泰巷 (已結業)

哇～呢間餐廳真係冇下次，我要專燈比個劣評佢我地三母女去食飯，叫左個二人餐好似差不多三百，另加生蝦、炒通菜、三杯芒果冰全場最好味竟然係杯芒果冰，你話死唔死串燒拼盤都ok, 正常生蝦：普通，個醬可以再好啲菠蘿炒飯：少到每人得兩啖，仲要啲由魚係冰鮮貨，係冇味的花甲煲：好多⋯殼呀啲肉得幾粒，味道偏咸通菜：正常見佢啲份量咁少，就叫多個炒河粉⋯大佬！就真係得河粉，仲要係一啲鑊氣都冇，淡某某，全晚劣食之王！非炒河莫屬

生蝦刺身。唔夠凍。無蝦味。豬頸肉。燒得剛剛好。煙煙Un Un 冬蔭公湯。足料。但味道淡。無味唔辣。咖哩焗農夫包。咖喱汁惹味。可惜包過硬。個人覺得食物有待改進。改進空間相當大。

和中學同學聚會，要選一間坐得舒適，可以方便聊天的餐廳，上open rice search一下，便找到是次這間泰式餐廳。我們一行七人，侍應將兩張檯合併，都尚算坐得舒適，不會太擠迫，我們點了兩個二人餐和一個四人餐，食物數量都頗多。其中，菠蘿炒飯用半隻菠蘿盛著足料海鮮炒飯，賣相有驚喜，海鮮都幾新鮮，但略厭炒飯炒得不夠乾身，菠蘿味不夠。冬蔭公肥牛鍋，配搭新穎，上菜時見到個「肥牛山」，不禁嘩了一聲，冬蔭公味道夠濃夠辣，配上以邊爐方式淥肥牛，可以自由控制肥牛的生熟程度，幾有心思！咖哩雞配薄餅，薄餅煎得香脆，但咖哩味道不夠濃不夠滑。另外，咖哩上的串燒菠蘿，以為它只是一個配菜，卻估不到如此的清甜！餐廳主打新式泰式料理，雖然很有心思，但往往菜式的賣相加配搭卻蓋過食物本身的味道，希望兩方面加以平衡就最好了！

又有好野食環境：位與位不會太密，有啲位仲有得差電添食物：一定要推介泰式爐魚...同埋咖哩農夫包...大家如果叫套餐，就有果set甜品⋯⋯好正丫⋯⋯價錢：159-200位

周末放假最好四圍食，差不多兩點去到荃新天地，一心以為要等到2點半或3點先有tea食，點知呢度好多地方兩點就開始下午茶，吾洗餓住肚仔等食tea,真好！好好彩一個人吾洗等位，餐廳都好寬敞，有好多張枱同座位。裝修有點似地道韓式bbq店，幾有時代感。下午茶餐選擇多元化，最平30零蚊起，呢個時段不用加一。除左有泰式粉麵，其實都有好多選擇，有三文治，多士，薯條，pancake等，都幾fusion。我就點左個手撕雞湯河，冬蔭公湯底(另有清湯底)加熱奶茶。奶茶先上枱。茶夠甘香，茶跟奶比例恰當，拍得住茶餐廳(8/10)跟住到手撕雞湯河，相機先食，賣相有點扣分，手撕雞同配菜一般都放河粉上，呢度就散佈全碗。飲啖湯底，真係冬蔭公湯既味道，吾係即食粉麵既味粉咁hea,完全飲到有酸，辣，蕃茄，同應該係香茅味，即刻加返d分。如果可以辣多一點更好(吾係吾夠辣， 係本小姐本身都食得辣)。雞真係撕開一條條，而吾係切絲扮手撕！河粉無痴埋晒一齊，吸左d湯食落好滋味(8/10)。呢度環境吾錯，食物質素都好好，可以作為約人食tea傾下計既選擇。

到了晚飯時間，在荃灣逛著，隨便走到這家覺得menu ok就坐下了。畢竟入夜後很多地方開始要等位，我們一行五人也想找個坐得比較好的地方。荃新天地商場內尚算企理，裝潢新，有梳化座。沙嗲分別是一個豬肉一個雞肉，三串$36。豬肉比較鞋口，雞肉反而多汁嫩滑，醃得入味。沙嗲醬香而不太辣，內含花生碎有咬口，蘸串燒吃最好不過。農夫包份量小，只有大概兩個拳頭的大小。雖然入面盛著咖哩，包仍能維持外皮香脆，必是有好好烤過。咖哩香辣，算是小辣程度。海鮮有青口、大蝦、魷魚，按包的大小比例來說，這海鮮的份量算很慷慨。不過海鮮沒有鮮味，只用咖哩的濃味去蓋過。炒河條條分明，不過炒得有點油。椰菜絲、牛肉作伴料，味道足夠而不太鹹，中規中矩。整餐最好評也最有驚喜的是原爐上的烤鱸魚。鱸魚新鮮，看煮熟了魚鰭還高企便知曉。稍稍蘸上薄粉炸過，令魚不會煮至散開，賣相金黃，也更香脆可口。鱸魚外皮脆內裡軟，白雪雪的魚肉鮮甜，就這樣吃已經很好，再加上冬蔭的味道更惹味。冬蔭是大辣，但也不失其香。明爐滾著冬蔭湯，令魚keep住夠熱，香氣四溢。食物中規中矩，但侍應太少，服務也自然很不足。下一碗白飯本想來送鱸魚，也要等15分鐘、等得鱸魚也吃了一半

預祝朋友生日，其中一位朋友話食過lunch都ok，成班人都未食過，就嚟試下！叫左個四人套餐再散嗌多少少嘢食！拼盤 - 生菜包啲肉太鹹，魚餅好難食，其他三樣正常，但冇話特別好食雞肉串燒 - 冇燒烤嘅香味，冇特別菠蘿海鮮炒飯 - 海鮮都幾多，有蝦，鮑魚，魷魚，蜆等等……朋友話鮑魚好難食，本人就覺得啲菠蘿味道怪怪，炒飯好淡，冇乜味龍蝦汁海鮮意粉 - 意粉吸收晒龍蝦汁味，所以都唔錯，海鮮唔會期望係新鮮，青口唔得青胡椒雞煲 - 雞件味道普通唔記得係馬拉盞定泰式炒通菜味道正常，唔算得上好好味冬蔭公湯加蒜蓉包 - 冬蔭公湯朋友說比較酸，蒜蓉包好難會唔好食，如果脆啲會更好甜品 - 整體都唔錯總結：泰國菜嚟講真係差左啲，冇乜邊樣令我覺得好食

呢間我一直經過都唔會入去既泰國菜直至上次睇咗一d網上食評話過唔錯d相影出黎又幾好賣相，於是黎試下海鮮料比我想像中多，有蝦，青口，蜆，魷魚本身諗住食個芒果黑糯米甜品，所以諗住叫個淨河粉食，唔會太飽，點知芒果黑糯米無晒個湯底好明顯味精既味道虎蝦唔彈牙 蝦味亦都唔重兩杯沙冰唔錯 最岩熱辣辣既夏天

今天因事到荃灣走一趟，完事後就到荃新天地覓食，醫下肚。來到這個商場，已經是下午茶時間，於是隨意地找一間餐廳坐下來。泰巷是早前經常過門而不入的餐廳，見下午茶時間，不如入內食個下午茶餐都好。看過餐牌，已經選定一款，於是落單。金不換泰式雞肉炒河是今天的下午茶主食，炒河上有椰菜和磨菇，炒河炒得乾身，沒有太多的醬汁在內，河粉都幾煙靱，雞肉炒得不靱而軟腍整個炒河亦有豐富的金不換的香味，不錯。泰式凍奶茶是餐飲，每口都是有著特別的茶香，亦有茶的回香味道，順滑而甘香與馬拉茶的味道差不多吧。只是一個下午茶餐，簡簡單單便算了吧，而且又飽肚。

喜歡和朋友來這家泰巷，不論環境、服務與食品也有水準這次選擇了兩款$30/set的下午茶餐，及兩款各加$5的小食，感覺沒有因價廉而影響食物質素。扎肉清湯河粉配凍檸水，湯底味道清而不淡，没有味精湯的感覺。薄薄的扎肉，爽口味香，河粉也夠薄夠滑，爽而有米味。手撕雞清湯河粉，雞肉滑而有嚼勁，有雞味，兩款湯河的湯底與河粉，質素也—樣的好。泰棒蔬菜春卷，想不到$5會有兩條。春卷皮脆，蔬菜新鲜，不會感覺熱氣。$5燒沙爹雞肉串燒也有兩串，雞肉新鮮彈牙，有雞味。配以中辣的沙爹醬，稍嫌醬内的碎花生較稔及不夠香。凍檸茶，茶質滑，檸檬片清香，不帯苦。配凍飲要加$3，也合理！

喺荃灣搵食係星期六放學後指定動作，帶小朋友食泰菜最重要坐得舒服、快有位。呢間望落地方、座位夠大就一於試試。點左個靑咖喱豬扒飯、海南雞飯。咖喱夠味，送飯一流，豬扒輕輕炸過，內𥚃唔乾有肉汁。海南雞飯都好味，雞肉滑，可惜無甜是油，得個泰式醬。花生唔太脆，食2粒算。老公話佢個泰式咖啡好飲，有啲泰國餐廳叫咖啡係俾普通咖啡，呢間真係泰式咖啡，無呃人。

泰巷裏面並非似一條巷,而是很濶落的餐廳,但裝修比較簡單,今日嚟到食下午茶,有湯粉,飯,甜品和一些小食。今日叫了個芝士風味熱狗凱撒沙律配飲品40元。雖然都好像貴了點,但送上後都唔錯沙律好像少了點,只是數片生菜加麵包粒.但熱狗買相不錯.熱狗包焗得香脆,加上了芝士一起焗,香腸不是大般的雞肉腸,比較長和粗,芝麻的香味加上芝士的味道,很有趙口的香腸,一起咬下好有滿足感.配埋一杯奶味香濃的熱奶茶,令到我有一個滿足的下午茶

路過荃新天地，決定試下新野，極之後悔，order二人餐，價錢唔貴點了二人餐$288，但質數，未食過咁差既泰菜，明爐烏頭，腥味重，泥味重，賣相一流，味道差，波羅炒飯，完全無味，配上無味白恰既海鮮，服務態度差，個個好似遊暈咁，唯一環境座得ok, 不過唔會再黎

在荃灣做上班族的我又不斷尋找美食啦！這間不用加一的午餐單看餐牌已非常吸引每個餐都有湯或沙律，沙律是正常好食的，湯是每日都不同的，今次的是椰子雞湯，頗濃香不錯。冬陰公肉丸米粉湯很濃，酸酸辣辣的非常正，米粉是泰國米粉，很幼的那種，所以很入味，好好食啊！同事因為不舒服別手撕雞清湯米，同事說雖然是清湯，但湯也有味，不是清清淡淡的，也不錯！選粉餐可以選一個小食，串燒雞肉燒得剛剛好，不會乾而且是新鮮燒的，大讚這裡的咖啡很香很推介

昨日諗住試新野，便入左呢間野。因未夠6點，可入去坐住先等夠鐘先叫野食。但我們坐了十五分鐘，疑似個waiter 阿頭就教d新人做野，由等夠鐘就嘈到我地走。完全影響心情。我們點了4樣野：1.炸尤魚併菠蘿-尤魚炸到黑色而冇味，菠蘿連皮一齊燒2.蔬菜錫紙燒-冇味，側邊已燒焦，唔食得3.雞肉串燒-d肉冇醃，單靠外面少少味粉及沙爹汁有d味4. 沙爹炒長腳蟹併蒜蓉包-蒜蓉包好吃，但d長腳蟹大部分冇肉，全部只吃到炸粉，個汁冇味只有辣，辣到冇味覺臨走個時經過門口，好多人剩下很多食物。。下次都咪搞