泰閣

營業中

休息中

呢排疫情都係買外賣，就試下樂富廣場呢間新泰國餐廳，買左海南雞飯同豬髀飯連餐飲。賣相勁一般真係無意欲影低～- 海南雞飯($59): 雞髀位，但可以整到超級韌、勁難咬、d骨又未清乾淨；d雞油飯又勁硬，仲食到好咸應該放鹽未拌勻；連海南雞基本既薑油都無，得一個酸辣醬～- 豬髀飯($59): 第一次食豬髀係無皮仲要又老又韌，d白飯又係硬，杯泰式奶茶好一般～好想知點解髀位都可以整到又老又韌，d飯可以加多d水去煮就無咁硬，食完真係好驚會胃痛～新開張希望多注重食物品質，尤其疫情下生意真係好難做，可能其他食物ok，不過連最基本既都可以整到咁樣，真係好難會每人再次幫襯～～

今個月既姊妹聚會走咗嚟樂富廣場一間叫泰閣嘅泰國菜館，之前有friend食過向我推介， 所以今次就揀咗呢度，入座後睇完餐牌都有好多款式有散叫亦有套餐選擇，最後我哋就點咗個精選4人餐內有包括～1) 椰汁冰 ☆☆☆☆☆👍🏻2) 泰式炸蝦餅 ☆☆☆☆☆👍🏻3) 冬陰海鮮湯 ☆☆☆☆4) 馬拉盞炒通菜 ☆☆☆☆☆👍🏻5) 芭堤雅燒雞 ☆☆☆☆☆👍🏻6) 肉碎生菜包 ☆☆☆☆7) 另外加左泰式醃酸辣鳳爪 ☆☆☆☆8) 蒜蓉包☆☆☆☆今餐真係好豐富， 食得出每款菜式都用心同誠意製作，特別推薦: 泰式炸蝦餅同芭提雅燒雞，兩款都用料新鮮火候又剛剛好，比起出面出名食泰國菜嘅九龍城有過之而無不及，個馬拉盞通菜一樣好食冇得輸， 個椰汁冰就清甜有椰香。總結: 整體食物，環境，店員服務都好好，這間泰閣絕對有下次同值得向大家推介👍🏻👍🏻

今日一行4人約左去位於樂富廣埸3/F既《泰閣》食泰菜， 一早book定位準時18:00入坐，餐廳環境唔錯睇得出係新裝修，格局同座位都幾闊落唔會好迫坐得好舒服，講返食物先我哋叫咗個四人精選套餐$588有「 醃肉生菜包(豬)」、「 芭堤雅燒雞(全隻)」、「 馬拉盞炒通菜」、「 冬蔭海鮮湯」、「 泰式炸蝦餅」、 另外再加咗個「 泰式醃酸辣鳳爪」($75)同「蒜蓉包」($28)， 特別推介個芭提雅燒雞，燒得恰到好處好好味👍🏻👍🏻， 🐔肉好嫩滑唔會煮到過熟盡顯師傅功架，另外個冬陰公湯亦好惹味好足料👍🏻👍🏻，味道好貼近喺泰國旅行時飲嘅水準，其他菜式都係水準之上味道不錯，呢度厨房師傅手勢好好，店員服務又唔錯有禮貌又時常來加水，下次一定都會再嚟返兜😋😋😋

去到樂富廣場見到間泰國餐廳新開嘅，咁咪入去試吓囉，坐低睇到餐牌價錢唔貴都好合理，今日試吓叫海南雞飯、炒河粉丶冬陰功粉、又叫咗泰式奶茶，加少少錢又可以玩件椰汁大菜糕，都OK啦！首先講海南雞飯，個飯係冇問題，不過雞真係暗咗少少唔夠滑即係唔似海南雞囉！咁個炒粉就唔知點解用啲四方形嘅河粉嚟炒，粉嘅份量唔係好多所以唔夠飽，味道OK辣咗啲囉！有個冬陰功粉我覺得係最唔錯，酸辣到啱啱好，金邊粉又唔會泰林，咁就OK啦！個杯泰式奶茶有幾好飲嘅，咁成餐飯仲有少少閃失，100分來講都有75分嘅，都係要加油呀！

樂富最近開咗間泰閣，最好就係佢個裝修好靚，但係價錢都好親民，晚市時段如果單點一個粉$60都有找，仲有得揀下啲二人嘅冬陰功；人數唔多都可以享用到泰國美食。泰式雞絲湯粉$58生熟牛肉湯河粉$58兩款都可以自由選擇金邊粉、河粉或者米線，嚟到泰式餐廳我梗係揀金邊粉，朋友就揀咗河粉，一齊share啲餸食！湯底好香，亦都可以再加啲七味粉，酸汁等等，更有泰國風味～ 雞絲都比想像中滑，而生熟牛肉河嘅肉質都可以，最緊要係份量都夠！冬蔭公$80唔好以為$80@2人份量好少，其實都好多，每人最少飲咗兩碗，裏面仲有好多菇，好彈滑！蝦都有兩隻，仲有好多唔同嘅香料，味道有齊酸辣，但唔會太辣，好惹味。大樹菠蘿冰$28上面真係有一條條切好嘅大樹菠蘿，食落好香甜，而且個底係椰汁冰，比想像中match。泰式甜品拼盤$48甜品拼盤有好多款唔同嘅特色泰國甜品，包括大菜糕、千層糕、椰汁西米糕、椰絲芝麻糯米糍，款款都有特色，一次過可以試勻唔同嘅甜品！MENU

當初新開果陣有幫襯但係忘記留下足跡睇翻自己D相先記得樂富廣場好多連鎖店但呢間泰閣難得唔係新開張果陣好多人排隊可能因爲呢度少泰國野ge緣固呢度相當旺場環境夠濶落台同台距離都幾遠所以坐得都好舒服仲有大臺 同 矮身梳化位比你選擇閑日Menu選擇好多lunch分量都好足賣相唔錯味道都好好返工食個靚lunch飲杯野飲大滿足繼續返工~

數日前還言之鑿鑿說是謠言，並無打算晚市再次禁止堂食，誰不知不過數日，今天的我便已打倒昨天的我，全港食肆無一例外都要禁止當食十四日，這個能人輩出，位位精英的政府出爾反爾的行徑實在令人嘆為觀止。幸好我晚市再次禁止堂食沒有在家吃飯，而是去了這間位於樂富商場的泰國菜館「泰閣」，總算在未來一段日子每晚住家飯或叫外賣之前，在這間環境舒服，光鮮明淨的泰國館子舒舒服服地吃頓泰菜。這裡雖有不少泰國菜式散叫，不過最抵食的，始終是兩款不同的二人套餐。一款是比較廉宜的「精選套餐」（$298），另一款則是價錢貴一點的「泰識嘆海鮮餐」（$368），海鮮餐其實價錢貴不了多少，卻有我喜歡的冬蔭湯可喝，那便吃「泰識嘆海鮮餐」吧！「冬蔭海鮮湯」雖說是細版，其實份量都不少，這湯不像冬蔭功湯的海鮮只有蝦那麼單一，而是有魚、有蝦、有青口、有魷魚，加上秀珍菇、香芹、香茅等物，味道酸辣酸辣，確是開胃佳選。「泰式明爐魚」我就在烏頭與盲鰽兩者中揀了烏頭做主角，煮得熱氣蒸騰，冒著輕煙的烏頭魚，肉多骨少，細緻的魚肉，點以提味的青檸底調味汁，正合我這饞嘴貓的胃口。「馬拉盞炒通菜」份量極多，爽如麵條的通菜，配以惹味的馬拉盞，鑊氣十足，令人食指

行完UNY搵嘢食，見商場有免費泊車費事再落九龍城搵嘢食，見呢間新開就試下。兩公婆叫咗個二人海鮮餐，好似好多嘢食先黎老婆最鍾意嘅冬蔭公湯，好大鍋但重點係佢落咗幾隻大嘅鮮青口，係鮮嘅，唔係冰到縮埋一粒仔無味果啲。整體好香同好鮮味跟住上埋條名爐烏頭，條魚都算大條，頂到盡個托盤好欣賞佢個綠色醬，少少酸辣咁，提到鮮味之餘又可減低魚油果啲油膩感馬拉盞通菜蝦球炒金邊粉，炒得夠乾身，有幾隻大蝦，份量又係好多整體來講好抵食，足料、份量夠，兩個人係絕對可以食到超飽同埋係同去泰國旅行食嗰啲一模一樣，唔似啲港式泰菜。

好中意食泰國菜!! 最近知道樂富開左間泰國餐廳, 又近近地, 所以一試~~我地點左馬拉盞通菜、乾炒河粉(雞肉)、魚肚羹、沙嗲串燒(豬肉、牛肉、雞肉)~~馬拉盞通菜-加左蝦米、豆瓣醬、薑、蒜和少少辣椒，食落好惹味, 味道適中，唔算太濃味～乾炒河粉(雞肉) - 河粉食到軟嫩、彈牙，份量都幾多，食完有飽肚感~魚肚羹 - 含豐富膠原蛋白，本身沒咩味道，所以加上湯（雞湯）熬煮，並加其他調味料。熱辣辣奉上，加少少醋，好味道！沙嗲串燒(豬肉、牛肉、雞肉), 一次過滿足3個願望, 每款肉都燒得岩岩好, 唔會生亦唔會老, 沙嗲味唔錯！OVERALL 價錢抵食, 依家環境好新淨, 下次會再黎～

今日到了住在樂富的朋友家裡聚舊, 晚上肚餓了便落了附近的樂富廣場吃晚飯, 在3樓看見了這間新開張不久的泰閣。餐廳內燈光光猛開揚, 座位舒適闊落有空間感。精選二人套餐看了餐牌後, 覺得這個精選二人套餐比較抵食, 所以便點了一份。香茅薑特飲套餐飲品除了有一般的檸茶檸水外, 香茅薑特飲竟然也可以選擇, 濃厚的薑味為你帶來健康清新的口感, 而且沒有半點薑辣味道, 帶些甜味更可口。醃肉碎生菜包(豬)吃泰國菜, 生菜包必定是我的首選菜式, 新鮮嫩綠的生菜包裹著肉汁豐富的豬肉碎, 一咬爆汁的感覺令人吃上癮, 肉碎還可以自由選擇豬肉, 牛肉或者是雞肉, 滿足不同人的口味。泰式明爐魚另外一道菜式必定要吃的是這碟明爐魚, 整條鮮魚安放在魚形狀的鐵碟, 賣相討好, 用明火在鐵碟底加熱令清甜的湯底加速滲入鮮魚裡, 令魚肉既嫩滑, 又鮮甜。馬拉盞炒通菜最後選的是炒通菜, 惹味的馬拉盞醬汁由大量蝦乾及辣椒製成, 味道鮮甜而香辣, 用來炒通菜可以令醬汁都填滿了通菜的空心, 惹味萬分。

今日去樂富接人放工，有人提議先去商場逛下，然後再一齊食晚飯。本來仲煩惱緊今晚食乜嘢好，點知原來有人早有準備，帶左我嚟 3 樓呢間新開嘅「泰閣」。餐廳嘅門面好 Sharp 醒，光鮮亮麗，室內裝潢以香檳金及啡色為主調，配以由設計師精心挑選的泰國裝飾，突顯出高貴的格調，令人眼前一亮。先嚟個黃咖喱牛腩煲 ($85)，估唔到會咁大煲，非常足料，牛腩烹煮得好入味，肉質又腍又軟。配菜份量亦不少，有薯仔、三色椒同洋蔥，薯仔大大件，咬下粉綿鬆化，薯味突出。咖喱辣度適中，味道又鮮又濃，而且最仲要係唔會蓋過咖喱香，以香脆嘅蒜蓉包 ($35) 蘸點著吃，蒜香夾雜著咖喱香，令人越食越上癮。另外點左個生熟牛肉湯河粉 ($58) 同 馬拉盞炒通菜 ($69)。牛肉熟度剛好，肉質嫩滑細緻。湯身輕巧清新，配上清甜的蘿蔔同軟滑的河粉，清爽滋味。通菜炒得啱啱好，鮮嫩翠綠，食落好爽口。馬拉盞鹹香惹味，同通菜真係好夾，食完再嘆番杯冰凍嘅檸檬可樂 ($18)，真係勁爽！

探老媽子跟住帶佢去樂富廣場食新潮泰國晚餐，樂富真係越來越多嘢食，麥當當旁邊新開正宗泰國菜，真係泰國人煮，侍應姐姐都特別親切。室內裝修充滿泰式溫馨感覺，上菜速度快，座位寬闊坐得舒服。串燒沙嗲（豬、牛、雞）$68坐低感覺悠閒，叫碟串燒，輕烤惹味，微焦肉味香濃，更有泰式風情，加上自家秘製沙嗲汁，食落更加香口美味。可以 mixed Grilled Pork, Beef or Chicken , 款式選擇多，感覺更加豐富。椰汁三式珍多冰 $28本來想飲啤酒，不過要揸車嘅關係最終都係叫杯特色飲品，椰汁三式珍多冰，一樣可以感受到地道風情，甜度適中，椰汁味香。泰式蝦球炒金邊粉 $78泰式微微辣中有點甜，蝦球大大隻又爽口彈牙，炒金邊粉夠晒乾身，再撈埋配料一起吃，越食越想食，好想回到泰國跑一轉旅行。泰式臘腸蝦醬蛋炒飯 $72泰式臘腸甜甜地好特別，蝦醬香味撲鼻，蛋香配上粒粒飽滿的炒飯，滋味無窮。泰式甜品拼盤 $48香芒糯米飯可惜售罄，改吃一樣吸引的 Thai Desserts ！Q彈有層次感，香濃椰汁味，完美了今晚的晚餐。泰閣泰國值得推薦下次再來！

好小來樂富的我，發現原來商場好大，今次我地揀左食泰菜， 全因男神想食 泰式炒金邊粉🤭「小食拼盤」炸蝦餅，炸魚餅，春卷，雞棗😌 食泰菜點少得，配上雞醬是絕配呀🤩最欣賞係炸蝦餅，蝦肉彈牙👍🏻👍🏻「泰式炸雞翼」炸至金黃色👍🏻正呀！「馬拉盞炒通菜」我最愛炒通菜😋火力夠呀，野味馬拉盞🔺「泰式蝦球炒金邊粉」yeah! 味道剛好，中size大蝦，份量算大😍備註：🔺有套餐都幾抵食👍🏻🔺商場食野可搞免泊🚙🔺聽聞係泰國人煮理😃

一年將盡，仲有幾個小時 time off 要放，今天提早放工去行樂富商場，順便約老公去食這間泰閣。餐廳環境光亮整潔，雖然沒有豪華裝修，但令人坐得舒服😇😇選了這個稍為貴價的2人套餐，有整條明爐魚，普通單叫都要200幾，還有金邊粉、炒通菜、冬陰公湯和餐飲，真係唔貴呀🤑🤑馬拉盞通菜冬天的通菜都不差，馬拉盞味濃但唔辣，碟頭夠大泰式金邊粉中間碧綠蔬菜一柱擎天，特出整個賣相，大量花生碎自行加入，混合了芽菜、蛋條和豆腐乾，增加咬口感，酸甜味道啱我冬陰公湯餸料算多，青口、魷魚、魚片、大🦐 和秀珍茹、香茅……真是足料，叫了小辣，所以覺得酸味較多，下次試中辣明爐魚有烏頭和海鱸選擇，烏頭常食，今次食海爐，魚面鋪滿了惹味香蔥、芹菜、香茅……肉粹另有一碗湯和青檸魚汁做醬料沾食魚大條少骨，肉質比烏頭軟綿，各有特色，湯底酸中帶有魚的鮮味，全部食清連湯都渴光加10元老公改飲青檸梳打，我飲泰色奶茶，其實飲完個冬陰公和魚湯已經成肚水，反正是包飲品，當然唔蝕底這餐無論價錢和環境都滿意，有機會可以 encore

好耐冇食過泰國菜了 樂富終於開返一間泰國菜喇再我哋梗係黎睇吓啱唔啱口味啦放工個人已經好攰喇, 唔係好想特別去諗嘢, 見個二人餐都啱食, 所以我哋就直接叫二人餐嘞~ 泰式明爐魚上枱後 等佢稍為煮一陣, 熱辣辣咁食, 食呢個魚 最好真係要有個爐底跟上, 慶住食 唔使驚佢凍 可以慢慢歎麻~ 汁底鹹鹹酸酸 好開胃的, 魚肉夠厚滑 唔腥冇泥味, 我地都鍾意呀~蒜蓉包 so far so good, 凍咗食都仲口~ 醃肉碎生菜包好耐冇食生菜包嘅我哋 感覺好滿足, 又係好開胃嘅必叫泰菜, 我哋仲開心仔咁拎啲肉碎嚟撈飯添~ 馬拉盞炒通菜 夠惹味 令平時唔鍾意食菜嘅佢 都乖乖食咗好多菜~呢度嘅侍應姐姐們都多好親切, 我哋會再嚟食嘅~