係由泰國人負責， 水準有返咁上下， 味道都夠地道！▪️生蝦刺身（$95)生蝦大大隻，肉質飽滿爽口，可以一個人食哂一碟。▪️冬蔭海鮮清湯（$75)冬陰功清湯無加椰奶，比起一般冬陰功味道會更濃香料味，辣味會更出。餐廳用料十足，大大隻蝦，連秀珍菇都漲卜卜。▪️泰式咖喱軟殼蟹（$168)一整隻軟殼蟹， 配上泰國經典咖喱汁，蛋液和咖喱汁嘅混合，送飯同點蒜蓉包食都一流。▪️串燒三拼▪️燒雞全翼（$18/隻）豬牛雞都唔錯，最鍾意燒豬，燒至外脆內嫩，仲可以保留到些許肉汁，送啤酒一流；燒雞翼真係必叫，配少少咖喱汁好正！▪️蒜蓉包（$38)烤至金黃穌脆，蒜香十足， 係配咖喱嘅必然之選。▪️胡椒大蜆粉絲煲（$160)大蜆新鮮，肉質飽滿彈牙，火侯掌握得好好；粉絲乾身夠入味，食唔停口。▪️椰汁沙冰（$30)▪️西瓜沙冰（$30)冰沙好大杯，清爽解暑，用真果肉製成，配泰菜岩哂。

《泰好記 - 泰式風情在此重現》位於鬧市中心嘅「泰好記」,無疑係一個不能錯過嘅泰式餐廳。從入門開始,濃濃嘅泰式風情便迎面而來。首先我地叫咗蛋包金邊粉。金邊粉彈牙爽口,上面覆蓋住一塊滑嫩嘅蛋,再淋上特製醬汁,香濃鮮甜,實在係人間美味!緊接著我地叫咗牛肉同雞肉串燒。肉質新鮮,經過特別調味炭烤後,外脆內嫩,入口便化,加上泰式配料,更加提升咗整體風味。另一道極具特色嘅菜式就係燒側魚。側魚嫩滑多汁,配搭泰式香料,令整道菜散發出濃郁嘅泰式風味。最後我地叫咗芒果沙冰。濃郁嘅芒果味道,融入冰涼爽口嘅沙冰之中,真係天衣無縫,解暑消暑之選。總括嚟講,「泰好記」成功地將泰式風情呈現眼前,每道菜式都有特色,賣相同味道均有出色表現。如果你鍾意品嚐泰式美食,我真係建議你一定要嚟「泰好記」!

別具風格泰式之《泰好記》今日同朋友去左隱世泰式餐廳，好食之餘，環境相當寫意，值得推介，二人套餐A：泰式木瓜絲沙律/青芒果沙律(2選1)泰式木瓜絲沙律，清新爽口，再搭配香料同辣椒，幾開胃。不過配料會比較辣，唔食得辣既朋友就要注意下啦，冬陰功湯/椰汁雞湯(2選1)：今次既椰汁雞湯，椰香味重，味道酸酸辣辣，配料十足，草菇、雞肉等份量都好夠，泰式炒椰菜苗/馬拉盞通菜(2選1)：落單時可以選擇唔同嘅炒法，例如蒜蓉炒，非常貼心，而泰式炒椰菜苗口感好爽，翻炒後色澤仍相當嫩綠。菠蘿炒飯/泰式乾炒河(豬/雞/牛) (2選1)：肚餓關係，所以決定要食飯，菠蘿好新鮮，再加上唔同既配料，令口感豐富，做到色香味俱存。飲品兩杯：提子沙冰 & 熱柚子蜜由於本人好鍾意打卡😂，加上依家既天氣，每日都熱辣辣，所以決定要叫杯沙冰。餐廳選用左青提，沙冰口感順滑，一飲之下，瞬間消暑，而朋友因為佢要養生，所以選擇左全店最補最健康既熱柚子蜜，生蝦刺身：刺身色澤靚，口感有彈性，另外值得一提係除左有生蝦外，此菜式會另外包埋炸蝦頭，一味兩食，咖哩軟殼蟹：咖哩濃郁，配料十足。軟殼蟹經過油炸，外層酥脆，肉質鮮甜多汁，總結：價錢方面十分合理，

泰好記二人套餐 $399 抵食😋🌸二人套餐$399🌟🌟🌟🌟🌟☘️黃咖哩雜菜 黃咖哩香濃帶點甜，雜菜夠淋身索晒黃咖哩味道，夠惹味。☘️冬蔭海鮮湯冬蔭公湯夠酸夠辣，有數隻爽口蝦，新鮮菇類同香草。☘️生蝦刺身每一隻生蝦都肥郁郁，肉質豐厚鮮甜，蝦頭炸到脆卜卜，仲有生苦瓜解解油膩。☘️拼盤（小）有炸蝦餅，炸雞卷，炸魚卷，全部都炸到脆卜卜，味道夠鮮。☘️蒜蓉包濃郁蒜蓉，法包烘得夠脆，點埋黃咖哩食，超正。☘️燒豬頸肉沙律超多燒豬頸肉，肉質嫩滑，配有爽脆青瓜及新鮮雜菜，醬料係泰式辣醬，夠辣夠惹味。☘️龍眼冰濃郁龍眼冰，仲有好多龍眼果肉，飲完超潤喉。☘️椰汁珍多冰濃郁椰汁，幼細色彩繽紛粿條，口感豐富。

🚩泰好記旺角餐廳又有好推薦|岩曬一大班朋友食飯吹水叫滿成張枱連加一$600有找(๑´ڡ`๑)裝修係好傳統嘅泰國菜餐廳Style店員仲真係泰國黎嘅小妹妹|服務非常好(⁎⁍̴̛ᴗ⁍̴̛⁎)‼️〰️〰️〰️〰️〰️〰️〰️〰️〰️〰️〰️〰️〰️🌈生菜包 $88最近迷上左生菜包|酸酸辣辣好開胃餐廳勁好|好多菜式都可以自選豬牛雞岩曬好怕食到肥豬肉嘅我⁽⁽ଘ( ˙꒳˙ )ଓ⁾⁾🌈黃咖喱牛 $78🌈蒜蓉包 $38咖哩係濃濃嘅椰香味|唔算辣醬汁都幾掛身但唔係落粉個種(*´∀`)~♥️牛肉用肉片呈現|整體都幾軟淋唔想食白飯|配蒜蓉包都好一流🌈燒雞翼 $18香港人真係好喜歡食雞翼|大大隻全翼先依個價唔會燒得乾柴|皮脆肉嫩｡:.ﾟヽ(*´∀`)ﾉﾟ.:｡🌈炸蝦餅$70蝦餅香口唔會油膩٩(๑•̀ω•́๑)۶口感彈牙|係有鮮味嘅蝦餅🌈菠蘿炒飯 $65🌈泰式濕炒牛河 ¥68依度嘅主食都好鬼平又足料濕炒都夠曬鑊氣|我就係喜歡焦焦的菠蘿炒飯有啲臘腸碎|肉鬆夠曬鹹香🌈椰汁芒果糯米飯 $68芒果糯米飯又係幾飽都要食ヾ(´ε`ヾ)糯米熱辣辣上枱夠甜夠軟熟芒果多汁帶點微酸|唔會得清甜咁單調🌈泰式炒雜菜 $78🌈熱柚子蜜 $25🌈青檸沙冰 $30

今日行完旺角去女人街啲頭食嘢，聽人講話呢間舖頭係泰國人主理，而且炒啲嘢幾有鑊氣，今日就試吓佢冬陰功清湯:湯中有蝦等海鮮,有別於一般嘅冬陰功湯，冬陰功清湯係冇放辣椒糕所以唔會咁辣，但係會偏酸多少少,口感豐富層次分明。😋皮蛋沙律:搭配新鮮蔬菜如洋蔥、青椒等,再加入泰式酸辣醬汁拌勻。清脆爽口,十分解膩。紅咖喱豬肉:香濃嘅咖喱汁,再與嫩滑多汁的豬肉燉煮。紅咖喱香辣濃郁,肉質入味,送飯一流😋香葉辣椒炒牛肉:有香葉、辣椒等泰式香料炒製。香葉帶有獨特的薄荷香氣,與牛肉的鮮美幾夾。辣椒則為這道菜增添了可口的辣度。泰式炒金邊粉:係屬於我去泰國舖頭嘅必點料理之一。泰式炒金邊粉會加入肉碎、蝦仁、蔬菜等,再以泰式醬料翻炒。粉條Q彈有勁,與各種食材完美融合,口感層次豐富,是泰國街頭小吃的代表。

泰國菜一向很受歡迎，今日和朋友來到旺角花園街的「泰好記」食晚飯，餐廳頗大，坐位寬闊舒適，餐牌上有各式各樣的菜式，選擇多。《泰式濕炒海鮮河》$78濕炒河配料很多，有大蝦、魷魚、青口、草菇、蔬菜……感覺餸比河粉還要多，河粉軟硬適中，吸收了海鮮的鮮味，正啊！《泰式青咖哩豬肉》$78《蒜蓉包》$30香噴噴的青咖喱一點不辣，卻充滿椰香味，內裡除了有軟腍的豬肉片，還有豆角和泰國茄子，非常好吃，如果不想食飯，也可以叫一客蒜蓉包點上青咖哩汁，令人回味無窮。《細拼盤》$80 有炸蝦餅、炸雞卷和炸魚卷食泰國菜怎少得炸物，這三款都香口彈牙入味。《清炒雜菜》$70不同菜煮的時間不同，所以炒雜菜也需花廚師心思，每樣菜都煮得恰到好處，也能吸收不同菜的營養價值。《菠蘿沙冰》$30大大杯沙冰清涼透心，解渴解膩。

小編覺得嚟過呢間食嘢，就會記得，因為無論係餐廳地點、餐廳名同嘢食味道都會令人記住。餐廳無論係嘢食定裝橫，都充滿泰式風味！雖然當日都多人，但職員都好有禮貌、有耐性，會再回訪😆♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 泰式燒魷魚原條手臀咁長嘅魷魚，燒過後依然嫩滑彈牙，一啲都唔韌，點埋酸辣醬汁，開胃清爽 ❥ 胡椒粉絲焗大頭蝦4大隻大頭蝦，一隻size有一隻碗咁大，肉質幾彈冇雪味，底啲粉絲吸晒醬汁同蝦嘅鮮味，唔會好乾❥ 泰式炒椰菜苗用泰式香辣醬汁去炒，辣得嚟冇苦澀味，仲保持住翠綠爽口嘅口感，夠晒惹味！❥ 冬蔭功湯（細）酸辣又充滿香料味嘅冬蔭功，入面仲有好幾隻爽彈大蝦，就算係細size，小編同朋友仔每人都分到兩碗左右，抵飲架！❥ 串燒三拼豬｜雞｜牛一碟有6串，落單嗰陣可以自由配搭，6串雞肉都得！燒到微微焦香，份量十足雞肉軟身、有肉汁；豬肉口感較實在；牛肉唔韌❥ 芒果沙冰❥ 椰汁沙冰芒果沙冰充滿香濃天然芒果味，就算啲冰溶咗，芒果味依然咁濃椰汁沙冰味道清爽，有椰奶味，相對冇咁甜∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧

位於旺角鬧市的一間泰國餐廳價錢親民 份量充足在附近逛街後又多一個好選擇 ⍢拼盤（小） $80拼盤包括3款小食 各有4件分別是泰式蝦餅 魚卷及炸雞卷整體都煎炸得鬆脆 蘸上酸辣醬更加惹味可口椰汁雞湯（小） $75湯底充滿椰香味 入口微酸辣感覺是冬蔭雞湯的不太辣version 啖啖都能嚐到嫩滑雞件及蘑菇份量很充足 4人分享都不是問題燒蝦泰式蛋包金邊粉 $88泰式金邊粉 炒得偏乾身入口酸甜 搭配爽口彈牙的大蝦建議加一點青檸汁及花生碎燒豬頸肉 $80豬頸肉燒得濃邊 肉質嫩滑 必叫！椰青 $40原隻椰青 入口清甜椰肉亦好吃芒果沙冰 $32入口清新 夏日消暑必叫⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐泰好記📍旺角通菜街75-77號地舖

#MC帶你去旺角.天氣又熱又焗，特別想食泰國菜，酸酸甜甜又辣辣地，特別開胃！旺角身為美食集中地，泰國菜當然唔少得！➖➖➖➖➖➖➖➖➖➖➖➖➖➖➖✨ 泰好記.餐廳主打地道正宗泰國菜，由泰國廚師主理，連侍應都係地道泰國人！而且餐廳地理位置超方便，超近港鐵站！➖➖➖➖➖➖➖➖➖➖➖➖➖➖🥢 冬蔭海鮮湯（細）｜$75.冬蔭功湯非常惹味，保留地道正宗冬蔭湯做法，所以會偏辣少少，酸酸辣辣，味道香濃。配料相當豐富，有大蝦、秀珍菇及草菇等等，用料十足。➖➖➖➖➖➖➖➖➖➖➖➖➖➖🥢 明爐青檸蒸烏頭｜$178 ✨推薦✨.烏頭魚肉鮮嫩厚實，搭配大量蒜蓉粒、辣椒圈，以及椰菜絲和青檸等材料煮成嘅湯汁，開胃又惹味！而且，魚肉兩邊預先切開數件，超貼心方便。仲有額外湯汁可以加落去。➖➖➖➖➖➖➖➖➖➖➖➖➖➖🥢 燒牛肉｜$98.牛肉厚薄適中，以簡單黑椒調味，而且牛味濃厚，味道不錯，配埋香濃惹味醬汁，惹味解膩！份量精緻，可以試多一兩款食物！➖➖➖➖➖➖➖➖➖➖➖➖➖➖#Ming_Course #油尖旺區美食 #旺角美食 #旺角好去處 #香港美食 #香港探店 #旺角 #泰好記 #旺角泰國菜 #泰國菜 #泰國料理 #地道

搵緊晚餐食咩路過見到，就入去坐低左，叫左個燒雞翼，燒牛肉，馬拉盞炒通菜，黃咖喱雞肉同埋燒餅。燒雞翼啲皮燒到好脆，可惜唔夠鹹。黃咖喱好稀，同雞肉個味好分離，同埋雞肉啲雪味太明顯。啲雞肉似係掉咗落去煮兩下就上菜，配菜個洋蔥都偏生，薯仔亦唔夠淋。燒餅唔夠酥，但配咖喱還好。燒牛肉燒到過哂火接近全熟，入口好柴，價錢同九龍城差唔多但味道差好遠。馬拉盏通菜最正常。-整體來講Below average，CP值低，希望餐廳改善下，如果唔係我會質疑九十幾個好味emoji係買番尼嘅。

抵食二人餐($299) 4款菜式連飲品同甜品泰式青芒果沙律咧個作為前菜好唔錯，青芒果本身偏酸，加上泰式醬汁，少少甜中和咗酸度之餘有少少辣，惹味又開胃，而且仲有青瓜絲同洋蔥，口感爽脆得嚟每啖都好香！椰汁雞湯同生菜包一樣，試過真係返唔到轉頭。佢咧個椰子湯好濃郁，好香椰子味，而且少少酸，同樣好適合食主食前飲。入面都有好多料，有好多雞肉同菇，兩樣都嗦曬啲椰子湯，超正！蝦醬炒通菜佢落單嗰時有幾款選擇，馬拉盞炒、蝦醬炒、蒜蓉炒等等，總有一款啱你口味~ 佢個蝦醬炒通菜都唔錯，唔會太鹹，但係又有淡淡蝦醬嘅鮮香味菠蘿炒飯佢個炒飯顆粒分明，食嘅時候完全唔覺得油膩，同埋炒得好香。佢用料都唔少，有好多菠蘿、腰果同雞肉，個飯唔會太鹹加上菠蘿嘅酸甜同腰果嘅油香，真係唔介意食多幾碗~生菜包（額外單點$88)估唔到佢個生菜包咁大份，超大碗肉碎~ 每片生菜都要夾勁多肉碎先差唔多食得曬。啲生菜幾新鮮爽脆，肉碎嘅調味都唔錯，配上生菜好好食。不過如果怕辣嘅可以叫嘅時候問下可唔可以少辣，因為佢啲肉碎都比較辣佢個二人餐每款菜式嘅份量真係好多，加咗個生菜包之後食到好飽，所以唔係大食嘅都可以考慮唔使加嘢🤣🤣