泰廳 (已結業)

週日元朗活動，當然就近開飯，元朗區的泰廳正好適合。新裝修都充斥著泰式風情，不論飾品或掛畫，都散發著泰國的味道，彷似置身泰國的小品餐廳。簡潔清雅，感覺舒適。點了幾款餸菜，上菜的確快，看到這餐的全家福，便知一、二。😂😏無骨海南雞金邊粉 $62，無骨海南雞啖啖肉，有點雞味，金邊粉亦夠嫩滑。湯底有獨特香料味道，很地道，亦有點泰式船麵濃湯的影子，是會令人將湯底喝光光的 😍😍泰式咖哩牛腩 $79，味道是大路的，牛腩夠諗夠入味，可惜沒有叫飯，但很創意地自制咖哩汁金邊粉，也蠻適合 😂👍泰式咸肉炒芥蘭 $65，通常都是咸魚炒的，但今回是用咸肉，有點新鮮感，味道不遜咸魚，還多兩片肉可以食，認真划算 😂😂泰國新鮮椰青 $35，椰青夠凍夠新鮮，椰肉嫩滑，椰水清甜，超好味。凍檸茶，檸檬夠多，差不多大半個，夠慷慨 👍

做完嘢經過元朗，又係時候搵食，食泰國嘢都好喎，經過呢度見到員工好落力佈置緊聖誕飾物，就食呢間啦！入到去坐低，個格局都幾四正，好，睇吓有咩好食先。泰式咖喱牛腩，我哋揀咗青咖喱，辣度啱啱好，有好多牛腩，裏面啲配料都好好食，個南瓜好淋好好味，仲有泰國矮瓜仔。印度油鬆餅，煎到好香好有酥味，用嚟點咖喱，一流！泰式香芒蟹肉炒飯，個飯炒得好香好乾身，裏面食到甜甜嘅芒果同埋絲絲蟹肉，食完飯個人暖粒粒。天氣太凍，叫咗個蜂蜜生薑茶，飲完寒氣盡消。普通啲，熱華田都有。

元朗多嘢食就係人都知嫁啦，今日嚟到元朗行街，經過元朗差館附近，見到有條街好多食肆，仲見到有間食泰國嘢嘅，心血來潮就一於入去試吓啦，適逢食飯時間都幾滿座，職員好快就搵到幾個位俾我哋啦。蒜蓉包，你上枱就已經聞到陣陣嘅牛油香氣，一想到枱就真係大叫左一聲，好大份呀，同其他嘅蒜蓉包唔同，佢唔係用黑色包，係用方包，吸收晒牛油同蒜蓉嘅香氣，充滿口感，入口淡淡滋味。青咖喱牛肉，呢一個咖喱用嚟配蒜蓉包一齊食就真係一絕啦，青咖喱味濃，充滿椰汁香氣，裏面充滿好多豆角同埋泰式茄子，果然係我最愛啊，而且牛肉嘅份量都好多，入口細嫩，又滑身，呢個青咖喱真係送多幾碗飯都仲得呀⋯⋯泰式香芒蟹肉炒飯，呢個炒飯充滿鑊氣，而且炒得好乾身，粒粒飯好分明，配上香芒嘅香氣，為呢一個飯添加不少色彩，蟹肉都好多，啖啖鮮味。通常覺得食泰國嘢都比較貴，但係今餐塭單竟然打咗個突，真係覺得好抵食，難得搵到一間咁抵食嘅泰國菜，下次真係要同啲朋友過嚟開大餐呀

之前去舊舖食過 已經覺得好好食 搬咗嚟新抱今次第一次試食 味道依然美味 環境仲闊落咗我仲記得嗰兩個公仔，門面幾乎一樣 ，入面既擺設環境都同舊鋪差唔多 一路播住泰國歌 週邊環境好有泰國氣氛 今次真係叫左個lunch單拖自己黎等咗一陣就有位 lunch set 有野飲，冬陰公湯底好濃味個雞好滑身，索曬冬陰功湯啲味非常正但係啲湯唔夠飲因為太多粉下次要叫佢少粉仲係好似以前咁好飲原來有 2人餐食， 下次真係要同屋企人黎試下先得 下次再來

俾咗凍水，問職員要杯暖水，叫咗3次都冇咗件事，餐廳內並不繁忙，職員態度差，上菜，放碟，叫客人自己移好，明明手先拎住一碟菜，枱面都喺一碟菠蘿炒飯，明爐魚，條魚喺炸過.問職員，點解要炸條魚，職員回答，明爐喺要炸～當我哋第一次食泰國菜，還是當我們喺白癡？賣單時，同職員講，條魚唔好食，真喺唔明要炸，職員冇理會，轉身行去收銀處.聽到隔離枱，等咗半個鐘，等到個回覆喺，炸壞咗條魚～個爐要整返好，要再等好耐～🤷🏻‍♀️🤷🏻‍♀️🤷🏻‍♀️🤷🏻‍♀️唔會有下次！！！！

—原來嘅泰好味 而家變咗喺夾公仔隔離間泰廳冬蔭功海鮮湯($89小)天氣涼咗 嗌個湯暖下身有開咗邊嘅大頭蝦 仲有好多sok哂湯嘅草菇同秀珍菇個湯少少辣 啱哂想嚐辣又食唔到辣嘅人串燒拼盤($78)豬 牛 雞 各2串都腍身同入味嘅另外仲有沙嗲汁 鍾意重口味嘅人可以蘸香葉肉碎炒飯($72)有隻炸咗嘅太陽蛋篤穿蛋黃之後 撈埋d炒飯一齊食————————————————————————泰廳元朗大陂頭徑2-12號華盛樓地下E號舖

原來以前元朗既人氣泰國菜搬左去新地方，就係以前鋪既後面條路果度門面同以前幾乎一樣，不過內裏就唔同左鋪內裝修比以前更有泰國風味，再加埋播緊泰文歌，幾有feel窩泰式炒金邊粉$72超大份，酸酸甜甜幾好味。雖然餐牌寫左個辣椒，但係對於我黎講幾乎冇辣味加埋花生碎食增加口感菠蘿海鮮炒飯$89成個菠蘿做碟夠曬吸睛呢個我同男友都覺得係今晚最好食既！超級多料，有魷魚、蝦、腰果、肉鬆，仲有大量既菠蘿玉米洋蔥同提子乾，好惹味吖馬拉盞西蘭花蓮藕$69我向來食泰國菜都會叫馬拉盞，因為真係好好食，令到本身平淡既蔬菜都超級惹味另外我地仲叫左個蜂蜜生薑茶，最近天氣轉凍個人都有d唔舒服。飲完即刻個人暖曬，又好飲，推介