海港燒鵝海鮮酒家 (已結業)

之前在大廈外圍見到第2間酒樓名, 以為有新食肆, 今日下午同屋企人試下午茶 (可以平啲), 點知去到仍然是它, 心想, 都很久沒來, 又有位不用等, 便在此用餐.去到張抬時才知要搭抬, 個知客事前都無同我講, 算, 見阿伯打包食物, 以為已埋單, 照坐, 點知無耐再有幾籠點心到, 原來阿伯叫咗很多點心打包(order紙上好像寫住特價不包外賣, 取走, 但阿伯只是食一點, 大部份都取走, 咁都得)既然已坐下, 唯有繼續, 先order 4 款點心, 流沙奶皇包, 油雞米線, 咸水角及胡椒豬肚.咸水角 - 賣相不吸引, 表面有點脆, 但皮過軟, 餡料無味.油雞米線 - 碗大米線小, 湯只有豉油味, 油雞是雞胸, 多骨無肉 流沙奶皇包 - 算熱, 完全無流沙, 而且外表及味道像超市某品牌產品 胡椒豬肚 - 最失敗的order, 同樓下"X城"比差天共地, 寧願叫腸粉好過本來想再落order, 食物嚟緊中途侍應竟然問都無問便取走枱上餘下order紙, 再加上食物好唔掂, 無謂再叫, 去飲珍珠奶茶好過. 終於明白點解"客家XX"咁多人幫襯.

因為有朋友話見到荃灣海港燒鵝海鮮酒家門口廣告寫"西澳龍蝦逢一至五$88/斤",以為甘抵, 咪帶埋屋企人去試. 點知搵笨. 8時入座, 到魚池一看, 發現貨不對辦(見相片1-3), 因為$88/斤龍蝦係有, 不過唔係西澳, 係本地. 澳洲龍蝦$10/兩.問酒家點解, 佢地竟然話西澳龍蝦來貨貴左, 無做$88/斤!!!!其實佢地應該換走個廣告.....見佢地本餐牌都已經改左做本地龍蝦$88/斤啦!我估都有好多其他客人會好似我甘, 點菜先知.

天寒地凍，有什麼可以比得上在家吃火鍋溫暖？吃火鍋最緊要是材料，這次專程在海港買了些美國肥牛回家打邊爐，因為曾經在店內吃過覺得十分美味，見其可供外賣就試試！肥牛的賣相不錯，在鍋裏淥熟後肥的部份很爽，肉味頗濃，沒有渣而富有彈性，當然比在凍肉店買的優勝許多，價錢雖然貴少許，但仍值得！

今 日(28-12-08Sun),家人又約o黎呢o度飲茶.11點到o黎,開始多人.今次除我二嫂外,一行七人,叫o左15樣共16個點心,有:1-8.叉燒腸,蝦餃,排骨飯,叉燒包,兩籠燒賣, 手拉白腸,小籠包,煎蘿蔔糕,頭四樣我冇食,其他都係標準水準,冇問題.9.鴛鴦賽螃蟹餃好香蛋味,食都好好食.10.滷水鴨舌好多花生,但鴨舌好味.11.唔知咩茄子茄子切成方粒,煎同炸o左,但夠乾身,外脆,又幾好味.12.灌湯鮮竹卷淡,唔夠味13.流沙奶黃包依然唔係好流沙,但好過前日少少.14.潮州粉果細隻,但有好多蝦米,一般.15.炸雲吞幾大隻,但酸甜汁味道有少少唔同,唔夠酸甜.今次埋單$353.00,抵食喎.

尋日(26-12-2008Fri)係Boxing day同媽媽出殯o既日子,爸爸同我相約大哥大嫂一早o黎飲茶後出發.我同爸爸7點鐘到達,先剔點心同交點心紙,就邊等佢o地.我o地應該係7:10am交點心紙,到7:25am至有點心.啊,呢o度係即叫即蒸,冇問題.擺低冇耐,佢o地就o黎到.咁我o地開餐喇.我同爸爸share o左一個排骨飯,唔係大盅o既,因為原來公眾假期同星期六10:00am前飲茶,大,中,小點都一律只收$13.50o既小點價錢.掛骨夠腍,肥瘦均勻,但飯就硬o左啲.小籠包,一籠四個,裡面都幾多汁,熱辣辣,唔錯.鮮蝦豆苗餃,食唔出豆苗味o既?算罷啦.千層蘿蔔酥,好熱,外面仍脆,唔錯o既.流沙奶黃包,好耐冇食喇.都唔流沙o既,而且唔熱lu,奶黃唔太甜,OK啦.牛肉球,唔太大粒,標準水準.叉燒腸同咸菜豬肚我都冇食,爸爸勁彈咸菜豬肚冇味.重有一樣我唔記得係咩o黎.之後大嫂加單,要o左:排骨飯,今次就大哥大嫂share食.XO醬蘿蔔糕,幾大碟,我覺得辣,佢o地就o岩食.燒賣,都係標準水準啦.外賣白腸粉同叉燒包,再加返兩粒燒賣同蘿蔔糕拎畀媽媽’食’.服務:一上到o黎個個都好好口咁同你講早

天氣都涼咗唔少，今年冬天第一次去打邊爐梗係揀呢間，食過無數次，小菜、酒席、打邊爐都試勻晒，最正始終係打邊爐，仲有佢嗰甜品椰皇燉蛋白。噚晚去到唔知係唔係真係因為凍呢，成個門口都逼滿人，佢平日九點後都會有特價火鍋，而且好多配料都係十零蚊碟，所以不嬲都係多人，不過噚晚就覺得特別多人，經濟唔好但係佢平所以生意就逆市多咗？無計喇，一心打邊爐惟有等吓，未試過要等足四十五分鐘，終於有得食喇！我哋最鍾意佢由得啲客自己「混醬」，有沙嗲、麻辣、炸蒜、生蒜、紅椒、蔥花、連腐乳都有，不過唔知點解唔擺埋豉油！混完後我哋就等食嘞： 脆皮燒鵝皇：實在太肚餓啦，要咗一個例牌頂住肚先，估唔到都幾好味喎！我哋分到個下庄，大大嚿肉汁都幾豐腴，皮亦燒得好脆好香，有驚喜！ 澳門豬骨鍋：因為想試吓同澳門食過嘅差幾遠所以就叫嘞！果然同澳門完全唔同，雖然都係有蘿蔔、粟米同豬骨，但係材料就明顯少好多，不過佢只係賣廿蚊，而且啲豬骨真係幾好味，所以我都覺得抵嘅！佢仲有幾個十蚊湯底好似好熱門嘅皮蛋芫茜都係唔錯嘅選擇！ 潮州炸魚皮：佢啲魚片夠脆又夠大塊，未淥我哋都會就咁食，當然淥過半稔仲正啦！ 大良魚腐：呢個用嚟索湯幾好味，不過要唔好咁早落，

** 此 食 肆 的 第 十 八 個 笑 **尋晚(8-11-2008Sat)我同男友又去醫院睇媽媽,爸爸,大哥同大嫂都在,探完諗食飯問題,五個一齊定分三個同兩個分開食呢?男友話跟我家人返荃灣食,啊,咁好啦.我突然記起呢間,於是提議,大嫂都話呢間OK啊,好,就呢間啦.o黎到,等o左一陣就有張8人枱,真係好.我o地叫o左個$428.00 o既良朋知己(4人)餐同$58.00o既別不同果醋骨.由於見好似冇乜菜,加上要等泊好車再返o黎o既大哥,於是叫o左兩個冷盤－蒜茸拍青瓜同白雲鳳爪.前菜先到,蒜茸拍青瓜,啲蒜茸辣o既,爸爸話因豉油係辣椒豉油,而蒜茸吸晒啲豉油,所以辣,青瓜都凍凍o地,微酸,好味.而白雲鳳爪都係咁啦,冇咩問題.大哥到o黎喇,可以起菜,有:1.脆皮燒鵝皇(例)例都唔少喎,不過我覺得唔係出自同一隻,有啲皮脆有啲唔係,但都味道o岩o岩好,唔錯.2.另叫o既別不同果醋骨唔係好多,味道唔識形容,我自己就覺得麻麻,係因為我唔鍾意隻味,唔關酒家事o既.3.漁香海鮮豆腐煲呢個好惹味,有好多爸爸至愛o既鮮魷,重有帶子,蝦仁,豆卜滑滑,蝦仁又大隻又爽,鮮魷又腍,不過呢個菜凍o左就覺得好鹹.4.

同妹蛋做完gym好肚餓,最好就係打個平邊爐順德魚煱--好多大大舊魚肉,湯底鮮味,正.............雜菌藍--秀真菇,杏鮑菇,茶樹菇,份量夠味道好3拼--貴花蚌,珊瑚蚌,帶子,味道ok水餃雲吞--味道好,份量多招牌菜咩豆腐(唔記得個名)好油,唔好食蔥花,醬料自己可以任取

最近在家吃的多，卻少出外吃飯，難得老弟放假，想吃燒鵝，除深井外附近最吃得過應該是海港了，打了個電話訂位後，六點半準時入座。老媽首要要求是坐得舒服，這裡夠光猛，近窗位置看得到街景，老人家也滿意。又看看餐牌，撇開九點後火鍋部份不計，菜式選擇不少，看連埋相的餐牌，都是些酒家菜賣相不俗，隨便點了滷水掌翼（廿八元）、海港燒鵝皇（一百一十/半隻）、咕嚕蝦球、琥珀荷塘花枝（五十八）。鵝店，自然連埋滷水掌翼賣，特價時段自然要配啤酒；掌多於翼，以此價錢計，又不能說欺場，滷得入味亦不失嫩腍口感，鵝皮應有的黏滑感都有了，喜歡吃鵝翼吞下皮、嚼肉再啜開骨，薄薄滷水香很美味，老媽亦甚好此道，將掌蹼吃個本點不剩，吃骨這習慣，是由小跟母親偷學回來呢。海港燒鵝皇，聽說每晚出兩輪，是日叫了半隻，屬於脆皮鵝家族，掛皮吊燒，出爐時間問題，皮變得腍了，加上叫侍應淋下的鵝汁，皮索汁後要吃得夠快，如跟時間競賽，否則皮愈來愈腍，亦愈來愈油。肉嫩滑濕潤，鵝味不會叫人一試難忘，但以冰鮮鵝標準，肉質不比深井幾間老字號差，當然「量產式」經營下，做到出爐皮脆效果有點難，個人而言喜歡肉的質素多於皮要夠脆，這碟鵝皇，做得認真收費亦很合理，值得一試

琴日7點鍾左右,一行12人去海港燒鵝海鮮酒家食飯,事關各位朋友比面,請我E一個壽星女食飯,但世估唔到一圍不約2千蚊左右0既餸咁唔好食1. 五福大拼盆----------都幾好味.但無咩特別2. 醬皇蝦仁雪花蚌----醬皇原來是XO醬...e一個就唔錯喇,,夠(獲)氣,食到XO醬之如又食到蝦仁及雪花蚌味3.千絲香芒蟹柳卷-----表面是用粉絲或面線包住腐皮,腐皮包住蝦膠,蝦膠包住沙津醬芒果及蟹柳...味道太覆集,食唔出芒果味,只係食度沙津醬味,腐太厚咬唔度....4.玉環瑤柱脯..............無咩特別5.竹笙海皇燴魚翅......足料但,味道一般6.艇皇碎蒸大青班(-條).....e一個簡直唔得呀..用D濃味0既醬去掩飾條魚係冰鮮魚7.魚湯鮮菌營養蔬-------都唔係鮮菌..,但勝在夠清8.海港燒鵝皇(一隻)-------嘩e個係佢地公司主打的菜式,但一D都唔得...上台時(文)到好香,,應該唔錯,但好失望呀..D皮唔(趣)0既..隻鵝好硬呀...9.健康田園炒飯...........無咩特別,普通炒飯10.美點或大蟠桃.....我緊係選擇大蟠桃..因為生日喎....全晚為

14/5/2008又再換下地點飲茶先，平時去開樓下果間。以點心質素來說，各有千秋。這裏的粥品比較好，粥底比較綿。而這裏的腸粉也做得不錯，做得幾滑。不過其他點心就普普通通，唔算太出色。價錢同下面果間差唔多，但係似乎這裏的特價點心比較少。

本人於五月十日到荃灣英皇娛樂廣場之”海港燒鵝海鮮酒家”慶祝母親節， 並選擇9:30PM後之宵夜火鍋， 因為試過旺角二間分店之水準也不錯, 所以今次選擇荃灣之分店。其實之前也試過一次服務欠佳經驗, 但本著可能只是某些員工問題，所以再次光顧。本人及家人一行六人於9:30PM入座及點選火鍋進膳，論食物質素，真的不錯，可是大約11:30PM，我們點了一個奶皇壽飽，而服務員”家琪”更禮貌地表示壽飽即點即蒸，故需時大約十五分鐘。大概二十分鐘後，壽飽還未到，我們便著服務員”阿恩”代為催促，不一會所得答案竟然是”無落到單喎，幫你取消啦!” 本人即無名火起。第一，一句歉意說話都無。第二，無單也可即時補單吧! 第三，無徵求客人同意便說取消，那是什麼服務態度呀? ”阿恩”再解釋原來十一點後，廚房便收爐，所以沒有蒸品提供。那麼為何”家琪”沒有解釋給我們知道，如果我們沒有催促，豈不是不知要等到何時? ”阿恩”續說﹕”家琪”是新人，所以不知曉! 當時，雖然不滿，但不想掃興，所以沒有再投訴便結帳，而”阿恩”亦答應幫我們取消柯打。怎知結帳後，一查單怒火即燒，帳單上清楚列明奶皇大壽飽20元。如果沒有查單，事情便不了了之

今日sun 家庭樂同爸媽三個人去飲茶~很耐無上黎...我地3點幾去到仲有人等緊位....包括我地,3個人同一pair 年青情侶...個姿客問我地介唔介意搭位~我地呢d family 食餐飯梗係無咩所謂la~最後問個pair 情侶,人地後生細路想拍下拖飲茶,話唔搭枱...我覺得都預左....點知個姿客居然話: 你地唔搭枱就要比4個人茶錢...個pair 後生情侶聽到後梗係氣沖沖走人la...在場其他人都覺得好無奈...其實平時話唔搭枱都大有人在....而且都唔會話因為唔搭枱而要收多客人茶錢又唔係快餐店,茶餐廳....酒樓唔搭枱係客人應有的權利!!!有比茶芥加一服務費雖然事不關己,但咁帶有恐嚇ge 服務態度...無疑令我對海港失去好感...相比以前的服務真係差d...同佢地要standardization的宗旨真係....仲有我個杯碟下面居然無洗淨...有d 乾左痴係度的紙巾lor....

這間午市常和同事來飲茶，味道不差，價錢雖不便宜但也可接受。有一晚九點後同朋友來試特價火煱，價錢便宜，$38一個蔬菜欄，大大個，抵食！其他價錢也合理，火煱料新鮮。現在每次想打邊爐，和老公兩個人就會去青衣新星，因人少少任食就可食多d 款。和一班朋友就會去呢間啦！！另外這間侍應招呼也很好啊！

** 此食肆的第十四個笑**今日(27-1-2008 Sun)要落荃灣整o野,於是提議媽到英皇娛樂廣場,經過鳳城攞飛,要等一陣,於是上多一層o黎呢間,即刻有位,不過係搭枱o既,算啦,反正未試過呢間,而且除o左明星外間間價錢應該差唔多.我o地叫o左早市特價點心:1.潮州粉果味道同其他酒樓食開o既有啲唔同,裡面有少少辣椒,但唔係好辣.2.灌湯飽呢個最後試,料就只有豬肉同冬菇,係普通啲,都OK.正價點心:3.牛肉球size略為細個,但味道算濃4.流汁奶黃飽唔係寫流沙,可能知道係整唔到流沙唔想欺騙客人o掛.呢個都幾對版o既,OK.5.煎蝦米腸粉蝦米幾多,煎到有少少脆但冇燶,好好.6.蘿蔔絲酥好多蘿蔔絲o係裡面,但冇咩蘿蔔味,係咪蘿蔔唔靚呢?個酥皮都OK o既.所有食物都好夠熱.環境:雖然係同另外四個客人share一張枱,但大家互相遷就,所以都唔覺張枱太細.(好彩遇到好o既客人)服務:呢o度係填點心紙,侍應收到後,會即刻同客人對係咪點o左咁多個點心,怕漏落嘛,唔錯.侍應同傳菜都好好禮貌.由於點心都係即叫即整,有個傳菜一下子拎四籠食物o黎到,我移開啲o野,佢放o黎時差啲整跌我對筷子,佢都即講句唔好