浜燒太郎 (已結業)

餐廳位於將軍澳海旁，附近環境優美，食完飯仲可以散個步，非常寫意門面設計裝修具濃厚居酒屋風情，未入去已經勾起我嘅日本癮餐廳入面分普通枱同包間兩種，我地今次好幸運入座其中一間，裡面鋪滿榻榻米，拉埋木門就擁有私人的用膳空間，三五知己想邊飲酒邊傾計就至啱啦。話明叫浜燒太郎，當然要試下佢地既燒海鮮。第一個食嘅就係海膽魚籽蟹肉蟹膏燒，一次過滿足四個願望，滿滿一蟹蓋，海膽幼滑，蟹肉好香，配上濃郁嘅蟹膏同鹹鹹的魚籽，超級滿足另外我地仲嗌咗象拔蚌，望住牛油開始燒到起泡，蚌肉縮起就食得，入口非常鮮甜，仲想黎多幾隻。還有一隻蒜蓉牛油燒大帶子，燒到少少焦香，帶子仲可以保持滑滑嫩嫩我地仲試咗好幾款燒物，當中唔少都係放題常見菜式，但呢度嘅燒物明顯食得出係比放題高質好多。牛舌又脆又彈牙，調味十足；燒雞翼香脆可口，單靠鹽味已經足夠惹味；燒年糕係我至愛，係難得可以食到醬油味嘅年糕，一口咬落芝士就流出，兩大啖解決一粒！最後仲有一客三文魚押壽司，分量十足壽司唔係用普通嘅醋飯，而係用醬油飯，三文魚經過微微炙燒，加埋上面既調料，口感同味道都相當不錯去得居酒屋，點可以唔飲酒。我地叫咗一杯梅酒沙瓦，酒精度數低，最適合小酌怡情，仲有

中原一點紅的日本料理店，以為水準會比較，除咗價格比較貴，冇乜特色，可能新開張嘅關係，希望如果下次去嘅時候，可以改善到食物嘅質素同服務態度，附近好多地方都未有食肆，所以暫時應該做做得住，但並不長久

同加拿大返黎既表弟farewell, 梗要搵間特別既食！搵到呢間極難搵既日本餐廳我地一行7人坐左包廳，要除鞋果隻...坐底叫左d 壽司，刺身，旦卷，燒物，用一舊cheese 當煱煮既cheese pasta，明太子沙津，雞軟骨，神奇拉面，大吟釀，要海鮮濱燒整體感覺唔錯！野食都即整，刺身亦夠新鮮👍🏻👍🏻

話說，屋企人聽聞，將軍澳有間隱世日本餐廳， 幾時一行四人去食個晚飯。 甲羅燒比較貴囉， 百幾蚊，唔係好新鮮。 其他嘢食就一般般啦， 四個人食九百幾蚊， 係完全唔飽嘅， 直頭可以去隔離食個pizza。 到此一遊囉。 芝士麵，嗌過小都夠，都漏漏地。 地點係有啲偏僻嘅，最好揸車去啦。 架車可以泊商場停車場。 其他嘢係冇乜驚喜嘅， 都係做街坊生意啦， 唔算好平民化， 但係又唔係好居酒屋質素。 暫時未有酒牌。 壽司價錢都係真係好偏高架， 外邊可以食到高質素㗎喇！

同朋友係將軍澳食晚餐，揀左間日式料理店，環境，食物都非常好，岩哂中意食日本野既我。佢地除左有壽司魚生外仲有拉麵，便當，更有驚喜既係仲有日式磯燒水產，選擇太，而我地只有2個人，試唔哂，下次再去啦，值得回頭既。磯燒類我地叫左象拔蚌，蟹蓋。象拔蚌非常大隻新鮮，燒時加啲燒酒緊加入味，爽口加上新鮮既海鮮味籠罩成個口。蟹蓋呢個真係必食，佢蟹蓋蟹膏，生鵪鶉蛋，蟹肉，燒到咁上下將佢地攪勻，未食都聞到蟹膏既香味，燒好後加啲燒酒吊下味，入口口感豐富，味道濃郁，超正。小食叫左明太子雞蛋卷，煎餃子，蟹肉忌廉餅，明太子烏賊鬚。雞蛋卷口感好滑，明太子味龍，餃子入面係菜同肉，皮薄肉靚，蟹子忌廉餅外面炸到金黃一咬熱辣辣既忌廉流出口，超香濃，烏賊鬚姐係游魚鬚，爽口彈牙。主食叫左三文魚飯同地獄拉麵，佢既飯加左醋同醬油，口味一流，地獄拉麵有紫菜同豚肉，加埋小小辣，湯都好好味。

好難食, 一向都冇評價餐廳的習慣, 但今次難食到要上黎評一評乜都冇味, , 有個明太子蛋卷算唔錯, 其他真係好麻麻, 拉宧係出面茶記下午茶質素, 酒蜆只有酒味冇蜆味, 枝豆清水滾熱就算, 建議大家只係食明太子蛋卷可以去試下, 全鋪都係SAKE, 但冇酒牌唔賣得, 可自帶罐裝啤酒去飲, 樽裝要收開瓶費, 會唔會太離譜, 真係不知所謂

將軍澳有很多單車徑，最適合我們放假去遊玩。最近發覺「翩匯坊」地下開了幾間食肆，其中一間是吃日本菜的「浜燒太郎」，我便立即約朋友來試一試。室內佈置雅緻，地方簡潔寬敞，座位數目也不小。我們看看餐牌，種類食物也很多，價錢也很合理。三文魚及三文魚子飯，三文魚油脂分佈均勻，魚子粒粒很新鮮味， 配上珍珠米一起吃，口感豐富味道好，正!烏賊鬚 惹味好吃 送飯送酒都很搭配我們也試他們推介的即燒即吃海鮮。魷魚筒和大蜆，放在精緻的爐具上，慢慢燒來吃，再加上配汁，吃得很是滋味，真是值得一試。魷魚筒好大隻、厚身，加上醬汁吃真是不錯!海膽忌廉蟹炸肉薯餅，吃一口便感覺一到入口即溶， 味道吸引，是一款不錯的小吃。招牌脆雞塊，炸得甘香肉嫩，味道超佳， 吃完還想再吃。「浜燒太郎」位置非常好，環境優美吃完還可以在海濱長廊散步，欣賞一下兩旁海景，感覺好像遠離煩囂一樣。

將軍澳臨海濱新開的日式料理, 有榻榻米獨立小間, 舒適又有點私人空間, 如喜歡可打開窗廉, ㄧ邊食一邊欣賞海濱夜景。三色蟹蓋（HKD128)有海膽蟹肉及三文魚籽, 加了燒酒, 有牛油蒜蓉汁及鹽味調味由客人自己選擇、食材新鮮，所以完全沒有腥味。浜燒後鮮甜可口、是必食之選.牛油帆立貝（HKD78）帆立貝先落酒燒, 再加上調味便可品賞, 鮮美可口.明太子雞蛋捲(HKD78)明太子雞蛋捲切成小件, 一口一件正合適羊肉野菜(HKD78)羊肉不太多, 正好是菜多肉少、入口不太油.天婦羅盛合（HKD88）天婦羅炸蝦, 皮脆肉滑, 蝦肉鮮甜.價錢合理, 日後可以再試～

將軍澳南最近新開咗好多餐廳，見到宣傳就想試下。 餐廳似乎人手不足，需要頗長嘅等候時間才能入座。不過門口放滿好多櫈，可以坐下。另外餐廳裝修、環境都幾好，對正將軍澳海旁，彌補少少不足。 天婦羅盛合，質素平平，勝在夠熱。 炸年糕（醬油味），呢款係最好食嘅一款。又係熱辣辣，整得夠煙韌。 大葱雞肉串，食到好香葱味，不過雞肉偏硬。 三文魚三文魚籽飯，刺身都ok。第一次食已加醬油係飯嘅魚生丼，覺得新鮮🤔 明太子雞蛋卷，點解會變咗做熟蛋？熟蛋加明太子令到整個菜十分鹹😢 於是，我仔細望一望個店名，知道佢係日本有名嘅浜燒連鎖店嚟香港開分店。但係店舖英文名majimeya係解爐端燒，menu上嘅design都同香港爐端燒分店好似。最後，我帶住深深嘅不解離開舖頭🤔

這天朋友相約於將軍澳吃飯，這次朋友選擇了於他屋苑下面的商場內進餐，他選擇了日本料理，全因為他吃過，加上座位舒適，環境優美。 餐廳位於海旁，夜景看起來十分優美。餐廳等提供免費的wi-fi服務，全因為他們知道這裏電話是收不到的，真是一個貼心的製作。蟹肉蟹膏燒蟹味噌甲羅燒（$78）， 又是我大顯身手的時候， 當然成品吃起來味道不錯，全因為原材料新鮮，完全沒有腥味，更帶有陣陣的鮮味。茄子味噌田樂（$38）， 又是一個驚喜的食品起來完全不像茄子， 全因為味噌把其他味道蓋過了，真不錯。這次的安排十分滿意，下次再和朋友吃過。

將軍澳有很多單車徑，最適合我們放假去遊玩。最近發覺「翩匯坊」地下開了幾間食肆，其中一間是吃日本菜的「浜燒太郎」，我便立即約朋友來試一試。「浜燒太郎」室內佈置雅緻，地方簡潔寬敞，座位數目也不小。我們看看餐牌，種類食物也很多，價錢也很合理。三文魚及三文魚子飯， 三文魚油脂分佈均勻，數量適中，不算太厚，魚子粒粒很新鮮味， 配上珍珠米一起吃，口感豐富味道好，正!明太子牛油魷魚鬚，惹味好吃，送飯送酒都很一流。我們也試他們推介的即燒即吃海鮮。魷魚筒和大蜆，放在精緻的爐具上，慢慢燒來吃，再加上配汁，吃得很是滋味，真是值得一試。魷魚筒好大隻、厚身，加上醬汁吃真是不錯!海膽忌廉蟹炸肉薯餅， 吃起來便感覺到入口即溶， 味道吸引，是一款不錯的小吃。每一個炸肉薯餅上都有海膽，正!招牌酥脆雞塊，炸得甘香肉嫩， 味道超佳， 吃完還想再吃。

很久沒有去將軍澳那邊了，因為很多朋友都是住那邊，所以這晚相約了在唐俊街近海滂那邊吃飯！朋友選了主打浜燒的日式餐廳！餐廳裝潢以木為主，走日式漁場風。提早訂還可以坐包箱，私密度很高呢，很適合談天小酌！食物種類非常多，刺身、壽司、串燒、燒海鮮等等。我們每類都選了一些試試！精選刺身拼盤有5款刺身，分別有三文魚、吞拿魚、劍魚腩、帶子和八爪魚。全部都好新鮮，色澤明亮，三文魚好肥美，帶子好鮮甜，吞拿魚沒有筋！特上壽司盛盒有十件壽司，我很喜歡牡丹蝦和三文魚子，還有中拖羅壽司，$198這個價錢確實高質素！朋友也點了我最愛的明太子蛋卷，十分推薦這個，吃過很多間的明太子蛋卷，這個做得相當出色，蛋的質地好軟綿，甜甜的蛋加上咸咸地的明太子，perfect！甲羅，即是蟹蓋，把蟹膏蟹肉再加上鵪鶉蛋，入口順滑且味道變得極為濃郁，喜歡蟹肉的人這個是完全不能錯過。大蜆十分新鮮，份量亦比遇期中多。有侍應從旁協助燒烤，不時補上煮食油令大蜆不會過火，十分juicy。魷魚筒燒得軟腍彈牙，用料亦極為新鮮，再點上店舖提供的自家醬汁，十分推薦。燒露筍串的調味亦是不錯，露筍爽口。

今日同屋企人去左將軍澳果邊，係翩𣾀坊果到嘅浜燒太郎，喱個新屋苑嘅商場啱啱開，位置都有少少難搵，係單車徑果邊。入到去發覺好有日本風，個裝修好別緻，都多選擇，梗係要試下喱嘅浜燒！我地叫左大蜆，牛油帆立貝，廣島蠔，同蟹蓋，啲海鮮好似係由日本送過黎，所以好新鮮同鮮甜，我最欣賞係個帆立貝，真係好鮮味，仲要啖啖肉！ 刺身方面淨係試左三文魚，都好好味！個鹽燒味噌漬鮭魚腩壽司都好正，魚腩夠哂肥味，配埋三文魚籽食好夾！個豬軟骨醬油拉麵好有驚喜，個湯底好濃郁，個面又唔算好淋，豬軟骨就入口即溶，都推薦呢個拉麵。燒蕃薯普普通通，牛舌就好好味，一啲都唔韌，仲保持到肉汁！仲食左個三文魚日式飯團，呢個就普普通通，唔係好多三文魚。人均消費$300左右，都好抵食。

Samuel之前和太太到浜燒太郎食dinner並post了上facebook, 見到佢post嘅食物相令我流哂口水，所以今晚一於約他和我一起去吃S原來好喜愛食明太子，所以order嘅食物大部份以明太子為主明太子沙律$32~明太子大大粒，卜卜脆，配埋沙律醬非常美味可口精選刺身併盤(5款)$278~有三文魚，帶子，油甘魚， 墨魚和赤身帶子鮮甜，油甘魚，赤身和三文魚非常厚切，油潤肥美，新鮮爽口左口魚邊壽司$48~稍微炙過的左口魚邊入口即溶，好味明太子雞翼$68~脹卜卜脆卜卜的雞翼裏面充滿明太子，好香口帆立貝串$36~帆立貝大大隻，又鮮甜，加少少檸檬汁更可提昇帆立貝的鮮味明太子烏賊鬚$62~哈哈又係加左明太子的鱿魚，鱿魚燒得好香，仲有少少炭燒味，新鮮爽脆，加埋明太子好滋味燒日本飯團 (明太子)$38~大大個燒飯團又係Samuel嘅至愛，明太子做餡again

平日成日都會去將軍澳海濱長廊散步，都會經過呢間浜燒太郎。 呢間店店面裝修非常之日系， 令人忍唔住想試下。有一日晚餐同朋友去咗食， 可能因為係有訂枱嘅關係， 被安排坐喺包廂入面， 感覺就真係好似去咗日本， 坐係塌塌米一齊食野咁。餐廳嘅刺身非常之新鮮， 而且價錢都唔算貴， 絕對物超所值。 油甘魚腩食落非常之鮮甜肥美。一板海膽先至係100蚊左右， 而且食落非常之先甜冇苦味。雞軟骨相當之香脆而且大粒， 剛剛炸起，非常之好味。呢個燒三文魚壽司就比較遜色， 可能因為我都係比較喜歡食生嘅三文魚。日式餃子非常之好食， 點埋特調嘅醬汁， 酸酸地咁， 令人非常之開胃。串燒岩岩燒起就上枱， 每樣都熱辣辣， 相當之值得推薦。