泰媽泰菜 (已結業)

呢一間係經朋友介紹，位於長沙灣嘅小店，舖頭細細，老闆表示歡迎包場～ 《泰式咖哩炒蟹配蒜蓉包》🦀🦀食蟹最緊要新鮮，呢度嘅蟹唔會令你失望，蟹肉鮮甜，仲有唔少蟹膏添！半點腥臭味都冇。咖哩係成道菜嘅靈魂所在，雖然唔辣，但香濃嘅椰汁味，加上大量嘅蛋絲仲帶出濃濃的蛋香味，忍唔住用蒜蓉包不停點咖喱汁食！😝《泰式鐵板蠔仔》🧑🏾‍🍳🍳泰式蠔餅小編都係第一次食，蠔餅嘅蛋味偏重，同潮州蠔餅唔同，泰式豪餅只會用雞蛋唔會用鴨蛋；亦同台灣嘅蚵仔煎唔一樣，唔會用地瓜粉。雖然冇咗煙韌同香脆嘅口感，但係就多咗一份濃濃嘅雞蛋香味，而且加入左大量嘅芽菜令到口感更加豐富，蠔仔都幾大粒，幾乎每啖都食到，好滿足。《泰式小食拼盤》😍拼盤有炸蝦餅、香矛雞翼、春卷、炸魚餅、炸肉丸，一次過滿足你所有嘅願望，樣樣都大大件，包你食得滿足。當中嘅炸蝦餅就最好食，蝦味突出之餘仲好彈牙，小編同朋友都忍唔住嗌encore！😍😛《泰式生蝦》🦐生蝦鮮甜爽口，非常新鮮，夾埋辣椒片同蒜片一齊食，再沾一啲泰式酸辣汁，作為前菜非常開胃。

今日收工三個人馬上去附近食泰菜，可能時間早舖內未有其他客人，一見老闆娘就問我要唔要燒魷魚，她説是剛剛去街市買回來，基本上我每次去也必食燒魚及燒魷魚，每次也燒得啱啱好燒盲曹，D肉好滑又夠味燒魷魚就更加正到不得了泰式雜菜炒河粉，夠曬鑊氣味到十足馬拉盞通菜，也是鑊氣十足，而且感覺到係生炒的😋😋😋😋😋😋在其他地方好難食到，重有海南雞飯，雞整得好滑又夠味今日老闆娘重送咗甜品，椰香味十足，又不太甜，西米煮得口感剛剛好，令這餐更滿足🥰🥰🥰全餐400元，十分抵食呀👍🏻👍🏻👍🏻👍🏻👍🏻👍🏻

小巷美味50元之下吃到足料喇沙金邊粉配餸：煎雞扒，半只雞蛋，魚蛋片，豆卜湯農，辣度適中，仲有飲品送我揀金邊粉，口感彈牙，不糊口餐廳環境：家庭式，簡陋，要求不能太高。只要衛生，把錢花在食物上更好！

夜晚去開長沙灣，甘啱又想食泰菜 見到附近有間，就膽粗粗決定入去試下！我地三個人，裏面得一張十人長枱，一張六枱同一張四人枱。1. "酸辣鳳爪"坐底即叫作為前菜比出面既會辣小小，份量都適中。2. "炸蝦餅"一碟有八粒咬落唔油 仲好彈牙添！3. "泰式青檸燒牛肉"👍🏻呢個特別牙 佢係牛柳唔係牛肉燒到七成熟 真係燒得好靚咬落唔硬又唔太冧加蒜頭同酸辣汁食仲有d菜心放係底好味！

平安夜聚餐來這裡，位置係內街，比較僻靜，人流比較少，我地Book 左枱，一行17人，嗌左好多野食，大部分野食都係超乎想像地好食，每一碟都係份量十足，冇偷工減料。而老板係正宗泰國人，所以食的野都係正宗泰國風味，真係食完想再食過呀。我地嗌左好多野食，就揀一D擺上來吧。前菜泰式香茅鮮蝦沙律 $78生蝦，鮮甜爽口，衛生乾淨。泰式肉碎生菜包 $68肉汁多，酸酸咸咸，食完再食。泰式青檸蒸魚 $128係泰國必點的菜式之一，連盤都係泰國STYLE，烏頭多似肥美，酸酸地超開胃。泰式明爐魚 $138呢碟冇咁酸，都係好食泰式燒雞 $148醃得好好味的雞，清得好快泰式鮮蝦炒金邊粉 $58幾有鑊氣，唔會好黏果種，好味泰式原隻波蘿海鮮炒飯 $88大大大大隻蝦，仲有青口，份量十足，好抵食泰式沙爹串燒 6串 $78有DD乾泰式咖哩炒蟹(配蒜茸包) $368白飯殺手，好多蟹肉，唔錯，咖哩好香唔辣泰式小食拼盤 $138呢碟唔太特別，炸物唔係好好食泰式海南雞 $170雞有少少鞋，味道清，配辣醬還可以泰式鐵板蠔仔 $88同台灣好唔同，呢個係濕煎，蛋同比較多，好多芽菜，蠔仔都多，但味道一般般椰汁糕最後一道糕點，有親友一人食4件

估唔到一間咁唔起眼嘅餐廳一間咁平民化嘅餐廳可以有咁大嘅驚喜，經過呢間泰國菜館，環境裝修好簡單，好似一間快餐店咁樣，冇特別嘅裝修，更加冇豪華嘅格局，不過實在太過肚餓，所以就膽粗粗走入去醫肚！呢間咁似快餐廳格局嘅泰國菜館，居然都有生蝦食，我當然都唔放過試吓啦，仲有佢個煎蠔餅，睇起上嚟好似幾正，仲有我最鍾意嘅咖喱蟹，全部菜色都令我喜出望外，同出邊一般大嘅泰國餐廳食肆有得揮，雖然環境不及大餐廳，但係味道完全及得上！值得推介！

午餐放飯時間，係長沙灣覓食真係似打仗咁。間間餐廳都好多人要等位。今日黎到間泰國菜去試試。間店鋪位置比較隱閉，位置於係條巷仔裡。室內外都有位坐。但係店鋪位置面向一間梳化翻新鋪，感覺比較大塵同嘈。午飯時間等左一陣後就坐低叫野食！三人行叫左以下餸菜：扎肉喇沙金邊粉。喇沙湯底非常惹味。好香椰奶同香料既味道。最後湯底都飲哂。 扎肉都唔錯，扎肉入面仲包有肥豬肉，幾特別。泰式干炒牛河。泰式干炒牛河就比較一般，牛肉算爽口，粉都唔錯。但問題係芥蘭苗有d苦，個人唔太鐘意。泰式炒金邊粉。依味菜無試到，所以無從評價，但賣相還可以。飲品食泰國菜飲品都係一個特色黎！龍眼冰真係非常滋潤同好飲。係回暖既季節一定要點！香甜又解渴。份量對男性是比較小，但對一般OL 黎講份量足夠。服務態度唔錯，店內侍應生應該係泰國人笑容親切，但係人手好似比較短缺，繁忙時段有點「踢哂腳」。總結食物質素是不錯的，但店鋪選址不太好，對面間翻新梳化店距離好近，最驚就係做野既塵埃會飄到過黎食物上。

叫佢做隱世，係因為佢真係隱藏係一條一D都唔起眼，環境昏暗既巷仔。由於係附近返工，其實一直都知佢既存在，但實在無勇氣行入去，好驚中伏。當日放lunch時突然好想食泰國野，長沙灣工廠區食泰菜地方唔多，就算有都幾貴，閒閒地都$50以上。我窮L打工妹既精神鼎持住「就算窮...都要食好西」既精神，終於鼓起勇氣俾個機會佢。午餐套餐都幾多選擇，有飯類、炒河、素類、湯粉等15項選擇，包熱飲一杯，價錢一律$52。14:30-16:30後仲會減$10，精明既打工妹梗係襯呢個時間食啦。入到去環境佈置好簡單，得5張枱，有30幾個座位左右~有一個好親切著住圍裙既既媽媽look伙記招呼我。我叫左「泰式雞肉炒金邊粉」+ 熱好立克。「泰式雞肉炒金邊粉」: 新鮮熱辣炒起，賣相就一般啦，不過食落又幾好味喎。蕃茄味重，酸酸甜甜好開胃，但略嫌金邊粉有D碎。雞肉有6-7件，旁邊有花生碎，擠埋半個青檸落去撈埋一齊，正呀!呢次我坐近門口位，食食下幾次俾烏蠅騷擾，希望餐廳可以加返D野係門口阻隔，例如透明膠片。不過，呢個價錢其實唔係話好貴但又唔係平，間唔中都會食一次既。見到餐廳都有幾位泰國面孔既媽媽伙記，同餐廳名一樣，臨走時媽媽伙記叫

跟閨蜜們約會在長沙灣，捨棄大街我國的人氣飯店，走入隱蔽的冷巷，由繁華大街走進偏靜小巷，短短20步的路程，感覺就像從繁囂鬧市走進寧靜郊區，心想，在這地方會有餐廳食肆嗎？雖然一早知食泰國菜，但只抱著跟閨蜜聚會，食物也是其次！但這其次令我再次有執筆介紹的衝動！店內環境比店外環境整潔企理，聽說是剛開業不久，所以地板門邊很乾淨，因為我坐門邊，所以有留意到，也不介意把背包靠門邊放！泰國菜在香港已不再新鮮，很多地方也有，但這間食店給我的整體感覺很舒服，食物味道沒有太大的刺激，可能這天沒嘗辣吧！所有味道也恰到好處，很溫和，雖然沒有一吃便大叫好味的那種，但價錢相宜，中價位的食物款式很多，我們4個人也不用$500，店員殷勤的招待，感覺很親切，老闆娘也很貼心的為我們送上甜品，下次到長沙灣，又多個聚落點唷。泰式金柚子鮮蝦沙律 $58 個人最喜歡這道，很清甜開胃。泰式燒豬頸肉 $68 爽口，但不夠香脆。馬拉盞炒通菜 $58 通菜很新鮮，雖少了馬拉盞那份獨有的鹹香味，但我喜歡。泰式肥牛喇沙湯河 $45 湯很正，但肥牛過熟了一點泰式雞絲喇沙湯河 $42 雞遠勝肥牛泰式青咖喱雞 $88 椰味濃郁雞很滑泰式薄餅 $22

星期日去完台灣返香港，食左幾日夜市同牛肉麵，女友提議食泰國菜攞返啲新鮮感，上網搵下屋企附近新餐廳，發現係大中華附近有間新泰菜岩岩開檔，抱住有新試新既冒險精神，拖埋個朋友落水，即刻開波黎到餐廳門口，感覺就係泰國個種一家人經營既小店，雖非光鮮，但絕對係乾淨企理，店內坐位唔多，個晚咁岩有班相信係泰國鄉理過黎試菜，而老闆娘同幾位工作人員又係泰籍人士，相信今晚應該有收穫啦，好，點菜呢度菜式都係港人喜愛熱門，今晚就以生蝦做前菜，生蝦舖係冰面上枱，每隻都伴有一生蒜片同辣椒，另外仲有一碟泰式酸辣汁，鮮蝦肉清爽彈牙，食材新鮮，汁醬方面，酸辣控制得相當平均，不會偏甜過辣，開胃十足，蝦頭炸好伴碟，有誠意第二度係本人全力推介，生菜包，有雞肉同豬肉供選擇，我地以今次就先試豬，由於舖面唔大，廚房制作既時候我地已經聞到香味相當吸引，乾葱，紅葱頭，蒜容既威力非同小可，配上檸檬葉，黑胡椒香味，一路炒，我地三個已經眼望望，好期待，上枱啦，先試一口肉，冇炒過火，魚露同檸檬汁配合得好均衡，就算唔加上生菜都冇過咸難入口，實在係難得高水準，份量方面，肉餡比較多，所以我地追加左一份生菜，即洗即上碟，食用感好好，要試再黎要左半隻海南