浩記甜品館 (已結業)

每天上班下車總會見到這裡有兩三個人在排隊買粢飯. 所以前兩天跟媽媽lunch的時間去試試. 味道唔錯, 飯不太多, 油條好脆. 豆槳應該是自家製的, 幾好.

是日星期六1:35p.m.同媽媽黎到食lunch,叫左以下食物:1)咸豆漿$7.5 -杰杰地都幾好食2)咸粢飯$8.5 -熱辣辣都唔錯,但唔多夠肉鬆炸菜3)桑寄生蓮子蛋茶$14 -唔夠西源源記好,蓮子得幾粒　亦唔夠鬆化,都唔會太甜,試過下次唔會再叫4)熱生磨芝麻糊$12 -我覺得杰ｄ重好,但其實係ok架,只係我偏好較杰身既糊類,好似甜左ｄｄ,真係ｄｄ!P.S.唔知個老闆娘係咪上海人呢?我同媽媽都覺得佢似上海人～呢間食店細細,但ｄ野都真係幾好,不斷有人黎食,好快又一批客～糖水方面都係舊式糖水:如杏仁糊,麥米粥,紅綠豆沙,西米露...小食有:甜/咸豆漿,甜/咸/雙拼粢飯,大曼頭,菜肉包,燸米卷,粉果...所有野食出哂同一張meun上

幫襯多年凍豆漿一杯+粢飯一個, $15, 可能唔算平, 但我都覺得ok, 因為真係好食平日吸引唔少上班一族黎食早餐, 真係有佢道理d粢飯全部即叫即做, 睇住個阿姐由電飯煲"畢"飯, 落料, 包實, 全部一腳踢, 上枱時仍然熱辣辣, 而且你更可要求唔要某d配料添(有肉鬆, 鹹菜, 油炸鬼)不過o個幾個阿姐就好似唔憂做咁

平心而論，呢間糖水甜真係不錯，除了糖水，還有豆漿、咸甜或雙拼餈飯(但未試過，唔知好唔好味)和油條。油條每次炸o既數量不多，賣完再炸，所以某次晚上十時左右去到，油條都仲係卜卜脆的。強烈推介所有糊類、馬蹄沙及湯丸，糊類唔算好滑和好杰，但各種糊都很香；馬蹄沙清甜滋潤，湯丸粒粒飽滿，而且皮又夠煙韌。 價錢方面，每碗糖水平均$12，加湯丸每粒$2，但通常都唔會問你加幾多粒，一律俾2粒，服務都頗友善，但若阻正賽馬日子，則那位老闆(我估係)便會十問九唔應，或是不唔記得落order…諸如此類o既情況