海港薈

營業中

休息中

以前都間唔唔中嚟最近因為疫情關係好耐冇嚟過今日嚟飲茶11:30正試開 10點45早左到見佢未開諗住走但佢地堅持嘢食已經準備好嗌左好快有得食老人家今朝空腹抽血乜都未食11點落單等半個鐘多啲點心到老人家想食啲濕潤嘅嗌左個”雲勝海班魚湯烏冬”落單一個鐘頭後到嚟到仲要唔係熱辣辣 先啱啱好暖啲瓜煮到灰灰黑黑出嚟老人家忍唔住搵經理投訴婆婆唔太識表達就話凍同埋啲瓜爛孫生同另一位女侍應摸一摸個碟就兩個都笑話咁都叫凍？亦堅持呢種瓜煮出嚟係會灰灰黑黑瓜菜呢啲我本身唔太熟，但要強調食煮到灰灰黑黑嘅真係第一次間酒樓嘅部長換咗之後食物質素真係差咗好多，服務就更加唔使講

约埋幾位老友聚舊，但近日天氣不穩，於是揾咗間港鐵可直達，又不用行出街的酒樓，就選了位於北京道一號的海港薈。酒樓地方寛敞，枱與㭘之間有一定距離，坐近邊可望到遠境，非常舒適。我們點咗十幾款點心及甜品，兩款炒麵及飯，食物質素幾好喎，即叫即蒸，尤其係雪山义燒包，超多饀，炒麵飯也有水準，但甜品稍為遜色。店員姐姐也殷勤有禮。埋單每人都係百多元，老友們都好滿意，約定下次再來晚聚。.

我無諗過喺北京道1號，會有一間咁差嘅酒樓！第一，食物咸到不得了，食完感覺會有腎病！首先就係以下野菌燒汁牛柳粒，個汁係咸到極點，食咗2粒我已經冇心機再食。其次就係呢個金莎四季豆，我以為有啲鹹蛋黃會好食啲！但係我期望真係過高！又乾又油！仲有，呢個魚香茄子煲，我覺得茶餐廳會煮得好食過佢！因為佢係無味！這個黑毛豬叉燒，叫來吃簡直係嘥錢，樓下街市的叉燒都比佢更好吃，而且佢隔離籠嗰啲粉團裝嘅東西，一入口係真係粉嚟㗎！我完全唔知自己食緊乜！？第二，食物貨不對辦！呢間餐廳勁鍾意取巧囉，將啲食物喺餐牌上寫個好靚嘅名，嚟到真係令人勁失望！這個白飯，我哋提左個經理兩、三次，都冇送上枱，終於放到上枱面，我哋問佢：「呢個係火山石板米飯？原來只係一碗白飯？」經理竟然咁樣答：「如果唔係你哋想要啲咩飯？」好冇禮貌囉！這個紅棗糕係酸嘅！我朋友個女女鍾意食甜品，食咗一啖之後，都即刻放低唔食。大家評下理！我叫咗咁多嘢食，埋單九百幾蚊，我問經理拎張泊車嘅優惠券，佢搞完一輪只係俾咗一張我，然後我去到客戶服務中心，服務員仲叫我要補$70泊車費，佢話其實你消費左$900，餐廳應該比多幾張豁免泊車嘅優惠券我，當下我真係着火🔥！總之就

開年打算飲個靚茶，點知中伏了🥲叫個芥末海鮮卷😫點知的芥末又無 海鮮又無😱根本就係炸蘿蔔糕裡面有幾粒蔥咁🤥明明英文都係叫seafood rolls with wasabi 深深覺得違反商品說明條例😅😡第二個炸網腸粉根本就係上面個海鮮卷😯出面一層腸粉皮英文話有蝦🙄但係完全無個炒飯乾到喊🤢其他食物都普通真係唔值呢個價錢咯蝦餃好重麻油味 好奇怪 棉花雞 正常啦當日 茶錢$15 一位 因為係假期 點心都唔平 尤其好多都係大點 精點 埋單人均120$

海港薈地址: 尖沙咀北京道1號9樓蟹粉小籠包 🐷 $33肉質鮮嫩多汁，湯汁十足，而且小籠包皮都唔會太厚，不錯。黑金流沙包 🥯$26金光閃閃嘅流沙包，十分鬆軟，鹹蛋黃和奶黃味道濃郁慢慢咁流出。 松露野菌餃 🥟$26晶瑩剔透嘅松露野菌餃， 口感煙韌，一咬開已經有陣陣松露香，不錯。原隻鮑魚燒賣王 🐷 $38燒賣上有原隻鮑魚，口感彈牙，而且蝦肉爽口，口感十足。翡翠小籠蝦餃皇 🦐$38晶瑩剔透嘅蝦餃都幾外型飽滿，蝦肉爽口彈牙，再加止少少筍粒，口感十足。金沙脆皮鮮蝦腸 🦐 $38 腸粉皮薄，而且軟綿滑溜。每一舊腸粉內都包住脆卜卜嘅油炸鬼同蝦粒，惹味過癮。靈芝菇蒸牛肉球 🐮 $22牛肉大大粒，但食落有少少苦苦地味#nicefoodie尖沙咀 

第一次嚟呢度飲茶，環境幾好，大落地玻璃，自然光透入（可惜我唔係坐窗囗位）。點心款式好多，價錢唔太平，小點26，精點37。原隻鮑魚燒賣呢個係特點，三粒，好足料。點心併盤有粉果，燒賣，紅棗糕，千層糕，蝦餃粉果個皮幾晶瑩，紅棗糕好煙韌藍莓淮山都幾伏，其實好唔夾，唔知點解會咁配😏花膠鮑魚灌湯餃好足料，不過花膠質素一般，冷氣好大，呢個熱辣辣飲埋個湯好正👍天鵝酥🦢🦢🦢賣相好靚，咬落好脆囗，不過個頭頸唔知用咩構造，好硬，放棄咗，無食到。

中午一點是午市的高風時期，於是我們差不多兩點的時候才到達這里地方很大剛好有位，而且是窗邊位可以飽覽海景。點心制作需時可能即叫即蒸，但全部都熱辣辣的首先是黑毛豬叉燒包，餡料十足，除了醬還有很多肉而且包比平時吃的也大個一點然後就是腐皮素鵝，這個也是比較多人叫的菜式，外層是炸腐皮，包着菇，紅蘿蔔，木耳，餡料亦是沒有偷工減料的多啖啖都有料還有一個十分推薦的菜式是黃金四季豆炸得十分香脆，而且咸蛋黃也十分多，不是只有炸粉，咸咸香香的十分可口如果想嘗試多款選擇可以點拼盤。這里環境挺舒適，菜式的選擇也很多，推薦一家人來喝個茶，也挺不錯的

初看餐牌，我們本以為是一般酒樓的食物。當下了六人套餐後，才發現該酒樓口味「特別」。窩夫鹹中帶酸、龍蝦肉鬆散、 金湯魚肚浸津菜更是有是勁度十足的辣椒。同時，食物的份量極為有限，六人餐的份量像平日二人餐的份量。餐廳職員的態度亦不如理想，職員表現仿如神遊，聽不懂客人的下單，便敷衍了事。上餐完畢前，職員頻密確定食物是否上齊，有催促客人離去之嫌。於疫情前，環境佈置是可以接受；若以現在為準， 客人之間的距離則略為接近。唯一可圈可點的，便是酒樓懂得為每位客人準備公筷。

依家都鍾意同朋友飲茶，因為可以慢慢坐傾下計，不過好多酒樓環境都好嘈，好難可以傾到計🙄。今次黎左呢間海港薈，環境真係唔錯，可能我地早啦，11：30黎到，安排到坐窗邊位，睇到維港好舒服🤩🤩。飲茶都係食嗰D野架啦，如果咁既環境，價錢又真係唔貴，仲要食到中段，先發現原來有午市套餐$208🤣🤣，有一個炒粉麵飯，一個小食，兩款點心。好抵！😜不過食物質素就一般般，比較好食既係原隻鮑魚燒賣$38，有粒鮑魚點綴下，都幾入味，又唔貴😁。流沙奶黃包$26 ，都係幾好食既，熱辣辣中間流晒D汁出嚟，唔錯🥰。但係其餘既就唔太好，蘿蔔糕比較粉，無咩蘿蔔味😅。叉燒腸粉$48，可以不叫，叉燒好乾，腸粉皮又鞋又厚，呢款唔抵食🥺。之後先見到套餐有得揀，但因為之前無留意order左，唔可以轉返係套餐。所以建議叫套餐，會抵啲😁。小籠包又係一般，無湯汁流出。酒糟鴨舌$58，呢個幾有酒香，鴨舌入味之餘，又軟滑，不過略嫌少D😅。泡椒鳳爪無咩味，又係一般般。八寶兩面黃，麵底都脆既，但D餸好似唔係好夾。總括環境舒服，係同朋友傾計既好地方，不過食物質素參差，叫套餐會好D😜。

中秋節打算食餐好，咪同屋企人叫左個套餐。套餐有得揀湯要咩款，訂餐個陣話可以預先叫定。後來又話要落訂先有得confirm。跟住話唔洗落訂就ok。聚餐果日仲係咁打黎，問要邊種湯，答左要花膠螺頭以為到時就有。點知坐落位就過黎問要咩湯，然後又話無晒花膠螺頭湯。無，你問條鐵咩!好激氣，咩爛鬼服務員，送左比熟客私相授受就算，扮咩有自由選擇過黎問。呃我唔落訂攞左我個湯真係差評奉勸各位Openrice用戶不用過黎食飯，等佢倒閉！

提早預定座位，接待處同事張寶英小姐話雖然保證唔到海景位，但會確保4枱坐埋一齊，咁我都提早比按金留位，都知星期日難約，但當日十二點半左右收到電話話有位可以入座，本身仲影緊相都提早結束去食飯，結果上到去得3張枱4人4人同6人枱，咁問職員，職員既解決方法居然係加凳就算！！！本身已經安排坐到最入，加凳要加6張，地方已經窄，咁既解決方法真心接受唔到，咁叫經理黎，態度連一句抱歉既說話都無講，唔知係太忙定唔著重我地。最後既解決方案係加枱，本以為結束，結果係加張4人枱，唉。員工同員工之間又無溝通，態度惡劣，安排失當，處事馬虎。食物只有幾項可以加分 其他十分一般。

最近忙於工作，已許久沒有陪同娘親爹爹外出吃飯，因而今天下班便特意攜帶他們到此酒樓晚膳以作補償，順道放鬆身心。餐廳裝潢以潔白色調為主，並用上大量花、草作為裝飾，再配襯起精緻吊燈和海景景觀，整體設計是高貴大氣。超值歡樂 4 位餐四人套餐共包含有六款菜餚，食材均以海鮮為主，而價格是 $1288，此收費再連同環境服務著實是經濟合理。上湯焗開邊龍蝦伊麵伊麵柔韌彈牙，鹹鮮香濃，掛汁力高。而主角開邊龍蝦有四件份量，咀嚼時鮮甜滑彈，細嫩緊實。西蘭花如意炒帶子西蘭花爽脆清香，鮮嫩入味，帶子則炒至表面金黃帶焦，口感是新鮮爽彈，甘甜軟嫩。鹽燒鮑魚使用鹽分調味燒焗的鮑魚外層金黃酥脆，內裏肉質柔嫩細滑，爽口彈牙，再配上炸蒜粒作為點綴，令整體更添惹味可口。清蒸虎杉斑師傅選用清蒸方法烹調魚隻，以務求更帶出其原有鮮味。入口肉質嫩鮮彈牙，結實滑溜，魚香出眾。燒鵝王拼叉燒燒鵝外皮製作得帶有油份，但食用時卻毫不油膩，酥脆甘香，肉質亦是鮮香軟嫩。而另一半的叉燒則細膩緊緻，香甜多汁。薑汁炒芥蘭芥蘭色澤翠綠鮮艷，特意加入薑汁炒製以緩和其獨特苦澀，咀嚼時是脆嫩爽口，甘甜清新。精美甜品隨套餐附送了四件甜品作為飯後結尾，食用時口感軟糯

Overall very good bor, 好食，整體不錯，五個人食了650左右，加一茶芥後7xx. Sunday lunch time 13:00去食.D料好足，不似其他酒樓 慳住慳住咁食物相未有 影到相。叫了例牌燒鵝唔乾鞋入味👍👍👍👍$118例牌，平日半價叫一隻$2xx抵😍咕嚕肉食到尾都仲好脆👍👍👍👍黑毛猪义燒包👍👍👍👍蛋白燕窩👍👍👍👍帶子腸粉滑👍👍👍👍👍千層糕正常👍👍👍👍椰汁球 煎埋入面是小許椰漿👍👍👍珍珠雞夠汁饭唔乾好味👍👍👍👍👍燒買 蝦餃OK👍👍👍👍鮮竹卷 好味👍👍👍👍灌湯餃好足料👍👍👍👍平日食平好多，下次平日來😊

我從來都不會寫食評的，但今次覺得太不滿意了，不寫不得。這孖寶推介話$238  有百合花生芽炒蝦球+濃雞湯泡湯河，第一奇怪:  先上淨湯河，之後等咗10分鐘都未有炒蝦球，叫部長追過後再等多至少8分鐘才有蝦球到，第二奇怪:  $238套餐只有淨湯河  (普通清湯河，完全沒有濃湯河味道，比外邊普通的粉河面檔還要普通)，第三奇怪:  238  原來只有4️⃣粒蝦球，完全係搵笨，第四奇怪:  那裏有個部長好奇怪，問親她的嘢都答非所問，兼且錯漏百出，我們最後只有5位，但她照收6位茶錢。5️⃣ 本來在海港薈網站反應以上問題，但結果等了一個星期也完全沒有回應，搞到我非常不滿意😓😓

北京道一號的海港薈 是海港集團中的高級版 包括裝修 景觀 服務 收費 我來過幾次 感覺都滿意 可是今次有點失望呢晚上六點到達 因為時間尚早 安排了窗口位 直望維多利亞港 開揚廣闊 細看菜單 同樣的菜式比普通版分店大約貴了30-40%簡單地點了4個菜 最差是椒絲腐乳通菜 份量少 外形慘不忍睹 送上時竟有菜葉掛在碟邊 （拍照時已將它放回碟內）味道一般豉蒜南瓜炆海參 南瓜雖然軟但外熱內凍 可見是在煲內煮的時間太短 脆皮咕嚕黑豚肉 配料多而豚肉少 入口祇有少少脆全晚唯一可以接受的是脆皮吊燒雞 名副其實 皮薄又脆以後不會再去這間酒樓了 即使景觀及裝修如何漂亮 出品不合格是致命傷呀