泰豊廔酒家

營業中

休息中

突然好想食北京填鴨，於是就諗起呢間懷舊的老店！幾年前黎食過，菜單依舊不變，只係貴左！哈哈通脹，大家都明啦⋯⋯4-5人餐 ， 埋單連加一$856 真係十分抵食三絲伴粉皮 ～無咩特別，不過不失啦賽螃蟹～炒得好滑，但蟹肉不太多蔥爆羊肉～羊肉薄切，所以唔係好覺有so味主角： 北京填鴨一隻厚薄適中，連皮帶肉，份量十足，我地5個人都食唔哂鴨架子湯～其實都係填鴨起肉後滾湯，但味道濃郁菜肉水餃～我覺得好食，皮唔太厚京式甜品：高力豆沙大大粒，熱熱地，好食👍🏻比起其他新派的京菜，我都係鍾意舊式的老店多D

話說9點幾個人想食個飯傾下計，有朋友提議呢間。我已經好多年無黎食，上一次已經係同家人親戚黎，印象中係好食（不過忘記大碟呢樣）味味都係大大份，最怕你食唔哂。三絲粉皮，加埋肉，幾好味。雙蔬，大大碟，湯做得幾好，唔錯。炒飯，飯粒係夠鑊氣嘅，而且係好味。叫左半隻，正常，不過個人覺得個皮太厚，唔係好食到肉味。另外有叫鍋貼同小籠包，大家肯定多過一粒。高力豆沙（有朋友話係佢等到嘅甜品），真係幾大粒，而且豆沙好多，呢個係讚嘅。佢係11點關門，10點半已清我地嘅碟話關門啦，大家留意。（其實見到角落仲有幾枱人客，相沒影）有一味係朋友知好嘢而叫，羊肉搶麵，係正喎，羊唔羶，啲麵幾特別。

有次和同事傾開食片皮鴨, 同事推薦食泰豊廔酒家, 佢話好出名。收工約埋同4位同事齊齊去食, 餐廳係溫莎大廈, 記得係赫德道入口最好。上到去原來係一間舊式酒家, 餐廳員工多數係上年紀, 裝修就保留舊有風味, 如果光線充足更好。睇左餐牌大家都係想食片皮鴨, 就叫了一個餐, $728 (4-5位用), 平時一隻北京填鴨都要幾百蚊, 呢個餐唔貴喎 !套餐有 : 三絲伴粉皮粉皮夠爽, 作為前菜皆不錯賽螃蟹份量看似不足4-5人, 蛋白煮得好滑, 蟹肉就不算很多蔥爆羊肉好好食, 羊肉入味, 連蔥段都一流北京填鴨1隻主角出場, 感覺無1隻, 因為上菜時已經切好, 但皮香肉嫩, 食唔停呀!鴨架子湯雖然無影相, 湯底白色, 湯料亦充足, 每人都有2碗多菜肉水餃10隻水餃大大隻, 清蒸味道較淡, 其他餸因為重口味, 所以好清新京式甜品 高力豆沙, 一定趁熱食呀 !!我地6點去到, 當時無乜人, 大約7點都差不多滿座, 酒樓樓底不好, 所以環境會嘈吵, 未必係一個適合傾計的地方,食物味道還可以, 服務都不錯, 有位姨姨常常問我地好唔好食,夠唔夠食, 但地方感覺無咁新淨,整潔。

同舊同事一年一聚，其中一個推介話呢一間好食，就即管試試。去到差啲搵唔到個門口，原來轉入赫德道先至搵到，去食嘅朋友就要注意啦！上到去係好舊式嘅茶樓feel，已經坐滿晒人，我諗質素應該唔差掛⋯我哋叫咗小籠包，三絲伴粉皮，片皮鴨，賽螃蟹，松鼠魚同高力豆沙。小籠包皮薄多汁，傳統老店應該冇得輸。一向都鍾意食片皮鴨，呢度有得叫就梗係唔會放過，鴨肉唔會太肥，加埋啲蔥放上熱辣辣嘅餅皮上面，味道OK，但個賣相就唔係咁靚⋯另外叫咗個賽螃蟹， 有好多蟹黃喺上邊，同剛剛炒起嘅蛋白撈勻加少少醋，送飯一流。三絲伴粉皮同松鼠魚就爭啲， 三絲伴粉皮味道好普通，另外個松鼠魚整出黎竟然係乾嘅⋯呢個真係大失所望。好彩最後叫返我至愛嘅甜品高力豆沙挽回少少分數，但總體來講食物唔算特別出色，而且舊式茶樓環境好嘈，餐具亦唔見得太乾淨，下次可能會搵第二間餐廳試～

之前係到食過幾次，招呼好，食物又好，所以都會間中去下食，自今次之後，以後都不會再去，原因係D服務一次比一次差，尤其是有一個女人，不停崔你食，由開始食至差不多食完都係甘問我地D餸要唔要，跟住又係甘叫我地夾哂D餸佢收碟，咩態度，未食完又收曬你的碗碟，我地話未食完，個時係九點五十分，我問個女人（職員），你地收幾點，佢話收十一點，但佢要食宵夜，你食宵夜關我鬼事，你可以自己去食，趕住我地食嘢，趕客走，唔怪之得全場得幾張枱，（以前有一個年紀較大的叔叔侍應，非常好招呼，自個叔叔（我唸可能他退休了）上去食時已經沒有見過他之後）招呼就一次比一次差，所以今次之後，我地幾個朋友都決定以後不會再去😡😡😡😡😡片皮鴨是好食的，依然是熱辣辣好味道椒鹽脊里—香脆香口夠熱又好味熏魚——甜味口感仍然保持到水準辣子雞——-廚師煮嘢食的確係唔錯，好可惜樓面趕客，男職員都無乜問題，不過都唔係話好好果種，但都不及係個女的員工，由頭趕客趕到尾😨😡松子魚—-酸甜味道ok，但就唔覺有松子仁，我就一粒松子仁都食唔到😨上湯菜心，味道一般高力豆沙——不及之前好食，但都ok既———————————————————-今次係最後一次去食，以後都唔

難得與朋友相約晚餐，平時聚會多數去開隔壁街間皮皮鴨酒樓，今晚決定試新野！*片皮鴨*即叫即燒，等左約廿分鐘就有得食，仲係檯側邊片鴨。鴨皮連肉，肥瘦適中，熱辣辣食都唔覺肥，配上甜度適中嘅醬料，正唯一敗筆係麵皮貌似係現成的（不是酒樓自製），所以超厚皮，好難食。*小籠包*一籠十粒，粒粒都皮薄多汁*清炒菜心*菜心當做，所以呢碟菜勁鮮甜！炒得剛好！*賽旁蟹*無想像中咁好食，醋係預先已經加到賽旁蟹中，所以未能嘗到蟹味既鮮甜。另外過多薑絲，每啖都淨係食到薑味咁。*辣子雞*全晚最好食嘅一碟餸，雞肉雖然經過油炸但肉質好嫩滑，辣椒籽散布係每舊雞肉上面，食落超香口！*高力豆沙(細)*一碟有八粒，都唔細粒喎。其他酒樓嘅高力豆沙多數都係食空氣多，但呢度就實心嘅可惜豆沙涵相對來說較少左啲。呢間酒樓全部都係老員工，但佢地好親切，好似幫襯左好耐咁，絕對會令你再回頭

打電話去book 話兩位無得訂，要 walk in，問用餐時間有冇限制，佢話 「無，不過兩位就唔係咁理想啦」，暗示兩位食唔多野唔想做兩位生意六點正上到去，成個場吉既，個經理喝狗式語氣，指住門口兩張四人檯「呀兩位一係哩張，一係個張啦」但當時仲有好多張吉既四人檯，我問窗邊個張得唔得，佢話「兩個人係得哩兩張炸」，我問全部都係四人檯有乜分別，佢用非常差語氣講「嗰d比人訂左架！」咁唯有照坐，但因門口檯關係，食飯成程都企左五六個待應圍住我地張檯傾賭波，又粗口橫飛，又大聲。我地坐左一個鐘食完就埋單，走既時候嗰張窗邊四人都仲係吉既.....講真，食物質素又唔係好，點解食客要受d咁既氣哩

為慶祝母親節，特登早成半個幾月訂枱。叫左個4-5人餐加幾個小食，片皮鴨超正，份量又足，d麵皮唔係好似出面d連鎖店咁靚仔樣，但睇得出係新鮮純人手製，即烤完出黎，隻鴨又肥又好食，係d青瓜之類少左d。但全餐好好正。

舊友相聚，選了尖沙咀漆咸道的泰豐廔為今晚飯局地點。傳統酒楼装修風格，日子久了，整體顯得有點舊，不過牆上倒掛了不少名家之作。挑了個價值HK$728供4-5位用的北京填鴨套餐。三絲拌粉皮，一貫水準之作。賽螃蟹以醋伴食，倍添滋味。葱爆羊肉火候十足，非常惹味。菜肉餃子，皮滑餡足，不俗。主角北京填鴨壓軸出場，以薄餅加上京葱與甜醬同食，豐腴不膩，讚!鴨架子湯盡得鴨肉精華，啖啖鹹鮮好滋味，令人忍不住再來一碗。甜品是高力豆沙，唔太甜最啱我口味，瞬即被秒殺。今餐食得好滿足，呢類傳統特色小館，食物質素一定有番咁上下，絕對唔會令人失望，當然值得支持。

行開尖沙咀好掛住北京填鴨🦆🤤即刻諗起泰豐廔！今日得我同frd子2個人最後都係唔敢挑戰鴨，所以叫咗小籠包，家常豆腐同一份例牌嘅雲吞雞！小籠包個個脹卜卜，好多湯！不過記得小心夾！家常豆腐大大碟，不過個汁略嫌傑咗d!雲吞🐔最好陸，湯頭非常清甜！雞好滑，雲吞亦好好味！而且各位哥哥姐姐嘅服務態度100分！見我地食唔哂即刻幫我地pack 好仲送多d前菜比我地！👍🏻👍🏻👍🏻

同一大班同事約食飯，有同事建議泰豊廔又平又正，所以就來試下～賽螃蟹超大盤，我地一行十二人都食剩，呢個一定要叫碗飯來送，加少少黑醋，包你兩啖就送哂一碗飯。酥炸脊里肉呢個類似咕嚕肉冇汁，冇汁令佢嘅味道更加凸出，肉味香濃且帶點油香，好惹味～糖醋松鼠魚岩岩炸出來上台熱辣辣，去骨嘅啖啖肉，酸甜汁上面仲有點小蝦仁，可以睇得出餐廳為味道質素十分疏爽～鐵板大蝦拎上台炸炸聲，一隻隻大蝦仁熱辣辣咁放入口，香口得來仍然食到鮮蝦味道，新鮮彈牙。片皮鴨呢樣係餐廳嘅主角，肥美片皮燒鴨即時係你身旁製作，加上配料好快就食哂一隻。與一般餐廳不同，一個套餐的最後不會奉上炒麵炒飯，而係一籠籠蒸餃，個人覺得好好味，但因為個餐太多野，到最後都有食剩到，唯有帶走。整體而言，泰豊廔食物質素幾好，舊式中菜食一間少一間，而且價錢不高份量大，好適合同大班家人或者朋友一齊來食晚飯～

今晚和家人一起進餐，選了這家傳統酒樓，先有素鵝，雖然不是炸，不過我覺得合胃口，味道不錯，再叫了鍋貼，一碟十隻，肉餡多汁美味，很久沒有吃過有水準的鍋貼，再有砂碢雲吞雞，雲吞皮薄餡靚，湯也很濃味，唯雞淡味，此外，醬爆羊肉和鍋蹋豆腐也絶對水準之作，京蔥很惹味，羊肉略鹹，豆腐滑而帶脆，值得一試，還有雪菜肉絲粉皮，粉皮十分滑，只有蒜子浸菜芯苗有點失望，略嫌硬，整體食物十分美味，服務態度良好，值得推介與友人相聚。

我認識這間店是我一位日本同事邀請我打邊爐的，她說很多日本的旅遊書都有介紹。今次是吃開年飯，我很滿意張枱，因為12人坐都有鬆洞，坐得舒服。頭頂燈都是印有logo，紙巾盒像是人手製的有歷史既痕跡。講番食物，大部份既客人都會選套餐，因為散叫都差唔多，而食物份量都偏大既，只是如果有炒飯/炒麵就更perfect 啦。我認為今日隻北京填鴨比較肥。粉皮係傳統款式，吸油解膩，好食。個羮好好食，啖啖都有趙口，芫荽淡香不錯。宮保蝦球係用左麥芽糖，所以有點黏牙仲甜左的，小朋友一定非常喜歡（我都超喜歡）金腿扒雙蔬，津白果邊應該落左少少wasabi。我覺得最好食係軟炸里脊肉，送酒真係不得了，好有趙口又唔乾又唔濟，正。多到瀉既賽螃蟹，如果有碗飯就真係不得了啦～

上到去已經人山人海，好彩一個星期前已打電話卜左位，所以一上到去就有枱✌️✌️而家同朋友飯局，多數都係我揸主意食乜，所以我而家成日會係open rice搜尋有乜好嘢食，吳使甘傷腦筋😂呢間老字號都係甘搵到所以去食🤗————————————————————食物多款式，價錢又合理，服務仲一流👍環境較舊式，但坐得好舒適，今次食小菜，下次想試下涮涮鍋，見到人地食得好過引😬————————————————————A-食京菜更係配花鵰——-🍶😋👍———————————————————-B-片皮鴨——鴨肉嫩，薄餅細細塊，吳會食滯👏但鴨黎到吳夠熱，味道就ok既😊———————————————————-C-椒鹽脊里——侍應呀叔好介紹，佢話送酒一流，呢個黎到好夠熱，肉夠爽口，好味😋———————————————————-D-鎮江肴肉——有口感，吳肥膩，點埋黑醋配合食仲好味🤗————————————————————E-炒豆苗——-又甜又嫩口👍————————————————————F-燻魚——有食肆有呢個餸，我多數都會叫，因為好鐘意食燻魚，呢度都整得好好食👍————————————————————G-拔絲蘋果———

是日公司補食冬至+新年飯,搞手提意到泰豊廔酒家,同行7人食晚飯在眾人討論久久之下,待應哥哥主動提議，可試下食8人餐，不過最后想自由選,我地都係揀咗單點叫菜。賽螃蟹 目測：賣相討好，雪白幼滑，口感兼備第一碟上碟己令我們急不及待爭食，另配埋個醋格外開胃，少少酸第一碟食就特別開胃京燒羊肉 第二碟，師父拎左個燒得紅紅既鐵板出黎，仲叫我地唔好掂,個板好熱我地眾人都俾佢個鐵板嚇一嚇,好似咁犀利咁~上菜時佢會直接將廚房炒好咗碟野再倒上鐵板到,令你有一個WOW既感覺食到羊羶味，但肉味調味加醬汁好多，上菜好似好有驚喜，但食落覺得比較一般上湯菜苗中規中矩,不過有人話食到臭青味.蟹粉炒粉皮同事仔見到MENU已興奮話要叫，又係期望極高既一道菜之一上碟時有啲呆咗,個蟹粉粉皮竟然配上青豆…蟹粉既黃色又係我地意料之外既黃.粉皮入口係好彈煙韌彈牙,但好可惜蟹粉偏腥,咁多碟之中,我地唯一食剩既一碟唔記得左個名,條魚炸得幾乾,淋到左都食到入面好乾.汁太甜.小籠包食上海野點唔可以食小籠包,上碟仲出哂熱,都幾期待皮食落好厚，皮唔薄，幸好湯汁都幾多,一籠都有10隻，唔要求食薄皮可一試炸子雞只覺一般,很普通冬瓜鴨湯佢話片皮鴨２食