泰然 (順利商場)

營業中

休息中

今日繼續同老豆一齊出去覓食, 上次去順利體育館見到呢到開左間新既泰國菜, 一於試下佢呢到係QR code落單, 我地叫左個2人餐, 298有1個主食+2個主食, 唔想諗就叫套餐首先係咖哩面包軟殼蟹, 軟殼蟹炸得香脆, 外層酥脆內裡又嫩又多汁, 出面掛滿咖哩汁味道好夾, 另外面包都脆脆地, 點埋咖哩汁食口感同味道都好正然後就係蟹肉炒飯, 呢碗炒飯好乾身, 蟹肉唔算好多, 不過都有蟹味, 炒飯炒得好食同埋好香, 加埋辣辣地既魚露又有另一種味道, 令味道更豐富, 加上個份量好足, 我地每人食左兩碗先食得曬最後就係屋邨雞肉串燒, 雞肉入口好嫩好多汁, 外層既汁燒得少少燶邊, 食落反而更加好味, 咬住去真係好滿足, 有6串, 如果可以揀兩隻唔同肉串更好總括黎講，作為一間屋邨中的泰國餐廳, 呢間餐廳既食物同服務水準都好好, 黎到附近可以一試

餐廳新開業，裝修光猛，坐位好多，啱晒同朋友嚟開餐。餐牌選擇好多，有二四六人套餐，仲有抵食既全日餐，星期一至五仲免加一，所以堂食外賣都人流不絕。蒜蓉炒通菜：通菜新鮮翠綠，加左蒜蓉炒，夠晒鑊氣。泰式腩肉雜菜炒粉絲：泰國粉絲特別爽口，腩肉醃得好入味，加埋洋蔥、椰菜、三色椒一齊炒，仲灑左D炸蒜片喺面，好惹味。泰式菠蘿海鮮炒飯：賣相好靚，配料包括青口、大蝦、魷魚、蜆肉、菠蘿、提子乾、腰果、青豆、肉鬆、粟米、洋蔥粒、新鮮菠蘿，非常豐富，飯炒到粒粒分明，真正色香味俱全。芒果糯米飯：糯米飯煮到軟綿綿，上枱仲暖粒粒，芒果香甜多汁，撈埋椰漿一齊食，為這頓晚餐劃上完美既句號。總結，餐廳食物美味，出菜快，店員服務好，值得推介。

今日去咗順利邨，適逢食晚飯時段，就揀咗間泰式餐廳，裏面光亮整潔，夠寬敞，全部卡位設計，好闊落，坐得好舒服。首先點咗招牌月亮蝦餅，好大份量，炸得香脆，重蝦味，鮮甜彈牙又爽口，再有兩款甜酸汁配合，更惹味。跟住有泰式海鮮炒金邊粉，有多款材料，例如鮮蝦、豆卜及雞蛋，酸甜汁令每條金邊粉非常入味，好好食㗎！炭燒豬頸肉，甘香爽脆，有焦香味，配埋醬汁，提升味道層次。招牌泰式蟹肉炒飯，炒得夠香，粒粒分明，味道一流，冇得彈，真係要食多幾啖。試咗一份細甜品拼盤，三款共六件，各有特色甜味，做飯後甜品，真係一流。餐飲配珍多冰只須加8蚊，超抵飲，配料好多，椰汁味濃，不過稍為甜，可能就係泰式風味吧！另一杯特色少甜菠蘿芝士沙冰，香甜好飲，味濃夠解渴。一間做屋邨街坊生意嘅餐廳，最緊要係價錢親民、抵食、質量有保證，「泰然」就做到啦！

超好彩喺黑色暴雨之前可以食到今年嘅生日飯。嚟到順利商場，呢間新開咗冇耐嘅泰國菜舖頭，一到食一到見到源源不絕嘅客源。叫咗個而家最流行嘅曼谷火山排骨，上碟已經超吸睛，充滿着乾冰嘅模樣同埋超大嘅份量，果然係而家最流行嘅菜式！上面配有一啲香蔥嘅配料令佢更加惹味！然後一定要食嘅，就係泰國嘅生蝦。佢有六隻或者12隻，人少少叫六隻已經夠食！生蝦非常大隻，佢有兩種醬汁，一種係比較辣嘅，另一種係類似香蔥味嘅醬汁。然後嗌埋馬莎文咖喱牛腩配白飯，呢度咖喱超抵食，有牛腩有牛筋，仲有薯仔三色椒配菜份量超夠，辣度亦都啱啱好。配埋白飯一齊食超滿足。再加一個通菜馬拉盞，通菜大大碟，而且馬拉盞嘅份量超多，味道上濃而不膩，想嗌多一碟添！飲品嗌咗自己鍾意嘅芝士奶蓋：芒果芝士沙冰🍧同埋紅豆冰！泰國芒果甜甜配埋濃郁嘅芝士奶蓋，清新解暑一流！紅豆冰味道都唔會太甜，配埋口味豐富嘅泰國菜一齊食就啱啱好！估唔到呢間舖頭咁受街坊歡迎。出邊嘅人流未停過，希望佢繼續有多啲人幫襯啦！因為真係價錢親民，亦有一定質素保證！

椰香鮮蝦柚子沙律 $88招牌泰式蟹肉炒飯 $62 (套餐)曼谷火山排骨 $168炭燒豬頸肉 $78馬沙文咖喱牛筋腩 $108香葱蒜蓉包 $48蒜蓉炒椰菜苗 $78火龍果芝士沙冰 (套餐+$12)今日去咗朋友屋企附近新開嘅泰國菜食晚飯真係估唔到屋邨裏面竟然會開一間泰國菜但係我哋七點去到已經座無虛席全場熱鬧非常等咗一陣間終於有位✨呢一間泰國菜嘅裝修簡約整潔係用木色同綠色做主題非常之舒適而且座位亦都好寬敞我哋四個人佢俾咗一個六人座嘅卡位俾我哋👍🏻可以舒舒服服咁樣慢慢享受呢一間泰國菜嘅Menu以小店嚟講我覺得選擇非常之多典型嘅泰國菜菜式一應俱全而相當有特色嘅菜式亦都唔少例如有曼谷火山排骨我從來無見過嘅泰菜一上枱已技驚四座煙霧離漫用咗乾冰做伴碟已經迫不及待即刻拎相機拍片影相打卡而且味道亦都相當可觀剁椒帶少少辣排骨炆到好稔兼入味實在令我意想不到又驚又喜我哋叫嘅其他菜式都非常之有水準而且係調較得比較適合香港人嘅口味全部都唔會話好辣好嗆好濃烈但味道卻有層次我想特別讚個蒜蓉包🍞一般出面食咖喱配嘅蒜蓉包都係會用濾法國長棍包硬梆梆而且唔能夠索到咖喱汁但係佢呢度用嘅係厚切吐司再切成條狀外圍大面積再加鬆厚麵包令

屋企附近開咗一間泰國嘢食😍😍雖然百思不得其解點解要喺一條老人村開一間泰國菜🤔但係其實都幾開心嘅有多一個選擇😺之前驚新屎坑💩太多人所以一直無去試而家過咗一個月左右雖然都仲係幾多人幫襯但係趁住大家早收工就一齊落街試下佢嘅晚餐💃🏼🧡椰香鮮蝦柚子沙律🦐呢個沙律份量超大應該用咗一個柚子嚟炮製調味亦都非常之開胃👍🏾酸酸甜甜一啲都唔辣啱晒小朋友同埋老人家嘅前菜👦🏻👨🏽‍🦳👩🏻‍🦱👶🏻👵🏼🧒🏻🤎炭燒豬頸肉🐷呢度嘅炭燒豬頸肉令我非常滿意同我喺出邊食開嘅唔同肉質非常之軟稔唔會又乾又硬同埋燒得太燶火候同埋調味都恰到好處👏🏽👏🏽💛招牌泰式蟹肉炒飯🦀呢個套餐連嘢飲比散叫化算全日供應仲有好多款式可以揀今次叫咗嘅蟹肉炒飯粒粒分明飯粒炒得乾身有鑊氣蟹肉份量亦不少再加多一小碟魚露俾你吊一吊個鮮味抵讚跟餐火龍果芝士沙冰🥤真材實料超級多果肉啖啖杜啜到粒粒火龍果面頭仲有一層芝士奶蓋🧀十分邪惡只係加12蚊雞就有喜茶效果😍食泰國菜最緊要真係有一杯冰凍嘅飲品解辣解油解熱氣💦💦❤️曼谷火山排骨🌋呢個排骨我喺順利邨個群組見到個個都話好食😍雖然我阿媽唔食得辣但係都忍唔住要叫嚟試吓🤣一上菜超誇張出哂煙啲乾冰效果好震撼名副其實嘅火山排骨🔥🔥🔥

今天剛巧到觀塘區做嘢，朋友在附近順利邨居住，佢話最近有間新開的泰國菜館，名泰然🍽️，是邨內首間泰菜館😄 於是約我一同去吃午餐！餐廳在觀塘利安道15號順利商場3樓D11-12號舖😗 商場門外是巴士總站，有不同巴士前往各區，甚至去港島區的中環，都很方便！它是新開業的😄 內裏裝潢設計是以泰式風情與自然為主，整齊清潔，地方寬敞，行入一些，原來比舖面的位置仲多，有多張枱，坐得很舒服😆這裏的選擇很多！ 我們要了一個二人套餐♥️ 有三樣主食！ 先來了泰式經典明爐大蜆煲🫕 冬陰功湯底加上很多泰式香料處理，酸甜好滋味😋 蜆🦪係大大隻，份量不少，蜆肉新鮮，配上湯底，鮮味加分💯湯內還有秀珍菇、草菇🍄、芹菜和粉絲，入哂味！ 湯飲了幾碗😆 馬沙文咖喱牛腩🐮 咖喱汁超好味，牛腩炆得好林滑入味，唔會鞋口，好似入口即溶，還有薯仔，超夾！跟著來的是店家的名菜，曼谷火山排骨🐷 一上枱仙氣飄出，係乾冰效果😂 賣相真的有驚喜👍一定要打咭😉 排骨大大件，份量十足！ 排骨炆得好林和入味，用手撕開來吃😋 仲有秘製的汁料，好好吃的！最後來了一個甜品，有6件，兩個款，椰汁西米糕和泰式奶茶凍！很地道的甜品，做得非常好，好食👍這間新開業的泰

《泰然》📍 觀塘利安道15號順利商場3樓D11-D12號舖呢間泰然係位於觀塘嘅順利屋邨 可能冇咩人有聽過 不過我見佢新開張都有唔少人排隊去食👍🏻👍🏻➖➖➖➖➖➖➖➖➖➖➖➖➖➖➖➖➖➖➖✨招牌海南雞飯（仲有湯送🥰）$66（8/10）佢個雞超好食 食落去都好滑唔會話柴😋😋 佢嘅醬唔同平時嘅海南雞飯咁果三款醬 佢係自家製嘅泰式辣醬😍 食落去非常惹味👍🏻 油飯都好香唔會話好膩 佢係泰式米食落去粒粒分明🤤✨招牌月亮蝦餅 $19 （8/10）食落去蝦都好彈牙 佢有泰式甜辣醬 所以食落去都唔膩👍🏻👍🏻➖➖➖➖➖➖➖➖➖➖➖➖➖➖➖➖➖➖➖✨食物（8/10）✨環境（8/10）✨服務（7/10）#ig #igdaily #igers #idfoodies #香港 #香港美食 #美食 #美食推薦 #香港美食 #香港好去處#FoodPhotography #Eeeeeats #FoodPorn #FoodGasm #Foodie #ForkYeah #FoodInTheAir #Delish #EatingForTheInsta #CleanEating #ELLE愛吃

住咗喺順安幾十年終於有泰菜食😭😭最近喺順利開咗間泰菜但今日心血來潮想食泰菜就去咗新開間泰然度試吓🙊8:00左右去到門口都有唔少人喺度等緊但係等咗一陣就入到去啦坐低後職員好快就拎左QR code比我地落單我哋兩個人叫咗二人餐有三樣野 分別有一隻燒春雞一個炒飯一個花甲湯燒春雞個size都幾大份甜甜地又有啲胡椒味同香草味都幾野味😋😋仲有一個酸酸甜甜嘅汁同雞個味都幾夾值得一讚就係俾埋手套 懶人恩物！😂😂😂可以帶住手套食又唔使整污糟隻手🙈🙈🙈炒飯比較香口同酒樓既瑤柱蛋白炒飯有少少似不過變咗蟹肉都幾好食🤣🤣🤣🤣🤣花甲湯係我必定會番兜😂😂😂個湯酸酸辣辣咁好好食🥰🥰入邊仲有啲粉絲及晒湯同埋花甲嘅味😂😂😂另外仲叫咗兩杯嘢飲青檸梳打係成支梳打水上😍😍😍整體而言覺得嘢食方便都幾好食同埋份量都幾大如果一家三口帶埋小朋友叫個二人餐都夠食🙆‍♀️🙆‍♀️以屋村餐廳黎講價格係貴小小但係如果以一般泰菜嚟講其實都係抵食嘅之後都會再去試埋其他野🫣咁我以後就唔使特登出去九龍城食泰菜了😂😂😂

作為順利邨民, 有新食肆開張必定捧場。雖然順利街市已經有一檔泰國人主理食肆, 但今次有得堂食, 體驗一定唔一樣。之前試過呢度既下午茶, 坦白講, 主食+加配小食+凍飲+10%服務費要接近$100係順利邨應該絕無僅有。上次下午茶主食要左金邊粉, 加配小食係馬拉盞通菜, 凍奶茶, 金邊粉同凍奶茶正常輸出冇任何野要挑剔, 但係個馬拉盞通菜就......其實味道正常既, 不過係正常地中式口味, 唔似一般九龍城泰國菜館咁。而份量, 我明白係"加配", 但呢個加配唔係加配$10, 而係近$40, 結果只換黎微量既菜葉, 多定少大家可以去試試體會。相反, 隔離枱加配豬肉生菜包, $50價錢但份量同原價一樣, 值得一讚。除此之外, 呢度空間感缺乏,  除非你坐卡位, 否則, 好似呢排咁多人, 你同隔離枱坐位距離近到好似朋友咁, 有時出入仲要隔離幫手移一移開張枱添。好啦, 講番今次食晚飯, 兩父子, 3個菜, 半隻雞, 酸辣鳳爪, 生菜包, 埋單$304. 味道OK, 除左鳳爪有D偏甜唔夠酸辣, 不過咸魚青菜各有所好, 口味既野好難講既。不過客觀地睇睇價錢, 已經直逼九龍城, 甚至有過之而無不及 (記住

順利邨其實係老人邨愈來愈多新食肆，遲啲仲有三哥添呢間新開嘅餐廳叫泰然。其實佢是有分店的呢間應該係邨一間餐廳嘅老闆同泰然本身嘅老闆一齊開嘅呢個post係20230805，佢地開張第五日海南雞飯轉雞髀我食咗一舊，覺得唔錯！雖然佢地好忙，但個海南雞都ok馬拉盞炒通菜係新鮮炒起，所以都係熱嘅！個面好多炸蒜，紅椒絲都唔少，不過汁都唔少正常發揮！唔差，但又唔係心心眼椰香荷葉包雞佢包得幾靚，但正開啲葉好煩！呢個係有啲驚喜。雞就唔係滑但一啲都唔鞋有少少椰香味雞肉都實淨，唔係硬ok嘅多一個選擇對街坊黎講都係好事