泰斗 (中達大廈)

營業中

休息中

聽朋友講呢間食泰國菜餐廳環境氣氛都特別好，佢哋有搬露天地方俾你選擇，雖然而家係夏天，但係露天嘅地方都會有大風扇，所以唔會怕熱飛天通菜呢度嘅飛天通菜炒得幾有鑊氣，入口會比較辣一啲，但係越食越好味，而且通菜都唔會有渣，幾嫩，份量都好多椒鹽軟殼蟹估唔到呢個價錢可以食到呢個份量嘅軟殼蟹，有成三隻半嘅玄學蟹，每一隻入口都啖啖肉，外面脆卜卜，椒鹽唔會太過鹹調味剛剛好蒜香單骨雞翼平時好怕唔識點食雞翼嘅朋友真係可以試呢一款單骨雞翼，好方便，唔怕唔識點食，不過略嫌蒜香味唔夠重，但係唔會過多炸粉，雞肉都係多汁同埋嫩口鹽燒馬友店員話馬友魚係比較小骨，而且肉質比較嫩身嘅一款魚，所以我哋就揀咗呢一款，入口真係好幼滑，而且真係唔多骨，平時少食魚嘅我真係可以追住一啖一啖咁食，再配上酸辣嘅醬汁真係一流Refresher呢杯係一杯非常清新又精緻嘅飲品，有青瓜，薄荷葉，檸檬汁等等，入口唔會太甜，亦都唔會酸，當食到咁多重口味食物嘅時候，飲一啖直頭可以清一清口腔嘅感覺菠蘿沙冰超級大杯，沙冰入口好綿滑，本身都以為好甜，但係出奇地真係一啲都唔甜，係户外食泰國菜再飲埋呢杯飲品真係透心涼

約左屋企人係尖沙咀食泰菜，呢間真心幾唔錯👍🏼👍🏼好正宗又大大碟。重點介紹佢地有個outdoor環境好正，不過夏天就熱左啲，下次秋冬黎食下一定好chill ! 。🥢蒜蓉包$38蒜香味好重，包裡面軟軟嘅，外面層脆脆爽爽，如果配埋咖哩仲正！。🥢金龍蛋$128其實係皮蛋蝦餅，個皮蛋蝦餅外脆內軟，每啖都感受到蝦餅嘅鮮甜味同皮蛋嘅獨特風味。非常好吃，一碟好大碟，要多人Share先食得晒！。🥢泰嫩海南雞（半隻）$168個雞肉香滑多汁，啖落去好嫩好滑口。配上特製醬汁，份量多多，值得一試！。🥢飛天通菜$98通菜加上辣椒同埋其他調味料，味道鮮美，辣辣地刺激口味，非常適合辣食愛好者！。🥢串燒沙嗲豬/雞（2串$38）沙嗲豬同雞肉夾滿香辣口味，烤得好嫩好多汁。肉質鮮美，配上香辣的沙嗲醬汁，啖啖肉真心正。。🥢椰青$48 & 青檸七喜$42椰青超解渴，味道清新夠晒滑嫩，好適合夏天飲！青檸七喜味道酸酸甜甜，爽口開胃。

今次去了尖沙咀食泰菜，餐廳有室內同室外，室外環境唔錯，可以打吓卡📸不過天氣熱🤭都係室內舒服啲小食拼盤有泰式雞卷，魚餅，蝦餅，粉絲皮春卷其實细份都唔算細，每款都各四件，個粉絲皮春卷都幾脆口。泰式辣椒膏炒沙白 沙白都乾淨沒有沙，反而辣椒膏不算辣原盅椰青大頭蝦冬陰功 辣度可接受，味道濃郁裡面有椰肉條幾有咬口椰香黃咖哩有豬，牛，雞，我地揀了雞肉，裡面雞肉都幾多，薯仔夠淋🥔食咖哩當然點番個烤薄餅同埋蒜蓉包總括食物份量都大碟，店員友善。

今日同阿仔去開尖沙咀，佢話想食泰國嘢🇹🇭，記得同事介紹過一間‘’泰斗‘’，今日一於去試下😆。餐廳分室內和室外，當日去到店員話室內已全部被預約🥲，只有室外位，好彩當日天氣唔太熱🥵，坐室外都還可以🤗。蒜香軟殼蟹 $128軟殼蟹有3️⃣隻，全部炸得外脆內軟，蒜香味濃🥰。咖哩海鮮 $188咖哩入面有蝦🦐、魷魚🦑、青口🦪和其他配菜，份量適中，咖哩味道唔太辣🌶，偏甜，香氣濃厚🤗。烤薄餅 $36平時叫咖哩，我一定會叫埋薄餅🍕，蘸咖喱食就係絕配😋。䔉蓉包 $36蒜蓉包乾身香脆🥰，就咁食或者蘸咖喱都一樣好食。鹽燒牛舌芯(兩串) $48厚切牛舌👅好大塊，口感軟嫩多汁又有嚼勁😋。芒果糯米飯 $68芒果🥭好甜，糯米飯🍚黏口，份量唔少，阿仔食得好滿足🥰。芒果沙冰 $68沙冰🍨好大杯，入口即溶，芒果🥭味道香濃。總括而言，價錢親民，食物份量夠大。

Yum,high quality,affordable with greenery terrace Thai restaurant@TSTMy friend and I went to a restaurant called "Thai Master Restaurant & Bar (Zhongda Building)" （泰斗）located in Level 4, Zhongda Building, 38-40 Haiphong Road, Tsim Sha Tsui尖沙咀海防道38-40號中達大廈4樓This restaurant has a terrace with a lot of tree aside and quite opening view,nice ambient!"Grilled beef skewer"串燒沙嗲牛HKD$38.huge size skewer!.soft and tender .juicy and moist.with a nice hint of smokiness!.value for money yet super tasty!.hig

平時行開尖沙咀都覺得好多人，想搵間餐廳係寧靜啲都好難，最近比我搵到呢間食物高質，環境優美嘅泰國餐廳。雖然而家夏天好熱，有露天嘅地方俾人食飯，不過有大風扇吹住個感覺都好舒服，而且望到最靚嘅景，心情都好放鬆。是日menu：泰式椰青海鮮焗飯海鮮材料好豐富嘅焗飯，而且充滿左夜香，每一啖都食到唔同種類嘅海鮮，真係好滿足☺️青芒絲沙律配燒北海道帶子我就唔係好食得辣，不過呢隻辣我又可以駕馭得到，少少辣辣地都幾開胃❤️串燒沙嗲豬、牛、雞真心大推沙嗲牛，勁juicy，其實豬同雞都好出色，不過我最愛係牛，食完好想即刻再encore。泰嫰海南雞半隻雞肉好嫰滑，而且半隻份量都好多，啖啖肉一啲都唔呃秤🫶🏻飲品方面，我另一半就叫咗珍多冰，飲落去好fresh!

#尖沙咀地膽 今次去泰斗食泰國菜，餐牌主打泰式炸物、咖哩、海鮮、特色飯麵🍜等，選擇好多！餐廳設有室內或室外位置，空間感十足！有冷風機吹住住室外都唔算太熱！ 🍱細小食拼盤  $148傳統嘅小食拼盤，有炸至外脆肉軟嘅蝦餅、炸至彈牙嘅泰式魚餅、惹味嘅雞肉棗同卜卜脆粉絲皮春卷；每款都有四件，各有特色，好好味大滿足！🌶️🐚泰式辣椒膏炒沙白 $178 大大碟好Igable 嘅泰式辣椒膏炒沙白，沙白肥美肉厚，味道鮮甜；外層包住辛香濃郁嘅醬汁，十分高質！🍢串燒沙嗲雞及豬肉 $38 泰國菜必點嘅沙嗲串燒，雞肉軟嫩，豬肉脂香，配埋沙嗲醬簡直絕配！  🌶️ 🍚招牌冬蔭公海鮮炒飯 $168頂層有一隻大蝦，蝦肉扎實香甜，其他海鮮有青口、魷魚等；冬蔭公濃郁易入口，唔會太辣，飯粒炒至乾身，份量好足！🥤飲品我地點左鮮菠蘿汁同埋Pina Vanilla，菠蘿汁清甜可口；Pina Vailla 酒味香醇帶點甜味。泰斗地址📍：尖沙咀海防道38-40號中達大廈4樓尖沙咀美味泰國菜🇹🇭  

呢間泰國餐廳之前同屋企人食過將軍澳分店，佢哋都非常滿意🥰 今次就約朋友試吓佢尖沙咀分店😌 尖沙咀分店分咗室外，同埋室內，夜晚七點幾已經爆曬😆 建議大家book咗位先😎 🌟燒牛肉沙律 $138 非常推介嘅一個沙律👍 醬汁夠晒惹味，而且燒牛肉份量好足😆 牛肉燒到好香，熟度剛剛好👍 🌟椰香青咖喱 （雞）$138呢度嘅青咖喱比較濃稠，所以整體非常香濃👍 咖喱味道亦都好有層次，而雞件醃得好入味，送白飯一流😆🌟冬陰功湯明爐魚 $248呢度嘅明爐魚有幾種唔同嘅湯可以選擇，我揀咗冬陰功湯，咁就唔使再額外叫冬陰功湯啦🤣 烏頭魚好大條，啖啖肉冇腥味，而且佢嘅冬陰功湯底夠晒惹味，食得好過癮😌🌟香葉肉碎炒豆腐 $108香葉辣肉碎加入大量泰式香料炒得好惹味🤩 用咗玉子豆腐，索咗香料同埋醬汁嘅味道，真心好食👍🌟芒果沙冰 $68🌟青檸梳打 $42估唔到呢度嘅沙冰好有質素😍 用新鮮芒果肉即打成，非常清新好味👍 而青檸梳打就一定穩陣嘅啦，配泰國嘢冇得輸😆整體嚟講食物質素非常好，而且性價比高，氣氛都唔錯👍

同朋友去尖沙咀做facial，之後去咗海防道泰斗食泰國菜，餐廳裝潢時尚，燈光柔和，入面有一個大露台，無論室外或室內，座位都坐好舒服。泰式生蝦，生蝦好新鮮，厚肉鮮甜，配埋啲生蒜同酸辣汁，酸酸辣辣好開胃。泰式海南雞半隻，海南雞是去骨的， 雞肉嫩滑，雞皮爽脆， 有少許啫喱狀雞油，食落特別香滑。菠蘿海鮮炒飯，菠蘿香氣濃郁，多汁味甜。酸酸甜甜的感覺加上海鮮炒飯、黃姜粉和本身的菠蘿殼，做成一道很開胃美觀的菜式。海鮮有蝦、青口、魷魚，全部都好爽口，飯炒得香口，加埋甜美的新鮮菠蘿，超好味！小食拼盤，即叫即炸，泰式雞卷香脆可口。魚餅食落有泰式香料味，味道香辣有咬口。蝦餅口感彈牙，蝦味鮮濃，愈食愈鮮甜。粉絲皮春卷，酥脆美味。芒果沙冰調得好好，芒果味十足，喝一口已經能一消暑氣。椰汁紅豆冰，椰汁飄香撲鼻，紅豆甜美綿密，是美味透心涼凍飲。

今日放假同屋企人黎食尖沙咀特色泰國菜(泰斗)，餐廳裝修整齊，有戶外座位選擇，職員好有禮貌介紹餐牌。酸辣青檸明爐魚 $248魚選用烏頭魚，香濃的魚湯，有香茅、薑、辣椒、檸檬葉及芹菜令味道更加濃烈，加入帶有酸味及鹹味的青檸汁，又有粉絲，粉絲吸收了酸辣汁非常辣，魚肉非常結實，又沒有腥味，整體酸辣開胃。菠蘿海鮮炒飯 $168賣相吸引，炒飯光澤金黃，配料有鮮蝦和魷魚，鮮蝦好大隻肉質鮮嫩，魷魚非常爽口再加上果仁和肉鬆，更加香口，菠蘿非常鮮甜，份量也非常充足。飛天通菜 $98通菜翠綠，食落爽口，配上馬拉盞醬汁炒得非常惹味，又辣又香又惹味。芒果沙冰 $68沙冰非常大杯，沙冰入口即化 ，香甜的芒果味，又有芒果雪糕嘅軟滑，食完辣嘢之後飲番啖透心涼。總結來說，餐廳食品多元化，有泰國風味，值得推薦來嘗試。

泰斗已經係第二次回訪的泰國菜，平日晚都滿座，餐廳充滿泰式風情，有室內又有室外位置，天氣無咁熱坐出面都幾chill。食物質素唔錯，大大碟岩晒幾個朋友聚會。叫左小食拼盤，都炸得好香口同埋熱辣辣。食泰國菜都唔少得叫返個咖喱，揀左要海鮮，一定要記得要叫埋薄餅，因為點咖喱真係好好食，海鮮又豐富，有青口、魷魚、蝦等等。主食要左冬陰功海鮮炒飯，一食就覺得自己飲緊冬陰功湯，唔係好食得辣，都可以揀小辣，好惹味！最後都加左個芒果糯米飯，芒果好甜，糯米飯好黏身有咬口。飲品推介芒果沙冰，係好creamy既沙冰，唔會太甜，好大杯要share飲。White temple係泰斗的Signature Cocktail，有一粒熊仔冰都幾得意，食物份量都比較大，三個人都食到好飽😂🔸小食拼盤(細)🔸泰式燒豬頸肉🔸咖哩海鮮 加配烤薄餅🔸招牌冬蔭功海鮮炒飯🔸芒果糯米飯🔸芒果沙冰🔸White Temple

今日同屋企人慶祝生日，嚟呢間尖沙咀泰國菜餐廳食飯～ 呢間餐廳有室內室外座位，餐廳結合現代酒吧同傳統泰式風味，餐牌選擇好多～ 咖喱蟹 $438肉蟹夠晒大隻，夠晒3-4個人share～ 好香嘅黃咖喱味，香得來唔會太辣，蟹肉厚身鮮甜，咖喱汁撈飯食一流，我哋仲加左烤薄餅點住食～ 大頭蝦冬蔭功湯（細）$158好正宗的冬陰功嘅酸辣味，好開胃～ 裏面材料都幾豐富，有大頭蝦、洋蔥、香菇～泰斗清新特飲 $42呢款係加咗玉桂同丁香嘅檸檬茶，好香玉桂同丁香味，加埋檸檬感覺清新～ 菠蘿汁 $38菠蘿味好濃郁，酸酸甜甜好開胃，食泰菜飲呢個最岩～ 泰式椰青糕 $48晶瑩剔透，裏面有椰肉，用左椰青汁整，椰子味好濃郁，清新清甜～整體食物質素唔錯，店員服務態度細心，上菜速度快，餐牌款式選擇夠晒多，地點方便～

去咗一間喺尖沙咀泰國菜館, 地點好方便, 喺尖沙咀shopping 完又唔想去九龍城食泰國菜, 依間真係不二之選。餐廳位於商業大廈2樓, 一出𨋢已經聽到傳來泰國音樂, 好有去咗泰國嘅感覺。室內主要都係傳統泰國式擺設, 另外如果唔怕近期天氣熱, 亦都可考慮出戶外小露台餐枱用餐。首先選咗一杯凍飲🥤White Temple (成份有乳酪、白葡萄酒、荔枝、橙汁、桃子、甜橙）好清新, 白酒更加帶出果香, 酸酸地好開胃, 好啱夏天飲, 特別係隻冰熊仔, 賣相吸引, 岩哂打卡!鹽燒牛舌芯: 用牛舌中心部位做材料, 超嫩滑juicy, 食落帶有淡淡炭燒味道, 牛味亦好濃郁。冬蔭功明爐魚:坊間大多泰式爐魚都只係酸酸辣辣, 今次用咗冬蔭功做湯底都係第一次, 魚肉吸滿冬蔭功湯, 另外用上泰國粉絲同秀珍枯等做配料, 開胃又滿足!泰式生蝦:好爽口, 夾蒜片再沾酸辣汁食, 好惹味, 不過鮮味就唔太出。鹹魚炒芥蘭:正常水準冇咩特別驚喜, 芥蘭盡索咗個汁, 鹹鹹地。

朋友來自遠方, 盡地主之儀總要同佢食餐Welcome dinner。提早預訂了一間尖沙咀樓上泰菜餐廳, 主打新派泰菜, 同時亦保留好幾款傳統泰菜, 款式選擇多, 絕對滿足不同口味!除了有泰式特飲, 另有數款cocktails, 賣相仲好適合打卡~【招牌咖喱蟹】HK$438咖喱蟹都幾大隻, 黃咖哩茨汁挺身份量多, 足夠平均包住每件蟹件, 咖哩香甜美味, 令蟹肉鮮味更加提鮮, 好食得order多個薄餅沾咖哩食, 正。【泰式鳳爪】HK$98冷盤無骨鳳爪份量多, 每件連帶軟筋, 爽口有嚼勁; 自問平時都食得辣, 我都要講句呢個汁果然夠辣!【原盅椰青大頭蝦冬陰功】HK$128 （2人）冬陰功跟椰青水cross-over, 依然突顯到冬陰功獨有嘅酸辣味, 對比傳統冬陰功湯黎講, 味道不會過於重口味, 酸辣中亦保留到椰青嘅香甜, 而且仲有好幾件又林又滑嘅椰肉食。開邊大頭蝦肉結實爽彈, 索咗湯汁精華, 整個份量足夠2-3人share。【士多啤梨沙冰】HK$68沙冰幼細, 大大杯, 入口即溶, 有淡淡士多啤梨香甜, 既清新, 又可以伴食辣野時解辣。

呢間泰國菜真係好正呀！佢哋嘅小食拼盤有蝦餅、春捲、雞棗同埋魚餅，每一樣都好食嘅。蝦餅夠脆又彈牙，魚餅有香料味。春捲入口香脆，入面嘅肉同蔬菜比例啱啱好。雞棗肉質嫩滑，配醬汁更加美味。佢哋嘅泰式辣椒膏炒蜆真係招牌菜之一，味道香辣濃郁，加埋鮮甜嘅蜆，真係值得一試。泰式蝦肉炒金邊粉都係佢哋嘅招牌菜之一，金邊粉口感好獨特，彈牙有嚼勁，同埋加入新鮮嘅蝦肉同泰式香料，味道真係超正！仲有鹹魚炒芥蘭呢道菜都好唔錯，鹹魚嘅味道同芥蘭清香口感好搭，夠曬鹹香。最後，佢哋嘅泰式奶茶同龍眼冰都好飲呀。泰式奶茶味道濃郁，啱曬鍾意奶茶嘅人。龍眼冰好凍好爽，真係消暑之選。