泰妹餐廳 (已結業)

今晚約左好姊妹去黃埔行下街, 行到咁上下就去左附近睇下有咩食, 今次就揀左E間泰國菜試下🙈 餐廳環境幾大坐得幾舒服, 我地兩個都有少少肚餓所以就叫左一個湯, 一個飯同幾款小食試下😋金不換炒花甲份量作為前菜算幾多, 花甲肥大肉厚, 質感爽口, 醬汁微辣幾惹味!椰汁雞湯🥥🐔🥣一上枱見到白色咁濃稠嘅湯汁以為會好似椰漿咁, 點知意外地同想象中嘅唔同, 佢嘅味道係白色版嘅冬蔭功, 但有淡淡嘅椰子味, 味道唔錯, 而且入面有好多雞肉同菇, 熱辣辣幾好飲😊炭燒豬頸肉🐖E碟豬頸肉嘅份量幾多, 塊塊都勁大塊, 而且片片都🔪得幾簿, 層肥層瘦, 加埋佢個泰式醬汁, 非常滋味😋冬蔭雞翼冬蔭功湯飲得多, 用冬蔭功醬醃嘅雞翼真係第一次食, 外層香濃嘅冬蔭功味道, 微酸微辣, 非常開胃!蝦醬肉碎炒飯🍛炒飯配料幾多, 味道不過不失, 上面嘅臘肉甜甜地幾好味!總結: 食物味道唔錯, 份量都幾多, 價錢亦唔算貴, 幾抵食!

今日放工肚子好餓，兩個人叫了好多菜！我同朋友一開始都低估了蛋花黃咖喱軟殼蟹火山包，一上菜，才知道是好邪惡的一道菜，但見到香濃咖喱傾瀉出黎那一刻，叫我如何忍口。。。炸成金黃色的軟殼蟹好正，超香脆爽口，不膩不油。蟹的肉質都爽口，唔係果種霉霉既口感。黃咖喱係重中之重，味道不太辣，但係超級香濃呀。香脆的軟殼蟹浸了黃咖喱之後，蟹的鮮味更出，成個味好夾好有層次。用埋個汁黎餸飯或者點蒜蓉包真係冇得輸✌另外仲叫左炸蝦餅同埋泰式蝦炒金邊粉，好有泰味！今日特別口渴，點了泰國椰青真係明智的選擇，十分清甜潤喉，最後連裡面的椰肉都吃清光另外芒果沙冰都不遜色，清涼可口，冰堆到比杯仲要高

11月尾一個星期五，與同事happy hour後，往黃埔與港嗎晚餐，因港女不在，我兩老如常找些辣的吃，於是便鑽進這間泰國餐館。人不多，但菜色齊全，座位舒適，見旁座的「冬陰功湯」塞滿海鮮 ，兩隻大爪伸了出來，賣相不錯（想很超值！），我們便點了一個。氣鍋小小的，但要食的東西已齊全，剛夠兩人享用，氣鍋下有炭精燒著，所以湯不會變冷，不錯。這個煎蛋樣的菜很特別，叫「臭翁草煎蛋」，它不是臭的，像一般青菜，和雞蛋一齊煎，口感及味道都很好。這三串燒鰻魚，雖然不平宜，燒烤過程應掌握得不錯，還很juicy，口感十足，絕不欺場！

朋友剛搬進黃埔, 邀請我 “踩場”! 因我愛泰菜, 所以晚飯選泰菜 (根本係佢自己想試)! 餐廳以綠色設計為主調, 有股渡假風! 唔想食餐, 決定散叫! 金不換炒花甲 $98 ~ 花甲超大隻, 無砂而肉爽甜! 配上大量椒同芹 (我唔食, 人哋食晒), 好香! 炭燒豬頸肉 $68 ~ 燒得香, 肉質保持嫩滑, 唔油膩 (無一層肥油), 旁邊沾醬微辣, 令呀頸肉生色不少! 泰式蝦炒金邊粉 $78 ~ 好大隻蝦! 粉夠滑唔靭, 炒得夠乾身! 餡料豐富, 成件事好滿足! 泰式甜品拼盤 $58 ~ 基於上次夾唔到時間食泰式甜品, 今次要補數! 平常最喜愛椰汁糕, 但今次個千層糕都好出色, 層層痴實, 班蘭味突出, 正! 食飽過對面 Aeon 行下, 再去海邊吹吹風, 呢2日個月亮好圓好靚! 

地點就在黃埔花園大船附近或黃埔站C1 出口再步行3分鍾 職員服務態度晤錯，還提點所點食物製作須時 餐牌有多款食物供廳由小食、主菜等，合家歡最為適合啦 金不換炒花甲 98蜆殻頗大，肉質厚身而有鮮甜味。 伴碟也有綠、紅燈龍椒來顏色配搭，很美觀 鹽燒鰂魚 128用鹽燒方法處理，魚肉不易散而且很嫩口，火喉剛好。 內裡肚位置內有香茅使得香氣撲鼻～ 冬陰雞翼 38雞翼共有5件，皮層冬陰公入味，帶點酸酸甜甜味好開胃，伴菜有菌類好爽口 香茅碟豆花 檸檬梳打 28 一直都喜愛碟豆花，加檸檬後由藍漸變紫，很吸引眼球。 味道清新解渴椰汁椰果西米露 32 /1碗 椰汁濃度適中，一粒粒西米露加椰果煙煙韌韌口感。

同阿仔兩個撐枱腳，阿仔好識揀， 話要食新派泰國菜。蛋花黃咖哩軟殼蟹火山包，麵包有我隻 手掌咁長， 麵包的外層焗得好脆，內層又好軟熟，上碟是麵包的頂部，切了一個蓋， 塗上蒜蓉醬，好香脆。蛋花黃咖哩，非常多咖哩汁，完全足夠用嚟麵包食，好味道，我個仔搶住食曬咁大個麵包，軟殼蟹好大隻。原隻椰青海鮮炒飯，鋪在炒飯面的椰青，汁多到滿瀉，好似是用甜的椰汁，椰青肉全部刮起， 跟飯一起炒，沒有浪費。生蝦刺身是我的至愛，$99蚊六隻，好大隻蝦，好新鮮，仲特別爽脆。兩個人食一大個包、一大個飯好滿足。😀

<泰妹餐廳>📍紅磡黃埔天地時尚坊(第二期)地下6B號舖(觀塘同天水圍都有分店🙆🏻‍♀️)天氣開始轉涼 琴日真係好凍好凍⛄又係時候食番啲熱辣辣既野暖下個胃前幾日去咗呢間餐廳食泰國菜佢既二人餐$368都幾多野食☺個冬蔭功海鮮湯 味道濃郁酸甜😋加上有個爐熱住 飲完成個人暖笠笠☀我地揀咗個泰式炒雜菜都幾惹味但頭盤軟殻蟹紙米卷 包住太多香料又薄荷又芫莤太重口味唔太岩我地😂佢用蛋網住啲金邊粉賣相好特別金邊粉炒得乾身而且甜味適中唔錯👍甜品同飲品就一般 但整體性價比都可以～

今個星期普遍低過15度，入夜真係寒風刺骨，但早前打邊爐呀燒嘢食呀用晒quota，瘡都爆咗幾粒，唯有食吓相對冇咁火嘅泰國嘢啦夜媽媽胃民仲飲泰茶，唔怕瞓唔著咩？不過凍冰冰大胃照飲凍嘢，打和Phadthai好靚呀，而且好結實，一撈開其實份量好多㗎雞湯酸瞇瞇，幾開胃，仲有個爐取吓暖話炒通菜唔辣，其實都好辣吓，靠胃民征服佢喇米紙卷真係好正，軟殼蟹幾脆，同煙韌嘅外皮矛盾又相配合後上椰子同榴槤雪糕，超濃味，陣味嗝到返屋企食完真係夠晒飽，瘡就冇爆喇，係就嚟爆thai啫

小編真是很喜歡吃泰國菜，已經食均全港好多間泰國菜餐廳啦，今次來到黃埔的泰妹吃晚餐，整體不錯！點了一份椰子雞湯、生菜包、金邊粉、馬拉盞炒椰菜苗和椰青～椰子雞湯超正呀，一上菜是火鍋來的，湯滾起自行關火。湯的椰汁味很香濃，帶點酸酸的，超開胃，熱騰騰又暖胃！生菜包很抵食，肉碎超多！不夠生菜吃，再另外加多幾塊生菜先夠食～金邊粉不過不失。馬拉盞炒椰菜苗很爽口，味道剛剛好不會太咸～大推這杯椰青，吃完酸辣食物後再飲椰青，爽呀！

今天母親剛出院，所以來到紅磡探望，探望完便在附近吃晚飯。這間泰妹前身是壽司店，地方設計跟之前差不多。香葉肉碎生菜包$78，肉碎炒得很香，酸辣情度適中，用生菜包著可以減少油膩感，同時變得很清爽。鹽燒鯽魚$128，這個燒魚是即點即燒，所以要等廿分鐘。廚師以粗鹽包著來燒，保持魚的鮮味，而魚肚部分充滿香料，令到魚肉沒有腥味，只有鮮甜味。泰式乾炒雞河粉$78，香氣四溢，鑊氣十足，河粉是粗而薄身，嫩滑而帶點嚼勁，加點泰式魚露和辣椒粉，味道更佳。泰式凍咖啡$20，咖啡和椰香味道濃郁，甜度適中，吃完飯喝，可以當成一道飯後甜點。

就近黃埔地鐵站C2岀口再轉右直行兩分鐘就會到食泰國嘢-泰妹餐廳。環境舒服主要用綠色做主題～帶點古卜風味～ 烤豬肉粒- 雖然份量比較少，味道剛剛好不會太咸另外肉質亦容易入口不會太大好似一口豬肉一樣 蛋花黃咖喱大頭蝦火山包- 賣相吸引,做工精緻,包可以點醬汁襯托大頭蝦 👍👍👍不錯的選擇炒青口- 味道還可,我估計分開炒.唔係想像之中咁好食🧐🧐。但呢個醬汁撈飯100分👍🤣菠蘿海鮮炒飯- 炒得味道不會太鹹外，飯質一流極力推介椰皇-新鮮，肉質較嫩

是日到黃埔搵食，放假想chill下relax d，就自不然想食泰菜，在香港開的泰國菜好多都係泰國人開質素頗高，上網睇呢間有4間分店，決定一試。泰式生蝦$98個價錢就係貴在有個好靚既擺盤，生蝦配蒜真係好夾，但我唔太喜歡呢個汁醬，對比傳統泰式生蝦酸辣汁差左d青檸汁同魚露，唔夠酸味。原個菠蘿海鮮炒飯$98好大份好足料，暗藏非常多菠蘿以及蝦、魷魚等海鮮，可能海鮮始終會出水，炒飯非常濕身，本人比較唔喜歡，但相對會非常頂胃同飽肚。炭燒豬頸肉$68唔好睇佢細細碟，豬頸肉有2層，應該有20塊，好抵食。

星期日，約了好友到黃埔睇戲，所以決定早點來到，先到附近的餐廳開餐，再到戲院睇戲。在時尚坊逛了一會，最後發現有一間「泰妹餐廳」，午市餐牌挺抵食的，價錢由HK$56 - HK$73不等，選擇亦非常好，有河粉、金邊粉、炒河、海南雞飯、豬脾飯等等，而且已包括飲品。泰式去骨海南雞飯我多加了$5轉成雞脾，雞脾送上來時，感覺非常肥美，雞皮滑捊捊，入口啖啖肉，口感嫩滑多汁，就算不加任何醬汁，都已經非常好吃，配上薑黃飯，perfect~泰式豬脾飯豬脾口感層次豐富，肥瘦適中，豬皮軟淋彈牙，沒有厚厚的肥膏感，而豬脾肉爽滑，點上辣醬汁，超惹味。泰式奶茶及香茅青檸薏米水泰式奶茶非常香滑，帶有濃濃奶香，隱約間又滲出淡淡紅豆香，而香茅青檸薏米水的味道挺特別，味道甜中帶酸，可以喝到青檸味道，而香茅味則較弱。

愛食泰式菜，所以今日來到黃埔，見到這間由外面已感覺裝修有特色的泰妹，被吸引住了。餐廳裝俢，以綠色為主調，令整間餐廳更顯清雅整潔及特色。海南雞半隻$88海南雞半隻，份量都不少，金黃的外表，油潤有光澤，已令我垂涎，海南雞剛好熟，肉質嫩滑，還有三個秘製醤汁跟上，三款味道令海南雞味道都各有特色。香葉肉碎煎蛋配白飯$68香葉肉碎煎蛋，肉碎有香葉、豆角粒及紅椒...等，還有2件青瓜。肉碎很入味，伴著香葉、豆角粒及紅椒等食，有口感又好味，伴飯食更是一流。雞蛋也是煎到剛剛好的太陽蛋，裡面的流心蛋黃伴著帶㸃焦脆及軟滑的蛋白伴飯食也是非常的美味呢。馬拉盞炒通菜$68馬拉盞炒通菜，這個馬拉盞炒通菜份量疊起象座小山丘，炒得爽口又入味。番石榴沙冰$32帶著橙色的番石榴沙冰，不會很甜冰冰凍凍的帶著番石榴的味道，好味。泰式甜品拼盤$58最後食多個泰式甜品拼盤，有芒果西米糕、椰汁西米糕及椰汁椰果西米露，各款甜度都剛剛好，個人特別喜愛椰汁椰果西米露。

酸辣去骨鳳爪沙律成為前菜份量都幾大，鳳爪去左骨食起上黎就夠方便，個汁酸酸辣辣好開胃。泰式生蝦刺身生蝦都幾大隻，食落新鮮又爽口彈牙，夾埋蒜片同辣椒食更香。冬蔭雞翼本來以為係冬蔭功味既炸雞翼，點知原來係炸完有汁煮既，食落好似濃縮版既冬蔭功味，都幾重口味，不過d菇索晒汁幾好食。炸蝦餅每次食泰國野都必點！因為鍾意食香口野同蝦，蝦餅炸到金黃色鬆脆可口，蝦膠亦都夠爽彈。厚隻椰青海鮮炒飯呢個又係好足料，海鮮有青口、魷魚同鮮蝦，上面淋左一層椰漿，味道比較甜，可能食慣鹹既炒飯覺得鹹既話好食d。