津津-好金の味 (已搬遷) 新店位置

因為朋友知我中意食辣而推薦的重慶味道,我急不及待去試。買了廿蚊生雲吞(加一蚊要中辣既配料)同涼面(中辣)拎番屋企自己煮,雲吞不是太大粒,剛剛好一口一個,外皮爽滑,餡雖少,但很香。我本身算食得辣,所以中辣的湯底對我來講不夠辣。不過佢個湯底似乎係強調"麻"多過"辣",唔係會令你辣到口內灼熱的類型,而是成個湯好香既香料味,食完會痺口。食完會痺口呢點令我幾驚喜,起碼多個"麻"既層次,而唔係一味加辣油得個辣字總括來講,呢個價錢咁既食物,很有水準另外,八蚊涼面十分大碗,底部亦墊了一芽菜,吃起來也比較爽口,多層次一些。當我把配料和面徹底撈勻,整個面就散發誘人香氣,一放入口的清爽的酸味,然後吃到醬料中的花生碎,芝麻粒,令整個口腔盈香。八蚊一個涼面可以咁大碗又咁好味,實在非常有良心。即使中辣也不會很辣,中意食辣既朋友去食可以直接囂張少少叫大辣。樸實有水準的小店,我下次還要跟朋友一齊去吃。

今日一直苦惱食唔食 lunch 好,想食 D 熱0野, 唔係好想出街, 但又唔想自己煮.突然靈機一觸, 想起屋企附近有一間鋪食餛飩成日都排隊, 但又唔係成日開門, 好似好好食咁, 於是決定出去試試.去到店鋪, 果然如我所料, 已經有一堆人排隊或已經食得津津有味咁.於是我睇咗一陣有什麼食 (其實選擇也不多), 決定叫個餛飩面.等的期間, 見到其他人叫的餛飩面, 餛飩很多!!! 當然期待自己0個碗啦, 因為真係有0野要返屋企做, 同埋唔係咁慣企0係條街到食野, 所以我決定囉走返屋企慢慢嘆.因為第一次食, 雖然自己食得辣, 但都保守 D, 叫咗個小辣 (還有中和大辣可選), 同埋排後面個小姐話小辣都幾夠.一打開個蓋, 果然見到餛飩已經鋪滿!!! 食落去, 餛飩 size 剛剛好, 一口一隻, 麵也不會因為浸0係湯到而爛掉!!!辣度適中. 主要係價錢唔貴, $20 一碗, 真係抵食!!!

四月八日, 我晚上八點多來到津津, 已經關門了不知道是紅日不開門, 或是賣光了所以關門呢?!我特意過來, 卻吃不到人人推介的津津涼麵...心有不甘, 改天男朋友又再陪我過來碰運氣, 今天終於有運了!津津的地點對於我來說有點難找到, 扯住男朋友衫尾, 終於來到了!其實搭地鐵過來也很方便, 加上有Google Map幫手, 下次可以自己過來!未行到過來, 就已經聞到辣的香味了! 急急走快兩步一看...如之前食評所寫的一樣, 門外有很多人排隊等著買涼麵也有幾張膠椅放在門口前, 由於天氣太熱, 我們都是打包好了!我們點了一個大辣大碗涼麵, 一個小辣小碗涼麵, 和雲吞涼麵不是凍的, 他們把煮好了的麵放在枱上, 放到不熱了, 就是涼麵涼麵配料有芫茜, 蔥, 芝麻和花生碎, 涼麵底有一些醬汁醬汁有點酸, 十分醒胃, 是醋嗎?!麵是冷麵, 比較爽, 大辣不是很辣的那種, 是要配合港人合味嗎?我吃到的涼麵是十分清新的, 清新得有點難忘, 愛上這裡的醬汁, 真的不錯啊!而且, 真沒想到大碗涼麵如此大碗,份量十足, 我一個人吃不下了!當日看見有很多人買雲吞, 師傅做到無停手有位老人家坐在店內, 一直在包雲

同女朋友行太子, 諗住6:00pm食小小野啦點知見間鋪咁多人排隊, 心諗一試無防咪排隊試下lor真係好多人, 個個幾碗幾碗咁買, 排佐半小時到我地啦我最鐘意食凍野, 女朋友話點都要買一樣熱的老闆娘話涼麵得返2個大辣, 因為兩個都食得辣......,所以就要佐佢+1個淨雲吞 (因為6:30pm已經賣曬所有麵啦)老闆娘話中辣同大辣爭唔多.我回應該睇下有幾辣先食雲吞, 失望, 我女友用匙羹食, 都散開了, 我地只係行去隔離公園食, 3分鐘都無, 咁都會散只係簿皮的雲吞辣度.....我地叫中辣, 女友直頭話1D都唔辣我只覺得有點辣味,同食其他雲南米線同酸辣粉的辣度爭很遠.可能係普通人都唔食到辣,這店特登整到無咁辣個大辣涼面, 一般般啦.因為真係無乜驚喜,又唔辣

食好野真係要捐窿捐隙架 ~ 係彌敦道同界限街交界居然有一間唔係幾起眼既重慶麵店 , 店子細細主要是做外賣的 , 但店外都放了一張細枱和兩三張膠椅 , 雖坐得不舒服 ,但我唔想 d 麵返到屋企 " 索 " 晒 d 湯淋左 , 我決定係度食 , 同朋友兩個人叫左一個涼麵同重慶雲吞麵 , 要了中辣 , 涼麵內有 : 芫荽, 葱, 芝麻, 同酸酸地既醬汁 , 食時要撈勻 , 味道唔錯 ,重慶雲吞麵都有芫荽, 葱, 芝麻, 同埋麻辣醬 , 望到碗麵一片紅油 , 我已知此辣有料到 ,呷一口湯果然麻麻辣辣 , 好正 而且碗雲吞有成十粒咁多 , 皮薄餡靚 , 果然好似佢貼出來話 : 一試難忘 兩公婆好好人, 招呼好好 , 很窩心 , 怪不得它開始門口常常一條長龍 , 人人等上 15 - 20 分鐘都照等啦 ~

之前見到食評寫呢間既重慶涼麵好正但踫唔啱時機, 今日老婆話想出街, 所以特意去呢間試下.去到見到原來呢間店以外賣為主, 但即場食又得, 因為佢哋都有膠椅喺店旁, 不過係路邊囉...咁第一時間梗係叫個涼麵先啦, 我食中辣, 我老婆食少辣.原以為佢哋即場煮麵再攤涼, 原來係已經一盒盒整好晒.佢哋D涼麵係攤涼咗既麵, 唔係雪柜雪凍嗰隻...買嗰時店舖位仁兄同我哋講"記得要撈勻D食先" 講下D料:麵: 係幼身既冷麵, 涼涼哋, 但個麵身夠爽. 老婆買嗰時話唔想食凍嘢, 但食咗之後佢都覺得都幾好味, 冇抗拒 (冇叫我幫佢食埋)配料: 我哋食到既有芫荽, 葱, 芝麻, 但食唔到花生.醬汁: 喺碗麵既底部, 應該係鎮江醋, 麻辣醬: 鋪喺麵上面. 少辣少D, 中辣多D. 好似只係用咗麻辣米線嗰隻麻辣醬. 撈麵食的話, 個人感覺稍為多渣 (但個個麻辣醬係咁, 冇計) 撈到D麵勻晒之後食, 整個味道配搭幾好, 之但係麻辣度過輕 - 連我老婆試咗一啖我個中辣, 都覺得佢可以食到, 我就覺得我下次食大辣都唔會有問題. 之但係食完之後約5分鐘左右, 終於感受到舌頭有點麻, 又有D辣味走出黎. 不過呢個麻辣既回

在旺角吃過雲吞麵，還有小量空間，立時想起這裏，聞名不如見面，看過餐牌，雖然有幾款選擇，但就著空間就只選了重慶涼麵。老板問我要甚麼辣，本人求安全和能真正嘗其味道，只選了小辣。老板立刻拿了一碗給我，顯然是預早準備了放在一小膠碗內再加上蓋，內中有芫茜、葱花、花生、芝麻和一些秘製醬汁，拌勻後吃，真的有清新特別感覺。不算太咸和太辣，七元又十分經濟，下次有機會要試試其雲吞的質素如何。

早幾天正當師傅覺得悶悶地, 又唔知有咩好做時, 突然間收到好友食家"乜都放入窿"嘅短訊, 問師傅有冇興趣當天晚上食晚, 師傅忌到後當然係 "lurr"飯應啦; 細問好友食家"乜都放入窿"想食啲咩, 佢話最好係餃子之類, 而剛好佢又喺旺角附近, 於是師傅拿拿聲上黎呢度搵下有咩正野食啦! 先搵油麻地同旺角, 都搵唔到有啲有水準食店, 再揀埋深水埗, 都唔見有; 正當有少少氣餒之際, 師傅唔明點解冇搵埋太子呢? 於是就即刻再搵, 無意間比師傅發現左兩間食店, 都好似非常高水, 於是決定同好友食家"乜都放入窿"揀左呢間作為首選, 實行去會一會!會合左好友食家"乜都放入窿"後, 就朝著呢間食店出發! 當去到食店後, 發現就算係堂食, 都只係得企位, 不過亦唔理得咁多啦, 照行埋去柯打; 點知店員話所有餃子都沽清, 師傅同好友食家"乜都放入窿"當堂呆晒, 有少少失望; 但為免空口而回, 好友食家"乜都放入窿"就提議要個重慶涼麵, 師傅當然和議啦, 就一人一碗重慶涼麵, 好友食家"乜都放入窿"就要左少辣, 而師傅當然要中辣試下佢啦!話都冇咁快就有得食, 放低銀兩後, 就即刻開餐; 呢間食店都幾鬼細心

在綠林食完個甜品還覺得不是太飽，但又唔想食得這樣多，所以行過津津買個涼麵食下算是飽肚之中又不是太肥膩的選擇。行過見到仍然有一些人在買麵，望望價錢仍然是$7，叫了一個少辣的涼麵就拿回家食了。重慶涼麵($7)賣相仍然是有一些蔥粒、莞茜粒和花米粒在麵上，一開都到一些酸酸地的醋味，撈一撈試下水準有沒有下降，食落味道都沒有太大的改變，酸酸麻麻令人開胃的感覺仍然存在，下面吸收了清新醬汁的幼麵伴著蔥粒、莞茜粒和花米粒來食配合程度一流，用來滿足已經飽了七八成的我來說十分之足夠和適合，完美的一晚了。價錢平仍然是這店的主打，下次來再試重慶雲吞。

入到呢間重慶店!!!!選左涼麵、紅油抄手同重慶雲吞來食!!!!即叫即包即煮。有D似我返大陸食個種感覺,都係即包即煮~好好味…價錢又唔貴WO!!!D料有豬,冬菇&木耳。煮一分鐘就放得上台LU!!!！紅油抄手同重慶雲吞分別就係有無湯!!麻辣味自己慢慢揀。整出來的味道我覺得有D似酸辣粉要比較~~我覺得雲吞好食一點，因為有湯係度掛。老闆態度很好，好有禮貌。下次試下佢個重慶涼麵食先好似好正咁!!~~~係未類似沙懸小吃個類呢?定係再好味一點?XDD

講起這間店大約都開了半年左右了，初初望到時因為沒有留意只是覺得係一間普通的小食店，到留意時發覺這間小店只是買二種食物 : 重慶涼麵和重慶雲吞，但見到絡繹不絕的人流在購買麵，而行過附近時又見到很多人由其是學生們拿著一碗細細的涼麵在食，而見表情也是十分之滿意，所以就當試新野買一些回家試一試。食店的地點在界限街和砵蘭街交界，地點其實都幾近彌敦道和長沙灣道所以都不是太偏僻，不是太難找到的。食店的佈置極簡單，店內多數是一男一女在煮麵，旁邊放著一個雪櫃入面有一些豆漿，而在門口放著一部類似點心車但用來做台的東西，周圍放了四張膠椅，所以堂食的可能性不大了，想這店的主力都是外賣。見只有兩種食物就叫了這兩種回家食了: 重慶涼麵和重慶雲吞，而買的時候你可以決定要唔辣、小辣、中辣和大辣的。重慶涼麵($7)剛剛年頭加了$1價，但價錢仍然是相當便宜，賣相是麵上有一些蔥粒、莞茜粒和花米粒，配上一些比油麵幼但比米粉粗的麵條，由於想試真麵條的味道，所以就叫了唔辣的涼麵，但都聞到一些酸酸地令人醒神的味道，最重要當然是撈一撈試試味道如何，一試入口感覺非常清新，酸酸麻麻的感覺想必是食店內的醬料關係，而冷麵的軟硬度適中而酸醬滲

第N次去吃這間店 當初為左6元涼麵所吸引 一盒6元 醋酸 白芝麻甜 香氣四溢溶在涼麵中 好開胃這次突然發現 有六種選擇涼麵 6元雲吞麵 17元雲吞湯 12元紅油炒手...應該是12元單買生雲吞 20個20元(附佐料)最後一個就係 豆漿啦 7元 哈哈哈現場吃左雲吞湯(不辣) 裡面雲吞超多 湯頭又不錯 食晒帶走涼麵 豆漿跟生雲吞還特別交代 雲吞當日唔食要放雪櫃 要食當下 煮滾水(水要多些) 不要解凍 直接下去煮 浮上來等一分鐘就可以了豆漿他們改左冰糖豆漿 OK喔 不會太甜涼麵我的最愛啦辣雖沒食過 有分小 中 大辣 聽旁人話 唔太辣但麻 有很唔少人 都話無加醋 或 無加蔥 任君選擇老闆看我飲可樂 拿出一罐可樂 同我笑講"可樂中人" @@" 好搞笑

路過時總有條人龍,但見佢只賣重慶涼麵及重慶雲吞唔食辣的我想轉頭走時發現有唔辣於是叫齊兩款重慶雲吞-即叫即整所以要比啲耐性.雲吞皮好滑好似好薄的河粉,個餡肉有麻油,少肥豬肉.一啖一粒啱啱好.個湯有芝麻,芫茜.蔥...比我一滴不漏飲哂重慶涼麵-酸酸地再加埋花生碎,好開胃但比較啱夏天食

間舖只賣兩樣野：涼麵和炒手$6。重慶涼麵：涼麵辣味剛好，不會太麻，跟上配料吃起來香香美味的$12：重慶雲吞：新鮮做，有大中小辣選，我選了大辣，真係好麻好辣好好食，皮多過餡，味道很好，湯底有芝麻、香茜、芹菜、蔥、辣油等堂食只得兩個位老闆！老闆娘服務好好又好傾，好好味，已吃三次了這小店我會持續幫襯！

一間舖只係賣兩樣野：涼麵同炒手，就做得住，好明顯有料到啦聽得出老闆娘係內地人(係咪四川唔知啦)，佢負責包雲吞，老闆就做煮果個門口有幾張凳，可以食埋走，我住得近，通常買完返屋企食我好鍾意食佢既涼麵，辣得黎好香，仲要好怪地食完好舒服，唔嗆喉，一碗6蚊，又好食又抵！雲吞都好好食架，真係好值得一試！