海天花園酒家

營業中

休息中

因為太過懶唔想煮飯，於是約咗屋企人一齊去就近嘅酒家食飯，海天花園酒家算係屯門區最高級嘅一間酒家，除咗可以食海鮮之外，小菜都係唔錯，試咗幾道嘅小菜，足料之餘又夠好味，家人都食得好滿足。而且位置都坐得好舒服絕對係一家人晚餐精選！

初次幫襯，印象唔錯，食物味道不錯，無負面影響，價錢有點貴，只要好味道也值得，提意一點，東風螺類加工費是幾重皮的，蒸魚功夫一流，麻辣花螺頂呱呱，鹽焗奄仔蟹真好味道，總括一個滿意的晚宴

其實這裏的點心水準是OK,好有老派點心的食味！但D服務態度就差勁，終於嘗試到…甚麼叫比人辣慶的感覺🔥😡假日去飲茶要等位我是明白的，但這裹絕對是安排失當囉！我去到客滿三樓的部長話你要到二樓取'飛'(是強調的）😑。當我二樓取了'飛'就同佢講我是否可以三樓的，這位二樓部長好快的奪回手的飛消掉，好冇禮貌地説😧！她說你要三樓坐位，就要於地下大堂取飛，這裏是不會派三樓的飛😒！(是十分強調地說)😳!!!好我又再到大堂取'飛'......但當說要三樓的等候'飛'時，她竟然叫我上三樓等候，大堂是不會派三樓的飛…😳😳😳嘩…我🔥😡聽了火都起來！我就好慶咁同這位呀姐講，未玩啦！👿我由三樓比你D同事叫我去二樓，又由二樓你位同事叫我落大堂，你話比我知我可以點🔥😡當時大堂位派'飛'呀姐，才至電三樓按排我再上去取位，三樓位知客才安排我等…😑正體來説，為張飛玩完一輪，但又不用'飛'我等了20分鐘才有位入坐…！為乜！😑😑😑

多朋友住附近真好，今朝朋友一早就msg叫我上去佢屋企食晚飯，咁我就反叫佢去飲茶，原來佢地已約好一家大細去'海天'飲茶，反正佢屋企人我大部分都識，我當然唔會怕羞咁一齊去啦。平時鍾意去海天飲茶除左佢點心好食之外，最大原因係唔需要等位太耐（因為間酒樓都幾大有三層，而且價錢又唔算平），但出奇地今日等咗差不多一個鐘，原來附近間舊式酒樓冇左（又係領展攪裝修）。呢個炸魚仔香脆惹味，大家每次都好快食晒每次必點《豉汁排骨腸》食咁多次都冇失過手，滑到不得了《鮮沙薑雞腳》最鍾意佢夠多蔥又粘口《蛋撻仔》新鮮焗起熱辣辣，雖然牛油味唔濃，但蛋漿好味搭夠《炸饅頭》外脆內軟，感覺唔太熱氣《滷水豬腳仔》《拖地叉燒湯河》《椒鹽魷魚鬚》《鮮蝦餃》《北菇棉花雞》

呢間餐廳話自己係華爾街入面推介嘅其中一間中菜館，就係呢一點吸引左我呢一個唔係住屯門嘅人入去試一試。 其實我都叫咗好多海鮮，但係我覺得海鮮只要夠新鮮其實就好好食，反而想介紹一下呢間餐廳入邊嘅廚品。首先講吓個撈起先，呢個係三文魚撈起要前一日預訂嘅，的確你係好好食，三文魚唔會聲而且加埋其他唔同嘅配菜好有口感。之後就講下嗰個叉燒啦，我覺得佢肥瘦適中而且好厚身，完全唔似出邊嗰啲餐廳買嘅叉燒，你食呢度嘅叉燒同出邊嘅叉燒比較，完全係有食緊火腿扒同埋火腿嘅比較，咁你話邊一個口感好啲啦？！仲要介紹嗰個炒飯，佢加左啲趣味落去炒個口感好好，平時會飽到食唔落個炒飯，但係佢好食到令我堅持食咗一碗。仲有個蒜香骨，南乳味好重識落唔會太油膩，都係好值得推介。總括而言，其實呢間酒樓都真係幾OK，不過就比較多大陸遊客來食，同埋煙味比較重，但嘢食係好好嘅。

講起三聖一定諗起食海鮮，而呢條街加後巷係有好多海鮮店，餐廳，海天位置咁顯眼，當然係人人首選喇，先講佢地方夠大，坐都舒服，另外，我哋每次買完海鮮都會俾佢加工嘅，佢炮製嘅海鮮味道當然滿意喇，每次都覺得係夠哂老實嘅，不過今次就唔知點解差少少，首先係d侍應態度好似唔洗做咁，叫了又叫，無反應，另外，平時有d鑊氣嘅海鮮似乎無平日水準，反而d菜好新鮮好味，個壽包都好大個好正，同埋佢每次都無生果送，唯一美中不足囉，如果有埋糖水或者生果送就最好，皆因附近太多海鮮餐廳可選擇呀

原本一直相約朋友一起去吃「炭燒拖地叉燒」，但一直未能相約成功。結果自己走去哪兒回味一下。一個星期六，約下午二時半，不用等位，一坐下來就二話不說的點了此叉燒，叉燒是恰到好處的半肥瘦，面層有香甜蜜糖，雖然有少許燶，但不影響其美味。菠蘿叉燒批，其貌不揚。但郤是熱騰騰的，菠蘿皮香脆的。蝦餃就略為厚皮了。

我姐妹結緍攞酒地點不是普通婚宴專門店，而是三聖邨海鮮酒家。究竟水上人結婚菜式是怎樣？除左頭盤係乳🐷，中間全都是海鮮，我們每上一碟都嘩嘩嘩！習俗一定要有乳豬。蒜蓉粉絲蒸扇貝～超級大隻，新鮮又好食，隻隻多汁。豆豉炒聖子～隻隻好似筷子咁長，又彈牙又新鮮。嘩芝士開邊蒸龍蝦～真係好豪，龍蝦啖啖肉再加上濃味芝士，真係想食多隻。隻隻匙羹咁大嘅鮑魚，一啲都唔硬，啖啖肉好易咬。我相信老人家都可以食到。鮑魚螺片燉湯～精華去矖碗湯入邊，好快已經ko!蜜汁甘蠔～我就不係太食蠔，佢整得出面乾身，入面多汁，如果愛吃人仕會愛上他吧！清蒸海東星～不洗講婚宴最貴酒席都係用海東星，一定好好食，佢蒸到剛好。炸子🐔～因為頭先已經食到好飽，去到隻雞已經停下來離然佢好似好好美味。海鮮蛋白蟹子炒飯～我朋友話佢都好食，個飯濕濕地帶有蟹子粒粒好美味

今日親戚請食飯，特登嚟到三聖村食海鮮 ，親戚已經安排好一切，佢一早嚟到去左揀海鮮喇。我哋黎度就直接上咗酒樓，酒樓環境好好， 畀咗間房我哋坐得好舒適 。嘢食煮出嚟樣樣都好好味，尤其個椒鹽瀨尿蝦同埋酥炸生蠔 ，每樣嘢上枱都大大份，仲有個鹽焗膏蟹都非常正， 價錢係比較貴， 如果請客黎呢度就非常啱啦~椒鹽瀨尿蝦炸到脆卜卜， 十分正！ 如果再大隻啲同埋裏面有埋膏就更加正！ 酥炸生蠔隻隻都有手掌咁大隻 真係食一隻 都夠曬！鹽焗膏蟹，啲橙色膏流曬出嚟，食落啖啖膏

由年25開始，各種應酬團年飯，首先係三聖既海天開始，三聖係香港三大食海鮮既地方（鯉魚門，三聖，西貢），性價比最高，個人認為係屯門既三聖由於晚餐太忙，大家決定中午團年，亦係呢間海天既特色，中午既可以飲茶，又可以買海鮮豪食，團年飯，梗係選擇豪食係海天外面既海鮮檔，格左價，買完海鮮入餐廳，海天屬於三聖地區最貴既餐廳，通常餐廳好準，買料幾多錢，加工費就幾多1比1，但由於比較坐得舒服，因此係要俾貴啲30個人，分左三枱，每枱10個人，就10個餸，8碟海鮮，一碟燒味，一碟菜燒味推介燒腩仔，皮脆肉嫩，叉燒半肥瘦，蜜糖脆皮避風塘賴尿蝦，炒得乾身夠香辣元貝蒸得啱啱好，粉絲吸味，蒜蓉香其他屬於中上水平

春節初一に大人4名と子供3名の日本人だけで訪店｡鯉魚門や西貢より安くつく印象を持っていたが、全く違った。外の魚屋でガルーパ1尾と中蝦12尾､ホタテとマテ貝と蛤を人数に見合った量を購入し約1300HKDちょい｡高っ！そして、ここの調理代とチャーハンと芥藍の煮浸しに藍妹4本と🈂️込みで、こちらも1300HKD弱｡くぅ高～！春節初一&日本人価格と思われ、普段のように香港人のヘルプがあれば、もう少し何とかなったと思う。今回は授業料｡まずは自身が相場を知らねば｡だが、店員の愛想はよく、テキパキと対応し雰囲気は良い。そして店内は清潔で味も悪くない。価格面を除けば合格点｡(全体的に薄め。濃い味好みには不足かと｡)

老細請食飯，佢話依家食海鮮，唔一定去西貢或者流浮山，屯門三聖都好好味。之前未試過，今次要試真D我哋先去附近嘅魚檔買材料（啲同事見到啲海鮮已經興奮到暈，樣樣都話想食），買完材料帶到海天加工（秘書姐姐預先book咗枱，唔使等)，聽聞海天係附近不錯嘅飯店。我哋有豉椒炒聖子/炆龍躉頭/上湯蜆肉/蒸蟹/蒜蓉賴尿蝦。超贊的是蒜蓉賴尿蝦，D蒜蓉炒得好香，有啲同事仲攞嚟撈飯添龍躉頭先用粟粉炸過才炇，但D粉就厚咗D，蓋過D魚的鮮味。除咗海鮮，我哋仲叫咗幾個小菜，味道都幾好。其實食海鮮除咗靠本身的鮮味，後期加工都好重要。今次呢間鋪頭嘅加工質素好好

今日陪呀姨去飲茶，佢就渣左部車去屯門海天，海天？唔係剩係食海天咩？呢度一向高消費，不過阿姨貪佢有代客泊車就黎呢度。都幾多野食黎到有花生招呼叫左幾個點心，個叉燒包幾好食，入面應該是靜叉燒，最少無根和好軟，好好食

八歲那年的暑假，被父母「流放」到加國一個月，在好客的親戚照料下，我回港時足足胖了一個碼，每天吃著豐盛的早午晚三餐、遊過大大小小的景點和遊樂場，至現在每每回想還是會讓人回味。當時才二十出頭的表叔現在已是兩子之父，十多年未見，得知他回港公幹數天實在異常開心，想不到他體態容貌仍能保持在當年那樣子，還是那麼高大威猛，最多近看多了幾條皺紋而已，若然未婚想必能迷倒不少美少女。 話說回來，難得來到，當然要帶他去吃海鮮。吃海鮮我們一家喜歡到三聖，訂不到另一家較有名的，退而求其次來到賣海鮮旁的大酒家，貪其方便，坐得亦算舒適。一行四人買了約一千元的海鮮就拿過來給他加工，收費寫在菜牌上，我沒多留意是了。 鹽焗奄仔蟹一分為二的奄仔蟹大大隻，三隻都肥美飽滿，蟹羔呈鮮黃色，味道甘香鮮美，忍不住要閉上眼睛慢慢細味，而蟹肉亦非常紮實，一大疏一大疏的甚鮮甜。 椒鹽瀨尿蝦很久沒吃這道，替牠鬆骨之後小心翼翼地由兩邊剪開，不太喜愛中間結實的羔的質感，可幸肉質爽甜彈牙，有吃龍蝦之感，香口惹味，惟椒鹽碎會不受控的四散檯面，有點狼狽。 豉椒炒蟶子王顧著吃其他費時的餸菜，想起這味時已回室溫了，有點可惜；吃蟶子我都是愛吃大大隻的蟶子

公司請食海鮮，唔係唔去嘛海鮮都係熱心同事買，然後加工。龍蝦啖啖肉，新鮮又爽，正，係咸左少少好好味！又鮮又甜，啱啱好，如果太過火，就會韌了勁大隻超多蒜蓉！好好味但有小部份同事食到有沙，似乎我太好彩食左幾隻都無事呢個比較失望，以為會整砵酒焗蠔，唔知呢味係咩，蠔係肥美嘅，不過整得有少少膩。。。鱔就無咩興趣，都試左少少，肥美但有腥味，應屬正常？最後一道，個個都食飽飽了，無咩人食，都幾彈牙同事推薦，所以再叫，都幾好食海天其實唔算好好食服務又唔係好，D侍應無笑容又要叫幾次先應你。上次同客食飯已經體驗過今次服務態度都都係咁。今次上菜仲要亂哂次序，一次過上幾樣，未食完第一輪又緊住上第二輪，食唔切又會凍哂，海鮮凍左就....唔明點解會咁安排Overall D 菜整得都幾好食！但唔算非常出色。最後以佢嘅椰汁桂花糕作個完全句號