海港薈 (康怡廣場北座)

營業中

休息中

今晚同屋企人book左8點鐘枱一入去酒樓已經基本既餐牌都冇提供，要客人主動去問，第一印象已經唔好我地總共8個人叫左一個套餐加個小菜套餐所有野都上得好快 ，唯獨櫻花蝦王炒飯同壽包係等左好耐都未上，追單幾次都冇人跟進 好明顯係人手不足 ，職員上菜需要再培訓 連基度的分湯都冇提供，要顧客自己做分湯，完全不合理，連基本服務都提供唔到，向酒樓的女部長反映，一副事不關己的態度，又話廚房上菜得慢佢控制唔到 ，仲叫客人早d落order(8點入座時已落晒order,不是後加單）真係聽完個女部長講野火都黎，而且找很多藉口去敷衍客人逃避責任，一時解釋炒飯個度要幾張枱客人既單一齊去炒要等，一時又解釋漏單所以等耐左（如果叫套餐都可以漏單 咁應該成個套餐都無落單啦）明顯就係求其搵個原因去敷衍客人，員工服務態度超差，完全無視客人既意見同需求，d食物質素又唔係特別好食，唔值得等一個鐘先食到碟炒飯酒樓價錢茶餐廳既服務質素，總之唔會再幫襯呢間酒樓，食得勁唔愉快既一餐晚飯

十一人訂咗十二人中秋節套餐，出餸好似跑馬，炸子雞都未食，就比一大盤壽包出嚟啦，個半鐘就叫我地埋單先，不停收碗收碟暗示趕客走，真係食得好急好急好急好辛苦，諗住一家人開開心心食餐中秋飯，所以忍住唔同佢嘈，咁嘅服務態度香港想好都難啦！

星期日family day，一家4口近近地去康怡飲茶，1點半左右拎飛，大概2點半入座，星期日係咁上下啦，如果好食都無所謂既。安排左張枱俾我哋，入到去原來張枱連枱布都未鋪好，要周圍搵人幫我哋set枱，不過佢哋明顯人手唔夠，唔係佢哋唔做。叫咗個午市套餐，紅燒乳鴿配蕃茄魚片湯米粉，乳鴿ok既，但係個星期魚片湯米粉，湯就只係剛剛暖，魚好多骨，諗住揀起啲骨俾小朋友食都唔得，因為實在太多細骨。套餐之外，仲叫咗個XO醬炒蘿蔔糕，蘿蔔糕就食到有蘿蔔味，但係完全食唔到有XO醬嘅味道。總結，無下次。

平時去這酒樓都是吃套餐或吃蟹因為今次酒樓只供應8或12人套餐而我們一行5人所以唯有散叫。黑松露滑蛋蝦仁，蝦仁爽，蛋滑。陳皮豆豉炒蝦球，蝦爽，配料和牛肉粒的配料一樣都係咸。燒汁安格斯牛肉粒，牛肉粒OK，但小粒。至於老虎斑兩味是因為侍應話無晒龍躉兩味，唯有改，但價錢貴了百多元及我真食唔出似老虎斑囉!清蒸老虎斑頭腩正常發揮。碧綠炒老虎斑球正常發揮，但碟蠔油好咸。大澳海山骨即蝦醬骨，外算脆內軟，OK。胡椒焗加拿大蟹，胡椒味好重，蟹欠鮮味。杭椒炒鮑魚，這餸最出色，鮑魚淋及入味。整體餸菜可以，但平日食開套餐抵食得多，散吖餸較細碟。

嚟海港薈飲茶幾次今次係第一次喺下午茶時段入座竟然安排到窗口嘅卡位坐得舒適不過唯一缺點就係比較難搵到服務員 叫咗個燒腩仔湯瀨粉估唔到燒腩仔嘅質素喺下午茶時段都唔馬虎燒得好香脆XO醬蘿蔔糕就無話非常特別炸兩嘅油炸鬼就有少少硬鹹水角有一個賣相唔係咁OK 蒸鳳爪好味馬拉糕夠軟熟鳳爪排骨蒸飯d飯夠淋啱哂我見到有蜜糖雞翼即刻叫一份又幾好味喎最後連豬手都試埋嚿骨夠哂斤量 😂我哋盡量揀d大點嚟叫因為下午茶時段小點、中點同大點統統都係計「小點」嘅費用

媽咪之前生日喺度買左隻阿拉斯加長腳蟹慶祝，好好食好鮮甜，諗住父親節再買黎慶祝。晏晝去揀左隻4.5斤既蟹夜晚6:00拎，拎到返屋企發覺啲蟹紋唔同左，順便磅下隻蟹幾重(雖然都知蒸前蒸後重量唔同), 已經即時whatsapp影曬相同佢講隻蟹唔同左，但大半個鐘冇人覆都諗住父親節應該好忙都照食算，點知今次啲肉又霉又冇味好似死左好耐完全唔知食緊乜，即刻打去同佢講佢先睇whatsapp。佢話啲紋唔同可能係師父既刀功問題，同埋如果換蟹應該會有另一位客人收到我地隻蟹而投訴，但佢地冇收到，聽佢講完好不負責任聽到好嬲，佢問我想點，最尾嘈到佢退返一半錢。 其實呢隻咁既垃圾如果平一半既價錢我都唔想食，因為真係好x難食！未食之前呀爸本身見到隻蟹好開心，食完真係唔方唔開心各位記得如果真係買蟹記得影底，有相佢都可以唔想認數！

昨天早上帶阿仔高高興興地同爸媽飲茶，酒樓門口嘅安心出行二維碼有問題，問門口接待處嗰位知客阿姐，佢竟然話：「二維碼係政府發出嘅，我點知？」話說語氣差，態度差，完全冇諗過了解事情！真係唔明佢點樣可以做門口接待客人，我哋未入去食嘢已經一肚氣!!!!唔會再幫襯，貼錢買氣受‼️

海港薈🏮新年流流冇咩做就同阿媽去咗飲茶，「海港薈」嘅早茶可謂大件夾抵食，佢哋孖寶套餐，加埋茶位兩個人夾埋都係100蚊到埋單，雖然平，但係佢嘅味道都好好食😋，點咗［釀茄子，腸粉，粉果，同牛肉球］，雖然呢幾樣都係啲茶樓經常必備嘅，但係佢做出嚟嘅味道係唔差。環境闊落，大酒樓不愧為大酒樓👍🏻環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️🤍抵食指數🤩：❤️❤️❤️❤️🤍回頭指數🤩：❤️❤️❤️❤️🤍小總結📝：除咗早餐之外中午同晚市都好多嘢食，而且海鮮都好新鮮，仲好多選擇添，龍蝦🦞石斑🐟等等一應俱全，仲有好多~長腳蟹~有機會試下🤗

之前親臨康怡門市在魚缸揀阿拉斯加蟹清蒸外賣，美味實肉。知道海港有網上預購，今日一試，訂了一隻康怡店的約4斤阿拉斯加蟹。回家一拆，肉散;食落口好似食漿咁，完全唔想再食。我願意花千幾蚊係因為想食新鮮既活蟹，但我只能說，買幾百元急凍的一肩更可入口。

一個人去飲茶，無啦啦執枱個姐姐同我講，咦，你一個，要搭枱喎，門口個小姐有無同你講呀？無呀～無人講過呀～無野牙，疫情咁嚴重，仲要客人搭枱，一個人飲下茶啫……唉～以後都唔幫襯！

一行八人 可以一齊坐飲下茶都唔錯今日就約埋親戚一齊飲茶 🫖叫咗好多不同點心 同埋 孖寶套餐味道大家都舉起手指公👍我地叫左個炸芋泥 超好味 😋佢有total 5粒 一放落枱到就即刻比人掃咗大家都過好正 好夾 唔會感覺好油蛋散又係絕對值得推介 好味 爽口 唔會太多油仲要好熱

海港薈(康怡)因以前近仔仔學校所以成日和家長們黎食。一段日子無去，這兩天好掛住隻蟹，昨天打風訂不到位，今天公衆假期才去吃。六時坐底第一時間去選隻蟹，選了隻5斤，$238/斤。蟹膏用來炒飯，加$100。蟹一如以往鮮甜厚肉好滿足。蟹膏炒飯加了帶子仔和蝦粒，炒得好香，不油膩，熱食無得頂。椒鹽鮑魚好合小朋友口味，我就覺得蒸好味些，椒鹽吃不到鮮味。龍蝦伊麵，龍蝦肉彈牙，伊麵入味。泰燒豬頸肉唔肥，啖啖肉，唔韌，配泰式汁好開胃，但份量唔多。金磚豆腐，入面嫰滑，略淡，但配炸蒜味道剛好。我以前同家長們去，他們是熟客招呼當然好。但我一家唔係熟客，招呼都唔差喎!除咗隻蟹，其他餸上菜非常快。員工所有野都自動自覺，叫人容易。和家人開心的一餐。

今日請媽媽吃飯，不想吃點心，叫了超值午市套餐豪下。套餐$288，有上湯本地龍蝦伊麵和醬燒雞半隻。兩大隻龍蝦開了邊方便吃，龍蝦有肉，肉甜結實，好食過波士顿龍蝦好多。伊麵吸了上湯好味。醬燒雞皮脆肉结實，不錯。兩個人吃飽飽，超滿足，吃不完還打包回家。最後來個焦糖燉蛋($18)，完美。又香又滑，甜度適中。平過自己去街市買，抵食好食，推介你來吃。用政府消費券埋單更開心。酒樓還有很多其他超值之選，下次再來幫襯。

雪山叉燒包有一日去飲茶食早市見到有特價優惠😆價錢幾吸引幾抵食☺️所以就入咗去食啦！雪山叉燒包 ～$24價錢大約20幾蚊，因為有優惠時段！有三個叉燒包，都好大😍上到嚟嘅時候熱辣辣！雪山就好似墨西哥包，做得幾唔錯，甜甜地幾香脆～大人細路都應該會幾鍾意😋💕食入邊叉燒份量都算多，味道不過不失係，最好平時大家會食到嘅叉燒包～但因為熱辣辣加上有咁大個，食一個個都好有滿足感☺️❤️嗰日食咗好多嘢最推介呢一個🥰😆

今日喺海港薈（康怡廣場）嗰度食長腳蟹，我哋order一隻4斤半長腳蟹，等咗好耐，其他桌都到咗，問夥計點解我哋嘅長腳蟹到而家都未到，佢話5分鐘後就出嚟，但係我看見傳菜員竟然把我哋訂嘅長腳蟹拿俾其他客食，因為佢嘅動作好差異個號碼是否對，我見到部長走去嗰台客睇，佢一定知道送錯咗，仲要話我哋不是，然後我見到部長佢喺揀海鮮地方攞咗一張紙出嚟，應該去咗廚房求其攞一隻無新鮮有腥味嘅長腳蟹俾我哋，唔係我哋訂嘅4斤半長腳蟹，直情係混水摸魚，夢篇顧客，實在太過分，即係要成$1200以上。係咁嘅經濟環境下，仲會有咁差嘅酒樓同埋員工。下次大家如果去依間餐廳食海鮮，千萬要小心，提高警覺防止佢哋會掉包。