影片
營業時間
星期一至二
14:00 - 02:00
星期三
全日休息
星期四至日
14:00 - 02:00
以上資料只供參考, 請與餐廳確認詳情
糖水店本小利大，毛利率高，基本都是20%成本。成功秘訣都在於產品質素、人工、及舖租，只要控制得宜，基本都是小付出高純利生意。洪糖位於紅橋區，說真的它沒產品賣點、也沒品牌效應。光顧它只因同街另三間糖水店太火爆大排長龍之故，自己純粹與親朋找個地方聚聚，見它人不多就進來。店面及餐牌有點凌亂，價格稍高。但這區大量客戶，整間嶺南大學在它附近，總算能經營下去。 廚房三人，侍應一人，明顯家庭格局。年長一輩主廚房，兒子管樓面。落單時有點人情味，我喜歡吃某款甜品但同時也想吃雪糕，正當猶豫之際，兒子衝出來說可加配。最後成就了全部甜品都加了個雪糕球。 自己吃的是芒果白玉涼粉加芒果雪糕。制作容易，買一盆透明涼粉切粒加半隻菲律賓芒果切件，再加一球雪糕，然後淋上花奶。但感覺三種材料不太配夾，芒果用新鮮貨固然讚賞，可惜涼粉切得太大粒過粗過硬，花奶及芒果沒能滲入味道，還是黑色涼粉較爽。雪糕是買回到普通貨色，與新鮮芒果差幾個皮。 建議用好點的雪糕，增強賣點。杏仁露賣相頗驚喜，但自己從來覺得杏仁露是砒霜味不懂欣賞。老婆吃後評指汁嫰，更勝在打碎杏仁灑在汁上，有咬感不至太悶。紫米露拼芒果雪糕，是正常發揮，紫米露很難做得差。雪糕吃的是興奮是特別，不是吃味道的。這兒還有榴槤甜品，說用D28果肉，想必都是買餡肉醬加工。榴槤涼粉加雪糕球很吸引，可惜同枱的都不受榴槤味。總結這兒選擇多，賣的是家庭味，可以胡亂拼點一翻，對比紅橋區另三間火爆糖水店。這兒食品確是失色不少，但勝在不趕客任你與三五親朋吹水。
繼續閱讀
食完晚飯後，我哋去到紅橋，因為我好想好想食芋圓，就過嚟食甜品啦～虹橋呢度都幾多甜品鋪頭，我哋行咗一圈見到有四間，有三間都大排長龍，因為唔想等，我哋就揀咗呢間試吓啦佢餐牌嘅選擇都有好多好多種，除咗甜品之外佢都有幾多小食選擇，最後我哋叫咗一個芒果小丸子，同蜜瓜芋圓仙草凍，男朋友想食肉醬意粉所以我哋都叫咗一個首先講下個蜜瓜芋圓仙草凍，就咁睇幾大碗，等我試吓個芋圓先，入面仲係硬既，應該雪左好耐呢個芒果小丸子西米露，就正正常常，分量一樣都係幾多。最後上咗個肉醬意粉，點知好有驚喜，個肉醬幾好食，係細個回憶中嘅肉醬味道推介大家嚟食肉醬意粉😂😂
繼續閱讀
今日同朋友食完晚飯諗住去食甜品，因為近我地間餐廳，所以去左依間。當時餐廳無人~問老板娘話應該因為太早(？) 👈🏻20:30叫左雪糕咖啡木槺布甸、豆腐花加紅豆沙。布甸無乜咖啡味，木槺勁硬，原本以為係一層cream一層木槺，但黎到好似成舊木槺磚咁。。。味道ok正常，要放一陣等雪糕溶溶地，布甸林返小小就好好多！有好多種雪糕味揀，曲奇雪糕好味～豆腐花紅豆沙唔會太甜，豆唔硬，可叫凍叫熱，味道無驚喜，又唔難食，中規中矩啦！
繼續閱讀
可以尼講依間乜都有 係屯門都經當食開依間 而且更加多特別既甜品糖水佢而家仲出左台式小食好似好好味咁 今次去食左椰果黑糯米加雪糕先37$ 椰男好多 雪糕有吾同味 仲叫左芋圓涼粉 又係 啲料好多 芋圓好滿 涼粉又多 食一個都飽真係好多 另外佢哋既綿綿冰都好正入口即化 但就貴啲 成40-50$咁但係分量都多 兩個人都夠食 但一個人食可能會食吾唒 同埋都有吾同種味 有芒果 朱古力果啲等等 環境方面都算大既 但有時候夜晚會好爆 所以早啲去會著數啲 另外真係值得一試
繼續閱讀
糖水都係飯後都會必食的，今次就去左試呢間屯門既洪糖，我見佢有D24榴槤冰,有個榴槤雪糕同榴槤果肉仲好香榴槤味好甜。如果鐘意食榴槤的可以一試，如果其他糖水就一般。
繼續閱讀