津津茶餐廳

營業中

休息中

好鍾意津津懷舊嘅感覺🥑每次嚟食味道都一樣😋今次都係嚟食佢嘅招牌菜—鹽焗雞髀飯鹽焗雞髀好咸香、嫩滑、有雞味😋我覺得唔點沙薑都好夠味👌🏻點咗會too much~啲雞油滲哂落啲飯🤤啱哂我依啲飯桶🤤🍚P.S. 有分要一碟定一碗，記得講清楚😉識食惜食😉

執枱叔叔完全冇清潔嘅知識， 執完人客食完嘅碗碟，跟住就攞水同埋筷子畀新嘅客人。 完全冇洗手兼夾仲要整下啲食過嘅碗碟， 排好喺個膠桶入面。 呢啲小店呢一次就夠曬數， 請店主多多訓練員工。 污糟嘅碗 碟同乾淨嘅碗碟係零距離呀！

就係呢一隻鹽焗雞，令我間中就想老遠去一去鰂魚涌。老實，佢嘅鹽焗雞真係好掂，夠香夠滑夠平，呢碟係一隻雞份量，可以睇到出面其他地方食扼咗你幾多。另外，最正係入面仲有雞什，雞潤、雞腎、雞心、雞腸，真係引死人。如果你地未試過，真心推介你地黎試一試。

老老實實，如果唔係有識途老馬，真係唔會知呢間原來係寶；講真，如果無人介紹我真係唔會入呢間咁嘅茶餐廳，就算入去，都肯定唔會叫佢個鹽焗雞。呢間野，必食鹽焗雞，次選蝦仁炒蛋同咕嚕肉，三選凍奶茶。鹽焗雞其實唔係好鹽焗，不過又真係堅好味，雞肉嫩滑，好香雞味，而且仲份量十足，仲會連埋雞什，認真難得，真係一試難忘；蝦仁炒蛋嘅蛋都夠嫩，蝦就中規中矩，好食；咕嚕肉嘅粉漿唔太厚，以茶餐廳黎講真係有驚喜；最後就係杯凍奶茶，奶同茶嘅份量好Balance，真係要呢d舊式茶餐廳先做得到。

之前經報道見到介紹呢間茶餐廳，位置係電車路大酒店斜對面，今日經過就同我朋一試叫咗一碟鹽焗雞飯，一碗鹽焗雞湯河，菜乾豬肺湯凍檸茶。飯同湯河上枱賣相都幾好，雞無雪味，因為鹽焗嘅關係有一點點咸香，可惜雞唔係好乾淨，幾舊雞啲雞肺都無拎走，痴住係舊雞度菜乾湯唔叫都無價損失，實在太咸，湯料好充足，有陳腎豬肺同菜乾，但真係太咸，實在飲唔落去呢。懷舊平民茶餐廳，手寫白色字嘅牆上菜牌，待應叔叔都幾有禮貌，想食鹽焗雞都可以一試嘅，但味道真係偏咸！

話說有一日由銅鑼灣慢慢行返去西灣河，經過呢間野，個陣味令到我好想好想試! 本來諗住個個星期日去食，但佢地星期日休息!於是就立心去試結果呢... 個雞真係咸味好夠，好味! 唯一就係碎骨，但不失佢鹽焗雞既鹽味... 係啊! 根本就唔需要點野都好好味，連埋個飯真係一流!男人就試佢好鍾意既咕嚕肉，但就正正常常囉，無咩太特別，好茶餐廳既feel講真你真係估唔到大街既一條橋底，一點都不起眼，店內裝修都好古舊，但個雞真係幾好味! 不過個老火湯就... 加左水囉...

知道津津茶餐廳出名食沙薑雞，所以專程黎試吓🙂我叫左碗沙薑雞拼珍肝飯，沙薑雞本身有鹹味，煮得鹹香。雞皮唔算好肥，而且食落好香又唔會覺得好肥膩。至於珍肝即係雞腎同雞肝。雞腎彈牙，雞肝口感軟腍，同樣煮得鹹香。不得不提餐廳的沙薑醬！沙薑醬並沒有什麼鹹味，主要係幫雞肉同珍肝增加香氣🤤津津茶餐廳同其他餐廳嘅沙薑醬好唔同，除左鹹度唔同外，質感都好唔同，是比較杰身，我估應該係自製的，所以點得多都唔使驚會鹹死😂

津津茶餐廳，坐落於七姊妹郵局房，裝修有點古舊味道，外面看來像是一間「佬」會去食的餐廳，但我還是膽粗粗走進去試一試。我點了津津最出名的鹽焗雞飯，侍應見我是女士，特意問我有否需要少飯，最後我還是叫了少飯，份量剛剛足夠女士吃，沒有造成浪費。真的要大讚鹽焗雞飯，雞肉件數很多，深黃色的雞皮，雞肉不會太老，鹹香由皮滲到入肉，再加上小碟上的帶點油份的沙薑汁，十分濃郁。可能我不喜歡吃太硬的飯，它的飯軟軟的，剛好適合我的口味。

幫襯咗廿幾年，始終都係最好食嘅鹽焗雞今時今日的香港，好難得還有一家街小店，可以幫襯咁多年，現在的老闆已經由從前的老伯伯，交接到現在的中年大叔，經歷兩代了，這一份街坊濃情的味道，不是集團式經營的食店可比始終最愛他們的腎髀飯，我真係唔識講其他食物嘅味道係點，因為咁多年我都淨係食呢一樣野另一樣家人必點，是他們的例湯，大大碗又足料，家人喜歡它有住家湯的味道雖然只是坐落在屋邨的街坊小食店，但是咁多年從來沒有遇上不潔的食物希望這些回憶和味道，老闆可以一直守護傳承落去P.S. 我唔係街坊🤪

鹽焗珍干雞(例牌) $75果然係招牌菜 係我食過最入味的鹽焗雞❗️雞肉夠滑溜一點都不覺鞋而且有陣陣鹹香又唔會死鹹超級入味 不用點沙薑已經好好味配珍干有雞腎、雞心同雞潤 軟腍但仍有口感 同樣有鹹香味道夠哂豐富配飯麵一流🤤反而奶茶就一般般

剛巧在附近，想找一些份量少但不是快餐的。看見這間有一碗的份量，而且有我喜歡的內臟就試一試。這裡門面仍保持舊有的裝潢，那種鋁框玻璃門令人想起舊日子。坐下二話不說就叫了「鹽焗珍肝雞飯（碗）」$52，老闆問要不要豬肺湯，我毫不猶疑的說要。雖然這裡的例湯要加$12，但我覺得是值的。有哪間的例湯會如此多材料及濃？有些店更不停加水……這碗「金銀菜豬肺湯」內，有四件豬肺。說回那碗「鹽焗珍肝雞飯」，所有材料很入味，飯也有淡淡的鹹味；但平常吃慣清淡的人應該會覺得很鹹。如果我再有機會來到附近，必定會再來，因這是令人懷念的味道。P.S. 用餐期間看見很多街坊放工來買外賣，有些更買半隻雞再加炒菜心，回家煮個飯就已經足夠。

喺鰂魚涌翻工嘅都知中午嗰到食野等得耐，食得趕，價錢貴，同食物質素係伏。行去津津茶餐廳都係5分鐘到，而且唔洗點等位。食物方面嗌咗個鹽焗珍肝雞胸飯(呢到人人都嗌鹽焗雞食，檯檯都係雞骨。)，雞唔”鞋”，食得咸嘅會覺得好夠味，又有雞肝同心食👍。不過三高人仕就睇住食啦，因為真係食鹽多過食米。可惜係$54唔包野飲，食完要過隔離7仔買野飲。餐牌仲有茶餐通粉同各式炒粉麵，所以如果人多想食雞又想試下佢煱氣，可以嗌一隻雞加珍肝share!

早排係灣仔做完野 聽講北角有雞飯好好食就好想試話說我係一個雞痴 好中意食雞黎到呢間好似舊式茶餐廳嘅地方試左呢個雞脾雞珍肝撈麵 真係好好食 啲雞脾好滑好嫩雞珍肝份量一啲都唔少啲雞味完全落左個撈麵度 超好食可以少啲蠔油都得下次會再黎食👍🏽👍🏽👍🏽

喺呢邊返工一段時間，都沒有太特別留意這家餐廳，係同事介紹下先知道原來呢度啲雞好出名，咁就當然試一試佢啦！餐廳係香港傳統茶餐廳格局，是我很喜歡的環境叫咗碟鹽焗雞飯，另外加咗碗當日嘅例湯，金銀菜豬肺湯。鹽焗雞有7-8舊，份量都算多，而且非常入味，個人覺得雞皮有少少咸，但雞肉就好好食，而且啲汁撈飯一流。下次加錢試下食雞肶，可能仲好食碗湯都非常有驚喜，一大碗，都幾清甜，加上金銀菜，豬肺都好足料，飲完又唔會話好口渴，正

又落北角，今次同事帶路話食啲隱世食物。今次講到咁吸引，就信下佢。去到門口，舊式茶記裝修，呢間野應該見證北角區唔少成長。再望下餐牌，咦！鹽焗雞脾珍肝飯！正喎，即時心心眼😍！76蚊連湯，同事話加凍飲好貴要加16蚊。一到枱，黎左個大大碗湯，足料煲喎，幾好味，秋冬潤一潤。到碟飯來，有大雞脾、雞腎同珍肝。好入味，雞脾好嫩滑，又有油份。個雞腎又整到好淋身，但都仲好有口感。最正真係個珍肝，好金香，都真係好耐無係街食到咁好味即雞肝！