泰星匯泰國菜

營業中

休息中

行街行到咁上下，，就去醫肚9點後送泰式鳳爪，，上次食係唔夠辣既但今次辣左惹味好多，，同行朋友又辣又要食,,服務態度唔錯，，葵芳食泰國野，，價錢要抵食既話，係唔錯既選擇咖哩香口，唔少得梗係要叫果薄餅黎點啦

還未到食飯高峰時間,所以唔洗等就有位👍室內環境感覺幹凈企理,😃座位寬敞舒適,可惜好多蚊係度飛黎飛去,可能因為呢排落雨,佢地又打開曬門咁😞侍應們全都好好服務and笑容👍 會再黎食~~~

老夫老妻的我們並沒有為情人節去做甚麼特別的事, 睡醒了便一起落街買餸, 好準備為家人煮「情人節晚餐」。    在葵芳裏逛了一會兒才想起大家未曾進食我們的第一餐, 丈夫便提議去吃海南雞飯。根據以往經驗, 這店的無骨泰式海南雞飯做得不差, 而店內亦有座位, 我不反對在這兒開餐。點了兩客無骨泰式海南雞飯$40, 另加$8要了杯青檸梳打。送上檯時已感覺奇怪, 為何梳打會這麼混濁!?再細看一下, 青檸只得一薄片又何來會夠味?直至喝一口頓時知道, 原來店方是用了青檸漿 !店方落得重手, 連梳打也稀釋不夠, 味道既酸也帶點苦!輪到無骨泰式海南雞飯上檯, 吸引眼球的第一眼就是油亮的雞皮, 有爽脆的份兒但是無脂肪, 雞肉嫩滑有肉香, 最正就是不癡牙。   個人慣吃煙韌的飯, 這兒的油飯不合我口感, 油飯是有香味但是飯質較硬及粗嚡, 跟飯有碟酸辣汁, 一看便知是自家製, 夠酸夠辣我用來撈飯吃。此時此刻才想到 --- 難到是丈夫製造「比翼雙飛」之意

不好意思，這篇不是好味推介～因為連位都未坐低就一肚氣飽哂！由於本人有在這裡作分享～所以習慣食新野／有好味推／評都會先拍個照，但店內不個是老闆娘還是"伙記"的人態度十。分。差！先不想再說她的禮貌服務對白！事源是我們一行4人（3大1小）晚上找地方開餐，見呢間無咩人唔駛等，之前又食過不錯所以再來。店內只得小猫，見到有一張5-6人台，對方竟然好有思想的叫我們等剛開始上菜的那張4人台！我明白想留大台給"未來客人"，但現在都沒有人坐，卻叫我們等一下～天呀～當我們是白痴還是只有你一間食店？當時已經8點多～都沒有客人，如果你有個牌放住RESERVED我都無聲出～又或者可以講明一陣有細台有可能會轉台也可以接受丫～～但你唔係叫我地企0係門外等人地岩岩開餐再吹水最少個幾鐘，就係為左個D唔知會唔會出現既"未來客人"呀？你又點個我地唔係大食到可以食個6人份？！稍為用下腦袋都應該識計數～如果未來客人不似預期～沒有出現～你現在就連我們4人的收入都無咪～～今次之後仲會係以後都唔再幫襯～！老闆請到呢D人真係慘慘豬～而如果老闆就是當事人更加不用多說～！咁既服務態度同餐飲管理手法～不用本小姐教你吧？一個字＿最怕豬一樣的隊友

是日收佐工，同朋友相約食野，又唔知食乜野好。一籌莫展之際，小妹突然記起這家泰國野，好似評價都幾好，路過時經常睇到幾多人queuing，友人都話OK，咁不如一試？去到之時已經七點九，店裡已經坐滿食客，心捻唔系呀吧，都不知要等幾耐店裡小哥適時攞出幾張凳好貼心的抹佐雨水比我哋坐，加分大約十五分鐘之後，有客人離開，我哋被安排在六人台最入面嘅位置，台小略顯逼仄，唔過可以理解因為在等待之時已經選好食物，所以好快叫佐，一心等待食物好快食物已經端上桌，第一個係冬陰功蝦湯，蝦膏嘅味道岩岩好，唔會好似其他家試過嘅咁鹹，后味甜甜嘅，蝦肉幾緊緻，同埋菇都幾新鮮，好味呀豬頸肉生菜包，絕對係良心之作肉質唔干，亦唔會肥，生菜都幾新鮮，無水係上面，都很新鮮，睇得出是用心之作。黃咖喱雞，海鮮菠蘿炒飯都ok，撈埋一起都幾惹味飲野點可以無佐珍多冰！椰子味唔會好濃，唔過岩哂口味惠顧晚市，店家會奉上甜品，唔過我哋都不會欣賞唔過食過之後小小口乾，捻住可能味精太多，點可以比住家飯啫，出邊食野這樣的質素已經很好。

同事吹雞話要黎食泰國野，中午十二點半過d黎度，滿坐，足足等左三個字先有8人位，同事想叫豬脾飯，點知太受歡迎暫時賣晒，我就試新野啦，辣椒膏肉片炒米粉，落完單，好快就上餐茶，而飯粉都比上次上得快，有進步，個米粉上枱時睇唔見有肉片原來比d米粉遮住左，米粉炒到濕濕地有辣椒膏既香味，微辣，好野味，肉片唔韌，配料都落到足，用左紅椒(超甜)，黄椒，青椒，紅辣椒，洋蔥，同蔥黎炒，當然仲唔少得九層塔啦，個味仲好搶添！雖然米粉好食，但餐飲熱檸水就差左D，檸檬得個三小塊仲有切到超薄，好似孤寒左D喎！

今晚6：00已經到了葵芳食晚飯（泰國菜），一定要早到，如果唔喺又要等好耐先至有位，正所謂食頭圍有著數，果然6:30門外好多人等位此店已經試過食午餐，都好抵食，所以今日就試吓晚飯，全日免加一。MENU有好多餸選擇，最終都是點了3碟餸：1）泰式拼盤（細）有4款炸物各有2件（香茅太多，唔喺好啱食）2）蝦醬炒飯（飯炒得乾身，配上臘腸好味，可惜冇蝦醬味，口感都唔錯）3）冬蔭公海鮮湯（小）(辣，有2隻青口，4隻蝦，數條魷魚，勁多茶樹菇，椰汁唔夠濃，同樣勁多香茅)喜歡香茅味嘅人實好鍾意食，還有飯後有甜品送 (4件雪到好凍嘅咖啡糕)店員話晚上煮湯粉麵已收爐所以沒有泰式湯粉麵食不過我覺得午餐煮嘅水準好過晚飯其實食完d餸都幾喉乾吓，整晚都要飮水

今日又黎食lunch，午飯時間一樣係全間餐廳滿座既，可能因為某d飯餐受歡迎，所以有某d飯餐開始加價啦，包括有無骨海南雞飯同無骨豬脾飯，由$36加到去$38，今次我就試下香茅雞翼湯河，由落單到碗湯河上枱足足等左15分鐘，又要做堂食又要做外賣真係太好生意令到做唔切，香茅雞翼湯河有三隻雞翼，但雞翼可能放左係湯到太耐，所以一d都唔脆，雞翼好淡無味，就連香茅味都無，湯河個湯都好清淡無咩味，河粉既份量適中，菜就有通菜，生菜同芽菜，食完都唔覺得今日食左泰國野錦，以為自己去左普通粉麵店，最後就係杯熱檸茶，兩塊檸檬，但可能沖左好耐苦到不得了！今日眼見好多客人叫炒飯炒河都等左15致20分鐘，同枱食客叫左一款炒河，等左20分鐘先送上，點知係另一款炒河，客人唔想再繼續等唯有無奈接受！打工仔午飯時候得果一個鐘，如果要食客下下等20分鐘先有得食，好快d人就會轉埸架啦包括我自己！

今日lunch又再黎食啦，今次就試下紅咖哩豬肉飯，紅咖哩個汁係黄色，入面有車厘茄，綠茄子，豆角，紅辣椒，菠蘿，九層塔，同豆(唔知點解個豆係苦苦地)，當然有薄切豬肉片啦(豬肉片都有十幾塊，肉質都幾爽)，個汁幾濃下又夠熱好香，用黎撈飯，正！如果個咖哩再辣多小小就更加好啦！

葵芳舊墟有好多餐廳，但就好似無咩係食泰國野既，前排經過見到裝修緊已經好期待，今日lunch一行9人就去試下，12:35分去到已經要等位，好在等左5分鐘就有位，午餐有飯有湯粉選擇，最貴都係$36包熱飲，凍飲就要加$2。我地叫左:1. 蝦醬炒飯 - 飯炒得乾身而又有好香既蝦醬味!2. 無骨海南雞 - 同事話個油飯好食，不過雞肉就無咩味，食完先知黎個飯有湯跟的!3. 無骨豬肶飯 - 豬肶肉好嫰，唔點泰式醬都好夠味，仲有菜(芥蘭)及半隻蛋跟，正!4.泰式豬手湯河 - 豬手肉同豬肶肉賣相差唔多，仲有通菜係底，份量都唔少，同事都食唔晒!5. 青咖哩豬肉 - 未食睇都個青色咖哩都流晒口水，好香椰汁同奶味，豬肉一D都唔韌，同事將所有汁都食清光!

閒來看電視時，看看其他食家的新食評，才得知這地址的餐廳已易手作泰式餐廳。對於葵芳上班的人士，當然是喜訊。首次到來，吾等只有二人，當時剛好有桌。今次來到，沒上次熱鬧，但又不至於門可羅雀，門口剛好有L字型四人座位，看來吾等在這新店還挺走運的。看來，這泰國餐廳仍在試業，因為見到七天前提交的食評，午餐餐牌也略有不同。除非餐廳像和民，新釗記那樣，隔週轉換菜式吧。但看到當中兩三個是位置與名字均沒變動，就估計應該還在試探客人口味，對菜式的接受程度吧。午市有青黃紅咖哩，炒飯，炒粉麵，海南雞飯，豬肶飯，湯粉/河，好像還設有學生優惠。蝦醬炒飯看上去只是一個用大碗倒模出碗型的飯，想不到番開後，中間冒出煙來，似乎真是即叫即炒，鑊氣正盛。炒飯頂頭有幾絲蛋絲，旁邊有一片青瓜，三片臘腸。蝦醬味香濃，炒飯內可見豆角粒，蝦米粒。炒飯每顆也有色有味，絕不會見到"名叫炒飯但有些飯是雪白"的慘劇。炒起不算極乾，略帶濕，有點兒黏力，可算是葵芳吃過最美味的炒飯之一。在之後一天吃椰林閣同是吃炒飯，完全以乾又乏味，難以吞嚥。炒金邊粉金邊粉有點豆卜，芽菜，花生粒放在一旁，似乎欠了半邊青檸吧？吃落略為淡，可能蝦醬與馬拉盞太香的關係，此金

有時候在葵芳吃飯，老實說實在不知道可以吃甚麼，但是茶餐廳卻又特別的多，行不到兩步就有一間，方便過便利店，慌死茶餐廳不足夠。說穿的，葵涌就是欠缺了一些特色的菜色，就算有，數量也不及茶記的多，就在葵芳的甚麼芳街，就可見一斑了。在信芳街，新開了新的食店，主打泰菜，店名為泰星匯泰國菜，不知不覺也吸引了在下造訪。餐廳店子很小的，沒多座位，反而掛滿了具有泰式的畫像，在食飯之餘也可欣賞一下畫作。餐廳店員以泰國人為主，幸好她們都會講中文呢！店員見在下坐下來，便立即端上午餐餐牌，沒有泰式小食，只有的是泰式粉麵飯，顯然是主打午餐，晚餐，相信要到晚上才知曉。既然來吃一頓午飯，為何不可點來一個午餐？泰式湯，這湯名稱實在不知道，只知道是冬瓜和芫茜，還有雞腳一只。湯味富有芫茜的濃郁香味，冬瓜也頗腍，是消暑的一大良伴。泰式海南雞飯是在下其中想點的一款，海南雞已經起了骨，富有黃油的雞皮，但是在下不敢吃，吃了一口，只覺雞皮有點靭，可是雞肉卻又幾嫰滑的。黃油飯沒有想像中的油膩感，只是有點乾吧。而醬汁方面，就只有一種，是偏向辛辣的味道，但仍然可以接受到其辛辣度。餐飲只是點了港式奶茶，雖然沒有甚麼特別，但凡卻又媿順滑和茶味夠

葵芳信芳街那邊的食肆已不再屬(麻甩的)茶餐廳天地 , 若然有到過那兒就會明白那種麻甩風味, 現在終於有間泰國人主理的菜館 , 細細間但也可以容納二十人！室內四圍陳設簡單而舒適, 牆上掛了不少有泰國風情的畫像, 然而泰國菜館必備的泰皇畫像就是掛在收銀處旁的牆上。午餐有飯有湯河粉, 任君選擇, 通通也跟港式熱飲, 凍飲需要加$2, 汽水加$5, 凍檸樂及泰式特飲均需加$8青檸梳打抗炎暑, 無糖口味超解渴, 唯一是那片青檸卻紙般薄!無骨海南雞飯 $36 ... 原先是跟黃薑飯, 不過在點餐時被侍應生提點了一下說有很多客人投訴黃薑飯的質地硬, 所以說是可以改為白飯...雞肉嫩滑無渣, 食落雞味濃郁, 皮滑少肥膏, 佔上那些自家製酸辣醬汁是另一番美味!無骨豬肶飯 $36 ... 豬肶切件奉客並有半隻滷蛋, 白飯煮得煙韌分明, 飯味香...豬肶皮肉相連, 皮質軟糯帶有滑滑骨膠原, 滷水味道全滲入豬肶內, 豬肉食落嫩滑不似湯渣的粗糙；豬肶下面鋪了碎粒芥蘭, 菜質爽脆嫩綠；那半隻滷蛋也是非常入味, 鹹香有致!