海景咖啡廊

營業中

休息中

為咗慶祝同事升職，一行15人去海景嘉福酒店食自助餐賀一賀～六點二十分就到達酒店，我們在大堂等候進入海景咖啡廊，等了五分鐘左右，大堂的保安員就邀請我們到餐廳用膳，職員安排我們坐近窗口的位置。沿途看到豐富的美食大家都急不及待衝出去攞嘢食，男士們第一個目標就是新鮮即開的生蠔、還有非常吸引的長腳蟹，多肉多汁，忍不住吃了足足五大隻蟹腳、龍蝦都是大家的至愛，但肉質略硬，比較乾身。值得推介嘅係牡丹蝦刺身，口感一流，非常新鮮，每次限攞兩隻，大家都忍不住食完再食。廚師即煮的鵝肝多士亦非常受歡迎，肥厚油潤的，同事食足六件先肯收手，值得一試。即燒嘅乳豬仔都非常受歡迎，乳豬差唔多燒好的時候，職員會告訴客人有新鮮乳豬食，一隻乳豬仔分到大約20人。甜品方面，opera 好好食，朱古力味唔會太濃，整體又唔會太甜。焦糖燉蛋同外面嘅有少少唔同，因為佢用咗粗粒嘅糖，蛋味係夠既！Movenpick 雪糕相對好快溶，嗱到埋檯已經溶咗，同事話呢啲先叫真雪糕。整體都唔錯，服務員好有禮貌，收碟都幾快。Openrice咁岩做緊優惠，$450全包食到有質素嘅美食，要求唔高嘅都可以一試，位於尖東站又方便，食飽行陣海旁消化下先搭車，都幾好

因為是聖誕節所以和家人訂了這裡6個人一起慶祝安排了一個比較私人感覺一點的位置 雖然看不到海景 但位置非常舒服 有獨立房間的感覺因為有小朋友 所以安排了這樣的位置也不怕吵到別人一家人都非常滿意整個環境食物方面因為是五星級酒店所以沒得挑剔 有不同國家的選擇 海鮮非常豐富 也很新鮮平常對海鮮非常講究的爸爸也對這裡的海鮮讚不絕口說是很鮮甜又多汁 他尤其喜歡這裡的長腳蟹 生蠔也是很不錯也有壽司 魚生 咖哩 牛排 和傳統的火雞 烤牛肉等等但是如果是帶小朋友一起來的話 因為是比較高級的自助餐大部分食物都是生冷的海鮮類 或 辣的食物居多小朋友侷限於壽司 或 義大利麵類 或是甜品 順帶一提 這裡自助餐的甜品種類算是非常多 雪糕 馬卡龍 巧克力噴泉 水果 不同類型的蛋糕 餐廳服務也是很好 本來怕因為位置比較偏僻 服務會比較慢 但是服務生收碟的速度很快 基本你一吃完他便幫你收了讓環境非常乾淨舒服 酒店還安排了聖誕老人出來派禮物 哄哄小朋友不會只有大人開心 小朋友無聊 因為沒有期待會有聖誕老人會出現派禮物給小朋友所以也在家人的飯局中添了一點樂趣 吃飽後還可以到附近的海旁散散步和拍照是一個服務食物都非常好的自助

好耐無來，10月有個新食物主題-龍蝦海鮮盛宴,龍蝦味道好好味，蟹腳好鮮甜.天婦羅蝦好大隻,新鮮炸起食真係一流,意大利粉之前有5 款,現在得返3款,食得唔夠喉,扒牛排好JUICY,有即開生蠔,但我對生蠔麻麻地,有燒乳豬食,不過限時供應,但係岩岩燒起就真係好脆,甜品有好多款式,細細件容易食,心太軟超流心,我食左4個,仲有6 款haagendazs 雪糕,真係好滿足啦,加多杯ICE LEMON TEA ,飽飽飽,一問原來信用卡做甘hsbc +citi bank 78折,希望下次來繼續有其他美食

一間又貴又難食的Lunch Buffet，一定不會再光顧了. 首先，講下Buffet必食的生蠔、蟹脚和蝦. 生蠔好細隻没鮮味; 蟹脚好咸而且食得出不鮮，應該浸咗好耐咸水來保存; 蝦算係三樣嘢中最好食的-彈牙. 整個Buffet算係食得落口只有甜品和乳豬，但同其他Buffet(例如Holiday inn)比甜品選擇好少唔吸引; 乳豬算幾新鮮.不過總體熟食選擇好少. 講一講環境，整個空間黑漆漆.

上個月就約定家人襯我今天休假，一起來嚐過lunch buffet.。這裡來得特別多，貪佢有蠔食 我今天都吃了一打生蠔，今天的蠔好正呀，又鮮又甜。另外今天個炸雞翼，炸得好好正，皮脆肉嫩very good。小法包好味，又吃了兩個 但可能是天氣熱，沒有炖湯只有中湯，本來湯味道還是不錯，但溫度就差些，而且太多人搞，溫度完全不熱，只是微溫，喝湯最怕這個感覺，沒炙口就沒滿足囉。中式食品一次比一次小款式，呀媽對此彈不絕口。 弱沒來幾個月而已，但感覺就有不如前般，沒有新驚喜之餘，卻似乎有些食物在減小中，幸好佢好多食物都好有水準，肉類還是挺不錯的，多吃幾件仍然是大滿足的。希望酒店可以提升番或保持吧，我多不希望他會慢慢被我淘汰於名單中。

舅父生日豪氣請咗成個家族食自助餐海鮮正三文魚即切新鮮蠔每次限4隻雖細但味濃又甜燒烤推介燒pineapple!!!又甜又多汁羊架也不錯不過燒左2轉就無再出了另外 1930 同2030有驚喜即燒乳豬記得排定隊甜品好多花款不過不失 

昨日囝囝玩完跆拳道比賽話肚餓, 叫我帶佢食buffet. 睇咗openrice 揀咗有八五折Café on M 貪佢哋做日本布菲,囝囝最喜歡食日本嘢所以試下. 我哋全晚最鍾意蟹腳新鮮非常,啲肉彈牙一梳梳.新鮮帶子, 厚肉肥美, 海水味重.Home made 燒乳豬非常脆身, 食落唔想停.甜品我最鍾意黑森林, 層次分明.服務方面都算好,囝囝叫肉醬意粉時,多人在排隊. 但十分鐘後意粉已經係我哋枱子上. 看出廚師細心對客. 當埋單時服務員還提醒我哋外面正大雨遲些才走吧. 可借爸爸不在, 為有等父親節. 

今日既行程係食完自助餐， 在去紅磡睇戲！自助餐時間由十二點至兩點半， 唔執輸既我一定早到啦！兩星期前已經打電話去訂位，安排坐window seat， 感覺好舒服！第一回合專攻海鮮！有即開生蠔，凍蝦，長腳蟹，海螺，青口。生蠔一次有四隻排得多食得多，我就排左兩次！ 生蠔係 coffin bay, 有咁上下水準不過比較瘦，唔夠肥， 海水味ok，食自助餐 有生蠔算係咁啦！長腳蟹都好新鮮，好鮮甜！其他熱盤都冇乜特別，不過可以主式下個雞粥我覺得唔錯！ 燒牛肉比較老…… 中式點心可以不吃！食得唔多轉戰甜品！ 甜品款式多，全部都係細細件，可以食多幾款！ 如果鍾意食朱古力推薦你食雪糕！雪糕好濃朱古力味，真係好好食！ 唔鍾意食朱古力，可以食夏威夷果仁雪糕， 有d焦糖雪糕度甜甜地好好味！小小cheesecake都唔錯， 都可以試下，其他不過不失！ 豆腐花可以唔食！ 硬左少少！你間自助餐都幾爆，可以早d book就好d！

今日又去左食Buffet喇！朋友講尖東海景嘉福酒店既buffet好食，所以就趁得閒去試下！呢間酒店裝潢都好靚，真係好期待一間既晚餐！呢間酒店既buffet有啲貴，但質素真係好一般！食物既種類的確係好多，有熟食冷盆，好似燒牛肉，三文魚刺身，炒飯麵，甜品甚至長腳蟹都有！可惜既係雖然多選擇但個質素真係麻麻。三文魚雖然係厚切但唔算好鮮味，炒飯麵又痴埋一舊一啲都唔爽口。生蠔又細細隻仲要有隻有沙。最激氣既係長腳蟹，睇落好大隻但其實入面啲肉勁少又痴殼。唉講真以呢個價錢真係唔抵食，下次未必會再黎。

很久沒有來海景嘉福進餐了,想不到又是我最喜愛的泰式推廣.ニ十元一支的泰國Singha啤酒完全是驚喜之一,一般的價錢絕不便宜的實應一贊.不同的咖哩配上米通和蝦餅加上獨有的醬汁真的一流,令人食慾大增.而令我最滿意的是手製的泰式木瓜沙律,十分新鮮廚師亦十分有禮.不同的泰式甜品更是我的最愛,十分喜愛當中的泰式椰汁糕.員工的服務態度十分專業認真令我非常愉快,希望下一次試一下晚餐吧.

之前聽同事提過下呢間既buffet 中價黎講，值得試下，之後無左回事。竟然無意中比我見到有七五折coupon就試下啦,幾滿意比起出面佢唔算有好多款式，但大部份食完都會拎多轉，唔似之前貪平去九x酒店到食,係就勁多款式呀,不過一係無味，一係唔新鮮，好味個d出一兩轉就話無晒明明你分兩段時間自助餐,點會無晒呀,火都黎簡直浪費我d qouta 呀，呢到d野起碼叫好味,肥少少都無咁dum心入正題,我老公鐘意食熟野既，佢勁食燒牛肉,燒菠蘿，羊架，乳豬，咁啱今個月做泰國主題，有d辣野同煎炸香口野，佢就好滿意喇我就識食d，鐘意海鮮同甜品，生蠔即開既，長腳蟹好鮮甜，最緊要唔咸，仲有佢呢到d意粉要提一提，彈牙架，超正，廚師話d 意粉homemade 架喎,加埋我鐘意濃濃既忌㾾汁，細細碟,食左三碟，拎到有d唔好意思沙律我食左少少，d菜爽既，合格，我老公食肉獸都食左一大碟，Parma ham ，中西湯都唔錯，係甜品唔算太吸引啦，不過有pancake 同Haagen Dazs 雪糕都飽到上心口了呢到d侍應收碟都快手,主動加水唔駛叫，入去既時候帶位小姐見我望一望個風口，即刻問我係咪覺得凍，要唔要轉位，好貼心喔

今餐的食物質數，對比剛從台北回來的我，就在台北喜來登酒店內的十二廚裡食個豐富的一餐後，真的沒什麼能比，能比得上的就是唯一的生蠔，因為十二廚是沒有生蠔供應。咁說句公道的，別說這家，就算算埋我在香港所有吃過的自助餐，都實在沒得跟台北的十二廚比！如果今餐這裡沒有生蠔，我也許不會再給這裡評得高分！食物基本上對來過十餘次的我，變得平平無奇！當然，不變未必是壞事，起碼不會改變而推出不好吃的食物。今天要勁讚的是生蠔，開得快已經是這裡最特出的特式，配合埋今天肥美鮮的生蠔，真的吃到讚都來不及，搵不到位去踩兩腳以這個價，吃到3／5／7打蠔的都一定回本。面包是這裡的強項，愛包的這個是亮點。其它的食物如燒牛肉，其實很不錯，我吃了薄薄的一片，以香港的酒店來說，算有水準。而其他保持水準的，還有鐵板燒的肉類都是不錯。但今次選了烹個現烹的意大利飯卻中伏了，米是硬的同生米，實在另人失望。今天吃得清左，有吃沙律卻沒吃雪糕忘記左囉！星期六晚，不同人迫，又可以坐上兩3個小時傾計，都係選擇吃自助餐穩陣，至小不會限你吃1：30-2個小時，$500蚊食多兩打蠔，都係抵俾的。

同朋友黎食生日飯,呢一餐真係唔錯. 先講頭盤方面,沙律種類都算多, 有蛋沙律,蝦沙律,雞肉沙律,牛腱沙律同希臘沙律. 到正餐方面, 有幾款中式小炒(仲有我最鍾意食的炒蟹).另外仲有燒牛肉同燒菠蘿食. 係另一邊就有BBQ羊扒,三文魚同牛柳. 不得不提佢地得意粉同意大利飯,一碟份量不多,可以食曬咁多款最好食都要算係即燒乳豬,做到真的ga皮脆肉嫩,味到一流,不過份量太少  撞正今個月做緊泰國食物推廣,$20可以飲到泰國啤酒singha($20抵唔抵就見人見志喇)埋單一人$三百幾,算係唔錯

識HIGH TEA一定係去酒店餐廳/ 咖啡室嘆。朋友貪呢度近尖沙咀方便行街，加上環境唔錯，所以大家就揀左海景咖啡廊過個寮意下午。要左個TEA SET，連飲品都唔算特別貴，二百蚊有找，而且仲有現場鋼琴表演，質素都幾唔錯。從上層開始食，係有肉的漢堡包或三文治類食品，咸咸地幾好食，呢層的咸甜SCONE都有四款，數量種類都算多啦。推介PARMA HAM同三文魚，係較好食的兩款。中層甜品亦係最常見的一行，CHEESE CAKE, CHOCOLATE CAKE味道不錯，FRUIT TART就嫌水果唔夠新鮮，而且濕濕的水果汁令個TART失去脆口感。PUFF亦都好好食，係筆者最欣賞的。不過要講運氣，因為朋友的PUFF則皮厚餡少，令他好不盡興。底層是MUFFIN和MACARON類，老實講食完上兩層已經飽飽地，而且MUFFIN粉味好重，食落一般，MACARON亦都好睇口味，黃色味道正常，粉紅和綠的味就則淡而怪。飲品類要左DETOX茶，正常，不過茶味可以更濃。

今日去左海景食lunch buffet,見到都好多野食，刺身都有好幾款，有乳豬食幾好食，師傅即製意份有鵝肝炒飯，即意大利飯最好食，甜品類不算太多，但大部分味道都唔差，藍莓脆脆幾好食，熱食唔算太多選擇，有盆滿x滿新年菜式都ok啦，同紅豆沙裡有芝麻湯圓，都幾好食，椰汁年糕，角仔都味道唔差，其他熱食款較大路，有h字頭雪糕六款，有中式湯木瓜雪耳湯都幾好飲，我覺得甜品類最好食的……總結尼講，食物不算多選擇，但味道都唔差，二百幾蚊一位，但有鵝肝炒飯同乳豬食到都算抵食啦!