海景咖啡廊

營業中

休息中

七百幾蚊既自助餐折後六百幾, 以為有Fine de Claire同埋加拿大海膽應該好抵, 但...七月初去食, 一人一隻澳洲蠔, 爽口但唔甜, 松葉蟹腳味道ok其他焗蠔, 蠔餅, 錫紙焗蠔, 日式炸蠔, 拿一塊吃就不想再食, 賣相不太吸引，味道好一般...疫情期間, 粥粉材料都沒cover住, 所以我沒點,7:45PM上乳豬, 係一隻好細冇乜肉既豬, 酒樓更大隻,肉眼普普通通, 石斑好鞋,海膽壽司海膽手卷每件海膽只放半小塊, 其他壽司三文魚吞拿魚墨魚都麻麻哋冇乜味仲有咖哩, 但賣相一般，所以冇食甜品我試了三樣, 芒果果件, 黑松露果件, 同桂花糕口味芒果普通, 黑松露有香氣, 而桂花果件好林, 感覺唔到酒店質素餐廳後面檯面都關閉的, 食物選擇比預期中少！全場一款蟲草花雞湯, 冇茶包果汁野飲, 最後送一杯咖啡或茶, 雖然可以食三小時, 但我地食一個鐘已經唔想再食而且非常口渴！最後食生果, 不幸地， 我地拎既生果有酸叔味, 同waitress講, 她都聞到, 但經理都冇過黎唔好意思或道歉, 係我地再同同一個waitress complaint 話你拎左我盤嘢走當冇事發生！？佢先40分鐘後送

結婚一週年🥰🥳 舊地重遊🥰 個現烤乳豬我搶到豬腳🤣🤣🤣好正，新鮮出爐，脆卜卜好難唔好食🙊😗 肉汁滲哂出黎🙊一路食一路滴。廚房大佬表示，🤰提早企係玻璃面排頭位，好大壓力唔俾隻豬肶你😅😅其他熟食都麻麻地，係個法國生蠔唔腥🙊 雖然唔夠甜，但都有海水味😂 蟹腳食到一兩件咸到嘔🙊甜品： 試完幾樣後，我專攻Haagen Dazz 雪糕🙊（你懂得的😉😏）總體而言唔太抵食🙊 性價比偏低🙊🤫🤫雖然當日D侍應服務都好好，仲好貼心主動攞咕臣俾我，但食物種類真係太少，打完折都係勁唔抵🙈🙊

5/7,一行13人到Cafe on M食自助餐，一個月前已book好位，當時仲比左每人$100訂金，我哋6：30到達，侍應安排好入坐後，我哋出左去拎嘢食，第一樣拎係蟹腳，蟹腳嗰size都ok，但到鹹到食完落，我可以咁講，您唔食得多過兩嚿，之後再食廣告推介的海膽壽司， 嗰一下我就覺得被欺騙了， 佢係唔會畀一整件全件都係海膽嘅海膽軍艦你， 佢美其名叫做海膽三文魚子軍艦，畀您架時候有大量 三文魚子， 只有少量海膽，真係接受唔到。熱食方面， 選擇唔多。 甜品方面， 大部分都唔好食，只有一個桂花糕味道正常啲。 希望你哋諗清楚先訂， 唔好畀咗訂之後先發現中伏。 我今次係經驗仲差過去食放題，如果我用呢個價錢去食放題質素一定好好。

平日夜晚（生蠔海膽主題）食物種類極少。海膽主題但係得海膽魚子軍艦同海膽手卷，粒海膽好細，個手卷塊紫菜好韌。刺身有甜蝦、帶子、三文魚、八爪魚、希靈魚、吞拿魚（好多筋）。生蠔fine de claire啲味都ok嘅，但唔肥美。松葉蟹腳得個鹹字。燒牛肉生熟程度幾好，啲汁怪怪地。燒羊架一早整定，好細舊，太熟。炒蟹係臭嘅。有幾樣食物，包括乳豬、海南雞飯同砵酒焗蠔，係喺指定時間先出，出一次就無。最早7:15pm出第一款食物（其餘7:45pm及8:15pm），又無好似其他酒店自助餐咁響鐘，嗰個時候先啱啱到仲食緊凍嘢，我點知熱食嗰邊有個細白板寫住。甜品有杯裝haagen dazs種類都算多，牛油果嗰個甜品味道好奇怪，芒果芝士蛋糕、生果批ok。

食物總算來講OK，有壽司魚生，海鮮魚蝦蟹少少生蠔咁但係想講壽司真係要等好耐好耐，排一輪起碼要15分鐘得壹個師傅，個個叫親佢都慢慢整，唔知係想拖時間定係乜，全世界就基本上等佢慢慢切。其實條龍唔算太長，但係就一啲效率都冇。去到林食完之後換咗另外一個師傅，呢一個切得大舊又快手。熱嘅就有基本牛肉，羊肉等等，羊肉幾OK。跟住就有一個燒味檔，條隊又係老年咁長。如果食自助餐係食燒味咁我不如食茶記算啦。排咗好耐都係比兩舊乳豬你，唔算特別。甜品冇乜特別，不過有杯裝雪糕食咁。坐位方面好熱，可能冇冷氣定乜，要用風扇頂。不過不失，沒discount 的話不會再去

巧遇酒店大堂金碧輝煌水池，即聯想起希臘許願池大媽洗腳水，朋友接住諗起魚仔食腳皮！嘩哈哈。酒店上上下下內內外外都冷冷清清，部份餐廳關閉不做生意添呢。抗武肺瘟疫，要減少聚餐要減少聚頭，但朋友係要見架！香港人要生存，香港人要抗爭，加油！圍內餓底 8 男女聚餐，全場都不足 20 位食客。因為大陸武漢肺炎，所以所有杯都要問侍應取嗎？水杯、啤杯、白酒杯，連調味料及餐具都一樣？不停煩住侍應們真係過意唔去，眼見已無休無止走來走去送餐及清理檯面，辛苦晒。餐牌縮得好細好細，應該為控制成本及不想浪費食物。有四款海鮮四款牛部位，雞豬羊各一款，諒解的。甜品都有六款蛋糕仔選擇，要親自選取。自助餐所有食物預先煮好係非常合理，因為大陸武漢肺炎，由全自助晚餐轉為半自助餐，食物種類亦作有限度供應，避免浪費及要控制成本。除甜品飲品要自取外，自助餐改為落單任食坐定定。鮮檸角、鮮茄蓉，生蠔我只需要鮮檸汁已足夠。突然女神既畫面係腦內閃過，不用任何調味，直接入口原汁原味。食蠔無蠔刀？檸檬無包沙布？無檸檬夾？因為武漢肺炎所以減少餐具？還是一向都無提供呢？即開生蠔，餐牌無指明什麼品種。師傅刀工超高，技術水準卓越，開得完美無瑕。隻隻都非

多年來一直是海景嘉福Signature Club member, 早2個月已知道因疫情關係，Buffet 型式已經轉為放題任點任食型式。明明Membership 是5月尾到期，4月打電話來訂位，先知原來餐廳5月開始Close !!冇通知都算，放題我可以5月前照食，不過冇諗過食物質素差，種類少!! Membership ?? 我永世吾會再join!!先來海鮮拼盤，蟹腳好瘦，冇乜肉，雪味重...龍蝦仔吾係咩尚等野，係人都知，都係淺嘗蝦不大隻，勉強可以叫新鮮，入口彈牙青口隻隻都合實個殼，吾開口甘，吾知係變壞左，定係末煮熟，我吾敢食...最正常係紅/白酒，蘋果汁/橙汁，可以任飲。呢個燉湯，淡而無味，仲勁多肥油....牛扒有西冷, 肉眼扒，牛胸腹扒。全部8成熟以上，肉質比較老，又有根，牛胸腹叫做冇甘韌，可以再order, 其它扒類真係試一次就夠。連牛柳，燒牛肉，牛仔骨都冇，唉...個蔬菜串都ok既，蕃茄仔新鮮多汁。鴨肝: 切到好碎好碎，煎得好乾，質素差，不夠肥美，極度失望。沙律: 好普通，冇乜材料，好淡。三文魚: 煎得過熟，魚肉鞋口。Cheesecake : 甜品選擇極少，衹有6款cake, 當

因疫情原因轉做放題形式，但又唔話俾客聽。食物選擇超少，不配合黑松露主題，完全唔掂。形式轉都唔緊要，但食物貨不對辦先慘。越食越火，好似俾人搵老襯咁。完全唔建議來。

其實餐廳面積好細，不過星期一黎食，刺身同生蠔都唔使點排隊。生蠔比較細隻，但一拎就俾3隻已經好大方，又唔使排隊。乳豬每晚新鮮燒起，分2個時段出2隻。拎左一份，個皮好脆，但偏肥，食完會覺得好劑。羊架唔錯，新鮮燒起，反而牛就有d韌，我發現燒牛肉真係唔係間間餐廳都做到好食。朋友話鵝肝菠蘿包個鵝肝幾好味。印度咖哩好正宗，個汁好濃好稠，好味。刺身唔使排隊，試左三文魚、希靈魚，都幾新鮮，好味。沙律都有5款選擇，煙三文魚還可以。甜品雖然選擇唔多，但試左幾件都好味。檸檬撻皮夠脆，個味夠酸，macaroons 又係整得好好，好煙韌，食左4個，隔離嗰個榛子蛋糕都好好味，中間有榛子醬，側面有d脆脆。長條形既係香蕉撻，我本身唔係咁鍾意香蕉味，但佢做得唔係好甜，幾好。最尾講埋個麵包蟹，d膏都多，出面都擺左好多出黎。總括嚟講，依度環境一般，選擇少，自助餐包餐飲一杯，折左$600。我覺得鍾意周圍試自助餐可以過嚟試吓，每樣食品嘅質素都還可以，但如果係好耐先食一次，我建議俾多少少錢，食返啲餐廳多啲選擇嘅，因為依度俾我嘅感覺都好擠迫。

想除夕食好啲，所以就上網搵資料最後就選擇左海景嘉福酒店食自助餐，我早左一個月去買唔使千$3兩張票食第二輪價錢都仲可以接受。入到去見到裝修都比較舊，但係都幾乾淨舒服，等到8:30入去冇諗過嘢食選擇都幾多，而且整體質素都唔錯，有長腳蟹都幾新鮮，不過咸左少少熱食都有燉湯味道都幾濃，有燒牛肉羊架片皮鴨，這些質素都不錯。甜品方面差不多有20款整體都可以，不過不是每款都十分之好食，食到兩個鐘其實都已經十分之飽肚，而且仲有少少頭飾餸可以影吓相都整體滿意。

星期六去食dinner buffet,無波士頓龍蝦，只有松葉蟹腳，法國蠔，面包蟹。所謂湯，係木瓜雪耳，飲落有怪味。燒味櫃好似賣淨甘樣，唔吸引兼唔熱凍冰冰，掛住d韮菜，連街巿贴纸都未除就成束掛起在窗廚。所謂乳豬，唔熱，皮唔脆好似膠甘，肉無味，真唔知乜乳豬仲只出2隻。甜品超差，芝麻糊好似水咁，只暖暖地。豆腐花好似唔凍唔熱。d蛋糕味道差，無樣甜品得!仲有炸蝦蠔係急凍货。要六百多元食這自助餐，簡直係騙案，未去過就咪去!

😡😡咁大個女未試過食個聖誕buffet食得咁唔開心😡😡我book咗呢間食聖誕buffet無非都係貪佢個海景夠靚，同埋期望有啲聖誕氣氛，結果嚟到慘過去酒樓食飯，對住四埲牆，啲位又逼夾，嘢食非常一般，但係貴過人哋多多聲，我用咗成千蚊一位食個聖誕buffet仲唔開心過食日本放題🤬🤬咁我都算啦，嚟都嚟咗，但比我發現8:30果round 可以用到海景嗰層，咁樣對於我地5:30果round 啲人好唔公平，喺打電話俾我哋嗰陣時點解唔同我地講明係冇海景，格硬等我地嚟到嘅時候先至同我地講，預先問我地你或者唔理可以選擇退款俾返我哋，咁樣做生意嘅方式真係令人非常不滿，唔會再過嚟呢間食buffet😡😡

到兩位畢第約我食生日飯今次佢哋竟然揀咗蟹宴俾我😱因為四人同行先至有平所以嗌埋我女神一齊🥰🥰呢個蟹宴都真係好多蟹食首先有阿拉斯加長蟹鉗👍🏻花蟹👍🏻仲有青口同生蠔仲有蝦👏🏻👏🏻仲有龍蝦仔同螺沙律都有三款，我最鍾意食係牛油果蟹肉嗰款熱盤都有好多唔同嘅選擇都有一個大閘蟹嘅薄餅👍🏻另外嗰啲燉湯都非常唔錯不過我哋傾計仲多過食🤣最後仲有個Häagen-Dazs雪糕食添然後佢哋叫咗服務員用蛋糕仔切咗個Happy birthday俾我超驚喜吖🥰😆

又到食蟹既季節, 未有時間品嚐大閘蟹, 但去左位於海景嘉福酒店食佢既以為蟹主題既自助餐😎好多唔同類別但都係以蟹為主既食物. 有松葉蟹腳, 麵包蟹, 鱈場蟹肉壽司, 花雕蛋白蒸蟹, 蟹粥等.我覺得最好味值得推介係🤤 ~ 滿滿的蟹粉舖滿在鍋粑上, 蟹迷必定愛吃🤤另外還有很多刺身, 壽司及熱食種類. 但相對甜品種類唔算太多.記得<蟹之盛宴>主題做到11月尾呀😎 ❤店舖 : 💙地址 : 尖沙咀麼地道70號海景嘉福洒店M層

今次係第二次係呢到食自助餐，上次食自助晚餐，今次食自助午餐，2次都非常好味。海鮮好新鮮，尤其係長腳蟹同生蠔。其他熟食如點心、乳豬、芋頭糕同甜品都好正。燒羊架好好味，蟹粥同蝦子麵都係食完再食。第一次同朋友食已經覺得好正，服務又一流，今次同屋企人嚟食食物保持水準同質素無令我失望，服務態度又超好。除左食物質素同服務好，酒店地點又好方便，坐港鐵紅磡站D 出口一出向尖東方向行就有升降機到地面，長者和帶埋小朋友或推bb 車都好容易，又在隧巴站旁，所以去呢間酒店食自助餐係超值，好值得推介。