海天花園酒家

營業中

休息中

為慶祝父親生日，選擇咗嚟三聖食海鮮點知發生不愉快經歷，媽咪買咗帝王蟹、聖子、花甲、蠔、鮑魚、瀨尿蝦、扇貝但被酒樓偷龍轉鳳換走咗瀨尿蝦、蠔，瀨尿蝦煮完細咗一半，蠔就更離譜，買咗十隻勁大隻既蠔，煮完變咗好多隻細蠔花雕蒸蛋帝王蟹蛋夠滑、有花雕味炒花甲有點咸十隻大蠔變咗呢蝶極細既蠔扇貝正正常常乾扁四季豆唔油，算好食瀨尿蝦細隻咗一半，煮完縮少少，我會覺得正常，但唔會縮一半咯，仲要炸到過火蒸聖子味道正常帝王蟹兩食全部海鮮自己買，加工費、茶戒加一總共二千蚊，錢唔係問題，但唔好換走人地買既海鮮以為無人知咯

夜晚山長水遠入到嚟三聖食飯 叉燒有驚喜 燒鵝唔肥膩蟶子好鮮甜 扇貝大大粒龍蝦啖啖肉 石斑夠嫩滑瀨尿蝦好惹味 通菜夠爽口鹽焗蟹超多膏仲有紅豆糕但唔記得影相🤷🏻‍♂️今次有熟人帶買住海鮮 (屋企人去揀我無份)如果唔係可能都未必咁好食🤤

三聖去食海鮮，好多人都貪酒家舒服，買完海鮮就去海天食。賣完海鮮，因為一早訂左枱唔需要等就入座。本來買了新鮮海鮮想食餐好，點知加工出來既海鮮大失所望。味道差過出面大排檔，價錢又貴。最重要因為限聚分兩枱，個侍應問我分唔分碟上，我就話好，但冇提過價錢。點知埋單原來佢哋分碟上係收兩蝶價錢，佢事前又冇提過，感覺被搵笨左。相信我唔會再襯。

今晚同家人到三聖食海鮮🦞買好海鮮，酒樓選擇了<海天> ，見佢大間又就腳，點知道咁激氣😡海鮮方面:我哋買咗1隻3斤重龍蝦，來到少左好多賴尿蝦，其中一隻細左一截🙊蒸鮑魚，又係其中一隻細左一個size 開茶叫左十幾次都未有，淨係得壺滾水，等到上咗2道菜之後先來到壺茶😓😑加上服務員💁🏻態度又唔好真係今時今日咁嘅服務態度點得架

早幾日去左屯門三聖食海鮮😚喺海鮮檔揀完海鮮之後去附近嘅酒樓斷兩加工～酒樓揀咗海天花園酒家，見佢係2008年被華爾街日報評選為亞洲最佳十大食府就試下🌎〰️上湯龍蝦焗伊麵 🦞（龍蝦：$198；加工費：$144；伊麵底：$60）💰：$402大碟就夠大碟，但我覺得好淡，伊面要加$60仲要根本無味😒真係令人幾失望！！不過好彩自己揀嗰隻🦞夠鮮甜彈牙〰️蒜蓉粉絲蒸扇貝 （扇貝4隻：$130；加工費：$48；加粉絲：$2 ）💰：$180因為夠新鮮，就咁蒜蓉加豉油蒸就已經好食！粉絲吸收晒個汁😼扇貝比起平時食到嘅厚肉😆〰️薑蔥焗南非鮑魚 （鮑魚四隻：$260；加工費：$102）💰：$362鮑魚新鮮，仲係到郁下郁下👻鮮甜、厚肉之餘仲係爽身😚南非鮑魚的確好食過大連鮑魚好多😚〰️海天燒賣王 $36燒賣上面有鮑片，入面有幾粒蝦，算係咁上下～〰️燕窩蛋撻 $38有三隻嘅蛋撻仔，撻皮夠鬆脆～面頭放上燕窩😼▪️我覺得….買返屋企自己煮好過😂😂抵好多，加工費嗰度唔使俾人斬一截🥶真係舖頭食都海鮮都無咁貴😂▪️食飽飽係附近行個時見到彩虹，送比大家🌈💗〰️〰️📍 海天花園酒家 (屯門)屯門青山灣三聖邨三聖街5號

黎到三聖應該都會諗起食海鮮每次黎海天都係食海鮮但今次就唔食海鮮試一試小菜南乳脆香骨非常香脆可口，肥瘦適中有肥肉部分好香口南乳唔會過濃大良炒鮮奶食之前完全no idea係點樣黎到個樣平平無奇食落口 有驚喜！好食！鮮奶加蛋白包住啖啖蟹肉奶香 大大啖蟹肉 加上炒過既松子獨有既香味好好食！蒜子上湯覓菜正正常常菜唔會好老台式三杯雞幾好食擁有台式菜必備既九層塔味 好香雞肉嫩 無煮過頭整體來講好食 食物唔會過份重味(本人口味偏清淡)

一家人作天下午去飲茶，喺隔離海鮮檔買咗1200元海鮮，包括一隻兩斤多嘅奧龍澳洲龍蝦，七隻花竹蝦，同七隻蘇格蘭蟶子。入到去龍蝦叫佢做上湯龍蝦伊麵，花竹蝦就蒜蓉開邊蒸。出到嚟花竹蝦變普通蝦。仲要由六吋嘅蝦變到得返三吋半。啲蝦一睇就知係換咗，因為冇晒花竹蝦應該有嘅花紋。新鮮龍蝦變咗雪藏龍蝦，完全冇味道。當然又係變細隻咗。伊麵仲要得幾條。見到的蝦變晒樣，即刻搵個部長理論，佢梗係死都唔認。口同鼻拗真係同佢嘈都冇用。收人四百幾加工費仲要偷龍轉鳳，真係唔寫食評幫佢賣吓廣告都唔得

有朋友喺外國返左黎，因為外國少海鮮食，所以係佢走之前食一轉海鮮大餐，點知失望而回。一眾朋友裏邊有人介紹去買海鮮再去海天加工，話之前食過味道都唔錯。點知今次佢唔知係咪爆場，服務質素認真一般。芝士焗龍蝦—唔知係咪同芝士問題，同龍蝦完全唔夾而且有一隻龍蝦係死，唔知有冇被換過辣煮東風螺—老實講，個汁好稀，味道還算正常薑蔥蟹—還算正常椒鹽鮮魷—唯一一樣唔係喺出邊買嘅海鮮，一上菜就當已經唔熱，仲要冇椒鹽味，只有咸味真係唔知係咪因為book 8:00太夜，啲嘢食質素完全唔得，加工費又貴。唔會再去

很多人說三聖吃海鮮很貴, 但我想是看你怎麼選. 我這次連買海鮮和加工, 茶錢等, $400/人. (不過海鮮的量不算多, 每樣一點, 剛好)我去過幾次三聖吃海鮮, 左逛右逛還是到了同一家買海鮮, 每一次質數都很好, 所以也有信心介紹一下"榮利海鮮"~ 而加工酒家, 我之前是去另一家的, 但朋友介紹海天, 也試試新的!星期天中午一點多到, 餐廳坐滿滿的. 還好等了十五分鐘左右就有桌子. 環境不錯, 很光亮, 坐窗邊會有海境. 服務帶位的禮貌差一點, 送菜的都很好. ⚜鹽焗奄仔蟹🦀家裡很難弄, 鹽焗原汁原味, 蟹用鹽焗的確很好! 奄仔蟹每隻都很多膏, 肉也甜. 鹽不會太鹹, 就是剛好!⚜ 蒜蓉蒸聖子超鮮甜, 可惜老了一點點. 蒜蓉粉絲都多, 豉油略鹹.⚜ 脆皮芝士焗龍蝦🦞因為未試過試一下. 上面的脆皮夾著片裝芝士，用來調味還好, 但和龍蝦一起吃會太搶味. 龍蝦本身不算很甜, 但肉質很好.⚜椒鹽鮑魚也是試新口味. 但椒鹽和鮑魚感覺很獨立..簡單說, 不太配. 但椒鹽和鮑魚分別都好吃⚜蜜汁叉燒 $180🐖很貴的一碟叉燒. 但本身的豬肉超香, 肉很軟多汁! 蜜汁的調味也出色, 甜得來不會膩!⚜時

大老遠黎屯門黃金海岸渡假，梗係去附近三聖村食個海鮮餐，點知….中伏，難食。1. 加工煮既海鮮，水準之下，浪費佐新鮮既海鮮。2. 上菜海鮮已經凍哂，擺入口都冇鮮味、冇溫度，正常新鮮海鮮有鮮味，點解可以煮到好似冰鮮海鮮咁既味。3. 加工費仲貴過D海鮮，有單有真相4. D服務員冇服務，冇記性，樓面都冇人要招呼，我地坐房冇人理。乳鴿4隻白灼蝦象拔蚌刺身上湯龍蝦伊麵粉絲扇貝油鹽水花甲豉汁蟶子龍蝦海鮮粥例湯以後都唔會再黎食5位大人，每位連海鮮$714.00除咗個刺身之外，其他因為煮得個賣相太差都唔想影相。

今日約左兩個朋友去三聖食海鮮，佢地住元朗，我就天水圍，夠哂方便。搭西鐵，到屯門站轉505輕鐵，三聖站落車行一陣就到。去發記買左三隻南非鮑、九隻花竹、三隻北寄貝，一共$500加工就去海天，坐得舒服啲，加上今日星期二，冇乜人上一樓坐低，叫左香片滾水，講低點煮海鮮，再叫左個上湯菜心、廚皇炒飯第一樣上豉油王花竹，香噴噴，豉油香撲鼻，隻隻炸得卜卜脆，連殼食正到痺第二樣係清蒸南非鮑，蒸得啱啱好，最重要鮑魚夠新鮮，鮮味到不行，入口彈牙無比第三樣蒜蓉粉絲蒸北寄貝，又係好新鮮，個粉絲吸哂個汁，好好味，個貝又鮮味上湯菜心同炒飯都正常，個炒飯好多料，但個脆米略嫌多餘，脆脆口感配落炒飯唔多夾

復活節假期第4天同朋友去海天飲茶，超難食。 XO醬蘿蔔糕，全部是面粉，錦鹵雲吞又係全是粉，中間又唔熟，朋友家既姐姐整得仲好食，上湯煎粉果，一樣，又係全是粉， 超失望呀。

海天真係令我返咗轉頭好多次平時叫嚟叫去都係嗰幾味今次想試吓新嘅🙈我先講咗我覺得好食嘅先亦都係我每次嚟都會叫嘅 當然海鮮我係喺出面啲海鮮當買入去加工嘅海天整嘅豉油王蝦碌真係好好食 豉油味好足夠但係又唔會太鹹蝦都炸得好脆豉椒炒蜆今次唔知點解冇我上次食嘅咁惹味但係都唔會太差 亦都係味道唔會太淡嘅好味椒鹽瀨尿蝦基本上係每次都會食嘅 佢哋加工嘅椒鹽係好好味嘅上面啲椒鹽粒粒亦都好多我係會用啲椒鹽粒你撈飯嘅😂係時候講吓啲失望㗎啦平時買花螺都係白灼 其實我喺度諗白灼駛乜出酒樓食啫咁你試吓佢個辣酒煮花螺囉點知真係衰左 係完全冇辣味冇鹹味係得啲少少鹹同少少辣嘅湯咁樣浸住 😅😅😅真係以後都係嗌返平時食開嗰啲就算 試新野通常都賴嘢😂😂😂

2021-2 -20 －剛好政府放寬咗食肆晚市堂食，和家人出嚟食飯。本來高興興的，不過因一位唔老實嘅男經理，而搞到這餐飯有D掃興。事緣我哋買左隻龍蝦，要上湯伊底，等左好耐，遲遲都未上，而我見到對面枱遲過我哋入座，反而上了一碟上湯龍蝦，我見到佢哋對住碟龍蝦不停影相，之後，叫左經理嚟話佢哋叫了芝士牛油底，這碟唔係佢哋。這班酒樓經理才恍然大悟原來放錯左枱，這刻，我知道這碟應是我哋嘅。嗰個男經理捧番碟嘢經過我哋面前入番廚房，過了5分鐘，由另一邊若無其事捧番同一碟嘢上我哋張枱，我就火都嚟啦.....問佢碟嘢係唔係頭先對面嗰碟，點知佢又食左誠實豆沙包話"係''，人客冇食過，冇問題，但我話我有問題。因對面人客冇帶口罩影相，我哋又有老人家，我不收貨，經理話幫我買過隻龍蝦補數。我好彩發現到姐，如果唔係………，大家可以想像得到!利申，食物質素ok，保持水準!

對一間食肆來説，能夠保持食物水凖是很重要的。海天花園酒家可算是其中之一，我與家人一年才來兩至三次，但每次都食得開心。今天與老公放假，他提議入來食lunch，梗係舉腳贊成。海天在屯門三聖村，獨立式房子，樓高三層，地下入口有一錦鯉池。不知是否受疫情影響，不開地下，全部集中一樓。點心紙無乜大改變，也有炒粉麵飯。我們叫了4個點心加一個咸雞粥。最先上枱的是菠蘿叉燒盞（$21.8）。這個菠蘿义燒盞雖然細細個，酥皮做得夠厚，香甜鬆脆，餡料有好多义燒及燒汁，好好味！😋😋😋高湯鮮竹卷（$21.8）是將傳統鮮竹卷先煎香，再放回充滿韭黃的上湯。鮮竹卷有豐富餡料，豬肉丶冬菇丶蝦⋯等，填得漲卜卜的。加埋一半煎脆的及一半浸軟的腐皮，多重口感，味道獨特而吸引，Yummy! 👍🏻👍🏻👍🏻蟲草花蒸棉花雞（$35）也是水凖之作。雞肉厚身而滑溜，食落有鮮甜雞味。花菇又厚又大，加埋吸晒汁的厚魚肚及蟲草花，是我食過最好食的棉花雞之一。😍😍😍豉汁排骨蒸腸粉（$39）也是出色之作，以前是陳村粉做底，現在改了腸粉。它的腸粉不是最薄，但滑溜，加咗排骨肉味及豆豉汁，好味。排骨是少骨多肉，帶少少肥，肉質鮮嫩，食落軟滑多汁，一流。😋😋😋本來