泰肥牛海鮮火鍋菜館 (已結業)

老婆係團購網站買左$1生蝦X2,上網睇D食評好似好大出入.....有D擔心....等我試探下佢虛實,順手試下學人寫下食評是晚一行6人3pair...搵左一大輪..去錯左近油麻地個邊.....晚餐未食先行一餐去到7:45驚驚無咩人......地點差....地點差.....唔好嚇自己....門口咁多名星相....又.有魚缸..幾特別...先試$1生蝦....用新鮮草蝦....唔係冰鮮野...個汁幾得...木瓜沙律...加左咸蟹幾有泰國味道.....青芒絲軟殼蟹....好食...但擺耐左就唔得...冬陰公大頭蝦湯....隻野勁大....D蝦頭膏炒埋入D湯度...係香港第一次飲到......整體有質....有別於九龍城D泰菜......第一次寫食評...有一個好開始...加埋哂$755...一人$126下次試埋火鍋

買左張1元生蝦coupon,同幾個朋友去試下,叫左生蝦:勁唔新鮮,勁唔掂$1海南雞又鞋又有骨半隻$78蝦膠釀皮蛋:冇特別$42青木瓜沙律:超細碟$45生菜肉醉包:冇乜味,只有鹹$60冬陰功海鮮湯:水溝油,勁難喝$128鹹魚炒椰菜苗:完全揾唔到鹹魚$55蟹肉炒魚肚:好似食垃圾$95青檸梳打:唔酸又唔甜唔知想點$28龍眼冰:甜到發瘟$24椰青:唔甜$30油飯:似臭味$12總括:絕無下次,唔使錢都唔食,好睇唔好食,超揾笨所有食物全無泰國味道,座位超壓迫,超晤舒服.:

看過幾篇食評後決定自己親自來嘗試一下這間泰國飧館, 店鋪不大也沒滿座, 我和男友本被安排在店內電視下的牆角要面壁的座位, 並緊貼另一桌坐滿了約7~8人的圓檯, (但店內尚有兩三張四至六人檯空著),我曾經也是同行當然會體諒飧館座位的安排. 但是晚已快9點晚市也差不多已過! 所以拒絕他們的安排而要求坐到一張四至六人檯, 必要時可分拆為兩檯! 是晚我們點了:海蝦刺身: 這海蝦入口有點黏膠的感覺! 蝦身未夠乾爽及透明，蝦頭雖有炸過..但卻有酥軟的感覺而不是酥脆!醬汁味道一般, 比不上九龍城金寶.. 但可惜的是金寶就只有蝦刺身和醬爆蝦丸還過得去外, 其他不願致評!海鮮冬功蔭湯: 湯底味道不錯, 海鮮材料足有海瓜子, 青口, 蝦, 魷魚….不過不失!!炸墨魚餅: 有口感但算一般, 沒有什麼特別!紅咖哩牛筋腩: 特別請侍應推介要最辣的一種咖哩. 但咖哩汁椰奶過多沒有咖哩味也沒有辣味! 雜菜一堆唯獨找不到半粒牛筋, 只有三數粒咬不動的牛肉…差!蝦膏炒椰菜苗: 是最成功的一味了! 有鑊氣,椰菜苗炒得不過火.但最想不到和最失敗的是…. 這店的白飯竟然沒有用泰國香米! 這是我在國內外食到唯一的一間! 真不理

一班同學聚舊，想搵Ｄ地方舒適又唔想太嘈的地方傾下計，朋友提議了此處。食物不錯，門口可以泊車亦是重點之一，店員亦好有耐性和禮貌地介紹餐廳美食。以下係其中幾樣值得推介的美食 炸墨魚餅 - 好有口感 生菜肉碎包 - 辣辣地, 又唔太油, 好味道: 椰汁雞湯 - 好重香茅味, 亦好足料, 係咁凍嘅日子飲一口雞湯真係超正, 又暖身!: 花竹蝦刺身 - 蝦頭炸到香噴噴, 蝦身就好新鮮彈牙. 咖哩炒肉蟹 - 咖哩味道香濃, 記得要配薄餅或蒜蓉包啊!: 芒果黑白糯米 - 又唔會太甜, 味道恰到好處, 食飽飽都要食多幾啖呀下次同朋友聚會可以再去食過!!

鮮有睇介紹去食飯，見到呢期好多人講泰肥牛，好，即管試下你早幾日約埋朋友去試食，都好有驚喜喎，門口仲可以泊車添，超方便入門前，例必看看菜式介紹，店員好細心講究是日精選，門外有大魚缸，見到啲花竹蝦好生猛，好，食定你店內坐位算ok，唔算好迫，店員好有禮貌，知我鍾意食海鮮，就建議我食燒魚，好，食食食，仲點了燒花螺，超新鮮，美味是夜點了花竹蝦刺身，燒海魚，燒花螺，咖喱蛋白奄仔蟹，香焰蝦，燒鱔，臭草煎蛋　那客刺身爽甜，正　燒海魚唔使講，新鮮燒，廚師仲要塞咗啲香茅入肚，好香　燒花螺，唔算大粒，大粒唔好味，細粒鮮啲，點辣醬，送啤酒食，無得頂　咖喱蛋白奄仔蟹，真係要食，奄仔蟹呢期當造，膏多又香，個汁用嚟食蒜蓉包，惹味　香焰蝦，唔係寸，有真人堂弄表演，係一種享受，我特別要求加辣，食時有陣陣酒香又辣，正，店員要我用手食，啱，聽話係啱的，用手食，仲要用力啜蝦身，蝦熟度啱啱好，一流　　燒鱔，肥美肉厚，好味，有個汁配備，不過我鍾意唔點汁，good　臭草煎蛋，係地道泰菜，出面少有，店員話每日限量，食到是福，臭草，如其名，有陣味，但配埋佢哋個醬汁，真係好味到爆

今天見到這間泰式餐廳很少人光顧, 都心知不妙. 午飯時下雨仍有位置,才入去試一試.隨便點了一個午市套餐, 有一杯飲品跟套, 一碟濕炒牛河, 果然是很濕, 多汁到淹蓋了所有河粉, 而河粉不是幼滑, 較粗"鞋", 另外, 牛肉的質地很奇特, 像有一絲絲的紋路, 入口很苦, 濕濕的汁亦是很苦, 總之, 只有那幾件配菜的西蘭花及椰菜花是正常味道. 28元食了一頓似初學者所煮的味道, 材料不好,真是影響食物的質數.

因為住在附近的關係，到這家新餐廳四五次了！水準一直都很高！因為餐廳還很新吧，菜單每一次都不大相同！不過老細十分親切！每天睇場，因應容人要求變更菜單。前幾天再去，食左兩道好特別同地道既新菜：臭草炒蛋＋味蟹木瓜沙律，係我覺得最特別既！同老公兩個人飲埋野平圴三百幾，雖然比同區貴左少少，不過好新鮮水準很高，以前去開黃珍X，但黃珍X很大味感覺不太乾淨，現在都轉吃這家了！下之約多幾個朋友帶埋相機再試其他菜 ：）

今日同事難得來到福永, 我們肥人團便組隊到佐敦試食, 本來想去小酒窩, 但因太擠擁及只有一小時進餐便移師到對面的泰肥牛, 因看到很多名人照片和食評, 且有我最喜歡的燒鱔....一看餐牌, 價錢是中上的, 普遍一道菜要60-140元, 本來只點了燒鱔, 蝦膏炒飯及青咖喱羊, 但看到它們推介辣椒膏炒蟶子王, 便不點羊. 另外被推介其花甲王.首先, 粉量出奇地少, 蟶子王兩隻要76元是不多化算, 尤幸味道尚算鮮甜, 且其紅辣椒膏真的很夠辣才合格.其花甲只是普通鹽水白烚而己, 58元只有十二隻真的不超值.燒鱔己經是算不錯, 外皮很肥美, 也算烤得皮脆肉嫩, 不會太乾. 但也要98元, 分了六份便沒有了.....蝦膏炒飯也是另外可以推介, 沒有太咸但有蝦膏的味道.這頓飯我們花了不到半小時便搞掂, 到結帳一看單據, 嘩, 要差不多四百元, 昨天在金枕頭五個人才吃了五百多相比便不值了, 所以一定要給它一個咸臉

今次同三位舊朋友好耐無見面, 我地就去左新開張既泰肥牛食飯眾會, 大家都覺得食物質素都唔錯, 我覺得呢間泰菜館既菜式係唔同其他傳統泰國菜, 我地仲見到有好多新鮮游水海鮮, 菜式多變化, 無咁悶當天開飯, 我地試左好多款泰菜, 我地坐低先來一個椰青，香甜又多汁,生蝦刺身：冰鎮花竹蝦去殼開邊, 味道鮮甜，蝦身夠乾爽脆及透明，再蘸以泰式酸甜醬汁味道更佳 燒花甲 : 一定要食，價錢唔貴又新鮮，加上秘製青檸調味汁帶出花甲鮮味, 食落去，唔停得黃酒火焰蝦 : 黃酒火焰蝦, 係即場喺你面前整, 可欣賞廚師現場炮製過程, d 蝦仲跳下跳下, d 火又燒下燒下, 好得意呀.... 如喜歡有酒味既食物, 建議試下火焰蝦..............勁入味!, 另外仲要讚既係佢個汁, 有好香酒味, 食落唔會太辣, 所以好多唔食得辣既朋友都食到津津有味, d蝦又鮮甜,又爽口, 正呀!!!鹽燒紅魚 : 條魚加埋d香料一齊燒, 外面燒到好乾身,好香, 但入面就好有肉汁, 1d都唔"un", 配搭秘製調味汁,食落口真係好惹味好香口, 4個人勁快已經掃哂成條魚, 泰式炒椰菜苗 : 唔油, 夠鑊氣, 炒得很爽口青綠軟穀

想食泰菜，想起佐敦新開一間泰國菜館，水準不錯，今晚特別約了兩位朋友到此用膳。先說環境及服務，有卡位有大枱，算是寬敞舒適；老板落力招呼，服務頗周到。點了以下菜式︰(1) 生蝦 - 必點﹗蝦頭與蝦身分開處理，生蝦肉新鮮，蝦頭炸得酥脆，加上秘製辣汁，正﹗驚喜是用生涼瓜片伴碟，甘香清新。(2) 炸蝦餅 - 一碟六大件，分量足，蝦餅很厚但炸得夠透，中上。(3) 蝦醬炒椰菜苗 - 好好味﹗佢令我放棄點飛天通菜﹗(4) 酸辣鳳爪 - 中上水準，曾試過泰式海鮮沙律亦不錯。(5) 椒鹽瀨尿蝦一大隻 - 斬隻上，超鮮甜﹗食到連手指都吞埋落肚﹗(6) 冬蔭功 - 很足料，三人分得三大碗還有剩，酸辣度適中。(7) 香焰蝦 - 師傅在你面前在酒中點火烹煮香料，跟手將新鮮蝦倒入酒內同煮。好香好香，個表濱仲好好睇﹗(8) 明爐烏頭 - 酸酸地頗開胃，最愛墊底的黃芽白，好入味﹗總括而言很滿意這餐飯，食得出老闆捨得用好食材，大廚都是泰國人所以味道頗地道，值得推介﹗

此店的價錢不便宜, 普通一個外賣客飯也要$40...所以一直沒有幫襯...因為要留在公司OT的關係, 所以就叫了一客通菜肥牛, 一客黃咖喱牛腩, 另加$12配一份炒雜菜...份量少到有點驚嚇! 通菜只有幾條, 肥牛也是碎濕濕的 而且味道十分咸! 我想是味精下得太多吧?! 雖然份量太少, 但我也吃不完...黃咖喱牛腩也是少得可憐, 味道跟港式茶餐廰的咖喱沒有分別...但下次我寧可去茶記了, 起碼價錢份量會較好...炒雜菜真的很過份, 用一個像是喱啫杯SIZE的盒來裝著, 可想而知份量有多"大"了!!看到這裡有很多好評, 但奇怪的地方是, 大部份也是新會員...很難不令人懷疑...無論如何, 希望貴店會改善一下...不然, 好評如何多, 但客人吃過一次也不會再返轉頭的...

第一次寫食評, 寫得唔好唔好見怪同兩個舊同學好耐無見面, 而家大家都住唔同地區, 所以揀咗佐敦食飯, 方便大家返屋企既路程, 原本諗住去打邊邊, 但又落晒雨咁..都無乜心機都打...女人就係善變我地就搵咗間食泰菜嗰日同學帶多個朋友嚟..四個女人食好多嘢一入到去個環境都ok呀..我見佢有張大枱有個簾咁既嘢..我估如果一大班人, 可以坐嗰張枱放咗個簾自成一角...嗰日我地叫咗好多嘢食...有個燒鱔..好肥呀..我開頭以為好似平時食日本d 鰻魚咁..但原來肥美好多嫁. ..另外叫咗個咖喱蛋白龍蝦仔..平時食蟹都試得多, 有d 唔同款既就梗係要試下, 都好多肉下..個汁就叫咗薄餅同蒜蓉包配嚟食...好味,個酸辣鳳爪好辣呀..但我朋友就啱晒, 佢好食得辣雞就無乜特別呀....但個粉呢我就最鐘意...因為真係好夠味...而個菜係我朋友叫, 我都唔知係乜菜, 食咗覺得好味, 先知係椰菜苗, 我顧住食碟椰菜苗, 都懶去包個生菜包嚟食, ...到最後緊係要甜品啦..個芒果黑白米飯好"煙un"..同出面嗰d好唔同總括嚟講..我覺呢間泰菜係有d 變化既菜式..唔同去到食泰國嘢叫嚟叫去都係嗰d 款, 無咁悶,

揸車經過佐敦想食泰菜，見到呢間餐廳門口有位，便泊低落車一試，一開始見鋪內人唔多都有ｄ驚，但見ｄ午餐都好抵，估唔到水準仲令人好驚喜喎。同個朋友一人一個ｓｅｔ乾咖喱海鮮炒意粉　ａｎｄ泰式炒金邊粉我個餐加左好似15蚊跟椰青，正！個意粉都幾辣，但好有咖喱味，ｄ海鮮仲好多，配埋椰青一流！朋友個金邊粉都炒得幾好，夠爽又夠味，我係咁夾黎食食到一半先記得影返張相有機會再試ｄ小菜！

為好友慶祝生日，5個女仔諗極都諗唔到食咩，最後去開張冇耐泰肥牛。坐低先來一個椰青，香甜又多汁，負責招呼我姐姐又熱情又nice。我試好多款泰菜，大家都覺得唔錯，之後佢仲肯熄燈幫我個friend慶祝生日！

路經jordan, 又唔想打邊爐, 上openrice睇下有冇咩介紹...發現呢間新泰菜, 既然有排都去唔到泰國, 就試下呢間泰肥牛啦~晚上人不算多, 門口魚缸位幾吸引, 但未有魚... 仍在試業中?唔理啦, 問佢地招牌菜, 拿拿臨試試:冬陰功 味道唔錯, 辣得來有蝦味, 感覺像回到曼谷~~酸辣鳳爪 正常冇驚喜, 可以一試~海蝦刺身 正常, 可以一試~炒花甲 好似廟街好食dd 喎咖喱炒蟹 呢碟全場最正, 咖哩味混入左蟹肉入面, 咖哩同蟹香岩岩好, 肉多, 算係香港黎講, 唔錯的一碟咖喱炒蟹 ps: 相當懷念bangkok的鵝姐and建興...大致ok, 咖喱蟹可再試, 但見人數不多, 可能宣傳不夠吧? 聽waiter講稍后可能有串燒海鮮, 好, 等佢攪掂有機再來, 畢竟香港較少見~