泰船

營業中

休息中

我是泰船的老顧客了，一如既往的好食C，等於我的第二個屋企，食的安心又放心，泰船菜品超齊全，有好多正中泰國美食，而且味道超正超正中，超級好食，令人放心食用，而且我介紹過嚟食的朋友都話好食，真心值得推介！！泰船的美食俾人一種很有食慾感，菜品很新鮮，味道鹹度剛好，而且火候掌握得非常之好，上菜速度超快！！！③而且員工服務態度超好！！！而且有邊度唔啱老板娘會即刻更改！！同埋我想講佢哋放碗大聲咗，我唔覺得有咩問題，餐飲講嘅就係速度㗎嘛，唔通真係慢慢等你走咗再執碗啊，下一台客人都會等唔耐煩！！

撈檬 海南雞食過幾次 味道正常 不過不失 船湯就麻麻 濃得濟 服務態度還好，喺上水食到泰國嘢都幾開心 唯一就係你每次都俾啲頭撞頭咁搭枱 點食先…. 嗰張枱仔食3個人都難架啦 仲搭4個 2個對住2個 3唔識7面貼貼咁 手都枱唔起 點食嘢啫仲有職員掉碗去筒度可以細力少少 你個筒唔爛 我耳膜都穿

有樓上房，足冷氣，舒服。份量夠食，豬扒夠香茅味！只係豬扒炸得乾咗少少。加十蚊有椰汁冰，青檸梳打之類特飲都ok! 野食嘅價錢就略貴啦！賣50蚊或者送檸水之類會值得啲！

係附近做完運動就過左黎嗌左碗冬陰功豬頸肉金邊粉🥘🫕🍜，湯底好味☺️👍🏻食得辣既可以加側邊啲辣粉，對於我喜歡冬陰功湯底，但唔算食得好辣既人黎講，味道就岩岩好啦👍🏻👍🏻～～～而份量岩岩好👍🏻老板娘熱情招待，同食客同推薦唔同麵食落啲咩調味料，食食下覺得要影相上黎讚揚一下，希望呢啲香港既小店可以繼續做落去❤️！！！下次一定會再黎食啊☺️☺️☺️☺️（所以啲相影得有點醜，但食物味道好好👍🏻）

今日去到好夜，好肚餓，有好想食泰國嘢😮，靈機一觸，就嚟呢一間由泰國姨姨親自下廚嘅泰船好好讓味覺去下旅行興鬆一下😄🌟船麵（牛）牛丸，肥牛做topping，最鍾意就係佢嘅湯底😛記住加埋佢專屬嘅醬汁，泰式嘅味道出晒黎，酸酸辣辣好開胃。（冇影相📸️因為太肚餓已經食咗……）🌟豬肉串燒（$24，3串）熱辣辣咁上，未食已經留口水，爆肉汁，好好味❤️🌟芒果糯米飯 （$40）甜甜嘅芒果，配上熱辣辣嘅黑白糯米，淋上椰汁，再加炸綠豆碎，呢度唔係九龍城，都有呢個質素，好驚喜❤️真係唔好睇小上水嘅小店😮

星期日下午兩點幾去到要排隊，前面要等5個位。店內好細得幾張檯，不過大家都快食快走所以唔洗好耐就有位。佢快嘅其中一點係就到你有位會幫你落定單先。咁你一坐低已經有野食野飲上！同男朋友都係叫船麵，一個牛一個豬就可以試晒兩種！第一啖飲湯先！好濃味唔油膩又唔咸～啲料都算正常份量，無數肉有幾片但丸就有三粒。牛丸豬肉丸都彈牙爽口，肉片都滑身我地都揀金邊粉，好滑好好食～佢仲有個船麵汁可以落，我落咗少少係好重蒜嘅汁嚟，個人認為唔加個汁，本身碗湯麵都已經好好食！

我星期日早上不到12點便抵達了這家泰式船麵店，卻發現店內已經差不多坐滿人了，這讓我對這家店的更加期待。首先，我嘗試了他們的湯底，我必須說這湯底非常出色，味道濃郁，亦散發著香料的味道。然而，讓我有些失望的是麵條的質地。儘管麵條的口感並不差，但它們缺乏彈牙的感覺。我喜歡有嚼勁的麵條，因為它們能更好地吸附湯汁，帶來更豐富的口感。總的來說，這家泰式船麵店的湯底不錯，整體而言，這仍然是一個可以一試的泰式船麵店。

—鋪頭較細 容納到10個人左右因為想食炸嘢 堂食即刻整會好食d所以有心理準備要等陣位正宗船麵($52)可揀牛或豬 會配返相應嘅牛丸/豬肉丸飲咗幾啖湯底都冇口渴泰式燒豬頸肉($50)豬頸肉整得幾好食 香口有肉汁爽腍得嚟唔會肥膩泰式香茅雞翼(+$xx)店員幫我哋將小食變做跟餐會平過單點 新鮮炸起點會唔ok香茅味再濃d就好泰式奶茶/椰汁冰(+$9)椰汁冰冇膩滯感 整得幾好嘅————————————————泰船上水符興街1號地下B 及 C號舖

朋友特登share左個instagram post俾我, 話上水有好西食, 好味到食客跨區幫襯。作為地頭蟲, 本身諗住叫個外賣試下先, 但咁岩嗰日鋪頭休息, 今日就擇日重賽。去到門口有一個人等緊, 我一個人, 攞完飛等左10分鐘左右就入得, 同另一位一支公既食客齊齊搭枱入座。唔知係咪我夾岩個時間, 平日12點55分左右到, 完美避開1點放飯既人潮。本身係諗緊食海南雞飯(or雞飯相都多)定船麵, 入到鋪見個個都船麵就叫左個牛肉金邊粉, 加個instagram post 推薦既泰式凍奶茶。店員nice, 食物上枱速度快既, 船麵都唔錯既, 成碗麵我覺得湯同麵係出式過餸, 如果係餸入面就牛丸出色d。 另外, 杯奶茶都唔錯, 我叫左少甜少冰, 奶味濃, 幾好飲。overall, 60幾蚊lunch, 係唔錯, 下次都會再encore, 試多d 唔同既野, 但唔錯還唔錯, 係未覺得好似instagram 個post咁講要誇區食

上水之友介紹去食～ 大概12:00到， 已經有人排隊， 我掙扎船粉定冬陰功， 朋友就係撈撈，幾好味呀～ 怪得多熟客。雞翼冬陰功湯粉少少辣，好野味，雞翼好香口～豬頸肉撈粉食左塊豬頸肉，正哦～坐位雖少，但老闆娘（應該係），差唔多到你就會幫你落定單， 所以都好快可以坐底食。

本身唔係住上水都專程過黎食因為太好食太難忘今次已經係第二次食平日晏晝5點入座完全唔洗排隊一樣係食豬肉金邊粉船粉 一樣咁好食👍🏻👍🏻真心超級中意佢個湯底 好濃香港有得賣既泰國船麵黎講 佢都應該係最top果批因為香港食到好食正宗既船麵都唔係咁易早兩年見大圍都開左間船麵果間完全唔掂😂😂又貴又難食 個湯得個甜字對比返上水呢間泰船真係無得輸知佢開左唔係咁耐希望佢長做長有見佢開左無耐都已經儲到班熟客所以做食肆唔洗靠打手 有麝自然香我一定會再返黎食!!!下次會試下其他野 豬頸肉 海南雞飯 椰汁糕都想試

超級好食 船麵湯夠濃 味道好正宗!!!!絕對會專登返黎再食!!!本身船麵個湯都已經好正有少少甜 又有少少胡椒辣味不過如果食得辣又想味道層次豐富d一定要落兩羹辣椒粉另外有一款大粒辣椒果隻汁我都有落不過唔係好知d汁係咩黎仲有隻汁睇落似稀d既黑椒汁我又係唔知咩黎不過都落左兩羹總之落完就好食左😂😂😂我食完麵飲左勁多湯因為個湯太正雖然地方淺窄但侍應服務好好 好友善又細心 呢個抵讚👍🏻以上水區黎講 佢價錢絕對偏貴一碗船粉50幾蚊 加埋野飲埋單$71但以佢既食物質素 我覺得物有所值👍🏻

第二次嚟呢間舖頭，就係為咗佢個豬頸肉！🐽佢間舖都真係幾細，最多應該只可以坐到12至14個人，價錢覺得中等唔係話好貴，今次食咗個海南雞同埋豬頸肉。海南雞都算滑，個汁都正常幾好食，但係隻雞實在太肥😂個雞皮都偏多脂肪同厚，如果可以薄返瘦返啲就好。個豬頸肉真係出色，唔記得咗幾多錢好似50幾60？個份量真係幾多，個賣相好靚，金黃金黃色，佢裏面啲肉都好有肉汁，唔會過熟，係有少少粉紅咁樣，唔係平時出面普通泰國餐廳食全熟肉色然後比較乾柴，咬落鬆軟好正！點埋佢嗰個汁酸酸地咁樣真係超好食🤤兩次佢都有叫，冇叫錯。仲有飲咗杯龍眼冰同泰式奶茶，泰式奶茶不過不失，龍眼冰都好正常唔會過甜。

去完泰國返黎 食過最泰風味既小店，必定encore之選泰式海南雞飯 $55揀左油飯，油飯有淡淡香味又唔會油淋淋咁 保持到乾身，雞質地嫩滑 配上泰式醬汁正宗船粉(金邊粉)跟豬肉 $52 + 泰式奶茶$9無提供青檸 不過店家有調味架，架上有4種泰式調味醬汁，可按個人喜好加減，泰國會有糖提供比客人 呢度就已經調配好船麵湯底 唔需要額外加都夠晒味泰式奶茶絕唔係港式紅茶或者珍奶味，明顯用返泰國紅罐仔泰茶葉沖製泰式燒豬頸肉 $50上枱熱熱的，佢唔係炸而係真燒 燒得香口又唔會乾爭爭 配埋佢個醬汁食 一流！*店內只可以接待4枱客，lunch hour好大機會要等位*成日都提住醬汁，佢地每款食物都會各自配唔同泰風醬汁

呢間鋪頭前身係做韓式菜，大半年前比泰船頂左黎做泰菜。仲記得睇住佢地試業，當時係門口淨係做外賣，唔太起眼但跟住慢慢有一兩張枱，老闆人緣好，d舊老友會黎支持佢新餐廳。到而家大半年到已經係一間正式嘅既餐廳會有街客入去食讚好。我食泰式船面再加扎肉同奶茶，總數港幣73元。份量其實唔算多，應該唔可以話食完夠飽，價錢對比係呢區內既食市係偏貴，雖然味道ok同埋算正宗。我每次黎食都係有少少餓先會去，當係個下午茶咁，lunch就未必因為份量少。