泰巷 (已結業)

行開街，諗食晚餐之際，見到就腳嘅泰巷，所以一試。荃灣泰巷位於荃新天地內，坐位頗足，我食嗰日星期六都唔駛點等位，仲有卡位坐添三個人點咗個二人餐，個餐包：小食，湯，主食，粉/麵/飯，飲品。價錢每人平均100+蚊左右。小食：串燒，素春卷，炸雞配唦嗲汁，甜酸汁味道同平時食到的差唔多，不過不失。個湯選咗南瓜海參湯，因為想試吓冬陰功以外的水準，結果係一個清淡嘅選擇，海參有d 雪味食得酸辣嘅朋友都係飲冬陰功吧！主食選了明爐烏頭味道剛好，而且有黑木耳，草菇，通菜，粉絲等配料，吸晒魚汁，好好味，依條魚為成個套餐取回分數而且條魚份量剛好，食得飽又唔浪費炒粉，配豬頸肉，味道適中，粉多肉少，本人覺得上面幾條菜可以唔駛，返而加d 芽菜口感可能仲好。飲品係包埋嘅。泰式奶茶及泰式檸茶本人偏愛泰式奶茶，因為甜滑，奶濃，茶香，泰檸茶酸酸哋，有青檸味，都好味。嗰日加29蚊有泰式香茅脆香骨，還不錯，似吉列香茅豬排服務很好侍應生都很禮貌，招呼反應快。整體感覺良好。

一直愛吃這裡的早餐，30多元一份，賣相算是很不錯。點了炒蛋，雞扒及麥多士（店有很多麵包選擇，可要豬仔包，白麵包多士等）。食物熱度夠，雞扒不會太淡，皮是香脆，配上滑蛋，心足矣

去荃新天地，但為掛住買嘢，所以晏左揾食，只好求其揾間。一入到去第一層見開始等位，見對面人多D，所以入呢間泰巷食。見佢門口有張18蚊一碟通菜，唸住抵。。。。本來唸住叫一碟青咖哩，個waitress第一句即話，好辣嫁，我話吓，佢再訞係好辣嘅，。。。咁轉左黃咖哩，加最愛嘅酥油餅。其實蒜蓉包都愛碟菜係食左嘅，不過本身都係多一培，係咪好大碟呢。咪就係18蚊囉。都唔知有無1/10斤呢？蝦餅尚1算ok，係細舊囉。其實仲叫左個豬1頸肉1河，忘了影一句到尾，應該唔會再去食囉。

成日經過呢間餐廳都覺得啲嘢食好精緻，裝修又靚。終於可以過嚟試吓。一入到來，就覺得好舒服，因為地方好大每張枱都唔會好近而且沙發都好舒服泰式鳳爪，有好多舊，一個人係咁食都食唔完，味道來講對我係辣左少少不過好惹味，而且啲鳳爪好爽口，又夠凍，好正，啱晒呢啲天氣。生菜包，淨係見到個碟已經好開心，因為生菜擺得好靚，又好新鮮唔係啲爛菜。食落口啲肉碎唔會好油膩，又唔會好多水，但係都keep到咁juicy，好味道。

朋友仔想食泰菜，有行到攰想搵間坐得耐啲舒服啲既。就去試吓呢個呢個裝修其實似美國野多啲，帶位妹妹都幾細心其實執緊枱好快就有位，佢都自己幫我地按埋票先，好有禮貌笑容好。坐低打開餐牌有啲餐但係我哋散叫。見到有飛天時蔬$18就叫左個，冬陰公明爐烏頭、蝦柚子沙律、泰式雞肉炒河。menu內飲品選擇唔多，見到柗上面有啲特別嘅餐牌，有特飲薄荷青檸梳打就試下。飲品有幾塊新鮮薄荷葉要自己篤先出薄荷味好淡，青檸梳打檸底味就好勁，賣相靚又大杯幾好飲。先上個菜⋯⋯勁細碟⋯⋯心諗$18係咁上下架喇，賣相就一般用個小小的煎鍋上菜。有啲蒜蓉係個底度，味道正常嘅大份量真係少。蝦柚子沙律啲蝦幾多爽口，但柚子好碎唔夠辣。雞肉炒河無乜肉既幾大碟，唔是金邊粉或泰國棵條，係幼河粉又無魚露味青檸味所以唔多泰式feel😂。烏頭賣晒變爐魚，條魚包粉炸過🙈屈住響個長方形淺身鐵盆，有啲瓜粒粉絲番茄墊底，湯味係冬陰公味既，但似用粉開唔是煲出黎。條魚好老⋯⋯成件事好唔泰國。價錢唔貴坐得舒服服務都唔錯。當fusion咁食唔好當泰菜😂埋單$400

今日 23/5/2017 約左家姐去荃新天地 1 期 shopping, 行到攰，都四點幾，跟住就去了地下果層，泰巷食下午茶，環境都好舒服，不太多人，可能係平日關係吧，所以比較清幽。我地叫了2個下午茶餐： 泰式蜆肉炒意粉, 包1 杯野飲，$44.00, 隻碟好大，份量太少了，有少少辣，好好食；仲有西多士餐, 面淋了朱古力醬，花生醬內涵，又係好好味，真正，再加上泰檸茶要另加3 蚊, 無得頂，好有泰茶味，檸又好好味，好夾，好正~ 飲一啖就好鐘意了。

在五點十五分仍在找尋下午茶~因為太想吃河粉~看到泰巷有~便立馬進去~原來下午茶只到五點半~剛巧趕到尾班車~Lucky =]燒豬頸肉湯河粉 - 朋友點的~評價是~如果只是想吃點少東西~份量是剛剛好XD但湯底也是偏油膩的!點了湯河粉才可以加5蚊加配的沙嗲雞肉串雞肉和沙嗲醬也很好吃~!金不換炒泰式河粉(配豬頸肉)炒得OK乾身~也不會太滿嘴的油~而豬頸肉也不是一口咬下去就是肥膏那種!所以喜歡這種~!!!每一個餐跟一杯熱飲~下次下午茶時段經過~可以不防一試~如果碰巧你也是想吃河粉的時候XD

今日上完堂 下午5點幾 餓餓地 行到荃新天地 黎食返個tea 開左都一排既泰國菜 都未有機會黎食今次同朋友二人～叫左個豬頸肉河 清湯望落面頭一層油 個湯咸左少少豬頸肉就幾好味係個湯油左d 唔敢飲d湯 河粉份量都唔多 四 五啖食完 果然係tea 既size加5蚊有小食 友人選左雞串配沙爹醬幾抵食波又～幾香口值得一試另外炒粉 都算大碟味道都好夠 幾好味色水賣相都唔差嫁 ～仲包杯餐飲呢餐加埋90幾蚊都算抵食啦總括黎講，都唔錯 餐廳環境都幾好下次可以試下lunch dinner黎食

時間來到8點半, 仲未食飯嘅我地, 求其搵間餐廳, 喺荃新天地地下有間泰國菜, 完全唔使排隊, 行近少少就有員工以非常親切的態度邀請我地入去食, 在超肚餓的情況下, 我地就入左去啦～其實餐廳都幾寬敞, 整齊清潔, 坐得都舒服。我地order左個二人餐, 有1. 泰式拼盤 - 份量幾多, 有串燒, 春卷, 蝦餅同埋香葉雞, 各兩件, 熱熱的. 味道尚算ok 啦2. 冬蔭功湯 - 味道一般, 淡淡的, 無乜誠意3. 海南雞拼豬手 - 雞幾滑, 但配雞嘅醬汁就麻麻地; 豬手好香, 個皮唔錯, 好軟熟, 但一點嚼勁。4. 原個菠蘿炒飯 - 唉～呢個飯就真係有點失敗, 一粒菠蘿肉都食唔到呀～完全無味, 只靠肉鬆啲咸味, so bad另外, 加多18蚊就有個馬拉盞炒菜, 呢個菜上枱時感覺真係好hea, 有點求其, 但食落都幾有鑊氣, 都唔錯喎雖然啲飯菜一般, 但員工嘅服務態度真的不錯, 我想將個湯翻熱, 侍應立即說無問題, 拎埋個爐俾我慢慢煲，這點真是值得讚嘅！

其實之前嚟過食下午茶，幾十蚊食碗粉，印象中係價錢ok味道正路嘅。今晚揀左個二人餐$298，加特飲兩杯$52，炒個菜$18，加埋一埋單$404.8，喺荃灣食一餐飯一人兩舊水絕對唔平架喇。冬蔭功海鮮湯，啲蝦肉勁霉，完全係死蝦咁，魷魚冇味，個湯味道合理嘅，但成兜湯香矛都夾唔到一條出嚟咁你話啲味邊度嚟？心照啦...最正路呢個拼盤，蝦餅春卷即刻炸熱辣辣，唔難食嘅，係油左少少。串燒琴日食完個咁好嘅呢個簡直完全冇得比，但都係嗰句，唔難食嘅。冬蔭功驢魚，先炸完再連埋啲配菜一齊放喺個爐度加湯煮。首先呢個四方形嘅爐唔係幾啱用，擺盤都係有啲問題，啲菜喺條魚下面，煲左一陣啲菜已經吸哂啲湯咸到食唔到，但條魚都仲係乾爭爭，直接啲講完全唔好食。菠蘿炒飯，好耐未食過咁難食嘅菠蘿炒飯👎🏻成個飯都冇味嘅，海鮮又冇味，得啲肉鬆咸咸地，菠蘿都冇幾多粒，極hea😤最滿意係呢個半價$18嘅炒通菜，價錢同味道相符，唔係話佢好食，但俾得$18都唔會再嫌三嫌四。荃灣好食嘅泰菜其實唔少選擇，今日貪就腳又坐得闊啲，就錯哂喇😩😩

大年初三的晚上，一家人到荃灣一帶覓食，駕車兜了三四圈才找到地方泊車，有點擔心揾食困難，在廣場入口看到有泰國餐廳，面積較大，座位相對多，只消兩分鐘巳可入座，大家當然不會有異議。座位分佈不算太密集，我們一行五人也坐得很舒適，選了一份四人套餐，加了份柚子沙律上餐很快先來宮庭鮮蝦柚子沙律蝦肉新鮮結實，沙律汁甜酸度適中，清爽可口泰式風味拼盤內容豐富有泰式蘭雞，泰棒野菜卷、沙爹雞串、春卷和魚餅，除野菜卷和雞串味淡欠吸引外，其餘都具水準尤其泰瘋香辣青檸魚餅，香辣味道突出透點青檸香氣馬拉盞通菜青綠翠嫩，香味濃郁冬蔭海鮮湯香濃兼備略嫌食材比湯的份量多布吉香辣黃咖哩配油酥餠熱騰騰的油酥餅醮上香辣不霸氣的黃咖哩，非常美味芭堤雅燒雞沒有雪氣味，肉質不算嫩滑，要靠汁醬吊味泰式蝦頭膏鮮蝦炒飯沒什麼食材和味道，但做到飯粒分明，粒粒皆爽套餐還包四杯飲品，相當超值。

同媽咪，老公，bb一齊黎食午餐，叫左火車頭冬陰功河，生牛肉清湯河，青咖哩雞飯，兩個河粉都跟小食，要左酸辣鳳爪，燒沙嗲雞肉串2碗河都好大碗，好多河粉，生牛肉浸左陣熱湯變左粉紅色，食落幾林唔會乾曾曾。冬陰功湯底夠酸唔太辣，都幾多料，但丸類味道麻麻地又唔彈牙，有隻蝦，雞絲，扎肉半件，河粉好滑，除去d送剩粉加冬陰功湯幾好味。雞肉串燒有2串，唔會燒到好乾酸辣鳳爪有2，3件，爽口又酸又辣好開胃青咖喱雞飯，都幾辣帶甜，送飯一流，雞肉較乾

Deserve我晒時間鬧佢 服務太差 我從來唔會出街話人 但我今次嬲同佢開火😠😠 成餐飯谷住到氣 事原：我張費23號 佢㩒左次3秒 又多人 行到都就轉24號 咁佢話等等 執枱 咁我等 可以 執完就比24號入先 個女侍應見到個個男人好似惡少少 就叫我地等多張枱 個男人知係我地先 仲特登坐落去 仲以勝利姿態望我地 fine 同侍應講換黎既係一句 我都係打份工 🙄🙄 加一服務費就係咁用😞 好地地一家人食飯 就搞成咁🖕🖕this is my first time to use this emoji

行過搵早餐食，33蚊有辣肉腸番茄通，燕麥多士，炒蛋，腸仔同類價錢比大*樂或美*好味得多，番茄湯夠味好鐘意，仲有幾粒番茄（唔係青豆size）多士唔係金黃色，但係脆同好味既，只係舊牛油雪到好硬，男朋友叫個10號就麻麻地喇，因為當中既法腸，煙肉同Ham都係烚既仲唔熱，加上室溫菜，茄汁豆同蛋沙律，成個早餐好凍=.=好似重貴幾蚊添，其實有雞排，吉豬或魚柳簡，應該好好多。

在荃新天地云云餐廳中呢個係算多人的，我地大約2點15分黎到，餐廳都差唔多坐滿人。2點開始有下午茶，我同老公叫咗個海南雞飯同辣碎肉飯，另外加多個炒菜。首先黎咗個辣碎肉飯，但係個海南雞飯同炒菜就等咗好耐，要催先到。個辣碎肉飯無汁，我老公問待應拎豉油，但竟然拎咗個調味架黎，對住得白糖、辣辣粉專俾粉麵用嘅架我地真係無從入手。最後問咗攞海南雞油飯豉油，但等咗10分鐘，個飯食完先差唔多黎到。我地加錢轉咗泰式檸茶，但係黎咗泰式奶茶⋯⋯總括來說，餐廳似茶記多過泰餐，嘢食係ok的，但服務就要改善吓。