浦和日本料理

營業中

休息中

這間放題很多年沒有到過了，剛好這天做完Gym有啲餓，家裡又沒煮飯，所以就入去睇睇。5點半過啲就去到，仲整理緊，要等一陣，差不多6點，先樣有訂位的客人入坐，之後再按先後帶位。價錢當然同以前差很遠了，仲分3類別，平價任君選擇，升級後2種就包啤酒青酒。不過有樣好，加幾十蚊就不限時食到關門，對於有啲成日遲到的朋友嘅人真係好合適。$228果個餐牌睇落簡簡單單唔多野食，反正都係食，就試個極上放題啦。清酒就飲呢款呢個5款1碟嘅刺生就係整上放題送的每人1份，好新鮮，味道唔錯。呢個和牛刺生就好冰，到枱要放一放先食，好鮮甜。叫咗幾次嚟食個泰式生蝦亦非常好味，尤其是個汁。不過其實就同其他食物唔夾，因為太辣太重味了。其他刺生，壽司都唔錯。係個海膽唔夠新鮮，有啲溶溶地。其他食物不過不失，個炸櫻花蝦就食到有啲煩，細細隻，送啤酒就好。中途員工叫我facebook加like，送隻大蝦刺生，點知送到嚟，唔新鮮，有腥味。即刻要搵杯酒漱口。員工好熱情，1揚手就到，有時候見到枱面冇酒仲會主動問要否添加，值得一贊。不過最後埋單$515又覺得真係貴咗啲。

上兩星期前來有一位很風趣幽默的經理招呼我們接着他給我們兩個餐牌因為這裏有三個版本的放題那位地中海的經理竟然故意不給我們最便宜版本的餐牌有心隱瞞 要開口問是否有一個最便宜的版本他的態度180度轉變 然後才給我那餐牌還要輕佻地說不吃最貴版本會是你們的損失 沒有問題的 還說一會兒不要要求升級版本的說話好的是樓面服務態度良好很大部份都是年輕人 工作非常之有衝勁 有求必應而且食物質素不錯 刺身 壽司 雪糕 心太軟等等津津有味👍👍👍

是日過海工作專登去搵個朋友食個lunch唔熟上環既我就叫朋友揀好地方佢講咩我就食咩佢就揀咗一間日本料理浦和日本料理嘅裝修覺得係有啲豪華下午定食套餐由＄118起刺身、去到熟食應有盡有套餐包了沙律、飲品及甜品沙律除咗新鮮嘅沙律菜之外仲有蘆薈及蜜桃再配上酸酸甜甜嘅沙律醬感覺好清新我就叫咗個美國黑豚肉炸豬扒定食上枱賣相好吸引豚肉好鬼大塊但食落口有少少失望豚肉冇乜脂肪肉質炸到有少少乾身唔夠juicy唔夠淋但外層嘅炸粉就幾好喇簿得來炸得好脆口最後仲有一粒雪米糍做甜品完滿浦和價錢屬於中上如食品質素可以在好少少就更加值回票價啦

今晚約左兩個舊同事食飯，諗左好耐應該食d咩？最後揀左呢間位於上環既浦和，貪佢夠方便，一出地鐵就到。日式放題食既野間間都差唔多，黎黎去去都係個d野：刺身、壽司、手卷、天婦羅、串燒，所以唔特別講啦。D野係好食既，至少d野黎到係新鮮同熱，而且賣相都唔差呢間餐廳最特別既地方係個老闆除左會serve客人之外，仲會四圍走、同d客人傾下計、交流下咁，令到間餐廳個氣氛好好，唔會悶。係進食期間，見到有幾台客係度慶祝生日，老闆都好樂意咁為客人慶祝同唱生日歌，所以生日歌我都聽左幾次 另外一樣值得讚既係老闆對客人十分照顧，唔會吝惜：話說其中一位舊同事見到有Choya梅酒想飲，但我地冇叫到，於是佢膽粗粗咁問老闆可唔可以比一杯佢？老闆竟然話請埋佢飲都得wor，笑死我 亦都想係度讚一讚d員工，佢地出餐同收碟既速度都好快，而且唔會漏單，最重要既係佢地每一位都好有禮貌、唔會西面

今日去左浦和食，呢間放題無時間限制，我地由18:30食到22:00😜餐廳有三個價位，我地選左中間價位埋數每人$393。因揀左中間價位故選擇不太多，但質素不俗。刺身選擇頗多又新鮮。手卷及壽司方面，軟殻蟹手卷好味👍🏻劍魚腩壽司好好味，好滑同埋即刻融係口入面。海膽壽司都幾新鮮，味道不俗😊天婦羅就揀左炸蝦、炸蕃薯、炸南瓜，炸得又薄又脆。炸物放面，炸榴槤一咬開香味濃郁，又一值得推介。芝士年糕又熱又好味，不過食一個都好飽...大家要留意😆 焗蠔同扇貝都幾香～最後一定食燒波蘿，又甜又多汁😍飲品方面，有啤酒飲，梅酒就一般😅 p.s. 職員態度真係好，經理仲送雪糕比我地食______________________________我地呢班大食女鐘意走黎走去搵好野食，如果邊度有好推介記得同我地講😏❤️我地一齊交流下😘❤️鐘意我地的分享，記得按👍及share❤️一班大食女日記 foodies together

又係就朋友放工, 今次黎左上環~朋友揀呢間餐廳時, 我有D卻步, 因為我唔多食放題.... 點解呢? 因為我係易痾體質哈~黎到問多幾問, 原來除左放題都重可揀單點既..咁OK啦~~~~GOGOGO~點知入到去呢.. 又好爭扎, 因為周圍D人都食放題, 不過唔平, 因為呢度冇限時... 好似要3XX UP 既..自問我地真係食唔落..散叫既話又驚蝕喎..(婆仔心態)最後我地叫左SET LUNCH XDDDDDDDDDDDDDDDD 係呀.冇睇錯....DINNER 係可以叫SET LUNCH 既... 不過就要餐牌加$30~壽吉燒牛肉雜菜鍋$148+30 =$178溫泉蛋牛小排牛肉湯烏冬 $128+30 =$158辣味三文魚北寄貝刺身 (有個FD 乜都要轉,, 跟餐得三文魚要轉北寄貝(免費轉))三文魚刺身然後佢地個壽吉燒係跟飯既, 之後又加$ 轉左烏冬..... 最後好似食左貴返吉X家咁XDDDDDDDDDDDDDD為乜呢...點解唔一早去吉X 家呢?! XDDD

好好食，但客務服務很差！！！！ 有乜理由個manager不尊重個客？！！！ 我同一位成年人今晚食左放題，佢今晚有飲酒。雖然我年紀係比個manager細，但是都知道個位成年人嘅酒量（連佢自己都知道自己可以去到邊）。去到個位成年人都有D醉個陣，個manager竟然仲拿一大樽sake同個位成年人敬酒。我試過同佢講唔使，佢同我講「你收聲，聽佢（成年人）講野！」，仲要講左唔止一兩次。即使我比他年紀小，見識沒有他甘多，但係我都係佢嘅客，甘樣同個客講野？！極之不滿意！！！

上環浦和是晚4人行來到吃放題訂了6時的枱，安排了4人的卡座位挺闊落舒適入座後店員講解他們的3種放題分別在於價錢跟種類的選擇二百多//三百多//四百多我們選了中等的選擇比較多之外酒類包括，冷熱清酒，梅酒，啤酒都是任飲再上一級的話紅白酒也是無限添飲由普通升級的選擇，都會送一盤刺身質素相當棒，海膽鮮甜刺身厚身，沒有雪味絕對比得上外邊單點的質素刺身跟壽司的種類尚達基本要求少了別家放題的多元化卷物或創意壽司但浦和做得到款款佳精熟食方面焗生蠔跟帶子都相當吸引芝士味濃，蠔夠大羊架肉汁多，肉質軟其實幾乎每一種熟食我們都很滿意由於不限時，我們由6時吃到10時飽了休息一會又再吃我們最後還點了個火鍋昆布清湯底牛肉脂肪分佈不錯沒想過放題給我們吃得像fine dine一樣吃了幾個小時待應很勤奮為我們清理枱上裝骨頭等物的碗經常加茶而且上菜速度快絕不會只做了首單就慢起來另一欣賞點就是這裡來的分量跟下單的完全相同沒有出現漏單，或少來的情況非常好的一間放題很適合一大伙子晚餐

依稀記得自己兩三年前食過灣仔果間浦和，食物質素都唔錯，唔知今次又會點呢？呢餐係同同事慶生既午飯，雖然已經預先卜位但仍要等一陣先有得入去坐午市時段實在有點多人，想搵個侍應落單都唔易，最後我地輪流舉手先有人過黎點左一號魚生飯，前菜係蟹柳沙律，味道四平八穩，亦算開胃至於主菜就等得有點耐，大概十五分鐘左右啦，而侍應亦無預先提供豉油碟。不過係好食既，各種魚生食落係新鮮又有咬口，飯同魚生既份量都多，但就無用到珍珠米甜品係雪得非常硬既雪米糍。但呢餐我覺得重點係魚生飯而味道的確幾好，值得再次光臨，如果可以提高服務質素就perfect 👍🏿

臨近聖誕加上同事生日，今天食豪啲，去食日式刺身定食。入場時坐無虛席，雖然已訂座，但我們仍等了30分鐘才可入座，服務員沒有預留位置給我們，那訂座有什麼意義呢？今天叫了個三文魚刺身加蔬菜烏冬。前菜沙律，只是普通沙律菜加粟米及蘆薈，並無驚喜。刺身：份量很多，有兩件花之戀，三件厚切三文魚刺身，兩件三文魚壽司，及兩件玉子燒。用的是挪威三文魚，雖然不是特別新鮮，但十分肥美，而且所有刺身都是厚切，其實只食這盤刺身加壽司，我已飽了。但這是套餐的一半。烏冬味道不錯，麵質煙韌，湯底清甜，但由於我已7成飽，所以對烏冬興趣不大。建議來浦和都是食魚生，質素較一般日感食肆高。

先談談服務吧：下單的時候老實說是有點錯愕的… 首先我們向侍應A下單，他非常友善。後來，我們希望加單，這次侍應B走過來(他身穿不同顏色的製服，可能是級別不一樣)。然後我們跟他加單之後，他離開了三秒(沒錯，真的只是三秒)突然回來問"你們是要加單嗎?你們要點什麼？" 然後我們整桌子的人都呆了…… 我們問"剛剛你不是已經給我們下了單嗎?"，然後他說"你跟我同事下單時沒有用的，你必須跟我下單，他不能下單的， 所以你要點什麼食物呢？"。 然後我們真的很疑惑… 他怎可能認為食客會知道哪位店員能否下單呢？而且我們首次下單的東西，部分已經上桌了，那他說的沒下單是什麼意思呢？ 而且剛剛給我們下單的是他本人，那他口中的另一個"他"又是誰呢？反正，我們只好重複了一次點菜… 不過除了點菜的時候有點疑惑，然後覺得不滿意這樣的服務，之後上菜和結帳時，其他事認的態度都是很好，讓人很愉快的。ｰｰｰｰｰｰｰｰｰｰ午餐不選放題，可以選午巿定食：ｰｰｰｰｰｰｰｰｰｰ餐前沙律的醬汁加了芥末，個人挺喜歡的。我點了刺身飯，基本上每樣都算鮮味的，尤其是三文魚腩和劍魚腩油香十足，唯一就是醬油甜了一點。原來跟餐有雪糕做甜品，抹茶味和芝

係（杜文澤電影）記得有一間日本料理覺得唔錯，岩岩朋友生日，決定去呢間餐廳食飯，原來呢間餐廳係上環地鐵站出口，真係方便，我地一行4個，由於時間比較早，職員安排張大台比我地坐，真係唔錯，唔同其他放題地方禁，坐到只有岩岩好，真係要比個like佢地，原來放題有3款家，有普通$258，中級$358及高級，其實都唔清楚有乜分別，於是問職員了解下，由於我地想飲清酒及想食多戰D款色，於是選擇了中級，原來有個刺身盆送，唔使專登寫單，職員仲主動問我地要唔要特別送酒小食（魚干）係送比我地，我都無諗過會有禁嘅服務，而且佢地無時間限制，同MK個啲禁，食得2，3小時，即叫你走，我覺得呢度可以慢慢食，唔使急食，酒都有人幫你倒，呢啲先係服務囉，今次無來錯。食完吹完水，仲有雪糕送。

昨晚朋友從荷蘭回港，我地約好一行3人去食日本野，約好在上環等，一出站就見一間日本放題，問過價錢及時間，原來係不限時的，我們便入去食野啦， 職員安排我哋坐卡位，然後有人 斟茶及介紹餐牌，原來有3款的，我地問職員其實分別，原來有份對比分別 嘅餐牌可以畀你了解清楚，我地3個女人 諗咗好耐，最終選擇最貴個種 試下， 職員 畀落單我哋落單，還 主動問我哋飲乜嘢， 我哋唔知點寫 職員主動介紹協助我哋 落單， 好少見任食場會咁樣做， 招乎真係算十分好， 第一轉刺身盤 真係好大， 而且很新鮮， 當食完知新盤後， 唔知食乜好， 因此問了職員有乜嘢好食， 職員介紹焗豪華元貝及串燒畀我哋， 還主動送我哋要特別食品（汁煮石班）， 期間都一直都換有換碟及飲茶， 服務真係令人意想不到， 到最後職員送咗一個特別嘅甜品畀我朋友㖭，好似個雪人禁樣家，今晚呢餐食得好開心。下次一定會再來。

又話599半價後299有和牛，完全小選擇嘅Menu！來到有話星期六要收314，未食過啲和牛咁Q銀！落左單啲嘢都遲遲都唔來，D侍應又大年幾！衰過落旺角食放題！奉勸大家咪Q來👎👎👎😤

食物選擇少，味道很一般，比3佰幾出面大把選擇，要食498先有帶子甜蝦，連韓國飲品都要分及數先可以order，食物遲遲唔出，所謂和牛同熟食街市嗰d無異，呢世應該唔會再幫襯佢。