泰巷 (已結業)

今天難得假期，與先生來到荃新天地吃泰國菜。一進餐廳，看到空位不少，我們選了近商場座位還坐。其後，就是看menu時間了！Menu上的菜式與普遍的泰國餐廳差不多，但價錢合理，一個set都是五、六十元多。由於本人十分喜歡吃雞肉，所以選了海南雞飯，並配了熱柚子蜜一杯。海南雞肉質略嫌硬了一點，但醬汁味道一流，尚算不錯！至於先生則選了黃咖哩煎雞排。這個餐的雞排肉汁嫩滑，再配上小辣的咖哩，味道一流，值得推介！整體來說，兩個set味道不錯，而價錢亦合理，想吃泰國菜的朋友也可嘗嘗這間餐廳呢！

首先從佢既餐廳裝飾的確係叫做吾錯。餐單食物既名稱亦都非常吸引及到位！但入到去食係完完全全得個「伏」字！完全係伏！伏！伏！伏！伏！伏！伏！伏！伏！伏！伏！伏！伏‼️無骨海南雞飯 啲雞肉細舊到你吾想食，雞皮仲大塊過雞肉泰式菠蘿手撕雞炒飯所謂既手撕雞，出到黎根本就吾係手撕雞。完全係類似冰鮮雞既雞肉。完全無泰式風味！肉碎生菜包啲肉碎少到極點，生菜大大塊但只得5塊左右龍眼冰完全只係得個「甜」字，甜到卡喉，龍眼肉仲要係一片片，並吾係一粒粒。只係叫左以上既食物同飲品，就連一道菜、一杯野飲，都吾會覺得可以接受到。我食野已經係無乜要求但呢間野真係我有史以來最火滾既一餐！非常好👍佢已經狠狠地為我留下深刻印象極度建議睇完餐牌就好走啦。

夜晚收工好肚餓行經荃新天地見呢間唔多人，拿拿聲就衝左入去，入左去之後，處處都係伏...兩個人各自叫左個飯同麵鮮茄芝士焗泰式豬頸肉飯無骨豬手湯米粉黎到兩款野啲份量都好少，個豬頸肉飯有好多唔等洗既配料，菠蘿蘿蔔蕃茄，仲多過啲飯，個飯底係黃薑飯，豬頸肉無乜味，食唔出泰式隔離大家樂焗豬都好食過佢而個米粉跟一粒豆卜同啲芽菜...湯底好咸好咸 豬手係滷過，味道不過不失啦，唔會好硬既由於兩樣野太細兜既關係，我地叫多左個泰式肉碎生菜包，啲肉碎賣相好似人地食淨既野咁食落酸酸地同幾辣下...個生菜真係洗得好唔乾淨！！食到最尾見到塊菜痴住粒野....好！核！突！呢間野黎一次之後唔會再去第二次！

眼見荃新天地D食肆不停轉手 , 就知道今時今日要守業的確不易! 今日時間仲早, 見唔使排隊就試下新野📍泰巷..餐廳坐得都幾舒服, 原來仲有早餐, 太好了! 點咗個手撕雞船河$29 + 泰式涷奶茶 $3就算想再加A or B都唔貴呀! 以荃新天地黎講依個價錢味道同河粉口感還可以, 唯湯底有D偏咸, 份量真係小左d不過唔要求太多啦... 泰式涷奶茶偏甜但都OK嘅.. 2個餐$61 埋單不過不失啦。依間餐廳係靚裝修但茶記質素, 畢竟荃灣食肆眾多, 未必會再翻撻

呢到真系差評，無下次！優惠推廣三樣野，烏頭，冬陰功雪魚我都試過，好難好難食！杯泰式凍檸茶，超級難飲，用雀巢粉沖嘎！咁嘎價錢我去隔離大家樂好過距n多啦！冬陰功無冬陰功味

真係越做越差！之前食早餐覺得幾好食，點知加左價之後啲嘢難食左食物又唔熱，所以好耐無黎，今日肚餓行過見到有下午茶，想比多次機會，個真係以後都唔會黎，從來都唔寫食評，不過今次要忍唔住要寫評語講，希望少啲人中伏，今日食下午茶餐，點左一個下午茶餐一個咖啡飯，啲野食耐都唔緊要，但杯嘢飲都係要等好耐先到，黎到杯嘢飲又落錯單廢事換，但食埋個咖哩飯個下午茶生茶包都未黎，原來漏左單，個生菜包份量三份一個茶餐都不如，價錢唔算平份量都極少，都唔緊要但唔係話好食先係重點！

今朝喺荃新天地想找間餐廳食早餐，見呢間有位就入左去。餐牌有河粉麥皮果啲，仲可加$6有燕麥厚多士同炒蛋，照落好似唔錯。我地叫左個手撕雞通粉同船河，各自都加麥包同炒蛋。首先黎嘅係粉面，都ok, 但唔係好多料。之後黎左一份多士同蛋，點之另一份一直都唔黎，我地就同返侍應講跟一跟，佢係有跟嘅，等左排，我見到有員工推一堆蛋多士出黎，心諗應該都有我份啦～點知個員員派派下又唔派餐，做左其他野... 完全忘記左我份野未黎，我望住餐車上面果五六份未派出黎多士，望左好耐T^T 點知個員工仲推返入廚房... 都唔係派嘅整凍晒.... 再等左陣佢又推返出黎，但又唔係派，又比我望到啲多士同炒蛋出左黎來回至少十五分鐘....終於先派到黎... 個蛋都縮晒水，食落又凍又乾，個包直頭係硬加凍添...真係好失望，一份早餐嘅精粹，就係個蛋，同埋要夠熱囉.... 凍晒先比人食... 真係好唔ok......所以呢間嘅早餐真係無下次！

同男朋友食下午茶我就叫左個豬頸肉泰河，男朋友就要個泰式常餐豬頸肉河不過不失泰式常餐真係好常餐除左個泰式奄列有泰式肉碎比較特別啲蕃茄通粉真係一個普通嘅蕃茄通粉，仲要通粉有少少過淋泰式奶茶幾好味泰式檸茶係青檸味嘅，不過有點甜，下次叫少甜先

話說母親節嘅日子，出街食飯度度都會好多人所以見到依間比較少人排隊就試吓啦金不換炒泰式牛肉河粉:同一般嘅乾炒牛河唔同可能加左金不換嘅關係，呢個香口好多而且加左粟米芯，生菜絲同草菇，又多咗幾種口感泰王孖兄弟:泰式豬手+海南雞肉質都算滑，但分量真係少咗啲泰式風味拼盤 (小):果然係小嘅拼盤真係得好少而且食落冇乜特別，一般銀錫金不換芝士焗野菌雜菜:一啲芝士味都冇，賣相麻麻好勁香草嘅味，所以唔係好啱我總結:價錢唔貴，份量亦都唔多，其實都是啱比例嘅想平平哋食餐飯可以一試但翻撻指數低

千萬別點二人套餐。。難吃沒味道還不新鮮。完全沒服務員理你。湯沒味道，魚又沒味道。簡直是太令人失望。這個收費提供這種食品真心不公道啊。是這個商場最差的餐廳。服務員基本不理人，還收10%服務費。

今日閒逛荃新天地，下午茶時間到，就試咗呢間泰巷Order咗個茶餐，脆炸雞腿拼沙律加薯角($38)，再追加一個蕃茄火腿通粉都只係$9 隻雞𩨨炸得幾靚，賣相不錯，吃起來肉也算嫩滑，不錯薯角就比較薄切，味道尚可

入座時候冇人理，食物下單後，等足半小時，等極都末有得食，要吹二次單，不知所謂。是食牛魔王，食物普通，價錢〇K，不過上菜速度，入座速度有待改善。如果不能改善，不會再光顧！

想搵個地方食下午茶誰不知太耐冇去荃新天地原來快餐店都執晒睇見泰巷裝修得幾靚就入去試下喇點知啲待應個樣好似我殺左佢全家咁講野又冇禮貌我聽到隔離枱個女人好肚餓所以叫左碗粉食但食左兩啖就話碗粉好鹹好難食 我就決定嗌西多士喇諗住正路野應該唔會死泰式西多士加3蚊飲凍泰式奶茶西多士顏色好深(現場睇)，油(益)味好重杯奶茶好重雲呢拿味我唔想浪費所以勉強食完即走個男收銀(可能係經理)又係死老豆咁樣食完西多士我就發燒燒左3日仲喉嚨發炎要睇醫生真係貼錢買難受

餐廳剛開張時試過，印象是扮報紙設計的餐牌、少少貴的價錢和一般般的味道，因此幫襯過一次多年來也沒有再光顧了。路過見下午茶二字頭有交易，就畀多次機會佢。$29的黃咖喱配蒜蓉包，雖然是平價之選，但也特別標記著是廚師推介。蒜蓉包軟熟，上桌是仍溫熱。黃咖喱內有波蘿粒，有驚喜。而且也適合素食人仕。加$9加配蕃茄火腿通粉，蕃茄湯好濃，酸甜度適中，細細粒的通粉，浸得耐也沒有爛。加$3轉凍飲，比較特別是可選擇泰式奶茶或泰式凍檸茶。泰式凍檸茶沒有檸檬可以篤，但有些香草味，與別不同有記憶點，值得一試。服務也很好。

一條大banner係門口 泰式地道船河發現原來轉左新餐牌拿拿林整個早餐先啦手撕雞船河 加雙太陽蛋 泰式凍奶茶1. 手撕雞船河 湯底夠熱 天氣凍最緊要熱船河湯底夠特別 香港唔係好多地方有 早餐粉麵黎講份量都好夠2. 今日既雙太陽蛋係驚喜既 夠大夠橙色 亮點多士夠熱夠脆 夾埋太陽蛋 無得輸3. 泰奶茶少甜 原因係泰國人口味實在偏甜 唔叫驚頂唔住 結果效果好理想 夠濃夠香 成陣泰國味返曬黎 最緊要跟餐都係+$3 抵！總結 早餐好味 新轉變比以前吸引