泰特色泰國餐廳 (已結業)

第二次嚟泰特色，講真唔係因為佢有咩特別或者特色，主要係價錢公道同埋天氣因素！泰特色有兩層，地下主要賣泰式糕點，樓上至係開餐嘅地方。店舖內面樓底唔高，而且通風系統又唔係咁好，所以人多嘅時候，環境比較悶熱。夏季嚟嘅時候就好似冇冷氣咁，咪話唔辛苦，而家秋涼啲就舒服好多喇！可能佢哋都知道有問題，所以平日有7折，節目假期都有8折，咁樣就吸引喇！食品方面，泰特色算係非常佛心，大件抵食！菠蘿海鮮炒飯 - 海鮮量意外地多，而且仲幾新鮮！至於味道就甜鹹酸味道均勻，幾開胃吓！蒜蓉炒雜菜 - 份量唔多，但蔬菜種類有椰菜、菜芯、雞脾菇。泰式沙爹串燒 - 只有豬肉、雞肉，肉質頗乾。紅咖哩雞肉 - 紅咖哩汁甜甜辣辣，送飯一流！雞肉鮮嫰，薯仔入味 乾炒牛肉河 - 炒得乾身，牛肉量好多，加蛋炒令河粉更香口。泰式炒河 - PadThai 醬甜甜酸酸，非常開胃，可惜係蝦仁太少只得3隻。炸蝦餅 - 份量足，有4大個蝦餅，外層脆卜卜，內層蝦肉彈牙，蝦味好濃！如果可以維修吓個冷氣系統，就一定客似雲來喇！

今晚突然想食泰國菜，原本想食同一條街既隔離嗰間，點知排隊排到好長龍，聽到呢間個阿姐話全單七折，又送嘢飲，見冇人排隊但出面啲糕點好多人買就一於試試佢！上到去原來已經滿座，好嘈吵😖😖但座位尚算舒適既！叫咗個馬拉盞炒西蘭花，啲西蘭花未煮得好熟，好硬但味道唔錯！冬陰公湯材料豐富，但味道都OK！半隻海南雞好肥，反而個汁就幾好味！泰式炒金邊粉過甜，仲成碟橙色得好緊要，好似有好多人造色素咁😨唔係七折嘅話我覺得一啲都唔抵食！

$58(免加一)泰式自助下午茶🧐正所謂勇者無懼，當然要試試😂講真，我覺得喱個價錢係值。😎雞肉肥美，嫩滑👍紮肉雞腳，好開胃😏魚旦豬皮，好入味😌奶茶，香濃幼滑，略嫌有點甜🤤炒河，冬蔭公，泰式咖哩，炒飯，豬手樣樣有環境雖然一般，但勝在CP值高😌

為左滿足我想飲酸尾尾既野，男朋友提議食泰國菜，真知我心。係路德圍果到見另一間排晒隊而呢間門口又大大隻字寫住全單七折，我地諗都唔洗諗即刻向接待姐姐示意兩位。餐廳係樓上鋪，行幾級樓梯就到。入面好闊落，啲檯全部都大大張，岩一班人黎食，而我地就坐左卡位。每次食泰國野基本上都唔洗點睇餐牌，因為我地目標好明確，叫黎叫去都果幾樣椰汁雞湯 - 細 （$88）呢個湯叫Tom （湯）Kha（南薑）Kai（雞），其實同冬蔭功湯差不多，都係酸酸地，不過冬蔭功會用辣椒膏同埋蝦，所以湯底較紅，而Tom Kha Kai就用椰青水、椰奶同雞。因為我唔太食海鮮，同埋我鐘意椰味重既野，所以通常都係叫呢隻多過冬蔭功。今次呢個湯係細size，足夠斟到4碗。因為一路滾住，好夠熱。味道就偏酸，椰奶既味唔係太覺，秀珍菇同啲雞都幾多，加埋啲香茅吊下味，話咁快就飲晒，仲愈飲愈開胃添。泰式大蝦金邊粉（$88）當我諗住將啲花生撈落麵到果時，發現啲麵碎濕濕，碎到連用叉不起都跌返晒落隻碟到，未食已經係到complain😂心諗點食呀實好淋啦，仲要咁大碟。丫點知食落又唔係咁woo，個粉仲係好彈牙，配埋芽菜、豆腐乾，有多重口感。味道都適中，唔會太酸

Weekend屋企唔煮飯，媽媽提議去荃灣食，因為嗰度多啲選擇。正當諗緊食咩既時候，就見到呢間泰國野，佢門口仲寫有七折，見咁抵食我地就入咗去lu。😂入到去發現餐廳都算幾多人，唔知係咪有折既關係。我地一行四人叫咗五樣野。啲送一上枱，我地都驚訝咗，因為個份量都好大。個冬陰公係我地認為最鐘意既送，唔係好spicy，口味啱啱好仲要幾足料。🦐而個沙侓都正，個泰式汁夠野味，不過偏辣。🌶佢既炒粉係令我地比較失望既一道送，偏油屬茶記質素。 overall, 咁既價錢大大份算唔錯。

呢間舖正價都算幾貴，長期做7折，難得星期五7:00都唔洗等位，見耐冇食泰國野咪試下囉。一坐低見到d餐具好殘舊，亦都有缺口，唯有自己小心d食，然後又見到呢間餐廳有搞$68午市任食，$58下午茶任食，心知唔方好食。職員亦都係十叫九唔應。另外個男老收銀態度超差的！叫左兩杯椰汁珍多冰$23一杯，都有野汁味，算大杯。青咖哩牛肉$88，不辣也不甜，牛肉炒通菜$82，牛肉算多，不過冇味，唔知係咪白烚嫁呢？6串串燒$88，過燶白飯$13。

一人去搵個late lunch食, 見泰特色價錢唔貴，之前多次食過晚餐質素唔錯價錢亦ok, 就即管試下下午茶set。上到去夠兩點已經有得揀下午茶，點左個泰式船河包熱飲（$36）免加一。份量對於女生嚟講很ok! 我揀左豬，包括有豬頸肉，豬肉丸同豬潤，啲肉都幾多下！首先讚下個豬頸肉夠林夠爽口，另外個豬肉丸都好彈牙！豬潤就普通，湯底好甜而且之後都唔會好口渴應該味精唔多。雖然都係食唔到曼谷街頭嘅船河嗰種味道，但呢碗河粉味道都不錯。下次試埋冬蔭功河！

周日去左1荃灣既泰特色泰國菜食下午茶，是下午2點就提供。黃其實佢仲有個好抵食既下午茶自助餐58蚊，但我同友人都好細食 所以都係單點。叫左一個泰式豬手飯36蚊 另外叫左個海南雞飯都係36蚊，叫涷飲另加3蚊的。豬手飯一試黎1 單3 甘1多飲4 會唔會太過足料呀。想飽死人咩 哈。除左豬手飲4仲有半只烚蛋幾條菜。另外1個1海南雞1飯 是比左雞胸好鬼嫩滑，唔會太痴牙。佢1個下午茶餐是提供到下就4點 所以要早少少黎食。平平地黎1食1下1都唔錯。

椰汁西米糕 $7因為男友好鍾意食椰汁西米糕嘅原故，每次見到有得賣都會想買比佢試。呢間「泰特色」門口有好大個Counter 賣各式各樣嘅泰式糕點，都好似好多人買咁，就試下好唔好味啦！上層椰漿都幾滑，椰味好香，下層係加左粟米粒、芋頭粒、馬蹄嘅西米糕。加左馬蹄令口感更豐富。-上層椰漿同下層西米糕嘅質感都做得好好，撕開塊荷葉d 料又唔會散開晒。•回頭指數：10/10（我見其他人係一盒盒咁買，下次想試下佢他糕。）

平靚正抵食,雖然款式不太多，但廚勢有水準喎，泰式偏濃味，0的野煮得幾新鮮，青口，炒飯炒米粉炒河不太鹹，雲耳茄子。雞就每人排隊拎3件，但雞0既味道一段。環境幾好，坐得舒服不過有0的熱。另有冬陰功湯飲。但要睇準幾時有新菜出

今日同我嘅honey又又又又去泰特色泰國餐廳嗰度食下午茶，我同佢叫咗一個馬沙文牛腩咖哩飯、同埋海南雞飯。嗰間餐廳其實下午茶仲有做自助餐，食嘅款式都比較多，通常有幾樣特色嘅泰式嘢食，再配搭一啲好常見、好普通嘅自助餐嘢食咁樣。我就同我嘅honey冇特別去試，我哋都係鍾情食呢度嘅下午茶比較多士，講返呢度嘅下午茶真係好抵，圍內40蚊一個人。然之後嗰份量好足、好好味。首先講下個馬沙文咖哩牛腩飯先，個咖哩牛腩同埋飯嘅份量基本上一樣，分分鐘啲咖哩牛腩 仲多過啲飯。咖哩牛腩入面嘅牛腩係牛坑腩，分量非常之多，分分鐘點咖哩牛腩飯入面有六隻麻雀咁多嘅牛腩，講緊打麻雀嗰啲麻雀 然之後佢嘅咖哩汁係秘製嘅，同我哋平時喺茶餐廳食到嘅味道完全唔一樣。秘製咖哩，薯仔同埋啲牛腩仲有啲飯，簡直就係完美嘅配搭。咁多都係乘惠35蚊港幣炸，喺香港嚟講十分之罕見。我同honey基本上 如果唔係平都唔會去食，兩個人圍內都係80零蚊超級超值。第二就係一定要讚一讚佢嘅海南雞飯，海南雞飯原價35蚊，加個雞髀轉做雞髀就40蚊，所有嘢都唔會太過濃，飯唔會太油，雞非常之滑，然之後有個非常之有特色嘅泰式辣醬，再加埋一個清清地嘅青蘿蔔湯。原先都以為

適逢今日收工過咗嚟荃灣區食晚飯,食完之後走咗嚟呢條街度搵嘢飲,咁就俾阿肥發現咗呢間泰國餐廳嘅門口位有好大個櫃係賣泰式糕點,走埋去望,仲發現有好多種口味選擇同埋價錢好平,呢條友又不顧後果咁買咗成盒番屋企做甜品 呢度嘅糕點差唔多都有十幾款,大部分都係$6蚊就有交易喇一件~我哋分別買咗芒果糕+椰汁糕+桂花糕+芒果西米布甸四款。問咗阿姐可唔可以放多幾日,阿姐話唔好喇,呢啲手工製作,即日食先至係最好~如果唔係就出水喇。 番到屋企深夜時分睇電視,喺個雪櫃度拎番盒糕點出嚟嘆~全部都仲好好食,絕對係有家嘅感覺,好似小時候媽媽親手做嘅味道,唔會好甜~我最鍾意嘅就係個芒果糕啦,裡面仲有新鮮芒果肉咬吓~兩個人食,原來唔洗幾分鐘就已經清哂喇

適合本土味道的泰特色自助午餐走過路得圍，有人舉牌推廣泰色自助午餐，68蚊免加一，任食兩個小時。食完才知道2點後入座是58，食同樣的東西。店有兩層，下面賣泰色糕點，上面是餐廳，12點幾，睇入去好似無幾多人，吾知道好吾好，問下可吾可以睇下有乜食，好客氣話可以，主要只有一台擺滿東西的抬面，睇完都 OK就買飛入座。其實幾乎90%都不是真的泰國辣，都是甜麵醬加一點辣，對大部分不喜歡食辣的香港人，應該覺得不錯。最受歡迎肯定係海南雞，第一次出來只夾到兩件，第二次要進行分配，每人4件，但好大件好滑，應該出多幾盤啊。咖哩豬皮魚蛋是另一好介紹，豬皮不林，剛剛好，咖哩微辣帶甜，絕對比車仔麵好。咖哩青口魚塊，一出來一分鐘所有青口都給客人拿掉，青口很大只，魚塊就普通啦。值得一提是～所有菜色都是熱辣辣從廚房出來，感覺和叫小菜沒有甚麼分別；～另外侍應只有兩三個，但每個人做事好勤快，很用心，有食物跌在地上，馬上叫客人小心，然後即刻清走；清理座上食完的蝶也是非常快手，有禮貌。～但肉類太少，應該多加一兩種68蚊午餐有咁質素，好。

本來係諗住去食個炒貴刁，點知街邊阿嬸派傳單，極力推薦我哋不如食自助餐，$68有交易，聽似好抵，其實係怕咗阿嬸嘅痴纏，終於屈服咗上去食自助餐。餐廳好大喎，唔滿座，就梗係揀張窗口檯啦。先先要行去櫃檯買飛，之後就可以任食兩小時。選擇其實唔算多，但係一定食得你飽。泰式牛肉沙律牛肉好厚，少少韌，少少辣，係泰國feel。仲有炒河粉、菠蘿炒飯、咖喱魚蛋、咖喱魚塊、炒豬肉。同埋炒豆角牛柏葉、炆豬手、炒通菜、炆茄子、泰式炸雞蛋。呢啲都係搶手貨。至於薯條、蝦片、蒜蓉包、炸薯餅、春卷、咖喱角就似乎唔多人問津。飲品就有凍啡、菜蜜、洛神花茶。湯就有冬蔭功和青蘿蔔雞腳湯。我哋都隨意攞咗幾個round，按理已經達標無蝕。論味道，冬蔭功湯算唔錯。凍啡就太甜了。雞都算滑，唔肥。我至鍾意係食魚蛋，所以攞咗幾轉。整體來說，質素一般，勝在經濟實惠，包你食得飽。

泰抵食 原汁原味 泰國食物， 平時喺天橋經過嘅時候每次都想入去食，太特色1. *****太古怪*****佢開放時間同落場時間實在太古怪， 成日都撞唔岩時間， 今日特登夾咗時間 三點鐘就即刻去食， 餐廳大約八成滿座， 好多一家大細， 一大圍嘅枱嘅人都一齊去食2. *******太搞笑****** 係佢同一間餐廳 可以有埋下午茶以及自助餐， 坐隔離左右嘅人佢哋係食自助餐 ,而我同朋友係食下午茶今次我同朋友去， 1. 下午茶時段 都係36蚊至38蚊， 2. 仲要係唔使加一， 3. 又有熱飲送， 叫咗兩杯熱飲走糖今次叫咗個喇沙米線以及咖哩牛腩飯. 嗰啲香龍嘅味道又有香草嘅味道 又有 香滑奶油嘅味道 ,總之食落就好正宗喇， 如果畀我評分佢嘅 喇沙汁以及咖哩汁係最貴嘅， 牛腩方面真係 估唔到佢點樣整可以整到，每一嚿都係咬落去之後即刻散開曬， 肥瘦適中， 佢嘅薯仔煮到好似蕃薯咁， 係正宗嘅泰國人煮法。 同我之前喺泰國曼谷食嘅 ,醬汁味道非常似。 勁飽非常值得再去食下佢哋嘅下午茶/ 自助餐，冇記錯自助餐都係55蚊一個大人 ,小朋友會再平啲， 如果唔使加一真係非常抵食， 臨走嘅時候我影咗佢哋自助餐幾張相