影片
港鐵旺角站B2 / B3出口, 步行約1分鐘; 旺角地鐵B2 / B3出口 旺角道轉入(金魚街)
繼續閱讀
電話號碼
27499900
開飯介紹
對食物品質非常注重和堅持的小店，和牛和海鮮都經過精選，確保新鮮。食材以正宗泰式方法炮製，每道菜都充滿店主的心思。
繼續閱讀
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
有關獎賞計劃
相關文章
屋企人話想食泰國菜🇹🇭，我哋即刻諗到旺角嘅「泰廚」，開業14年有質素保證！仲有今次去有晚市優惠孖寶✨同加$1小食優惠✨，真係超抵呀！推介大家嗌辣椒膏/咖喱大頭蝦🦐，大頭蝦個size好巨型好厚肉，仲要新鮮爽彈鮮甜，喺出面真係少見呀🤩！———————————————————————🦐辣椒膏大頭蝦 $482有三大隻大頭蝦，每隻都好！大！隻！上枱嗰時以為嚟咗龍蝦添🤪！大頭蝦預先切半咗，食起上嚟就方便好多！半隻都好厚肉好有口感，甜甜辣辣咁香氣十足，鮮嫩彈牙好正阿！🐮燒和牛串 $28｜🐤燒雞串 $18和牛入口即溶，雞肉嫩滑有汁，配上自家製沙嗲醬夠哂惹味。🦐炸蝦餅 $89外皮酥脆可口，非常彈牙帶有蝦嘅鮮味，沾泰式酸甜汁食，酸酸甜甜更滋味！🥓燒豬頸肉 $80豬頸肉燒到外層有微微焦香，肉質軟嫩唔會嚡口。🥖蒜茸包 $42包身烘到脆卜卜，上面搽滿蒜蓉醬超級香口啊！🥣冬蔭大頭蝦湯 $87冬蔭蝦湯可以自選辣度，我地嗌咗小辣，味道偏酸帶微辣，飲落蝦味濃郁鮮味。仲有咁大隻原隻大頭蝦送添，真係好抵！🐟古法烤焗槽魚 $136槽魚上面放咗香葉同香茅，用錫紙包住燒，打開時散發陣陣嘅香味！魚肉白雪雪新鮮嫩滑，無腥味而且唔算多骨，沾泰式酸辣汁食，啖啖惹味開胃！🥭芒果糯米飯 $68平時食芒果糯米飯，成日都會食到最尾唔夠芒果送飯！呢度用咗原個芒果，性價比好高！望落去淺黃色以為酸啦，點知食落係好甜😍！糯米飯口感煙靭軟糯，淋上香甜濃厚嘅椰汁食，我地一家都覺得好好味！🥥椰青 $44大大個椰青清甜解渴，仲俾咗隻匙羹仔食入面嘅椰肉添！
繼續閱讀
每次去旺角始創開完會夜咗，都頭痛有咩食，呢間隱身於旺角鬧市中的泰廚，開到 12 點，正！雖然店面不大，卻有道地的泰國風味。這間由泰籍主廚主理的小店，將泰國美食搬咗嚟旺角。晚市套餐唔貴，先有泰式咖哩炒白貝，白貝新鮮彈牙，貝肉吸滿了秘製咖哩醬汁，點薄餅食一流。另有泰式炒通菜，鹹香惹味卻不會太重口。湯品揀了泰式魚肚羹，選用優質花膠，湯底濃郁鮮甜，帶有微微酸辣，暖胃開胃 😝消費滿 300 元仲可以 1 元小食 4 揀 1，我當然揀了最愛的生蝦！生猛海鮮是店內招牌，泰式生蝦選用新鮮海蝦，配上特製酸辣醬汁，鮮甜可口。冬陰功明爐烏頭肉質鮮嫩，湯底香茅檸檬香氣四溢。泰式燒魷魚外最驚喜，完全唔燶，內裡鮮嫩多汁🥰繁忙時段多人的，我們吃的比較夜，最啱！支持小店！💪🏻
繼續閱讀
Small Thai snacks appetiser 泰式小食拼盤 (小) $99呢一款細嘅泰式小食拼盤已經夠晒豐富，裏面兩條自家製醬汁雞肉串燒🍢、泰式春卷🌯、香脆嘅炸蝦片、炸蝦球🍤，充滿正宗泰式風味Thai shrimp sashimi 🦐 泰式生蝦 $82夠晒新鮮嘅泰式生蝦刺身係個唔錯嘅前菜，蝦肉晶瑩剔透，食落去冇乜雪藏味，點埋酸酸辣辣地嘅青辣椒醬汁🌶️，真係好夾Fried morning-glory with garlic 蒜蓉炒通菜 🧄🥬 $72即叫即炒嘅蒜蓉炒雜菜真係夠晒大碟，望落去綠色好新鮮，食落去有香噴噴嘅蒜蓉味，而通菜炒得夠晒惹味同入味😋Thai style fried clams 泰式炒白貝 🐚 $178超級大碗嘅泰式炒白貝有好多蜆肉🥘，淋上自家製黃咖喱醬汁，配埋洋蔥🧅、青椒🫑、紅椒等配料，都幾好食！Thai style fried noodles 泰式炒金邊粉 🍝 $72炒金邊粉絕對係必叫嘅嘢食，金邊粉口感彈牙，加入酸甜嘅茄醬🥫食落去更加開胃，配料方面有香脆可口嘅花生碎🥜、嫩滑雞肉🍗、韭菜🌱、健康嘅芽菜，飽肚又正Iced coconut milk泰式椰汁冰 🥥 $28食泰國菜點可以唔配椰汁冰，餐廳嘅椰汁冰有香濃椰子味🌴，味道唔會太甜，又有牛奶嘅幼滑感🥛，同辣辣地餸口味嘅泰國菜好matchPizza 🧈🫓薄餅 $42兩大片嘅泰式煎牛油薄餅真係好高質，薄餅煎到焦焦地但唔會太燶，口感鬆化，好啱點黃咖喱醬汁食，值得推介👍🏻Thai soup with fish maws 🍲 泰式魚肚羮 $80熱辣辣嘅魚肚湯真係好啱冰凍嘅冬天飲，面頭有惹味嘅胡椒粉同埋少少香蔥、芫荽🌿，裏面有幾大片入味魚肚🐠、粟米粒🌽、補血嘅雲耳等，暖胃又健康
繼續閱讀
係旺角行完寵物街之後搵野食, 經過見到呢間泰國餐廳有$1優惠小食就俾佢吸引左入去食喇餐廳有2層, 地方都唔細喎~~餐牌有超多食物選擇~~有套餐, 孖寶, 單點, 仲有$1優惠食品添泰式生蝦 $1生蝦新鮮, 肉質透明且光滑, 爽口彈牙~搭配埋酸酸甜甜既醬汁, 非常清新!!泰式椰汁糕 $1椰汁糕椰香味濃, 質感柔軟綿密, 甜而不膩燒豬頸肉 $80豬頸肉燒到好香口, 肉質鮮嫩多汁~~配埋秘制醬汁, 口感豐富, 味道一流!!菠蘿鮮海蝦 $109好吸睛既炸大蝦!!! 仲搭配埋印尼蝦片添海蝦份量都幾多~大大隻, 炸得非常香脆, 脆到連殼都食得呢!! 肉質結實又彈牙~~沾埋酸甜既新鮮菠蘿醬汁, 超正丫!!馬拉盞炒通菜 $72通菜色澤鮮綠, 搭配紅色既辣椒同蒜末, 好惹味呢孖寶: 泰式炒白貝 + 菠蘿海鮮炒飯 $238白貝大大粒, 鮮甜又冇沙~~醬汁味道好獨特, 咸香惹味用菠蘿殼盛住既炒飯好靚好豐富呀!!飯面佈滿肉鬆, 餡料有菠蘿粒、蝦仁、魷魚、青口等~~金黃色既米飯粒粒分明, 口感香濃美味
繼續閱讀
🇹🇭旺角「泰廚」— 地道泰國菜，味道一流！今日同老友行旺角，見到「泰廚泰國菜館」就入去試咗幾道正宗泰國菜，味道地道又夠份量，好啱同朋友聚餐！🐔 海南雞（半隻）呢個海南雞真係超滑超嫩，雞味超濃，咬落去仲多汁！配埋佢嘅泰式醬汁，鹹中帶甜又有少少辣，好惹味，真係一啖接一啖，幾個人share都啱啱好！ 🐟 明爐烏頭一上枱就聞到陣陣香味，條魚夠新鮮，魚肉嫩滑入味，唔會覺得乾。醬汁酸酸辣辣，超開胃，食完仲有啲想再order多條嘅衝動！呢道真心推介！ 🍍 菠蘿海鮮炒飯炒飯炒得粒粒分明，香氣十足，菠蘿嘅甜味同海鮮嘅鹹香撞埋一齊，味道好豐富！蝦仁、魷魚啲料夠多，腰果仲加咗啲脆口嘅感覺，又飽肚又好食，好適合多人share！ 🐚 泰式炒白貝白貝鮮甜，炒得啱啱好，唔會過熟，啲泰式香料炒到香噴噴，仲有少少辣，食到停唔到口！如果鍾意泰國小炒，呢道一定唔會錯！ 🦐 泰式生蝦呢個真係泰國味道嘅精髓！蝦肉超新鮮，滑滑嫩嫩嘅，好有鮮甜味。一啖蝦配埋酸辣嘅醬汁，重點係蒜蓉超香，辣得嚟又唔會過火，真係食完仲想再叫多一碟！ 🥥 泰式椰汁糕*椰汁糕椰香好濃，口感滑滑哋，但又唔會太甜，仲帶少少Q彈，食落清清地好解膩，真係適合食完大餐之後嚟一件！ 🥥 椰青椰水清清甜甜，飲完真係又解渴又refreshing，完咗仲可以挖埋啲椰肉食，健康又滿perfect！📍泰廚泰國菜館 (旺角)旺角通菜街126號地舖@thaichefhk & @media.vas#泰廚泰國菜館 #泰國菜 #foodie #高質 #旺角 #旺角美食 #香港美食 #打卡
繼續閱讀