海港薈

營業中

休息中

兩個人去海港薈食晚飯，酒樓主力賣海鮮，就來一個海鮮晚餐紅燒竹笙翅：用料充足，除了竹笙及翅外，還有好多蝦肉及蟹肉滷水鵝掌翼：滷得入味，我的至愛鮑魚小炒王：有驚喜的小菜，所有材料都好脆口上湯焗龍蝦（伊麵底）：蝦肉算多及彈牙，伊麵略嫌淡味燕窩燉蛋白：蛋白加了牛奶十分香滑，燕窩落得幾重手一餐食均魚翅鮑魚龍蝦燕窩，有前菜湯主菜加甜品，埋單只需$550（包括白飯茶錢及加一），抵食

隻碟有蟑螂，同部長投訴但部長完全無道歉，無任何反應，完全無視顧客。可能已經習以為常。點心12:50落單，等到1:15，一籠都上唔到。部長堅持點心要15-20分鐘先黎（但當時我地已經過左25分鐘），講緊我地係叫最普通最多人叫嘅燒賣、叉燒包等。野食非常難食。金錢肚無味，雪山叉燒包個皮又淋又霉，好似食緊我隻襪咁。連腸粉個皮都好厚。無樣野係正常。本身期望都唔高，點知可以難食成咁。畀錢我都唔會再黎，請大家唸清楚唔好黎呢間劣食加態度惡劣嘅酒樓，大埔仲有好多更好嘅選擇！

今日提早去慶祝父親節食飯，收工大約七點左右嚟到海港薈會唔算好多人，咁岩今日仲有人喺度擺酒添所以揀咗一半場，一嚟到我哋就走咗去簡蟹，因為今次我地主打嗌左一隻阿拉斯加長腳蟹一斤大約228，雖然感覺上好似有啲貴但係其實為圍起一隻都只係$1000左右，因為我哋嗌嗰隻大約四斤左右，肉質非常鮮甜，而且非常彈牙，非常肥美。另外仲帶咗半隻燒鵝肉質非常甘香厚肉另外皮有輕微嘅蕉香味令人回甘，我哋成家人真係食到停唔到口呀！而且我覺得其他餸菜都非常啱我哋口味！一定會再嚟食多幾次啊！

神咁早訂左位仲講明訂邊個餐，嚟到坐低竟然話個餐嘅冬瓜盅賣晒，得番螺頭湯。重點係呢位經理連說辭都唔修飾吓、好誠咁講賣晒。咁我問我訂位已經講明食呢個餐，連帶位個阿姨都知道同我再確認，你而家同我講賣晒？🙄好難唔嬲，因為四款餐就只有呢個六人餐係冬瓜盅囉！雖然經理就可以換餐牌上的小菜，但母親節冇正常餐牌，個特別餐牌咪又係套餐入面啲嘢⋯🙄最後母親大人拍板唔好煩照要個湯，但條氣唔係好順囉！說回晚餐，其實食物是合格的，負責我們那一桌的侍應大哥也很熱情有禮，就是經理不行，要是一開始是侍應大哥婉委告知沒有冬瓜盅，火氣不一定會被撩起來。最後就是那個兩渣橙汁，佢會用個大一點點的瓶裝當兩渣，個人覺得有點取巧了😝

父母平時到海港飲茶都有儲積分因積分就快到期..所以這次叫親戚一起來海港吃晚飯啊～～父母跟他們的朋友試過這裡的阿拉斯加長腳蟹，覺得都好好食今次來晚飯就也叫一隻長腳蟹來讓大家吃吃！另外用積分換了一隻乳豬全體～其他菜式的味道都很好但印象最深刻還是這頭兩道菜呢！！先上 乳豬，連肉的全隻上！皮脆肉嫩，肉質不肥膩跟了一蒸籠的麵包皮，略嫌未夠軟熟乳豬皮醮醬汁，再用麵包皮夾著一起吃，味道香而不膩，有點吃片皮鴨的感覺然後就是今頓晚飯的焦點 - 阿拉斯加長腳蟹！！正做特價，$188/斤～～揀好蟹後，職員撈起稱重量，然後就選煮法即叫即劏咁新鮮，清蒸絕對是不二之選，才能顯現蟹本身的鮮甜！原隻蒸好原隻上！！我們剛好一圍12人，揀的蟹都夠晒份量，斤兩十足～一上桌就個個都嘩嘩聲～～最先留意的是那一殼滿滿的蟹膏，一人都分到一兩啖金黃的蟹膏味道甘香軟滑，令人齒頰留香粗壯的蟹腳，肉質飽滿，一梭梭的蟹肉結實彈牙，新鮮不黏殼，鮮甜多汁～～～雖然蟹腳不夠分，但蟹身都啖啖肉，肉質肥美鮮嫩，人人都有份嚐到蟹的美味，大感滿意～～拆完蟹後，滿手盡是鮮甜蟹味！現在不是長腳蟹最當時得令的季節，最佳享用時機應是9月至11月今晚吃到這種質素的

每一次同屋企人去到新達海港薈飲茶時， 有一樣食物係一定會叫就係佢至鐘意嘅🐷🐷🐷🐷豬仔流沙奶黃奶!!!佢外表可愛不在講，食落個皮好軟熟，一啲都唔硬，熱辣辣食啲流心奶黃，正到無朋友。記得小心燙咀咀喔😋😋

我們一家人訂了食團年飯，因為太多人，想吃早一點，但沒有位置了，所以訂了食8點。選擇酒樓食晚飯當然是老少都方便的選擇。裝修後真的很新很靚，但位置設計有點迫。去酒樓食飯好處是不用夾BB車，也有小朋友椅子用。簡單方便當然點了圍餐，9大3小，食得很飽。上菜時間十分快。不過不失的圍餐，份量也不多不少，我最鍾意它的蒸魚，夠大條，味道不錯，小朋友就是食少量的魚、菜、肉，也能夠滿足他們。因為酒樓位置是鄰近大埔火車站，相當方便，我們一家也是再來食飯的。

是次係小妹阿媽生日飯，裝修後小妹都無試過呢度晚餐，今晚諗住試下！個menu嘅款式同之前無咩唔同，係貴左少少嘅。第一樣緊係小妹必點嘅菜煲，水準如舊，都好足料！呢個黑松露蝦仁炒蛋大大碟，好抵食，d蝦勁大隻！好香！跟住係斑腩兩味，一炒一蒸，對鐘意食魚嘅小妹自然好吸引！本身想叫聖子，但係賣曬，轉左叫椒鹽鮮魷，大碟嘅，但係炸粉偏多，同埋有啲難咬總結來講，小妹覺得好食嘅，屋企人就大滿足，價錢都可以接受，不妨一試！

家人到訪，晚上最方便就是到新達的海港薈吃晚飯。原本想點白汁豬肺湯或另一款湯，可惜兩款都已經沒有了。晚飯的小菜選擇好像不太多，六個人點了四個菜，有日式雜菜煲，咕嚕肉，涼瓜魚塊，一個炒飯。咕嚕肉的顏色較深，但配料也算豐富，有三色椒丶洋蔥及新鮮菠蘿🍍。而我最喜愛吃的就是日式雜菜煲，足料好味，材料新鮮，有西蘭花🥦，菜心，芥菜，日式魚蛋，蟹柳，蝦米🦐，粉絲，蘑菇，金菇，冬菇等等，而最令我欣賞的是冬菇，非常之有鮮味，有點像吃黑松露的感覺，而且形狀跟普通的冬菇不同，實在是非一般的冬菇。其他餸菜則沒有什麼特別。

朋友早前撞親隻腳行動不便，所以今日入新界來探望他，搵了大埔火車站附近商場一間酒樓飲下午茶。飲茶期間竟然有兩隻雀仔飛咗入嚟酒樓玩追逐遊戲。香芒糯米糍，咬落煙煙韌韌內裡有沙律醬加少少芒果肉。粟米魚肚咸骨粥，清清地粥底幼滑又夠綿。香茜牛肉腸，腸粉皮嫰滑有米香，牛肉鮮嫰有咬口。松露帶子餃，外形好特別黑色粉皮好像布袋裝滿餡料，帶子鮮甜配上松露可以帶出鮮味。蟹籽燒賣皇，大大粒新鮮熱辣辣，蝦仁夠爽脆。茄湯鮮竹卷，平時吃鮮竹卷只是上湯，但這款是蕃茄湯底又有另一種味道。

這天有幾位朋友到訪，就在附近的海港薈先吃個午餐。午市有孖寶套餐$178，可選兩個菜，我們點了海鮮什菜煲 - 有多款菜，西蘭花🥦，椰菜花，小棠菜，西生菜🥬，白菜仔等，其他海鮮有冬菇，蝦米，魷魚，蟹柳，草菇，日式魚蛋，粉絲，瑤柱等，款式相當之多，賣相不錯，有點像日式壽喜燒的感覺👍藜麥蛋白炒飯 - 健康之選，炒飯粒粒分明，另有配料如紅蘿蔔，帶子，瓜粒等點心方面有，黑金流沙包 - 包面印上金色的天鵝🦢圖案，賣相高雅叉燒腸粉牛肉腸粉雞札燒賣水晶餃

大埔火車站依家無晒酒樓 得番呢間海港薈工作需要時時都會一大班同事一齊食飯 飲茶係一個晤錯既選擇 不過呢間野好full 基本上要等半小時以上先有位 要留意😊😊😊😊口水雞 本身對酒樓既口水雞係無期望但呢個竟然驚喜到我 夠麻夠辣 雞都夠嫩份量都有例牌甘多 仲附上幾件皮蛋 糖心的 非常好食小妹港女😂我認我俾張圖吸引左去叫流心奶黃包一如既往做得好 咸蛋味十足啡色個個係花生餡料既包 我覺得偏甜 同埋好飽肚豬仔我無試到 同事話係咸包 都幾好味雖然價錢係飲茶上係偏中上 但食物普遍有質素可以一試😊

本身諗住同屋企人Book檯飲茶，我已經表示我有成10個人，有老有嫩，但酒樓話茶市無得book檯。無檯的話要咪要成10個人，有老有嫩，企係出面呆企住等!!算! 轉晚巿!初頭叫個"冰鎮咕嚕肉"，食到一半佢話無"冰鎮"，得返普通咕嚕肉。OK，煮到一半發覺唔夠料，當minor mistake個"冬瓜盅"最搞笑，真係第一次見到"冬瓜盅"係一個燉盅入面一片冬瓜加湯料咁上，我地成家人都感到有落差食蟹果陣幫我地換碟又唔拎夠碟黎先換

大埔墟站附近最方便的酒樓定非位於新達廣場的海港薈，以前同一位置為海港酒家，翻新後的海港薈就有如「升級版」一樣，不論環境還是食物款式似乎都有所提升。之前新達廣場有其他酒樓如潮江春等競爭對手，但後來結業後就只剩下海港薈，獨佔鰲頭，所以每逢假日定必大排長龍亦是意料之中，雖然前面有五十個籌號之多，但慶幸等候約大半小時便可以入座。 招牌三色包 ($31)三款包點分別為黑金流沙包、核桃包及小豬包，賣相精緻，起初以為小豬包為叉燒包但原來也是流沙包而已。黑金流沙包餡料份量比小豬包少得多，鹹蛋黃味尚可但不算香濃。核桃包餡料混入粒粒核桃更添口感，但奇怪在咖啡味突出。 鬆化脆奶卷 ($28) 起初以為會與一般炸鮮奶相差無幾，雖然外表金黃吸引，但外層炸皮過厚、油膩感重，而且餡料單薄，奶味微弱只得一陣甜味。 流沙煎堆仔 ($24) 煎堆炸得渾圓飽滿，香酥煙韌而外脆內軟，黑芝麻餡濃稠但甜度甚高。 中山甜薄罉 ($28)薄罉裡裡外外均佈滿砂糖、椰絲、芝麻及花生碎，餅皮口感較為乾實，與預期中的煙韌軟糯大相逕庭。 粟米魚肚咸骨粥 ($16.8)酒樓粥品一向價廉物美，粥底煮得綿密之餘材料豐富，份量亦十分多，足足可分約四碗

是晚慶祝父親節～ 👨🏻近近地去樓下附近酒樓少少慶祝一番嗌了一個阿拉斯加長腳蟹套餐先來紅燒竹笙翅，正正常常，係好味嘅竹笙份量唔少落埋紅醋落去食，正清蒸鮑魚，有少少果皮墊底，增添香味，唔記得咗幾多頭鮑魚白切雞同清蒸石斑龍蝦伊面，有龍蝦肉，唔會得啲殼，無🦞肉食哈哈… 戲肉來了！一蟹兩食先清蒸阿拉斯加長腳蟹，蟹肉10分鮮甜大大隻蟹鉗蟹腳另一食係蟹蓋蟹膏炒飯蟹膏份量OK，加咗啲蝦仁同埋帶子落去炒，個飯幾香口唔錯