泰瀾鑊 (朗壹廣場)

營業中

休息中

入元朗探完屋企人之後，諗吓食乜好，之前book mark左呢間餐廳，但係實在太偏遠次次都冇去，好彩今次有車咁就去試吓啦。去到周邊嘅感覺就好似去咗石門一啲商廈區嘅餐廳咁。一去到餐廳門口，已經俾佢outdoor座位吸引住，可惜係大枱亦都得兩張，所以未有機會可以坐出邊。座位都幾算寬敞，餐牌都有好多唔同嘅選擇。當中最經驗係青咖喱雞扒，焗雞扒有煎香港先至放落咖喱嗰度，唔似得出邊啲餐廳青咖喱雞好似啲白烚雞柳咁，食得出係有底味嘅。蒜蓉包亦都好出色唔好睇佢一條條，外脆內軟暖暖的，絕對值得嘗試。豬頸肉燒烤味濃，醬汁都調得好好。個冬陰功炒飯亦不俗，個飯用咗冬陰功湯汁嚟炒，有啲搶喉但係口感相當刺激食得辣嘅朋友可以試吓點，如果乾身少少嘅話會更加完美。最後係個牛肉，生熟都處理得相當恰當，唯獨係牛味唔太濃郁，不過整體表現亦冇投訴可言。雖然開始有啲隔涉，但係食到中段見到有唔少人入座，成晚爆場。希望呢間餐廳可以保持個水準，值得再三回味嘅餐廳。

前日媽咪生日出街食飯，揀咗一間好有泰國度假風嘅泰瀾鑊～【海南雞飯】呢款海南雞飯真係好高質，每一件雞都非常嫩滑，雞皮軟腍，雞味香濃，而且連埋薑黃油飯一齊食，每一啖都非常滋味。【青咖喱雞扒飯】呢款推介唔太食得辣但又鍾意食咖哩嘅朋友 ，青咖喱味道清香，而且雞扒好嫩好滑，超正！【芒果黑白糯米飯】香甜芒果配搭軟熟黑白糯米，賣相吸引，再淋上香濃椰漿，實在滋味無窮。【炒道菜(飛天) 】飛天通菜炒到岩岩好，咬落口感新鮮爽脆！呢到嘅環境都幾靚，仲同媽咪影咗幾張靚相打吓卡添🌿〜🌲〜🌳〜🌱〜🌿〜☘️〜🍀〜🍃

又係為食姊妹出動的時候，鐘意食的我地當然係唔會放過有美食的餐廳啦！呢間餐廳係食泰國料理，環境亦非常正！食物🥘🥘🥘🥘🥘環境🎐🎐🎐🎐🎐服務❣️❣️❣️❣️❣️泰式蝦醬炒飯超香濃蝦醬炒飯，蝦醬味香氣撲鼻，加上雞蛋，玉豆，鮮蝦，豬肉等材料一齊炒，味道更豐富。菠蘿海鮮炒飯充滿菠蘿香味的菠蘿海鮮炒飯，又香又甜，滿滿海鮮，鮮味十足，每一口都充滿菠蘿的香甜味，海鮮的鮮味和飯香味。辣肉碎生菜包肉碎生菜包，又辣又惹味，生菜清爽又多水，絕配的美味呀！柚子鮮蝦沙律清新爽脆又鮮甜的柚子蝦沙律，大大份材料十足，滋味無窮。

就位置黎講真係有啲山旯旮，朗屏站出去仲要起碼行多十幾分鐘，近工業區、整車附近，佢就係正個新落成朗壹廣場下面，我諗佢第日主打都係個到返工嘅人。蘭王蛋香葉辣肉碎飯 $78★★★★☆呢到食物嘅份量好足，中午去食都好多選擇，呢個飯幾惹味足料，撈完個飯肉碎都好平均。有香葉味但唔會太辣。撈埋個少生熟蘭王蛋，啲蛋液撈飯一流。泰式燒豬頸肉飯 $75★★★★☆豬頸肉份量超級多，邊邊位燒到有焦香感，食落爽彈，肥瘦剛好。配埋佢個酸辣汁食一流。餸飯一流鮮蝦粉金邊粉 $78★★★★☆金邊粉炒得算乾身，但都保留少少濕潤感，呢到個金邊粉就偏向酸甜味出啲，個人幾鍾意呢個口味。蝦用左鮮蝦整去哂殼，食落爽口彈牙。濕炒肥牛河粉 $78★★★☆☆呢個就不過不失，預期味道。河粉唔算煮到好軟爛，肥牛就普通牛肉。覺得整體個醬汁味道冇去到好突出。青咖哩燒雞扒飯 $82★★★☆☆青咖哩個味道唔錯幾好，重椰香味道，撈飯一流，但嫌佢個醬汁就稀左少少。燒雞扒都幾軟滑，但食落唔可以同個咖哩融為到一體，雞扒同個汁分開咁。炸蝦餅(8件) $58★★★★☆炸蝦餅開半有成8大件，小食黎講幾抵食。蝦餅熱辣辣，炸到外脆內彈，食落唔算超級多粉好膠感。串燒雙

身為元朗人嘅我竟然唔知元朗有間咁好食嘅泰國嘢！！！佢叫泰瀾鑊～🐥蛋網鮮蝦金邊粉有好濃郁嘅蛋味，同時有蝦嘅鮮味，配埋金邊粉中和濃郁嘅味道👅一絕！飛天炒道菜好惹味，好爽脆新鮮有鑊氣，平時唔鍾意食菜嘅我都食唔停～板燒魷魚好大條🥳仲要切好一片片，好貼心❤️魷魚新鮮大條又好咬口～辣肉碎生菜包又辣又過癮，生菜包幾多肉碎由客人選擇，佢啲肉碎一碟都好多，我包唔晒啲肉碎添🫶🏻嚟開元朗，一定要過嚟泰瀾穫呢間隱世佳店食下！炒道菜(飛天)板燒魷魚辣肉碎生菜包

想同大家分享吓呢一間餐廳食咗嘅好嘢👏🏻👍🏻👍🏻👍🏻海南雞飯無骨嘅海南雞飯，實在太吸引啦，啱晒我呢啲懶人，仲要啖啖肉！啲雞肉超級滑，最鍾意點埋佢哋嘅特製醬汁，更有泰式風味。👍🏻👍🏻👍🏻柚子鮮蝦沙律呢一個沙律非常足料，除咗有鮮甜彈牙嘅鮮蝦，仲有非常清新酸酸甜甜嘅柚子，整體配搭非常清新，又開胃，無論係大餐請當前菜定係餐後解油膩都一流。👍🏻👍🏻👍🏻蘭王蛋香葉辣肉碎飯煎到有小小燶邊嘅蘭王蛋蛋味濃郁，而且有滿滿嘅辣肉碎，食落非常香辣，連埋飯食真係最佳配搭！👍🏻👍🏻👍🏻珍多冰、凍檸茶、龍眼冰飲品方面比較推介，有泰式風味嘅珍多冰同埋龍眼冰，珍多冰椰香味濃郁，龍眼冰除咗清甜，仲有好多龍眼肉喺底添！

柚子鮮蝦沙律🥗柚子粒好清甜好多，係爆汁既柚子粒，鮮蝦又多又大隻，好爽彈，加埋啲蒜片同蔥碎，清新到爆，沙律天花板！辣肉碎生菜包🥙辣肉碎好多，整得好碎好腍，肉碎有啲蔥同洋蔥係入面，辣得黎更香，用新鮮既生藥包住食就岩晒啦！清邁秘制串燒雙拼🍢串燒有雞同豬兩款，每款有三串，燒得好脆，但啲肉仲好嫩，沙嗲醬係重點之一，沙嗲醬有啲花生粒，濃味稠身，同串燒真係最好配搭！菠蘿海鮮炒飯🍚炒飯用佐好多菠蘿粒，又有啲提子乾，加埋啲肉碎同腰果，就咁係已經好香，仲要加埋鮮甜既海鮮，更加味道好！

係元朗做了一整天，🌾幸好三五知己都係附近，可能就係緣份既安排，大家太耐無見，巧合地相約在同一時間係度用餐，大家咁耐無見話題好多🌾🌾環境上好舒服，坐位上都好乾淨，空間感大足，坐到唔想郁 服務方面，員工好有人手，分配得好好，每一個都好熟手，成間餐廳都好有效率🌾☘️泰式碎貓炒河粉呢個泰式主打係雞肉，河粉炒得夠入味，好好食，仲有配菜一齊食🎋味道技術唔會差☘️馬拉盞炒芥蘭好鍾意食佢面上既調味料，同呢碟菜好夾又好食，好有味道🎋而且炒得軟硬適中，真係要有經驗先滿足到大眾口味☘️泰鑊小食拼盤 好大盤既拼盤🎋有春卷，蝦餅，魚餅，雞丸，雞翼，每款都有四件，就咁食都咁香又脆卜卜，另外仲有甜酸醬，呢款咁惹味又香既小食，食多盤都唔會厭☘️滷水豬脾飯豬賊好有豬味，肉質好軟腍，好有滷水味，做得好出色，好有油香，溝埋飯一齊食剛剛好，另外仲有秘製醬汁，撈飯又得，點食都得🎋

「蛋網鮮蝦金邊粉」⭐️⭐️首先係要介紹一下蛋網鮮蝦金邊粉，全碟都帶著金黃色，裡面既鮮蝦好大隻好鮮味，金邊粉既配合，係好食到絕頂，最鍾意佢既外型，成一個球狀，好有趣「炒芥蘭(馬拉盞)」⭐️⭐️馬拉盞炒芥蘭好正，最正係佢調出來既汁，特別好食，又唔會太過清啖，同埋呢度既菜都好大條「滷水豬脾飯」⭐️⭐️滷水豬脾飯既汁味道好有滷水既口味，白飯比足成碗，疊到咁高，豬髀整得好惹味，泰國菜來講，做得好出色「泰式碎貓炒河粉」⭐️⭐️泰式碎貓炒河粉都好好食，河粉量滿滿，裡面仲有好多雞肉，呢個配搭好夾又好襯，仲有另一份獲氣味，啖啖既河粉味道仲有油香🌟有時間就係度食，呢度環境舒服，乾淨衛生，價錢都抵食，都會介紹朋友！！🌟

今日同朋友喺朗屏一帶郊遊，行咗成日都累啦🏃🏽見到依間泰菜好似幾正，即刻入去試試先！天氣咁熱，整返個🥗柚子鮮蝦沙律就perfect 啦！柚子肉脹卜卜好多汁，調味酸甜仲有少點辣，開胃到不得了！之後有份🍤泰鑊小食拼盤，好多嘢食呢❤️有春卷，蝦餅，魚餅，雞丸，雞翼，特別鍾意炸蝦餅，蝦肉超彈牙，正正！依碗🍲肥牛船粉好有驚喜！湯底好深色好濃郁，飲得到牛骨嘅鮮味❤️肥牛嘅脂肪啱啱好，超高質！估唔到誤打誤撞都食到咁優秀嘅泰菜，真係好彩🙆🏻加上佢嘅位好好坐，冷氣亦都夠強，所以今餐食得既舒服又滿意❤️

✨蘭王蛋香葉辣肉碎飯蘭王蛋特別濃蛋香，篤穿蛋黃撈飯就最香，肉碎有辣椒洋蔥豆角去炒，酸酸辣辣，撈飯又係最岩，夠晒香呀！🌟菠蘿海鮮炒飯炒飯有好多菠蘿，好香甜，仲有提子乾，炒飯加佐啲黃薑粉，特別香，海鮮好似青口果啲放係邊邊，仲有腰果肉鬆呢啲，鮮味惹味！💫清邁秘制串燒雙拼串燒係3串雞3串豬，燒得焦脆，有啲燶邊，雞肉豬肉既肉質都好好，點埋秘製既香濃沙嗲醬就最好食！🔥辣肉碎生菜包生菜好新鮮，清甜既甜菜包住熱辣辣既肉碎，肉碎辣辣地好惹味，夠晒腍身，用生菜包住黎食又唔會油膩！

先黎一味炒飛天通菜，通菜係爽脆既，好有咬口，辣辣地，用啲蒜蓉辣椒就咁炒已經好濃味啦！跟住我地三個人一人簡佐一碟主食，我簡蘭王蛋香葉辣肉碎飯，泰國米係特別軟熟特別香架，肉碎用半肥瘦豬肉，特別腍身，加埋啲豆角洋蔥辣椒，酸酸辣辣，撈飯一流，煎蛋係太陽蛋，蛋黃濃香，白飯搭檔！朋友A簡滷水豬脾飯，豬脾肉又嫩又肥美，豬皮敢滑，好入味，滷水味好濃，咸得黎又唔會太重味，仲有隻咸蛋，豬脾可以點啲酸辣汁就味道硬有層次，又係送飯好餸！朋友B簡蛋網鮮蝦金邊粉，金邊粉用薄薄晚蛋網包住，真係包到岩岩好，金邊粉係酸酸辣辣，鮮蝦好大粒，加埋花生碎同酸辣醬一齊食，更加香濃！

今日拍拖周年紀念，同男朋友去咗間好有情調嘅泰式餐廳，環境好舒服，有得坐室外添，好多嘢食都好吸引，所以我哋嗌咗好多🤭我哋每人嗌左一杯嘢飲，試左泰式凍奶茶，奶同茶嘅比例啱啱好，真係好似喺泰國飲嘅咁💕仲叫咗杯龍眼冰，勁多龍眼肉，好有龍眼味，唔會得d糖漿味🤤🤤✅蛋網鮮蝦金邊粉賣相好靚，而且好足料，同埋啲金邊粉好有咬口😋😋✅清邁秘制串燒雙拼（雞豬各3串）都好值得推介，啲肉好多汁，又唔會乾爭爭，配埋個汁無得頂👍🏻✅泰式蝦醬炒飯，好香嘅蝦醬味，而且整得好有心機，會配埋青瓜，有少少蔬菜，感覺好清新😌😌✅炒芥蘭(馬拉盞)都好抵讚，啲芥蘭好清甜，值得一試😆

放工之後約左朋友傾傾心事，都要搵地方食正餐，平是都食開西餐中餐，今次就食呢一間「泰瀾獲」，呢一度全部都係做泰國菜，入到去入面好似去左泰國一樣，好有特式，影返幾張相都唔錯，呢度價錢都好公道合理，服務都好好 🫧炒芥蘭(馬拉盞) (^з^)-☆呢個粉得好香好食，好健康既菜，同埋佢既菜都好嫩，顏色又靚，都食得過既🫧板燒魷魚(^з^)-☆一上到枱已經超級香，啲香味嗅到已經流晒口水，燒到好有口感又好有韌性，仲有泰式甜酸醬，味道好🫧椒鹽蒜香軟殼蟹(^з^)-☆份量好高好滿，呢度幾個人分係剛剛好，軟殼蟹炸得香口又香脆，呢幾款菜式主要既口味都唔同，今次完全食到唔同既菜式，做得好有水準🫧柚子鮮蝦沙律(^з^)-☆呢個沙律係必食既，平時沙律食得多，柚子既沙律都好少食，清清地又帶點酸酸地既口感，原來食到可以咁清新，仲要用料都好足，真係必食 

細佬生日～元朗分店一開細佬已經想試好耐，見佢生日一於等佢發辦啦！ 環境舒適，好有泰國風情～外面仲有架篤篤車喺度，鍾意可以打吓卡。不過夏天梗係坐入邊舒服啲啦～一坐低會有一盤蝦片做前菜，點餸之後每人叫咗個椰青飲鮮甜又大個！一行5人，叫咗一個椰汁雞湯、半隻烤雞、咖喱軟殼蟹、燒豬頸肉、炒金邊粉同馬拉盞炒芥蘭，份量好足！ 最好食係烤雞，燒的夠又唔會太乾，咖喱軟殼蟹除咗有咖喱同軟殼蟹之外，菜底都好多夠晒健康！最正就係有免費泊車！車位真係好足夠至啱泊車人士去！