海天花園酒家

營業中

休息中

👩‍❤️‍👨與家人1月26日（年廿七）的年夜飯，一個幸福又開心的大家庭❤️「關財記」的新鮮又生猛海鮮🦀🦐🐟🦪🐚配合𦷫天花園酒家的廚藝，綜合了酒家的廚房食物，匹配的時間，就是人生的幸福快樂🎉🥰———————🦀🦐🐟🦪🐚原隻巨型阿拉斯加蟹，特大賴尿蝦、生猛基圍蝦、東風螺、巨型班頭腩兩味製作，蝴蝶蚌、松皮蟹，桶蠔（薑蔥生蠔堡的製作），各款海鮮都煮得相當不錯，時間火喉時間也相當恰當👍—————🐷半肥瘦的叉燒，豐富又適當的蜜汁，肉質軟熟無比🐔沙薑雞和炸子雞兩款味道各有不同，肉質亦相當嫩滑。杏汁豬肺湯，滋潤養顏，味道甜美蝦乾扒菜膽，鮮甜好味甜品：椰汁紅豆🫘糕，足料椰香和紅豆的口感甜品：芒果🥭布甸🍮巨型的壽桃包：裏面原個咸蛋王，豐富蓮蓉、包肉軟熟好味道———————大家庭的溫暖⋯⋯共渡佳節的歡樂其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————

第一次去食位於屯門三聖邨嘅海天花園酒家，今次既體驗覺得真係都幾好食，下次再去三聖食海鮮我諗我都係會嚟番呢度加工👍🏻。今晚有椒鹽瀨尿蝦（不錯）、焗芝士琵琶蝦（啲芝士有啲膩） 、燒鵝（出色！）、蒸魚（有少少蒸過龍）、豉椒蟶子王煎米底（好味，尤其係煎米底非常出色，又薄又脆）、油鹽焗奄仔蟹（正常）、蒜蓉粉絲蒸扇貝（正正常常）同埋蝦乾上湯菜心（都係正常）其實有正常水平已經好好，起碼唔係差或者係難食😅。今餐真係好豐富！好滿足！好味！至少無浪費左啲海鮮😊。

本身諗住開開心心飲餐茶, 雖然唔係超級熟客, 但都叫做去親三聖都一定去呢間酒樓幫襯, 而家blacklist左呢間野, 都奉勸大家入去幫襯前要諗清諗楚。朝早已經唔多人, 我地多人要左兩張枱, 但未有碗筷等等餐具, 咁眼見起碼有幾個人做緊野, 都已經等左陣先叫人擺枱, 第一個話等等, 咁咪等囉, 但係又去招呼其他人, 隔多陣又叫另一個人擺枱, 又話等等, 個個都西口西面, 叫左起碼3-4次完全冇人理, 成個過程已經起碼10分鐘有多, 但遲過我地來既客人已經係招呼緊, 谷鬼氣咪出去叫個短髮知客叫佢幫幫手搵下擺枱, 勁差態度, 超級無敵冇禮貌, 仲要大大聲話咁咪等下囉, 係咁嫁啦,  一個人做野嫁炸, 完全係趕客態度, 問佢等幾耐又話唔知答唔到, 仲要兩張枱已經俾左我地, 仲夠膽死叫另一個人坐我地張枱, 訓醒未? 唔係有大有細, 真係想轉場。野食已經差左好多, 價錢唔算平都算, 之前試過酒位明明10位, 夠膽死收你16位茶錢, 睇漏單真係收多錢都唔知。真心從未試過嬲到要來打評價, 等多D人見到唔好去幫襯, 否則包你扯火。

食品質素坦白講每況愈下，我係這間茶樓的常客，但係看得出客人越來越少，食品嘅質素越嚟越差，點心、小菜的件頭越縮越細，咁都算啦，部份職員態度非常惡劣！要俾錢受氣，唔怪知越嚟越少食客。就以今天為例，今日帶老人家去飲茶，入去才知送樓上樓層裝修不開放，然後粉藍色衫東菇爆炸頭知客叫我們去地面樓層，老人家行動慢，遲疑了一下，她便非常不耐煩並先俾位後邊的客人，然後叫「你們站在這裏等吓啦咁」！我可是帶着一位行動不便的老人，竟然要老人這樣的罰站，這是怎樣的操作？！我立即離開這間垃圾酒家。這樣的員工根本就是倒老闆米，反正這酒家質素也每況愈下，不飲也罷，只是服務差劣如此實在不得不在這裏公開！帶老人的食客還是去別家吧。

晚市入到去已經只得幾枱人客，冇人招呼，叫短髮經理態度極差，見我哋帶咗幾支酒上嚟，話要開瓶費$180一支，之前一直唔需要，跟住多多原因話無可能，係都係之前嘅事，黑晒面，今時今日晚市差係有原因。叫小食埋單走人，吃小食途中隔離有一台12人帶咗超過四支酒喺度，非常熟絡亦都冇提醒要開瓶費。去附近兩間海鮮酒家招呼非常好，免開平再加冰桶再比九折，招呼殷勤，味道亦相當好，老闆更時常出嚟招呼落手落，抵讚，咁先係做生意

第一次喺三聖食海鮮。海鮮購自 #三聖墟海鮮市場 嘅 #威盛生猛海鮮，並在鄰近的 #海天花園酒家 加工。酒家經理熟練介紹如何炮製各種生猛海鮮，我只需坐享其成，食食食～豉油王蝦好食到吮手指！（所以後期很多菜式都沒有拍到獨照）象拔蚌兩食 - 刺身 & 椒鹽象拔蚌膽第一次食椒鹽象拔蚌膽，原來咁鮮甜，椒鹽炮製零腥味！清蒸三刀魚無幫味餸影到close up，但睇睇條魚嘅真身就知佢幾好食，只係略嫌蒸耐咗少少～清蒸鮑魚肉質彈牙好味！豉椒炒蜆同其他菜式相比，無辦法～真的比下去～醬汁稍為太多～P.S. 沒拍照，但酒家送嘅海鮮湯很清甜美味！

本身滿心歡喜嚟見家長飯，係海鮮檔嗌咗四隻瀨尿蝦嚟椒鹽食，點知嚟到得三隻，問完個傳菜姨姨就叫咗經理過嚟處理。個短髮女經理離遠第一句就大大聲問我地係咪肯定有四隻！話佢無數到有幾多隻，唔肯定我地係咪真係有四隻。聽到都火滾！明明個女經理落單個陣自己都寫四隻，我地係客人唔會知佢有無數，但數隻數係佢嘅責任，同埋佢唔數就唔應該寫四隻啦！一餐飯本身開開心心，依家全枱人都㷫烚烚，火都嚟埋！真係多謝晒！短髮女經理態度惡劣！垃圾！

今個月佛誕嗰日入去飲茶，都唔知有咩地方飲茶就搭的士去三聖邨，求其見到一間就走入去，見到下面沒有位問過部長邊度有位佢話上面，一入到去已經招呼10分惡劣，基本上冇人會招呼你，問個肥部長攞支筆因為要畫點心，佢一手飛埋我哋張枱嗰度，心諗有冇搞錯，李飛到我一定報警，其實佢哋都唔係好忙只係唔想做嘢貼晒埋牆傾閑偈，唔會同你加水唔會服務你，將點心紙我都係自己拎出去，俾錢嗰時仲要鬧你排隊啦，乜乜物物乜乜物物，俾你都唔好去。

本來諗住一家人開開心心食餐生日飯，結果體驗到史上最差嘅餐廳服務！我哋食飯當晚買埋海鮮 6:30 pm 到達海天，7:05 pm 齊人就叫服務員照住已經溝通好嘅烹調方法去煮海鮮，另外加咗一份叉燒同菜心。7:10 pm 上叉燒，味道同溫度都一般。7:20 pm 左右上菜心，竟然係凍凍嘅😅 7:50 pm 一碟海鮮都未上，請咗位紅色短髮嘅女子幫我哋跟進，點知我哋未講完佢就已經一句：「落咗㗎啦！」諗住敷衍我哋，再繼續同隔籬枱嘅熟客吹水，冇再回覆我哋嘅查詢。我哋要問返佢嘅同事先知道食物嘅情況。紅髮啊姐啊，我哋都等咗45分鐘先請你跟進一下情況，唔想做生意不如執咗間餐廳？如果淨係做熟客，不如喺門口寫到明？最後等到 8 pm 先上到海鮮，順帶一提，蒜蓉蒸帶子呢樣咁簡單嘅餸，竟然係冇味嘅~多謝海天俾咗我哋一次畢生難忘嘅用餐體驗，如果唔係熟客都唔好去幫襯，費事貼錢買難受

香港好食點心買少見少間間酒樓都連鎖工場交貨身為屯門地膽，三聖食海鮮就食得多呢間酒樓真係未試過天氣凍凍地，想食個燒味，同屋企人過嚟飲茶試試佢本身都係平常心飲個茶，但天氣凍太餓嘅關係，叫左個燒鵝叉燒雙拼，啪多個飯，正呀個燒味上檯，嘩左聲痴線，勁厚切叉燒，真係好好食，絕對係世一，絕對無伏，一食食左三嚿，飽左認唔住出個食評開心share下仲有個牛雜煲又係一絕，但只限星期六、日供應(太餓唔記得影相）點心更加足料冇得輸，食完唔會覺口乾連壺茶都好好飲性格比格高絕！對！有！下！次

作為一個屯門人，竟然冇去過三聖食海鮮，今次有元朗嘅朋友帶我嚟。首先係樓下唔同嘅海鮮舖自己買海鮮，再拎去海天加工，今次我哋買咗大大隻瀨尿蝦，南非鮑魚，象拔蚌，肉蟹，花螺同蝦，全部唔同整法，其中花螺整咗兩食，分別係辣酒煮同鹽焗，象拔蚌就刺身，內臟就拎咗去酥炸，蝦因為唔係買貴蝦，所以就整咗黃金，薑蔥鮑魚煲，鮑魚彈牙鮮味，最好食一定係椒鹽瀨尿蝦同避風塘炒蟹。今次每人食咗$600左右，海天大大間，坐得好舒服，上菜速度都算快，下次帶啲唔係屯門嘅朋友入嚟食吓先

我未試過打食評，今次一定為呢間野而打！總之服務態度差到一個點，十問九唔應，應親就勁臭串，唔係做生意，幾好食都死，更何況啲味道真係普通到到不得了，真係唔明憑乜收咁貴！海鮮加工費仲貴過我買料，之後佢切餅費既野就一句話收五十蚊呀，講完我想問多句扮聽唔到，大聲叫都唔理你，成間舖係得一個阿姐叫做好啲態度，其他就正垃圾！行到cashier到投訴又扮聽唔到，真係唔知呢間野點生存到而家！講真香港啲飲食業呢排成日話唔掂，大佬你地呢啲咁既服務態度同質素唔死就假啦！btw希望佢唔好執，長做長蝕！🤣🤣🤣

呢度零Service個阿姐勁過李嘉誠話說小弟個小朋友倒瀉水,都有唔該前唔該後喂想叫阿姐幫忙清理個樓面阿姐係一米範圍內，完全無視，即係9秒9走去扮執檯。我即刻大聲會叫佢幫忙，佢無得扮睇唔到之下，居然就話塊布唔索水佢都繼續走咗去扮冇嘢，我最後係攞布俾佢抹枱，佢話都抹唔到枱嘢食就正常，但係服務態度真係欠佳，大堂經理睇到有當冇事。冇特別嘅都唔好嚟啦，因為真係好驚人。如果你想俾人黑面嘅歡迎挑戰。有無搞錯，米之蓮食府？？！！

一共叫咗六個菜，其中一個係客家釀豆腐，入面有六舊，全部嘅豬肉都係未熟透。豬肉可以生食㗎咩？之後叫侍應過嚟，同佢講啲豬肉全部未熟。佢嗱嗱臨叫我哋倒返落個煲度，想瞞天過海當冇咗件事。道歉都冇一句。之後同佢講話會去報食環署，叫佢通知部長有豬肉未熟就比客人，竟然當冇咗件事走咗去。本身諗住大事化小，換過一煲熟嘅嚟就算啦。點知根本冇跟進到冇人落過單。成餐飯食完喇個釀豆腐都仲未度。再叫個侍應過嚟問係唔係漏咗單，仲要唔肯承認。話一係取消，一係即刻整過俾你。從頭到尾一句道歉都冇。最後埋單仲要叫極都無人理，竟然仲好意思收我+1服務費？？？原來依家做飲食生意係咁做。依間嘢真係冇下次。

今日我去咗三聖邨買咗啲海鮮，然後帶去佢嘅舖頭加工。但係，我發現佢哋嘅食物加工過程中有啲問題。用咗嘅重量計睇落會發現重量比我買嗰陣時重咗，所以加工費用都高咗啲。條魚15兩計我18兩都算啦，最大獲嘅係我只買咗一斤沙蜆，佢哋竟然按兩斤咁收費。當我向佢哋投訴嘅時候，佢哋答應會改正錯誤，恢復正確嘅重量。但係，當我結帳嘅時候，發現佢哋都冇更正。我再投訴多次先幫我改返單。我對海天花園酒家非常失望。佢哋唔應該呃秤。