海底撈火鍋 (金巴利道)

營業中

休息中

之前有試過喺大陸食過海底撈，之後香港都開咗海底撈，但係一直都未去試。今日就同左朋友去食海底撈，我哋係訂咗枱先去食嘅。但係去到嘅時候都有好多人排隊，好彩我哋訂咗位先，如果唔係就有排會等。嗰陣我哋等緊入去食野嘅時候，服務員會安排我哋坐低，然後佢會拎一啲小食同埋水仲有生果俾我哋食著等佢見到我哋食完仲會主動幫我哋refill，咁樣食食下就差唔多到我哋有位，侍應生會提早同我哋講張枱已經執緊，咁我哋飲埋杯水就入得去啦！一入到去發覺個地方都好大，我哋坐低左之後帶我哋入嚟嗰個職員會介紹另一個職員，嗰位就係負責幫我哋落單嘅人。咁佢會介紹晒係邊度拎醬料比一啲橡筋裝口罩嘅膠袋我哋。咁我哋聽完之後就開始落單，佢哋係用iPad落單，落完單之後我就喺iPad度咁黎睇下其他野，比我見到有得排隊整指甲，我就輸入左電話號碼拎左個籌！之後好快嘢食就嚟啦，好神奇嘅機器，個機械人會自動將啲嘢食送到去枱嘅隔離然後嗰個服務員就會拎去我哋枱上面頭先我哋今次叫咗一個麻辣湯底同埋大骨湯底至於嘢食方面我哋叫咗有炸饅頭，有一啲丸，有芝士牛肉丸半份，海膽丸半份，同埋菜，有金針菇半份，白蘿蔔同埋白菜各半份當然唔少得要叫一啲肉啦，我地叫咗羊肉卷

大陸果間海底撈就食過喇,至於香港呢間聽就聽得多,今次終於去試下個分別,相比起國內同香港係有唔同,喺深圳既海底撈，等緊嘅時候，出面有美甲服務,有玩具玩,仲有生果食等等，至於香港分店眼見就冇呢啲服務啦 不過大陸同香港又無得比，國內工資咁平請多幾個人多幾樣服務算得係咩又五係咩錢，同可能依加都係因為疫情嘅關係人數唔多,唔洗排隊,一入去就有位,本來想坐的位置本身唔俾坐,兜兜轉轉經第二個同事開口又俾坐喎，哈!仲唔喺顧客至上，喺哩個用餐時間裡面發現大部份服務員都係國內人,不知道是否迎合番海底撈是大陸的來源呢?!好喇，兩個人叫左一台大部份都係半份既款式，點左個鴛鴦湯底,一邊辣一邊唔辣，味道都幾好，麻辣湯底配豆腐簡直绝配,超辣愛吃嘅朋友必點整體黎講,兩個人食左咁多款式1000蚊都唔洗,服務員態度又不錯，確實OK

講到餐廳最頂級既服務水準非海底撈莫屬。平日中午時間去到，一出lift就係90度鞠恭，前台幫手儲存大型行李，會有個牌仔俾你坐低就有前菜小食同時間店員拎出熱毛巾俾我地洗潔雙手。店員解釋左任飲飲品要加每位$15後，我地同意加錢，佢就立即送上飲品：熱無糖豆漿，檸檬茶和柑桔蜜。以檸檬茶最甜最岩的飲。湯底就係四格，其中兩格要清水比兩格湯底平。所以我地點左：豬肚雞湯底 和 什菇。Lunch set勁抵食，有肉加蔬菜拼盤和麵食。基本上有三份一要打包，因為加埋前菜和甜品。以沙巴魚最抵食，而個手切牛小扒質素超讚。店員除左反應快，仲比你想既更早幫你準備好。好似會介紹返醬料位同廁所係邊，宜家仲有印花可以儲，兩個印花以上就可以換禮物了，以小朋友玩具為主，自己唔岩送人都得。外賣做梗69折，可以帶回家既美味真好。女性用品一應俱全我地約左食未夠鐘想坐下，店員即刻送上奶油瓜子同甜品，真係一絕既服務態度。

海底撈的出名之處，相信大家都會知，現在疫情返唔到大陞食，好彩香港都有海底撈食，是日同HONEY去左尖沙咀的分店，真的好多人~~雖然要等，但幸好海底撈有小食同朋生果可以過時間，入到去坐，會有小食生果系FREE的，我地的枱會有職員主動SERVE我地，之後點左個青椒同埋蕃茄湯底，另外也點左海底撈滑牛真的好好食，由其個薯粉同埋豆皮真的好好食，另外同老公都點左好多蔬菜，因為青椒湯底加菜真的好好食，蕃茄湯底真的好濃，滾咩都好食，食食下，職員貼心地送埋小食包給我地,另外職員送埋甜點，真的又食又拎，食到食得好開心，職員的服務真的101分，真心覺得佢地好好

第一次食海底撈😋去到ＴＨＥ　ＯＮＥ附近見到海底撈有職員派緊傳單，開左咁耐，都想試下。見到個埸都算爆，而且途中見到個送餐機械人。職員就好細心講解餐牌同埋介紹自餐ＢＡＲ，包括係調料費$18/人同飲料$15/人，水果同小菜就自助免費。用ＩＰＡＤ落單，叫左個４宮格，清水火鍋、特濃既豬骨湯、同無渣麻辣湯。肥牛打邊爐必食，唔可以唔叫。牛板腱半份有五塊。推介雙色花枝腸，黑白雙殺，爽口好食。自家制豆腐，佢好有口感之餘加埋個秘醬，吾錯。午餐肉。芝麻花生辣粉配鴨血，鴨血的口感都幾好，吾太腥。好正係有炸曼頭食，剛剛炸好到金黃色，加上勁多練奶，軟熟香甜～仲叫左四川酥肉，炸豬肉條，點茄汁同辣粉，都幾特別。臨走仲送一袋零食比你走😂👍🏻

海底撈係香港開左之後都冇黎過，呢日朋友突然話想食就跟佢去試下!未黎之前都聽過呢度服務一流，又有美甲又有表演，不過疫情關係呢晚我地就冇享受到，但店員服務非常好，又主動又勤力。店員介紹凡地叫4宮格，有兩格係清水，有兩格自選湯底，咁就可以食到鴛鴦鍋而又平D!我地就叫左胡椒豬肚雞火鍋同蕃茄火鍋。兩個湯底濃到可以就咁飲，店員幫我地筆左D牛肉粒同蔥，俾我地撈落湯度飲，真係成個味道出哂黎，非常好既介紹!食物係禁IPAD選擇，店員會清潔個MON先，令客人用得安心，我地叫左精品肥牛、滑牛肉、雙色花枝丸、老油條、牛肉丸、烏冬同皇帝菜、除左雙色花枝丸外，我地全部叫半份，估唔到一份既雙色花枝丸係咁大份，每條好似蜜糖腸既SIZE，但有好多條，黑白兩種色，食落墨魚味濃，非常好食又抵食!老油條都係比較特別既一味，好似迷你版油炸鬼，浸落D湯度索一索湯勁惹味!推介!肥牛同滑牛都好新鮮，食到濃濃既肉味!特別一提佢地既醬料吧，非常多選擇任你配撘，另外仲有一款糖水同湯任飲，同埋D前菜、生果可以食下，雖然呢度唔係放題式任食，但呢個份量咁樣食法，真係又滿足又勁飽!

真係好耐冇出過去打邊爐啦！呢場疫症真係搞到無出過街😭😭上個星期終於少左個案，決定同男朋友出街打邊爐，兩個人應該都相對安全🙈聽聞海底撈係尖沙嘴都有分店，今次就覺得收工近近地過黎食☺️提早book左位，去到都係10分鐘就入得☺️兩個人坐卡位好舒服，一坐低侍應就幫我哋上咗啲小食，呢個小食係任食免費嘅，有豆皮絲同海帶絲，少少辣，作為前菜都幾適合🥰我refill左好多輪檸檬茶可以無限refill嘅感覺真係好正😍調料$18位，我哋都加埋飲料任飲$15位。飲料選擇有檸檬茶柚子茶同無糖豆漿，都算多選擇🤗我個人來講就鍾意飲檸檬茶，仲有常溫選擇，非常周到🤗呢度仲有好貼心地教你每樣配料需要滾幾耐，方便我地睇住6。海底撈提供嘅火鍋配料醬油特別多，可以我個人就非常鍾意大蒜🤣幾乎大部份配料都可以叫半份，真係非常方便兩個人或者三個人去打邊爐。美國牛小排（半份）$119 -呢款肥牛真係非常高質素，又滑又多牛味，我哋叫咗半分就已經有咁多，性價比非常高。呢款魚肉三文治（半份）$21-係海底撈嘅特別配料，我哋叫咗半份都有好多，食落口好甜好彈牙。本人非常鍾意食蓮藕，加落去麻辣火鍋湯底度，真係非常match，6耐d會更加入味！呢款

大陸嘅海底撈食過好多次香港嘅都係第一次食今日就帶咗未食過海底撈嘅朋友lunch嚟打邊爐😋原來依家lunch係有出lunch set最平嘅餐正係要66蚊 勁抵！！我哋就揀咗要羊肉卷同肥牛餐一開始食啲任食嘅前菜同生果先雖然係免費任食但係質素一啲都唔差生果好甜 前菜開胃🍉🍈如果小人一齊打邊爐嘅話我通常都會叫兩格四分一格湯 加兩格清水省錢大法😎我揀咗次次都會叫嘅蕃茄湯底仲可以免費升級加濃加蕃茄識食一定係打邊爐前飲啖湯先佢真係有超超超濃郁嘅蕃茄味酸酸甜甜咁 蕃茄控必叫🍅另外朋友就揀咗大骨湯佢滾耐咗會有淡淡嘅藥材味 都幾好味Lunch set嚟到嘅時候我哋都好驚訝依個價錢點解可以有咁多餸😨有菜有肉有丸有面牛肉同羊肉都好高質肥瘦均勻 又好有肉味同平時散叫嘅肉一樣高質拼盤嘅份量真係多到我嚇親正係魚蛋都有十粒 芝士腸有六條平時啲一人火鍋最多咪得兩粒丸仔😂另外仲有邊爐必食嘅鴨血 生菜 菇 豆腐皮 粉絲.....魚蛋好彈牙 腸仔勁有芝士味👍🏻粉絲吸收晒啲湯底好好食主食我哋一個揀咗即食面一個揀咗拉麵仲有拉麵表演睇唔少得海底撈必備嘅gimmick嘢✨有送餐機械人同全身消毒機最後想讚下依到嘅staff😍佢哋真係跟

之前食過一次覺得服務同埋嘢食都好好就再去食啦今次😍雖然都係叫返嗰啲嘢但係質素冇差到同埋今次要特別推介佢個炸饅頭！俾超多煉奶 內軟外脆，又唔油，真係一定要試呀同埋只係$22！今次叫咗半份和牛盤都好有牛味同埋份量比我想像中多兩個人嘅話真係叫半份就好啦🤣同埋湯底一定要試吓番茄同麻辣！可以叫佢加濃個蕃茄！麻辣我就覺得食到最尾有少少太辣但都好食嘅👍🏻仲有啲涼拌小食同埋生果可以任食今次我哋就見到係哈密瓜，啲哈密瓜都好甜，完全唔會因為係任食而俾一啲質素唔好嘅生果👍🏻

太耐冇打邊爐上星期特登去海底撈到食返餐，一上去已經有人同我地探氣，安排座位都有格開一枱，亦比熱毛巾我地擦手，提我們離開張枱一定要帶口罩，防疫措施做得好好。lunch餐價錢都可以，我們叫了兩個餐，分別係羊肉和精品肥牛，每樣都有100克，加C和D拼盤，C盤包括有蟹味菇，竹筍，魚旦，鴨血，生菜。而D盤包括有蟹味棒，羅白，筍片，金菇，油麥菜。每款套餐仲有一份拉麵和公仔麵。呢兩個套餐其實已經好豐富食哂好飽， 我點了兩格清水，一格豬骨，一格小麻辣。我最喜歡海底撈原因係佢出面個醬料枱，不同款的醬汁醬料，最正係XO醬，精品牛肉醬，我撈哂同一碗再去拌拉麵食好正，呢到仲有個特色，就係只要你點拉麵，師父就會係你面前即時表演拉麵的功夫。食完拉麵，我仲去拎左哈密瓜食好甜，最後結賬時仲有兩粒雪糕食。已經同朋友講好，過多一排再來食過。

今天第一次來到位於尖沙咀的海底撈火鍋餐廳 ， 服務員態度和藹親切，給予我們建議選擇四湯底為基礎，我們選了其中皇牌番茄湯底🍅和大骨奶白湯底好味😋 食材上我們最有驚喜一定是海鮮蝦，來到見到仲係蝦腳仍動，吃出新鮮蝦的原汁原味！同時今天我才知道簡單用一枝筷子便可以輕鬆脫蝦榖😂😂 又看到師傅在枱邊即場拉面粉把面條放到湯中，另外手切牛小排、肥牛、西班牙豚肉、響鈴、多種菜類等都是絕對有水準，值得再來品嚐！ 期待下次和朋友一起再吃！

雖然已經在北京和星加坡吃過海底撈 在香港還是第一次 比起北京和星加坡 想不到香港服務是我三次中體驗最好的一次啊 員工不停過來添飲品 又提醒我們豆腐要煮多久 好貼心湯底最愛濃郁菌菇味我們心中湯底排名:菌菇湯>番茄>青椒(麻辣)>大骨湯(有當歸味)菌菇湯非常濃郁 而且少見 令人驚喜 番茄味也是 青椒味唔會太辣 個人覺得屬於少辣 同行友人不常食辣也覺得美味 大骨湯較為普通 吸湯薯仔寬粉 同自家豆腐一定要叫薯仔寬粉口感煙韌 而且吸滿湯汁 又便宜 豆腐非常特別 中間有些小孔 豆味濃郁 也很吸湯 超讚！難怪係推薦食物牛羊質素高 丸子爆芝加青椒湯底好過癮羊肉超級滑 牛肉雖然係最平的精品牛 但係肉的紋路都幾令 第一次嘗試這裡的牛肉芝士丸子 一開始食差啲比爆出黎的芝心燙傷 個人覺得最夾青椒湯 辣辣的加上牛肉味很配！配菜水果好味又抵食最中意食豆皮前菜 糖水不會過甜 而且水果高質 芭樂完全熟透 又甜又軟 好吃 哈蜜瓜都係疫情預防措施足夠進餐廳前會量體溫 消毒雙手 出去拿食物一定要戴口罩 人均：$240味道：5/5環境：5/5服務 : 5/5CP值：4.5/5

自從打邊爐家族爆發左之後 聽講好多火鍋餐廳都執咗笠 搞到我呢個打邊爐熱愛者好傷心 不過好在有海底撈 21小時嘅營業時間 早上10點到第二日早上7點WOW🤩🤩 一到餐廳門口 職員已經好熱情咁樣招呼我哋 坐低就即刻針定茶水 佢哋有自家製檸檬茶同柑橘水 低糖健康無添加 🤩🤩👍🏻👍🏻 我諗我飲咗五六杯左右😂😂😂 俾咗錢㗎嘛😀今次我哋嗌左三個唔同嘅湯底 大骨湯 有少少藥膳嘅味道 個人好喜歡 越煲越濃味嘅感覺 冇湯渣麻辣湯底 正！ 十分正！因為我好唔鍾意食到一粒粒嗰啲(麻椒?) 但係我又想要食麻辣 呢個湯底真係好細心 如果你哋鍾意食嗰啲麻椒 佢哋都有一個係有湯渣嘅麻辣湯底 胡椒雞湯 因為我打邊爐嘅習慣係會不停飲湯底😂 呢個胡椒湯真係。。飲到全身熱辣辣 😂😂 當係區下寒都好😌 入面仲有幾舊雞 👍🏻手切牛小排 呢隻牛肉比平時嗰啲薄切肥牛厚身左少少 雪花多 滾十幾秒 點少少醬汁 擺入口 啲牛汁即刻別出嚟😭😭😭強烈推薦！👅👅 你地一定要試！我哋點左半份 價錢好抵 份量上都有十幾舊 值！👍🏻👍🏻本來我哋冇點到佢哋嘅豬肉片 不過可能機械人送錯

我係超鐘意打邊爐既人，約親人食飯都會提議打邊爐😂海底撈相信好多人都聽過或者返大陸食過，而家香港都開左幾間分店喇，我前排係荃灣西鐵站果間食過，今次係尖沙咀食，2間都各有特色，荃灣果間個爐會自動感應升上等你易夾野食，尖沙咀呢間有機械人送餐！食過海底撈既人都應該完全感受到賓至如歸嘅感覺，服務態度真係好到不得了，連個洗手間都正過人，有埋綁頭髮橡筋、牙線、牙纖.食物方面：✨自助調味吧，有十幾種調味料自由配搭，有水果、有冷盤、有湯、有糖水✨湯底：胡椒豬肚雞/青椒火鍋 $88✨鴨血✨撈派黃喉✨脫骨鴨掌✨雙色花枝腸✨響鈴✨土豆寬✨手切筍✨黃糖糍粑一坐底員工就奉上一疊水果，臨走仲送一袋零食你走，滿載而歸😂😂😂

最近疫情開始有點紓緩，原定的海底撈之約終於成行。海底撈的名氣早已聽聞，但卻是第一次試，今天一試，真的名不虛傳，很多服務都非常貼心由於正值疫情，服務員會自行量體溫、消毒，又會向客人派口罩保護袋、屏幕消毒貼、熱毛巾等，完全令客人放心，難怪午市的火鍋生意算不錯，當天有不少食客都是一家人來光顧特色推薦：是次午餐兩人同行，點了個四格鍋底（蕃茄、大骨、菌湯、清水） — 鍋底十分足料，材料算是新鮮，主要是湯底味道合胃口！服務員更幫我們用湯底+調味料混合，泡制了兩碗蕃茄碎牛肉湯，味道一流，第一次知道有這種食法！份量方面，如果兩人，午市套餐點一個鍋底+一個套餐，已經足夠。個人喜好，火鍋必點的午餐肉及墨魚滑，我們加了$15任飲的金桔蜜及檸檬茶，吃好東西好服務就是享受選擇撈面還可以看到海底撈的師傅表演，我們還問師傅有沒失過手，有表演感覺值得特色推薦：海底撈相比其他火鍋店，除了服務優勝外，亦留意到他們引入了自動傳餐的機械人，效率高，亦是對員工貼心的小設計。難怪所有店員的態度都很好，令人覺得舒服