海天花園酒家

營業中

休息中

老婆屋企人鍾意黎飲茶，因為好食，佢舅父有車又好人，次次都做柴可夫，如果唔係都冇咩機會黎飲茶。叫左好多點心，影左幾款特別出色同好食，燒賣唔使講，加塊鮑片，味道唔會好左好多，但你都覺得貴得有價值。叉燒酥係另外一款必叫既點心，皮簿好食。腸粉冇影到，但超多料，勁飽滿，唔知係咪太多料，腸粉皮略嫌太厚。最大驚喜係竟然仲有炒銀針粉食，講真，今時今日要買銀針粉都唔係咁易，仲要有酒樓廚房肯炒，點可以唔叫黎試試呢?賣相正常冇驚喜，睇個色諗住可能唔夠味，食落又唔係喎，好好食喎，可以encore。食完過隔離沙灘行下玩下，一個寫意既週末下午~

一諗起食海鮮我就會諗起屯門嘅三聖村，三聖村裹我就會諗起海天花園酒家!每次食海鮮我地都會首先喺三成村嘅海鮮檔選擇一些新鮮的海鮮,然後再喺酒樓嗰度加工!🤗🤗今次亦唔例外我地揀菜一間記著忠仔既嘅海鮮檔買海鮮，D海鮮好新鮮 而且海鮮的款式有好多選擇! 我地揀左一條三斤重向石斑，一只大龍蝦，一啲扇貝同一啲大聖子 .老闆娘好好見我地買唔得海鮮，之後叫我家寶貝隨便選擇花甲，可以拿得幾多送幾多!🥰🥰 我哋喺首先係海鮮酒家整一個龍蝦伊面，龍蝦好新鮮嘅肉好爽口彈牙再加上的濃郁嘅芝士灑在喺伊面上，成個買相好靚,超好食呀!😋😋😋 我地食整著個蒜蒸扇貝，粒粒扇貝有成五蚊銀咁大粒，蒜香味把整個扇貝嘅鮮味帶出左來~ 謝謝聖子真係有筷子咁長，手指公咁粗，又爽口彈牙,好味到唔停得口😋😋😋其他花甲炒魚片都好好食，值得推介

美食是好吃单服务很差。 出菜也慢一直说来了半个小时都还在等。服务生没有一个人来看看有什么可以帮忙。可是隔壁桌叫就很快， 一看原来他们是有开酒， 是不是有开酒钱可以拿?

1）懷舊的上湯水餃🥟，皮脆但饀料多粉，無咩料。2）豬腳薑一般，薑不夠辣，汁稀咗少少。3）蒸魚頭雲，肉好滑，好味。👍🏻👍🏻👍🏻4）鹹鷄粥，有配冬菜，粥底綿滑，雞肉好味。👍🏻👍🏻👍🏻5）錦鹵雲吞，又一懷舊中式小食、酸甜適中、炸雲吞皮好脆，好開胃。👍🏻👍🏻👍🏻6）軟芝麻糯米糍，煙韌度適中，好香黑芝麻味。👍🏻👍🏻👍🏻7）山竹牛肉球配喼汁，將牛肉的鮮味提升，好味。👍🏻👍🏻👍🏻8）炸糭賣相吸引，可惜太飽了吃不下，朋友打包回家吃，唔知好吃與否。9）薄餅皮脆，完全不油膩，香葱撲鼻。👍🏻👍🏻10）蝦餃蝦好爽口，餃皮厚薄適中，蝦算大粒，好味道。👍🏻👍🏻😋

媽媽60歲生日當然別無選擇地去吃海鮮因我忘記book位心儀的酒店已滿座我和妹妹決定去「海天」咁多年食海鮮都無一家人來這裡吃只是有位朋友結婚在這裡擺酒才到過這酒樓海鮮在三聖漁巿場相熟店鋪買吃了多年、很放心質素多謝老闆埋單但我喜歡這裡不嘈吵枱與枱有少少距離不會太迫食物上枱時間預得剛好我們一行八人點了叉燒吃好像很有名氣的叉燒當然食完無咩特別吃過天龍輕大的叉燒實在找不到另一間更好味😂😂😂😂😂😂😂海鮮煮功好出色特別係清蒸紅瓜子時間剛好配上特別的豉油味我很滿意象拔蚌切得夠薄其實刀功係好影響食物入口的感覺切出來比我想像的大碟鹽局奄仔蟹勁爆膏！我不愛吃膏蟹蟹魔如我最愛吃奄仔蟹勁鮮甜我極愛拆蟹肉整隻蟹都又肥又多膏椒鹽賴尿蝦全都有膏、炸得剛好墨魚刺身好彩好彩無食過配上wasibi醬油超級爽甜豉油皇蝦美中不足是沒有買花竹蝦老公說有龍蝦不用買大花竹蝦但味道真係差很遠🐷上湯龍蝦米粉底嘩。。個米粉好好味！龍蝦肉超彈牙最後吃了壽包美滿的生飯媽媽超滿意埋單$21xx海鮮$4200開心⭐️⭐️⭐️⭐️⭐️

今日同fd去屯門三聖海天花園酒家, 呢到是要自行在樓下的海鮮舖頭，買完再拎去俾人加工, 坐得舒服，樓下海鮮檔種類選擇多 , 薑蔥炒蠔材料新鮮, 炭燒义燒帶甜肉汁好好味, 蝦肉鮮甜刺身, 龍蝦比例好好，正呀，不過服務員明顯不足！有好多時都要等好耐！不過不失，可以再去！

地點： 方便易搵，坐得舒服，樓下海鮮檔種類選擇多，價錢相宜，老實唔呃秤，係面前簡d靚既俾你，死左既就羅走，絕對貨真價實服務： 招呼好，有笑容，有禮貌，食物：材料新鮮所以點整都唔差，最大驚喜係1.) 薑蔥炒膏蟹，蟹膏多到爆瀉成碟都係，薑蔥入味，2.) 豉油王花竹蝦，大隻爽甜，味道剛好唔太鹹，3.) 椒鹽瀨尿蝦，蝦肉鮮甜但椒鹽味道略淡，4.) 砵酒焗生蠔，蠔肉火候剛好但酒味唔夠，5.) 蒜蓉粉絲蒸聖子，蒸過火位，食落銀，6.) 果皮蒸南非鮑魚，爽脆但無鮑魚味，7.) 辣酒煮花螺，辣味淡， 螺肉鮮嫩，火候控制好，唔會銀再加幾味小菜，1.) 咕嚕肉脆身，汁醬甜酸剛好，2.) 核桃牛仔粒，淋滑，最驚喜係配料茄子，拉完油，夠入味，唔會淋到一pat野總結：食海鮮不二之選地方，材料新鮮有保証，價錢相宜，個人覺得一定好過西貢/流浮山，

今日同一家人專程黎屯門食海鮮之前一路都黎開依間食慣咗會起附近海鮮店買自己想食嘅海鮮然後攞上酒樓俾錢佢地煮黎食仲可以自己選擇想每碟點煮 要咩汁之後再計返煮工錢同另加材料👇🏻1. 芝士焗龍蝦伊麵龍蝦厚肉 配芝士好味 不過芝士伊麵易‘漏’2. 蒜茸蒸貴妃蚌3. 薑蔥焗本地生蠔4. 油泡班肉配西蘭花啲班肉煮得好香 啲魚好新鮮又有啲彈牙 不過成碟野鹹咗同油咗少少5. 豉油炒聖子6. 即點嘅招牌托地叉燒啲叉燒唔算多肥膏 夠淋 好有蜜汁味 好食👍🏻好滿足🤤黎得食海鮮預咗貴但係咁嘅水準真係值一年間中黎食幾餐慶祝吓都幾開心因為平日甚少機會食😋令每一次都好特別同寶貴

講梗都好多年無去過了，今次為舊义燒而去，依稀記得最後一次去時炭燒拖地义燒係$96⋯⋯依家要$138，果然物價漲爆。沙薑豬手值得一吃，70多元份量唔惹少，面頭真的有一粒粒沙薑，絕不敷衍，沙薑香氣撲鼻，醒胃的涼拌菜色。炭燒拖地义燒嫩中帶點肥，嫩得跟黑毛豬有點像樣，好味，但價格偏貴。高湯鮮竹卷脆炸嘅腐竹浸過有韮王香嘅高湯，減輕油膩感，價位屬「小點」值得推介。炸兩期望過高、失望越大，油炸鬼淋淋的，腸粉皮涼涼的，唯獨有蔥花嘅香去救亡。藕餅重味了，所以比較咸，肉與藕的比例恰當，煎得幾香口。唯一的蒸點～小籠包，皮不薄沒特別，可以不吃了。濃味之選韮菜豬紅，味道一般，不過叫做懷舊一下。菠蘿义燒盞，得3隻唔夠分，我無試。芝心紫菜卷一上檯不禁「嘩」！$55仲要加一，但份量少得可憐，有丁點菜絲伴碟，感覺全碟菜色有啲寒酸，相信幾花手工，由春卷皮反包裹住蝦膠、紫菜、蟹柳來炸，但芝士受熱力後漏了出來，沒留意的話以為係沙律醬，多重口感跟味道配合得不錯

食海鮮，除咗你鯉魚門，西貢，三聖都好出名的首先去咗旁邊嘅販賣海鮮嘅店舖，買咗海鮮先，咁先揀到最靚嘅海鮮之後就上海天加工，海天係三聖最大間亦都拎左米之蓮，加工質素有保証，不過亦都最貴，好似我地加工了二隻肉蟹，買返嚟三百幾蚊加工都係要三百幾蚊，加工嘅錢不遜於食材嘅錢哈哈， 不過一係唔食，食就食好啲4個人用左餐，用咗差不多一千加工費，員工服務好，幾細心，環境都夠大，幾舒服

位於海邊既海天酒樓，有3層，最鐘意坐最頂個層，可以望住個海飲茶，格調一流點心有好多款，傳統既，新式既都有每次必叫既蝦餃最推介，蝦🦐好爽好大隻牛柏葉好大籠，食極都仲有甘鮑汁鳳爪65蚊係比出面貴，不過好大碟，都幾淋整體點心，係幾好味，唔係hea整都即叫即蒸，可能比出面一般酒樓貴，不過有水準同有環境，唔會好噪，想假日同屋企嘆個靚茶，可以考慮。不過比較遠左啲，建議揸車黎比較方便聽講哩到出名煲仔飯，下次可以試下。

一直喺屯門元朗食飯都冇介紹過食海鮮，今次適逢朋友嘅生日一行六人過嚟三聖邨食海鮮，講到三聖邨老字號得來又夠出名嘅莫過於今次幫襯既「海天花園酒家」，海天花園酒家之所以名號咁大，係因為佢喺2008年嘅華爾街日報得到獎項，而且多年來多位達官貴人都係依間酒家嘅賓客。 先講講地理環境，喺三聖邨食飯非常適合揸車人士，有三個露天停車場一個有蓋停車場，亦好容易搵到價錢相宜嘅代客泊車服務，又或者你唔係揸車嘅人士，依度就近輕鐵站巴士站或者係紅色小巴一樣去到附近。 今次介紹嘅三聖邨食海鮮有別於其他地方食海鮮，依度食海鮮必須要喺下面嘅海鮮檔攤選取心儀嘅海鮮，然後攞去任何一間餐廳做加工，因為海鮮檔攤同餐廳係冇任何關係，而餐廳都唔會設有任何養海鮮嘅設備，所以應該唔會偷龍轉鳳。 今次飯局嘅首要係要去海鮮檔買平靚正既海鮮，根據朋友介紹，有免費泊車嘅攤檔，海鮮售價一般比較貴，至於去邊間會比較新鮮比較平就真係唔同人有唔同嘅心得。 我哋去咗一間店面比較舊嘅老字號選購完心頭所好，就帶着一袋二袋行上海天花園酒家，因為一早訂咗枱關係我哋好快可以就坐，侍應問完我哋

要數大件夾抵食的平民王牌午市茶，個人推介就非海天莫屬。價錢單價，海天不一定最平，但每碟食物的份量，的確是幾可稱霸的。個人至愛：每次必點的是沙薑鮮雞腳。外面一般製作雞腳/鳳爪都是用雪藏的，但這裏註明沙薑雞腳是用鮮雞腳。雖然我沒有真的去考究，是否每一隻都是鮮雞腳，但的確每一次吃的時候，雞腳都沒有雪藏味，配上滿滿的薑葱實在是好吃。拖地叉燒是海天另外一個皇牌。這次沒有叫上原條的叉燒，只是點了一個叉燒瀨；這裏最令人滿足的地方是，不單只叉燒好吃，瀨粉也很好吃，吸湯而不爛，很大碗，令人感到滿足。韭菜豬紅是用煲仔上的，以往味道很不錯。但今次在點的時候，味道淡了亦略咸。可能這個菜式真的要撞彩才好吃🤷‍♀️生滾咸雞粥亦是必點之選。當然如果很怕肥膩的話，實在不應點這個生滾鹹雞粥，因為 生滾粥的香味就是從雞油而來。滾粥啲雞亦很嫩，一點也不嚡。本人本來不算太喜愛煎薄撐，但是小小孩很喜歡這個。海天的咸薄撐煎得很香口，但葱味不是太多。愛葱之人可能會失望一點😌煲仔飯是我們今次的新嘗試。因為冬天來了，很想試下這裏的煲仔飯。煲仔飯的北菇滑雞都很嫩口，亦有很多飯焦；但相比街外的小店，這裏的火候還算是文火一點，欠缺了炭香煲仔飯

公司活動完咗搞慶功宴，去左食海鮮既天堂：三聖邨👍🏻 之前已經黎過一次，好平又搞得好食✌🏻 但泊車就難咗少少，所以揸車就麻煩啲🙈 我地先到海天花園酒家拎左位，再落去街檔揀海鮮✌🏻 呢度呢海鮮都好新鮮，不過就小心俾人呃秤～ 我地叫左好多款，俾左錢，佢就派人拎上去整🤣 最好食既一定係鹽焗蟹，瀨尿蝦同蟶子啦🤣 我唔記得全名啦，但佢蟹既肉好鮮甜好香，好足料，蟹膏好多，流哂岀黎！ 瀨尿蝦就又大又入味，有少少辣，但整得好滋味，好食👍🏻 蟶子係我最愛，好難整，但整得恰到好處，唔會太韌，唔會好腥👍🏻👍🏻 好正！啲汁入哂蟶子，送飯食一流😍

一圍11人，想食海鮮，就浩浩蕩蕩咁去咗海天。但周末去嘅話，一定要訂位！萬一揸車去想泊佢哋嘅停車場，就更加要6點就到！否則6點15分可能已經爆滿！喺海鮮街好似同D有殻嘅海鮮有仇咁，揀呀買呀。除咗要買新鮮、更加要買時令！一邊買，又可以同檔主問吓意見，用乜嘢方法烹調，正！11人買咗$3,400料。海天煮8個海鮮嘅加工費，再加叉燒、燒腩仔、另3個小菜，埋單$2,900。個個都食飽飽！好滿足！如果俾5、6百蚊去食自助餐，其實用呢個價錢食海鮮，可能更精彩！