泰肥牛海鮮火鍋菜館 (已結業)

同朋友慶祝生日, 幾個人夾份買團購優惠試下呢間泰式火鍋.雖然有訂位, 但係都要比預訂時間遲20分鐘先可以交到枱, 任食火鍋, 可以點得東西都算多, 但係湯料只包雞湯, 最後都係加錢要一個冬陰公海鮮湯底. 食品方面, 主力都係點牛肉食, 選擇都好多, 有花雕肥牛, 泰式肥牛, 牛胸油等等, 一口氣點左好多野食品方面, 要每人加多15元先有任食服務,食物逐一送上. 賣相同份量都唔錯. 個湯底真係好香, D湯好有味最令人留下印象係, 加湯時, 唔係加熱水, 原來係會煲多鍋冬陰公湯來REFUND, , 今個湯底越食越有味, 呢樣真係扺讚牛胸油, 侍應細心講解食法, 入口爽口, 好花雕肥牛, 味道都唔錯, GOOD美中不足係D任飲, 個酸梅湯, 點解會係甜呢. 最後都係飲汽水比較好D埋單每人約200元, 整體來講, OK呀, 下次可以再來再食過

咁大個女從未試過食飯得咁不愉快~事原我先生就黎生日,食餐飯同佢預祝~其實慶唔慶祝都冇關係,我同先生都鍾意食野~成日周圍去食野~他由其喜歡食火鍋~ 果日上網係GROUPXXXXX見到~~"$98勁嘆「任食泰式火鍋宵夜餐」(原價$198)，星期一至日適用(公眾假期亦適用)，帶你尋回泰國地道風味!"其實就算正價都唔貴丫~講到咁有突色~泰式火鍋咁得意??未試過打算一試~平時佢最唔鐘意呢D團購野~但見係火鍋就試下~~點知~差到離晒譜當日我BOOK了09:30pm兩位~自己就早到了20分鐘~(諗住早D到拎定位,,行一陣,,點知果到,,偏僻到呢,,冇野可行)冇辦法為有企係門口等啦~等到09:58pm才有位~未計早到都等都差不多半個鐘~唉~當星期五多人出街食~佢都唔想~好~~等了咁耐己經好肚餓~最緊要梗係有得食啦~點知坐了15分鐘都冇人理~但台己清理好~終於有人彩你啦~服務生行到過黎第一句: 任食唔係呢張餐牌架喎!我夠知啦,你有人比我先得架(我冇出聲~因我真係好肚餓~冇理佢)~好啦~叫湯底同食物~跟住又一輪等候30分鐘~問點解咁耐佢話湯底要煲~OK~算~由等?到湯底都已經用了個幾鐘好啦~湯底到?~咁野

見到呢間餐廳既食評唔錯, 所以買左OpenRice既團購:$98 任食宵夜泰式火鍋, 已包加一 (原價 $198/1位)本來對任食都冇乜期望, 心諗 $98 咪又係雪到硬晒既肥牛同埋成口粉既丸類點知又唔係喎! 食食下我地都覺得 $98/1 位...佢真係蝕喇一去到就要揀個湯底, 我地揀左已經包左既泰式清雞湯底有D似海南雞飯個雞湯, 好香, 唔係求其加羹雞粉既清湯黎架~老細都話我地第一次黎食, 可以試左個雞湯先, 下次先加錢要其他湯囉~仲有一個位我好鍾意既, 就係我地可以係十個醬料入面任揀,有生熟蒜, 蔥粒, 乾蔥, 指天椒, 口水雞汁 (??? 唔知, 有D四川feel!! 不過幾好味), 同埋幾種泰式醬汁~我地最鍾意蒜蓉辣椒汁, 用黎點肥牛好好味其實全部都好好味丫之後就揀食物喇, 其實都係大路貨色, 不過有D幾特別既都可以任食喎包括: 豬頸肉, 牛胸油, 忌廉磨菇包, 芝心包, 泰式火鍋肥牛, 花彫肥牛, 椰菜苗, 炸響鈴 等等牛胸油第一次食! 爽爽地幾得意忌廉磨菇包係有忌廉磨菇餡既丸, 好搞笑, 都幾好食架之後肥牛就不得了~ 碟碟都好靚同埋有雪花! 而有花雕醃過既都好香, 狂食泰式

食串燒去邊好???遠就新加坡、泰國，不過呢期無錢去旅行。近就九龍城，已經成日食。一次意外，去佐敦LEE間泰肥牛食，意外係因為唔知佢有得食串燒，以為只係食泰式火鍋。老實講我覺得佢唔就腳，不過好食另計，九龍城都唔見得方便喇，RIGHT?!無學人食火鍋，串燒反而叫左一盤，計過廿幾蚊串，有燒雞肝、燒蠔仔、燒八爪魚丸、燒鴨胸肉。個燒蠔仔比較少見，1串數過有8隻，配個甜甜地咖喱汁唔錯，蠔味好夠一啖一隻。八爪魚丸係第二好，入面有碎八爪魚粒，食落唔粉抵讚，我地再ENCORE左兩串。飲埋泰啤，小食多滋味呢句說話真係無錯。之後整左個生菜包，清清地又係餸酒，仲有咖喱蛋白花竹蝦，蝦係游水蝦，蝦夠新鮮其實一定唔會差得去邊。反而就諗唔到蛋白汁好重蝦味，用黎撈飯同配法包食就最覺個蝦味，本內唔想叫白飯，點知添多兩碗飯，哈哈又爆quota~~~~

。環境OK, 坐位寬倘冬陰公海鮮湯 $138,yummy蟹子墨魚滑 $68 冇特別花雕肥牛$88 新鮮魚皮餃$28 6粒頂級肥牛粒 $138 好味炸嚮令$32香姑貢丸$32 6粒(超唔抵食)八瓜魚丸$28 6粒西洋菜餃 $32 8粒手打烏冬 $32 (一個人分量)huffy: 這一餐真係好滿足

如果唔係朋友買左COUPON, 就算經過此地都末必?幫襯！火?試得多,泰式火?第一次...感覺唔興奮,試過更失望,事?同一般火?無別。環境OK, 坐位亦叫寬倘, 侍應只有幾位...但唔係怏手快腳果隻！每人QUOTA係50蚊當100蚊用, 但我地都預左一定叫多。冬陰公海鮮湯 $138,有海鮮有番茄...湯好夠味;蟹子墨魚滑 $68 只有半塊手板大花雕肥牛$88.00 OK好新鮮韭菜餃 $32 8粒魚皮餃$28 6粒唐生菜 $28雞脾姑 $32 數舊頂級肥牛粒 $138 好有牛味炸嚮令$64叫左2蝶, 1碟有7件,另一份8件;香姑貢丸$32 6粒八瓜魚丸$28 6粒西洋菜餃 $32 8粒肥?片$68 5小片手打烏冬 $32 一個人分量汁醬$40LIME SODA $56E一餐真係好唔滿足,或許買米唔知米貴, 真係接受唔到三十幾蚊得果6粒囉,無下次

之前見openrice很多食家給好評好多人等位便試試,是晚一行5人約8點到達可能星期一加上落雨關係好多空位,食完都無人入來,朋友已覺奇怪心知不妙,!吃完終於明白朋友見火鍋似乎沒什麼可吃便點了以下食物海南雞:平平無奇,普通貨色冬陰功海鮮湯:無咩味好少飲到咁難飲的冬陰功,得個鹹字生菜肉碎包:少少辣尚可以都好味,食過出面好多生菜包都好味過依度,香焰蝦:真係好火好辣.可惜得個辣字完全無味,,又唔係醉蝦,酒似火水味好睇唔好食,唔知想點,完全唔值超揾笨　臭草煎蛋:無咩味,又唔覺臭,無乜特別菠蘿炒飯: 不錯飯有蝦青口!炒通菜,肉碎茄子:不會太高要求了!炒菜就是炒菜!不過不失我們行去九龍城只需10多分鐘(食完好後悔無去),但見咁多好評專誠來試試,卻很失望所有食物全無泰國味道,更不要評是否正宗!之前睇食評都知這裡價錢偏貴,但覺得好食就算,點知想像唔到咁難食又貴又唔值,下次唔洗錢請我都唔會黎服務又不好無人理你咁,最慘食完抹檯,待應抹桔檯竟用塊好細張濕紙巾向著我件衫抹檯,仲不小心把食物掃到落我件衫好彩無整污糟件淺色衫,d野食超難食已好嬲,我真係忍唔住都黎,到抹第2邊又把食物掃到落我朋友件恤衫上其實知待應無

4/20約咗班朋友一齊食飯, 早前巳經聽過個fd講話泰肥牛好好食架啦....但係成日經過都冇位既, 個日好彩打去book到位架咋.....坐低之後, 幫住個餐牌, 花多眼亂, 都唔知食邊樣野好,,,,,,,樣樣都想食......最後我地決定問下個度啲人有咩好介紹, 啲人超nice呀.....問我地有咩唔食有咩like食咁喎....之後我地叫咗好多疇食, 超好味呀.....平時唔食得多既我, 係咁放落口呀,, 最後仲要食埋甜品tim呀....好滿足呀.;....下次一定要再去食過呀....因為真係好好食呀....啲野好正宗呀.....下次多啲人去可以再叫多啲野食呀.....good good,,,...埋單一啲都唔貴喎, 都係$711埋單咋....BBQ海螺BBQ雞腎BBQ雞肝BBQ 雞BBQ牛胸油BBQ燒蠔仔BBQ鴨胸笁菜肉碎包雞 - 1/2隻麻辣青瓜乾咖喱麵包蝦球紅咖喱燒鴨蒜蓉包 - 2客芒果黑白糯米

每當大家想吃泰菜的時候都會想起九龍城，但其實所謂的出名泰菜都是行貨及一般貨色，沒有什麼驚喜。經朋友介紹下，今天帶媽媽到「泰肥牛」慶祝母親節。我們一打開餐牌便發現了很多一般泰菜館沒有的小食，所以點了以下幾款試試。很特別的的臭草煎旦，味道十分特別，好吃，值得一試媽最愛的泰色鳳爪，去了骨，夠辣燒螺，嗜辣者的首選，個汁調得很好很特別的蝦膠讓皮蛋吃了幾個小食其實都幾飽，因為其份量都唔細。但由於我地個個都想試多幾樣野，所以都忍唔住點多幾樣。燒豬頸肉，不過不失啦炸軟殼蚧，配咖哩汁超正。甜品來個芒果黑白糯米當晚，老細仲當場做火燄蝦。下次來必試。

之前聽朋友講過係佐敦有間泰國野環境ok 食物又好味, 今日放左工決定約埋同事一齊去試下。依間泰國餐廳離地鐵站唔遠, 唔需要5分鐘就行到。我地兩個人叫左一個麻辣青瓜、生蝦刺身、紅咖哩燒鴨、bbq雞肝,鴨胸,墨魚丸 仲有招牌bbq小法包。先講個麻辣青瓜, 本身我唔係好食得辣, 所以食左1,2 舊已經食唔到, 但係佢酸酸辣辣既味道真係好開胃。之後既生蝦就真係好食到不得了, 一食落去就知新鮮, 而且爽口, 最特別就係依間餐廳會炸左個蝦頭, 食過真係番尋味。本人係生蝦既fans, 每次食親泰國野都一定要嗌, 今次依間真係食過咁多間最新鮮!!之後黎到個招牌bbq小法包, 佢睇落好似冇乜特別, 但係熱喇喇食落去真係好香口, 個皮脆包軟熟, 仲可以點埋咖哩汁黎食!! 絕對係必食至於個紅咖哩燒鴨, 佢個咖哩甜甜地唔辣, 好岩女仔食, 最特別係擺左一樣生果落去, 荔枝!! 當荔枝煮熟左再放係d咖哩入面, 感覺係會好清涼同埋好甜。完全冇諗過食咖哩係可以配荔枝! 另外 值得推介既係一隻飲品- 分解茶, 食完咁多野之後飲真係冇咁油膩, 絕對值得一試!!!!

我鍾意食海鮮，平時去九龍城食泰菜，賣的海鮮都是瞓低左的烏頭或側魚燒到燶燶地，講真，真係得燒焦味和辣味睇食評介紹話呢度有生猛海鮮食，又話有魚缸，好，一於試下去到見到門口企左十幾人等位，好在有訂位店員安排我們三個女仔坐在近櫃檯位，座位算闊落點菜時，我要店員帶我去魚缸揀海鮮，果日選擇都好多，本來想食條黃皮老虎斑，但最後為遷就anna改食石蚌鹽燒石蚌好正，肉甜，好有鮮味，但一定要趁熱食，凍了肉會變硬黃酒麻香燒花甲好甜，一客有十幾隻，幾抵食，配埋個辣汁，正到爆，所以我re-order多一客燒海螺，好少有泰菜館有這道菜，同樣地，好鮮甜，沾些泰式辣醫，好惹味生蝦刺身，正，肉質爽，配碟跟炸蝦頭和苦瓜，蝦頭酥脆，正，苦瓜就啱晒d食唔到辣又想激烈下的人，解下辣，我就變態d，沾埋個辣汁食爆魚卜，超正，一定要食，香口惹味還有炒通菜，老水豬手，木瓜沙律，咖喱麵包蝦要讚那些辣汁，全部都係秘製，臨走時，求店員送一小盒給我帶回家，yummy，真係要多謝四眼哥哥

好少去佐敦，如果唔係都唔知廟街原來係長到過佐敦。經朋友帶住下，去了呢間叫泰肥牛，食左餐偏甜唔辣既泰菜 。一入去，見到周圍都係明星相，心諗會唔會好貴，不過睇完Menu，都可接受既。然後例排問侍應，有咩好介紹，推介左個肥鱔。見呢排少食鱔，就叫個燒鱔。食落真係OK肥。個人認為可一試連皮食，同唔連皮食個分別。純個人認為，連皮個香味係出D。 之後仲叫個燒刀蚌，刺身我之前在其他地方食過，燒就未試過，感覺係似象拔蚌，配埋個泰啤，爽呀~~之後仲叫左D例排泰菜，椰青海鮮焗飯、青咖喱雞，配埋個法包仔，3個人食夠飽喇!! 個焗飯係有驚喜，幾like佢入面多椰肉。至於法包，上面有香草，不過牛油味重過香草味，建議香草要再重手D。

今日係復活節假期第一日,好多朋友都去晒旅行,好難得可以搵到位好奈冇見0既朋友,一於同佢周圍行下,講開大家近排有邊間餐廳好食,我就立即諗到佐敦有間泰國餐廳d野食都幾好味...兩個人唔係叫0左好多野食,有個咖喱牛肉,一個冬陰公湯,由於實在太好未,同埋好肚餓,食晒我先記得,要影相!!!....no problem, 為有機會再來食先影相啦,post 住一張先啦,<乾咖喱面包蝦球>...辣度適中,份量足料,十分有質素,用咖喱汁浸住d面包,口感一流,蝦球大大隻,正

在尖沙咀行了一整天, 特地於晚餐時份徒步至佐敦泰肥牛.因為已經一般時間沒光顧, 有點想念了 講返今晚ORDER:青芒絲軟殼蟹 ($10x)個dressing 酸酸辣辣, 下面有一底的軟殼蟹, 夾埋酸辣的青芒絲, 真係好開胃不過以份量黎講價錢有點貴, 聽男朋友講好像縮水了---黃酒麻..咩野炒花甲 ($68)本來想要鹽燒海螺, 不過冇貨, 真係好失望T.T最後點了這個. 味道都OK, 不過花甲不肥美而且份量真的...過少了吧!! 食完有點不實在的感覺---青咖哩牛好惹味呀 下次試牛腩先 啖啖肉入面有一些絲瓜狀的物體, 貌似青檸, 口感似...絲瓜?配咖哩吃的酥餅 好正呀!覺得不夠喉再加碼ORDER了 香草焗蒜蓉包食第一塊時覺得好正外邊脆內邊軟, 但到第二塊時已經比較難咬了 ------還ORDER了荔枝汁($2x), 入口有一點點的荔皮肉, 而且味道好清, 不算太甜, 好好飲!總括黎講, 食物不錯不過水準不穩定(因為上一次來的食物真的造得很差... 跌了眼鏡) 隔了四個月再來, 終於又可以再嚐到失落已久的美味, 不過以賣價來說, 份量真的偏少.但是值得再光顧的.

今日收工約左Daisy姐開飯，人家住紅磡，講明唔去得遠，灰姑娘要12 點前返歸好好好，上openrice睇，見到呢間泰國菜有本事踩住澳洲牛奶公司個頭，一定有料到，好，反正揸車，就試下你打去book位，講明有車，店員話幫我安排，中環收工接埋Daisy姐行西隧，柯士甸道一轉就見，真係唔難搵，個經理仲驚我唔識路，打黎兩次教路，我係美國讀書唔代表我係美國仔不過都算係好心，由你，仲要真係有安排個車位俾我，泊正門口，方便入到去，裝修好有feel，最緊要Daisy姐鍾意，人家食慣好野，泰國菜貴極有譜，好在Daisy姐今晚願意降呢食平野真係平，開支紅酒四百有找，兩個人點了個海鮮粥底打邊爐，係，無錯，係粥底，經理介紹Daisy姐又鍾意，我最順得人粥底鍋有隻新鮮蟹跟上，我睇住個經理由門口個魚缸撈上，實新鮮啦Daisy姐話想開條象拔蚌試下，經理第一時間推介，話餐廳做緊promotion 法國貨象拔蚌賣$288，嘩，有冇咁抵，唔怪得見有幾枱人食我就點了個泰式餃子，都係獨家菜，有辣有唔辣，我鍾意辣，Daisy姐又話唔辣，頂，女人好煩，辣唔辣都要，放粥底煮超正還有牛丸，花膠，雪花肥牛，生蝦，墨魚滑，我最鍾意個肥牛