泰‧雅

營業中

休息中

奧海城商場二期入面個food court 地方好大，座椅數量多，枱與枱之間有足夠距離，唔同菜式好多選擇，遊走一圈之後揀咗呢間泰菜，沙哇Dee卡😌🇹🇭「泰式豬頸肉炒河粉」($58/下午茶套餐/包例湯) 可自選辣度，炒得夠乾身，唔肥膩；豬頸肉夠嫩唔韌，表面微微脆口，肉質唔乾；河粉用醬油炒過幾香口，醬料炒得均勻，唔會一啲鹹一啲淡；芥蘭、粟米芯，紅蘿蔔絲🥕量多大方，上枱香噴噴，越食越香口，一個人食晒一碟💪🏻另加$20配咗客小食「炸蝦餅」，入口夠彈牙！整體份量夠晒飽，快靚正嘅好選擇💁🏻‍♀️✅.

今晚和朋友相約到奧海城吃晚飯！在商場逛了一圈，決定到food court覓食，貪其選擇多。最後試了這一間「泰雅」！船麵湯底香濃，麵底選了泰國河粉，質感滑溜而且非常大片，盡索濃湯的味道。配料自由搭配，分別點了燒豬頸肉、牛肉和豬肉丸。豬頸肉香口，豬肉丸口感都頗彈牙，唯牛肉就有一點略鞋。海南雞配油飯，加$10要了全髀，雞肉入口非常嫩滑，配以三色醬食用更是畫龍點睛！黃薑飯好香，每一粒米飯都沾上油香，令人不自覺地越食越多。隨餐還附上例湯1碗，但稍嫌味道有些過鹹。套餐可以優惠價加配泰式小食。蝦餅炸得香脆，內餡彈牙，配上泰式酸辣醬更惹味。雞扒大塊，表面灑上炸蒜。經炸香的外皮入口脆身，雞肉juicy，咀嚼間溢出蒜香味，不過肉質就未夠嫩滑。

咁啱同朋友去開奧海城嗰頭，但又唔知食咩好，所以行咗入大食代。入左嚟之後發現呢間泰國嘢都幾多人排隊，就決定食呢間！泰式燒豬頸肉飯自己食泰國菜一定會首先試佢啲燒豬頸肉，佢個豬頸肉燒得非常之香口同juicy，配埋個酸辣汁真係冇得輸。值得一提嘅係佢淋上飯個甜豉油好好食，冇諗過喺food court 都有咁好食既豬頸肉飯！泰式炒河粉（牛肉）呢個都係好surprised，一嚟因為香港好多泰菜餐廳都會整到好似乾炒牛河咁嘅味道，但呢度係真係酸酸甜甜咁好開胃，而且好有鑊氣，牛肉份量都多，二嚟我估唔到嘅係佢係用泰國河粉嚟炒，好煙韌好正，自己去泰國食粉麵都鍾意食呢隻河粉，喺香港比較少見，喺度有真係幾驚喜！泰式沙嗲雞肉串燒（半打）小食我哋就叫咗串燒，燒得香口又夠晒味道，同埋佢仲會連埋少少雞皮咁，唔會話好乾好韌。炸蝦餅除咗串燒我哋仲要咗個炸蝦餅，都炸得好香口，係預期水準嘅好味。❤️❤️

係奧海城行街 所以就係商場入面覓食 好耐冇食過food court 所以入去行左一圈就俾哩間泰式餐廳吸引左 質素都唔錯👍🏻🔍：#jcfood_大角咀 #jcfood_泰式✿ 泰式甲拋肉碎煎蛋飯✿ [$65]一直都好鐘意食肉碎煎蛋飯 今次都照舊叫返 有埋流心蛋 撈埋飯食👍🏻 肉碎辣度啱啱好 豆角仲係爽脆嘅 好味😋 送埋例湯✿ 泰國船麵✿ [$60]有10款配料可以加 揀左牛肉 豬頸肉 秀珍菇 湯底好濃味 有少少鹹🫣 麵底可以揀金邊粉/泰國河粉 兩個都係新鮮空運到港嘅 我地揀左河粉 好寬 好彈牙 唔易碎👍🏻✿ 泰式沙嗲雞肉串燒 (半打)✿ [$68]沙嗲味好重 雞肉唔柴 好入味 足料😋 幾抵食地址➸ 大角咀海庭道18號奧海城二期1樓大食代4號舖★好食指數★：4/5★冇加一

今日lunch hour特登去咗奧海城嘅food court食，見到呢間泰國店好多人食，所以就特登試試🤩🌶️1. 泰式豬頸肉炒乾河粉😋呢個豬頸肉炒河粉真係大力推薦🤩🤩超級惹味，辣度適中，好有鑊氣🤩🤩先講河粉，河粉條條分明，唔會黐住晒👍🏻而且河粉內的配料也十分豐富，真的是物超所值！2. 泰式燒豬頸肉🥰豬頸肉軟硬適中，一咬落去仲有豬頸肉嘅脂香味🤩平時最怕啲豬頸肉烤到乾晒，反而我食咁多舊，全部都非常軟熟，真係食得欲罷不能！！大力推介大家試呢一款泰式烤豬頸肉👍🏻👍🏻3. 泰式小食拼盤最後忍唔住要買個小食拼盤😋拼盤內，分別有脆蝦卷、蝦餅、炸蝦餅，點埋佢哋特製嘅調味醬，彷彿真係好似返咗泰國食小食🥰🥰大家去開奧海城，又想食泰國菜，記得去試吓🥰🌶️🥰🌶️

🍜 泰國船麵 $40有泰國河粉/金邊粉 可選擇！個人推薦河粉🙌彈牙好味！份量仲唔執輸👍湯底包含咗芽菜/炸蔥/九層塔🌿食肉獸額外揀嘅3款船麵配料，都係肉💓牛肉，豬肉丸(4粒) ，雞絲，每款餸加$6。好似車仔麵咁，可以自己揀餸✅個人超推薦牛肉🐮大塊厚肉又彈牙😋🍳 泰式甲拋肉碎煎蛋飯 $55🥬上湯時蔬山菜 +$13🐔 香葉包雞 +$13見下午茶套餐有好多款泰式輕食可選擇！忍唔住加咗兩款😝平時食嘅肉碎煎蛋飯都好辣，呢間辣度可自選！對bb辣人士非常友好🫶反而好啱我😆

印象中以前細個成日都去食food court 好似好多大商場都會有而且實惠抵食後來愈嚟愈少見而且全部都係連鎖餐廳咁啱行奧海城見到大食代搬咗位裏面重新裝修完之後舒服咗好多中日韓台泰嘅餐廳都有完全係經濟恩物經過呢間泰雅俾佢個海南雞吸引咗另外仲有船河同炒河就決定試吓海南雞份量好多配薑蓉同醬油唔會鹹之餘配嘅油飯亦唔會過油雞好滑但又唔會生到有血水另外嗌咗個泰式豬頸肉炒河只係小辣都已經好夠辣見到好多辣椒絲但佢嘅河粉係比較闊嘅一大片同平時食開嘅唔同都幾特別小食方面嘅份量比較少不過個鳳爪幾好食配埋車厘茄好開胃配嘅例湯會有兩舊冬瓜冇乜特別另外一提餐廳唔會有跟餐嘢飲要去返另一個舖位跟返大食代買如果喺附近返工或者經過唔知食乜呢度會係經濟實惠嘅好選擇😆

奧海城既food court 我不嬲都覺得幾高質，又多嘢食揀同埋食物質素有ok，咁啱嗰日經過就決定試吓呢間泰國嘢。海南雞肉質嫰滑，配埋三種泰色醬汁一齊食好正，建議大家加多幾蚊轉雞髀🍗，味道更佳！套餐加咗$13 要單骨雞翼，果然冇令我失望，超級惹味，同埋帶少少辣！誠意推介呢個冬陰功大蝦湯河，個河粉係正宗嗰啲泰式河粉，超級彈牙好有口感，大蝦又超多膏，每一啖都好正，不過真係好辣，如果唔係好食得辣嘅要叫佢小辣。最後叫咗芒果糯米飯做甜品，個甜品係一個food court 嚟講真心高質同埋好大份，糯米硬度啱啱好，加埋個椰奶真係好鬼好味(尤其是因為碗麵好辣）🫣

📍泰‧雅🇭🇰 大角咀海庭道18號奧海城二期1樓大食代4號舖最近好想食泰國菜咁岩係奧海城food court見到一間價錢唔貴 睇落唔錯嘅泰國菜店就試下😋 青咖喱豬頸肉飯 $58個青咖哩同平時食開嘅唔一樣 唔係綠色不過食物唔可以貌相！佢係超濃椰香味都好足料裝滿一碗 有蘑菇 紅蘿蔔而豬頸肉係幼條嘅比起出面黎講偏辣少少 但好食！😋 泰式沙爹雞肉串燒 $68燒得啱啱好！啲雞肉又淋又juicy佢唔係有沙爹醬俾你額外點 而係燒嘅過程落埋落去😋 蒜蓉炒椰菜 $65好大份！！然後炒得好夠鑊氣好香蒜蓉味 好食🤤

最近去奧海城行街，發現咗Foodcourt 有好多抵食又飽肚嘅選擇^_^基本上想食乜菜都有簡咗食泰國嘢 性價比高 又平又大份😛*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*🔸泰式炒河粉 牛肉 $68✔️辣度可簡大中小辣 我簡咗小辣✔️雞肉/牛肉/豬頸肉/肉碎 我簡咗牛肉河粉非常軟身 口感爽滑 每啖河粉都炒得好入味 醬汁酸酸辣辣咁 同粟米芯、芥蘭、芽菜同蘿蔔絲炒埋一齊 冇咁油膩 正呀🔸泰式辣炒牛肉飯 $65牛肉好香口嫩滑 炒到幾有鑊氣 辣辣地好惹味送飯一流！想食多幾碗白飯添😂🔸豬頸肉 (大) $68燒得好香 厚肉得黎都幾嫩滑 仲有炸蒜係度令個味更重🫣點酸辣汁都幾惹味同好開胃喎 我2個人叫咗大份 好多但都食得曬👍🏻好食🤤*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*🏡泰‧雅 (大角咀)大角咀海庭道18號奧海城二期1樓大食代4號舖*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*

到奧海城看完戲後到大時代醫肚，行完一圈後選擇試試泰式料理-泰雅🍚海南雞飯轉全脾經典的海南雞飯，金黃的雞肉不會太油也完全不會乾柴，加10蚊就能轉雞脾，肉質軟嫩有驚喜！🍚泰式燒豬頸肉飯豬頸肉帶有些炭香，表面撒了些蒜酥，外皮酥酥的，肉質彈咬勁十足，沾些辣醬很正，性價比高！🍚泰式蒜香雞扒本來怕食不夠和朋友一起share的，沒想到份量超豐盛，雞扒竟然只需要38蚊，外皮十分酥脆，雞肉入味蒜香味十足，肉質不乾柴整體而言，餐點超乎預期，價位平易近人，份量也很有誠意，值得一試。

行開奧海城，見到個food court環境唔錯，又大又有好多唔同嘅菜式選擇。最後晚餐揀咗呢間泰國菜，質素都唔錯，價錢又唔貴，份量又大，CP值幾高！燒豬頸肉飯 $62白飯可以加幾蚊轉油飯，脆爽嘅米飯好加分，油香濃郁。燒豬頸肉好厚身，燒得好香，肉質爽口又滑，唔會太柴太膩，加上佢地嘅秘製醬料同埋炸蒜，好好食。跟餐會附送一碗例湯，冬瓜湯好清甜解渴，真係完美嘅搭配！除左燒豬頸肉飯，仲叫左冬蔭公湯河經典嘅泰國菜 酸酸辣辣嘅湯，入面有菇菌、海鮮、炸乾蔥同埋大量香料湯底濃郁，有少少辣隻蝦勁大隻又新鮮，同埋寬河粉Q彈有嚼勁，好好食！如果你食唔夠，仲可以加錢叫返啲小食，但係當日我已經好飽，所以就冇叫啦😆總括黎講，呢間泰國菜食物質素好好，物超所值，仲有好多選擇，值得一試。

久違了的泰菜😎識食一定香下午茶嚟食個早飯又平啲又多啲時間消化😌海南雞飯黃薑飯好香口唔會好油海南雞雞肉好滑 煮我剛剛好下午茶嚟講份量一啲都唔細配埋黑醬油、薑蓉同辣汁個辣汁真係精華所在我咁食得辣都覺得夠晒辣泰式青咖喱雞肉飯雞肉輕輕煎過青咖喱汁椰汁味好重 撈飯一流仲有甘筍、薯仔都煮到好淋冬陰功燒雞肉串呢味有驚喜😌第一次食到呢個combination雞肉連住少少雞皮燒一啲都唔會乾一份有六串豬頸肉泰式炒河值得一讚嘅係夠鑊氣之餘個底唔會好油食落又唔會話好重味係比較粗身嘅河粉仲有芽菜、紅蘿蔔絲、粟米仔勁多重口感

今天去了誠品看書後，感到肚餓，來到了奧海城大食代food court食飯，行遍全部還是被泰國美食吸引，我點了一個泰式雞肉金邊粉配油菜，香烤豬頸肉，我朋友就點了，海南雞飯配泰式鳳爪。食物很快就可以攞到，而且很香。醬汁也比其他地方正宗，淺嚐一口感覺辣較重，但無論是配上海南雞、鳳爪還是豬頸肉，都十分開胃。而且，和食物配合下帶出了醬汁中的酸甜，增添了濃厚的泰國風味。而泰式金邊粉份量多，整體味道不錯，不會過重口味及不會油膩。最後胡椒冬瓜湯，味道清甜解渇，很好飲。

就來糧尾啦！一於食foodcourt幫泰國菜，估唔到咁平、靚正、份量都好充足！尤其鐘意生菜包同海南雞飯～好清新、夏天食一流～泰國船麵 $40 +$8 豬頸肉 +$6扎肉泰國船麵配豬頸肉同扎肉，好味喎！配上了泰國河粉，食落幾Q彈，豬頸肉夠惹味，份量都有四五塊，仲另外加左扎肉配，肉片裡面有黑椒粒粒，食落好刺激！湯底不會太濃港人較容易接受，仲有淡淡金不換調味，十分有泰國風情海南雞飯 $68 +$10轉全脾經典之選！油飯邪惡同埋好香！雞肉鮮嫩滑溜！配埋啲清淡嘅醬汁同青瓜番茄、清爽宜人！仲會跟湯，超飽肚！泰式香辣肉碎生菜包$68每次去泰國餐廳必點！呢度既生菜包價格唔貴而且肉碎夠多！辣度適中！肉碎同辣椒完美嘅配搭，再加上脆生菜，令人食得好過癮！