泰越概念 (已結業)

嘢食真係超級好食 特別係嗰個椰子飯 有椰肉之餘 啲料仲好足好香好好食 啲沙律全部都好好食 啲菜有好新鮮 pad thai 好好味 仲有啲嫌佢唔夠大碗(不過其實已經好大碟）😂 大致上service幾好 係有一個男職員比較冇耐性 不過唔至於態度好差 超值得推介 一定要去❤️

這泰菜舘是本人近期常去光顧的餐廳，食品須然選擇不太多，但是也足夠我們選擇，服務方面中規中矩，以五折去享用美食，並沒有受到忽視，讚👍，且價格適中，環境四週也光缐充足。 由於用五折，更覺得值得推薦，烤魚，咖哩蟹，拼盤，砵酒牛尾，春卷都是本人至愛，飲品方面，除了兩個特別飲料（忘了什麼），其他仍可以享由半價優惠.最想推薦的是他們的紅豆冰，軟綿綿的紅豆加上充足的椰漿，很認真的製作.，一定介紹朋友再去享用美膳

Down左泰越概念優惠coupon, 於是就揀e到同朋友gathering!😊😎👭係Aura大廈搭lift上來, 一開lift, 見到餐廳空間感大, 設計新潮、舒適！👍🏻👍🏻 待應安排左個有窗景ge卡位比我地！Menus簡單易明, 揀左個小食拼盤、炒金邊粉同馬拉盞通菜。 先來炒金邊粉, 賣相幾靚！除左見到有豆芽、大蝦、韮菜, 配料有硬豆腐、花生碎。炒得幾香, 👍🏻味道偏甜, 一d都唔辣！😂 馬拉盞通菜又係好大碟, 一定要share 先食得哂！👭通菜綠油油, 好爽脆！不過冇想像中ge辣味！ 小食拼盤一d都唔小, 整體ok, 唯春卷入面得豬肉碎、軟殼蟹偏硬。 嘆埋杯珍多冰十分飽！😂珍多冰入面有綠豆、紅豆, 味道偏重花奶味！

泰國菜向來都是喜歡的菜式之一，每過一段時間就想食泰國菜，今日去了食呢間，第一次吃呢種鹽燒烤魚，個醬汁好醒胃，個魚皮由於用鹽烤焗，所以主要食魚肉，魚肉鮮嫩，有啲唔夠喉！另外叫咗一個海鮮咖喱配蒜蓉包，將蒜蓉包點汁好好味，食極都唔夠，之後再嗌咗個我食泰國菜都必點嘅蠔仔煎蛋，呢個菜有少少失望，蠔仔雖然算多同大，但無乜味道。不過環境都幾舒服，座位都幾闊落，而且唔算好多人，有舒適嘅環境同朋友傾計聚會，價錢中價。

同2位朋友聚舊，想食下東南亞嘢，所以搵咗呢間。本身訂咗位但我哋遲大到，員工都有禮貌提示我哋需要等一段時間先安排到座位，所以都唔介意。入到去環境睇落清潔，坐位算舒適唔會迫，洗手間都清潔。但係等餐嘅時間真係比較耐。我哋叫咗青咖哩雞、菠蘿海鮮炒飯、小食拼盤、炒金邊粉，同每人一杯飲品。嘢飲好快嚟，但第一個樣嘢食大概等咗20分鐘先嚟，就係青咖哩雞。再過大概十分鐘嚟菠蘿炒飯，咁終於啲青咖哩可以餸飯啦小食拼盤就遲遲未嚟，由落單到嚟差多過半個鐘，估計係落錯單，我哋眼見員工先送咗個拼盤去另一檯，但之後又拎返走，但員工們都係搞唔清楚究竟係邊檯然後大件事喇，拼盤果3串豬肉串燒，入面唔熟同員工講，佢就收咗我哋嘅串燒，話會換過比我哋。換完之後再試，其中一條都係唔熟再同另一個員工(似經理)講，又再燒過比我哋，但可能補償我哋，所以比咗6串我哋，今次全部都熟，雖然都等咗好耐個炒金邊粉，由落單到送到嚟差唔多成個鐘總括嚟講，其實食物味道同賣相係合格，但時間扣分，串燒唔熟唔能夠接受，可能肉切得太厚。樓面員工其實算盡責，但睇得出佢哋有d辛苦，冇咩笑容，肯補償返d串燒已經算好，會唔會人手唔夠呢？

訂位意義何在？本人母親生日預討六人座，準時到達結果冇位並要等候一小時以上。如果係咁，卜位有屁用？冇意義就咪扮高檔野好嗎？態度又差，服務又差，味道都只係一般般。對呢間野十分不滿，發暫永遠唔會再來幫襯。。。。。。。。。。。。。。。。。。。。。。。。。。。。。。。差差差差差差差。。。。。。。。。。。。。。。。。。。。。。。。。。。。。。

而家銅鑼灣真係多咗好多美食大廈，上樓搵食真係大勢所趨。最重要係好多新餐廳可以用app book，啱哂篤篤篤一族。顧名思義，v.thai又有泰又有越。事不宜遲即刻叫個泰越拼盤食吓先。呢個泰越拼盤真係無呃人，上至魚餅下至蒜蓉法包，左至串燒右至軟殼蟹，平時喺泰國菜餐廳或越南菜餐廳最常叫嘅小食都有。味道中規中矩，勝在大堆頭。青木瓜沙律材料幾新鮮，但味道略淡。附送嘅泰式辣汁其實有啲奇怪，som tum咁食都係首次。香草燒雞上菜時熱辣辣，而且醃得唔錯，食落都好惹味。雖然伴碟有酸瓜感覺未必正宗，但又幾好食同埋配合成件事喎！一向唔係泰式咖哩嘅愛好者，不過朋友叫到都一齊試試。呢碟青咖哩好奇怪地一啲都唔辣，反而係甜甜地。蒜蓉炒椰菜苖，正正常常咁。不過其實喺香港食到似樣少少嘅椰菜苖都唔係咁容易，好多時啲苖又老又韌，所以相比之下呢碟算唔錯。最後嚟個焦糖燉蛋，叫做有個甜品食吓，但其實佢個面唔多脆，而燉蛋亦無乜香味。雖然食完有少少唔知自己泰咗，越咗定香港咗，但至少喺呢度，食得正常，坐得舒服咁啦！

銅鑼灣Aura 系新大廈，朋友話開咗新既泰式餐廳，今日去睇睇😆Aura 新到有8成樓層都未有鋪頭入注。V.Thai系3樓，以為樓層低，但上到去視野好空曠。食泰國嘢梗係要試吓phad Thai~~ 所以叫咗個lunch set$72，包嘢飲，免加一。個海鮮Phad Thai 好足料，金邊粉唔會太軟身，但係我覺得可以再辣啲😆 因為係泰國識開好辣嘅Phad Thai lol 海鮮包括有蝦、魚片、魷魚等等。可能未有太多人知道呢間新餐廳，所以12:30去到都仲有五成嘅空位~~

一早經openrice訂枱，到達後可直接入座，毋須等候。餐廳座位不算多，但勝在寬敞，環境舒適、乾淨整潔，第一印象非常好。合共點了三個菜，一款甜品，包括燒春雞、炒金邊粉、馬拉盞炒通菜和木瓜雪糕。燒春雞色澤非常好，亦都很入味，肉質嫩滑，不過個人而言，不太喜歡它的味道;炒金邊粉是到泰國餐廳必點的菜式，這裡的金邊粉一般般而已，覺得濕了一點，如果稍微乾身點會好些，但味道是可以的，唯一不夠味的是蝦，那些蝦應該是最後才放在金邊粉上吧，完全沒有味道;馬拉盞炒通菜是最令人滿意的，通菜炒得很有鍋氣，香氣逼人，非常惹味，佐飯一流;木瓜雪糕都不錯，很清新，本以為木瓜會不甜，但其實甜度十足，唯一美中不足的是綠色雪糕(綠茶?)味道與木瓜甜味有點相沖，但與粉紅色(紅莓?)雪糕則很搭，一酸一甜相得益彰。整體來說是不錯的一餐，會再光顧試試其他食物

食嘢我最鍾意☺️今晚用訂座優惠Apps去食泰國越南菜，我哋兩個人，order 咗沙津、半隻海南雞、泰咖哩蟹及椰汁芒果糯米飯！青木瓜🥗沙津～好開胃，辣咗小小，但我ok 海南雞🐔~好滑有D雞味，好食過銅鑼灣嘅天天海南雞飯泰咖哩🦀～蟹有鮮味、係唔辣及唔夠濃，其實係ok，唔錯，我要求高咗D🥥汁芒果糯米🍙～唔太甜，糯米飯夠熱，有口感值得一讚，員工服務態度好，有禮貌，環境又靚，坐得又舒服埋單因為有半價優惠，2個人合共$394 超抵

銅鑼灣呢間餐廳<泰越概念>成棟都係餐廳，睇咗陣揀咗三樓嘅《泰越概念》，都算抵食同特別喔！叫咗幾樣野食【泰越拼盤】【炒金邊粉】【原隻菠蘿沙冰】【芒果鴛鴦糯米飯】【泰越拼盤】$128春卷、雞翼、札肉粉絲、豬扒，味道還好，春卷幾出色，炸得幾脆同好新鮮。【炒金邊粉】$98因為驚唔飽所以叫一個Main，算大份，大家一齊share食，炒得幾香。【原隻菠蘿沙冰】$48原個菠蘿沙冰，影相打卡一流呀。有好大塊菠蘿，菠蘿味新鮮。 【芒果鴛鴦糯米飯】$68始終想食下甜品，靚就幾靚不過個芒果酸酸地，同埋份量少，不過不失

係銅鑼灣食lunch實在太多選擇，今星期就跟同事食泰國嘢，去到原來係越式+泰式餐廳…就試一試。2個人叫咗2份lunch+個炒通菜，由於天氣太熱我就揀咗個雞翼撈檬，雞翼味道唔錯個檬粉估唔到咁好食，凍凍地加埋個汁好開胃，而我同事就揀咗個咖哩牛肉，賣相都幾靚我都忍唔住畢咗口啖嚟試，咖啡汁夠香又滑個牛肉都唔奀ok，個通菜都好野味係有少少辣，仲有杯嘢飲，我就揀咗個椰汁紅豆冰沙超級冰涼，個沙好似食緊椰汁雪糕咁紅豆就甜咗少少，如果等到椰汁冰沙溶溶地max埋一齊飲就剛剛好。

今日約咗舊同事食下午茶，黎到銅鑼灣食這間泰越菜。我們叫了2個下午茶餐。1. 越式春卷撈檬（可選豬頸肉、豬扒等）春卷有2塊，不是太脆，內餡有菜有肉；有花生碎、芽菜及蔥作伴菜，都幾香；撈檬本身已經加了撈汁（酸酸甜甜少少辣，幾野味，是夏天熱辣辣的開胃之選！2. 泰式海鮮冬陰公米線海鮮都幾多種類，有：青口、蝦、魷魚；有粟米芯、番茄、菇的配菜；冬陰公幾辣又酸酸的，好開胃又火辣；米線都唔錯，滑又軟！飲品餐飲有龍眼蜂蜜、柚子蜜等的選擇，都算唔差（滋潤一下），同事叫了熱咖啡

相信各大吃貨都會知道時下有好多訂座優惠APP，如果早啲入座六點半可以到達仲會有成七折，非常吸引！朋友同我都好幸運係準時收工既一群，所以一放工就仆倒出黎銅鑼灣啦。餐廳位於渣甸街尾一幢新建大廈既三樓，因為都係新開冇耐，裝修都好新正環境都幾寬敞坐得幾舒服。雖然我地３個大人，但見格黎枱應該係訂位時已經註明會有小朋友，所以餐廳都會擺好定ＢＢ凳，非常貼心。講到食物啦，我地一共叫左５款野食，味道普遍黎講都唔錯，唔算係超級好味但對得起個價錢啦。啲串燒正正常常啦，但要成＄８８先６串就貴左Ｄ。比較出眾既係個香茅燒魚，ｄ肉好滑又夠味。如果冇優惠，５樣野食原價係＄５６１，打折之後係＄４０８，除返３個人都算幾化算

對學生態度極差對學生超差別待遇吹咗佢哋是5次先嚟齊哂人哋就好快齊等咗半個鐘先有野食遲過我地黎嘅人 食完仲要走埋而家咁嘅服務質素真係好唔掂以後唔會再去食呢間垃圾咁嘅野