海港薈

營業中

休息中

休閒嘅地方，嘢食好味，風景靚，今次黎仍然係不失水準。本想黎海港食蟹，點知話冇，叫咗個二人餐，龍蝦都算啖啖肉，整體都算新鮮，花膠湯不過不失，反而叉燒要讚，真係好淋好香，整體仍然不失水準

今日行經尖沙咀， 去到 海港薈，本身打算簡簡單單 午餐一番，點知見到他們 "植系肉" 新系列 ，估唔到又比到 新驚喜 我。我們點左 蜜汁欖角植系雞肉， 一上菜已經有一股濃郁香味散發。咬落口感同 真肉 十分相近， 外皮鬆脆，欖角野味。味道調配得十分剛好 ，非常推薦。甘香啤梨果， 一上台已經非常吸睛，加上百力滋配搭，令普通的鹹水角 以嶄新奪目嘅啤梨果形像示人。鹹水角內涵出眾，冬菇蝦米肉粒非常香口野味，外皮酥脆鬆化，好味到我都忍唔住食完一隻接一隻。今次都有叫 蟹粉小籠包。每次都不會令我失望。肉質鮮嫩多汁。湯汁十足，絶對可以用皮薄餡靚嚟形容。五彩繽紛 就第一次 點， 擺盤一流，可以一次過試到幾款不同點心。黑金流沙包，奶皇千層糕，十分鬆軟，鹹蛋黃和奶黃味道濃郁，味道一試難忘。松露野菌餃，一咬開已經有陣陣松露香，包著滿滿的雜菌，完全係絕配。包原隻鮑魚燒賣，鮑魚比燒賣大。口感十足。最後，蝦餃實在做得太出色。蝦餃皮薄得嚟又晶瑩剔透，多粒原隻蝦仁，很彈牙而且鮮味十足，因為太好味的關係，所以再額外叫多一籠蝦餃，實在吃不停口。蒸排骨，食得出係新鮮豬肉整，鮮甜肉嫩，仲有墊底的芋頭蒸得粉淋，又吸收咗排骨和金銀蒜

同家人起身去啖個早茶！講到飲茶🫖點心係好重要的，海港薈的點心食物真係好好味。又可以望住港島的海景。每次去到尖沙咀飲茶都必到的酒樓！海景檯係我家人最愛坐！腸粉必試牛肉腸粉，因為佢係用安格斯牛肉，所以口感好爽。松露野菌餃外面粉好透明好薄，入口松露的香味好香好味。牛肉球更加特別，放左靈芝菇配新鮮牛肉，粉不多，好濃的牛肉味。叫左個小菜，三杯植系雞，味道好濃，配料入曬個汁的味道，雞肉好快就食晒。再黎一個主食迷你南瓜焗飯，好得意，細細個原隻南瓜外面流晒芝士內裡係飯，入口有南瓜加上芝士的飯，好香，好味！食物盡在不言中⋯⋯

飲菜呢樣咁輕鬆既活動，配埋靚景就更加完美，仲要價錢合理，性價比高，一家人或者同朋友去都好啱😍 呢度既點心好岀色！-脆皮吊燒雞 ($68/半隻)菠蘿咕嚕植系雞肉 ($118)原隻鮑魚燒賣皇 ($38)翡翠筍蝦餃王($38)三鄉蒸蘿蔔糕($26)西班牙黑毛豬叉燒包($48)金沙脆皮鮮蝦腸($38)-呢度既點心款式好多，蝦餃同埋燒賣都大大隻，用左新鮮既大蝦，食落爽口彈牙。金沙脆皮鮮蝦腸，蒸完出黎仲保持到入邊脆嘅部份，加埋入面大大隻嘅蝦好正🤩 點心要介紹埋呢一籠黑毛豬叉燒包，大大粒叉燒肥瘦適中，幾特別都幾推介～仲有都有好特色嘅素食，呢一碟咁吸引既菠蘿咕嚕雞肉其實係一碟素食，食既時候完全唔覺得唔係肉😹 而且都好多鍋氣，一食食左好多舊🥰

難得平日放假梗係瞓到自然醒再chill下，於是同屋企人揀左呢間酒樓飲茶。餐廳景觀非常開揚，可以望住維港慢慢嘆茶！中午大約12點人流不算多，可以直接入座。一坐底職員會詢問你想飲咩茶，枱上已放有點心紙，除左點心外可以揀小菜等小炒。黃金植系雞肉燴伊麵材料素雞肉和南瓜而成，素雞肉肉質有點似真雞肉，味道偏重口味，而南瓜中和了幾分鹹味，2者配搭不錯。三鄉蒸蘿蔔糕個人比較喜歡吃蒸蘿蔔糕，少了油膩感更易入口！黑金流沙包流沙包有鹹香味，而且非常鬆軟！明爐即燒叉燒腸飲茶必點腸粉類，叉燒質素高，推介！

隨便在尖沙咀搵食, 行到北京道 1號, 上去望下個水牌睇下有咩餐廳酒樓, 見到個招牌好大粒原隻鮑魚燒賣, 非常吸引, 就上來 9樓睇睇, 上到去反而係被落地大玻璃既全海景吸引住, 看看點心紙, 估唔到以尖沙咀價呢個位居來講, 呢個價錢又唔算幾經濟, 點心都係即叫即做, 所以來到面前都要先等一段時間, 但就肯定好夠熱好新解, 要讚既係蝦餃, 大大粒, 皮薄而入面最少有三隻好爽脆既蝦, 另外要讚既係西班牙叉燒包, 叉燒個汁好好味, 叉燒好 juicy, 一 D 都唔, 跟住就係個花膠松茸響螺燉湯, 好香既松茸味, 清清地既燉湯而又不失響螺味, 有 2塊花膠,  再來就係招牌既原隻鮑魚燒賣, 比一般燒賣大粒, 鮑魚再加上少少鮑汁配合, 味道剛好, 燒賣入面既豬肉一樣係好 Juicy 好入味, 呢度絕對可以再來, 服務亦都唔錯, 好有禮貌

這間店位於北京道一號九樓，全層落地玻璃窗陽光☀️充足，向著文化中心方向，可以飽覽整個維港。中午時間窗邊的枱已經滿座，不過坐入一行的枱都可以望到海景。四喜烤麩 | $48有蟲草花、木耳、冬菇、烤麩、姬松茸，份量十足甜又帶少少酸，烤麩更是吸滿了醬汁的味道，十分開胃。原隻鮑魚燒賣皇 | 特點$38燒賣上有原隻鮑魚，鮑魚煮得夠腍。夾起鮑魚，才看見燒賣釀得十分飽滿燒賣內包了大蝦及豬肉，蝦肉爽口。翡翠筍蝦餃皇 | 特點$38一籠有四隻，晶凝通透，蝦餃的蝦好大隻😆爽口彈牙，有少許筍。松露野菌餃 | 中點$26野菌餃賣相精緻，有不同的雜菌在內，饀料較油身，充滿了松露的味道。金莎脆皮鮮蝦腸 | 特點$38每一舊腸粉內都包着大蝦，脆皮炸得香脆豉油分開上碟，避免令到脆皮變淋。菠蘿咕嚕植系雞球 | $118咕嚕雞球色彩豐富配料有蜜桃、新鮮菠蘿、青椒、車厘茄。青椒多汁，蜜桃及菠蘿甜，雞肉炸得脆口，沾上醬汁酸甜得宜，與真雞肉差不多。餐具乾淨，點心價錢不貴，整個環境氣氛都相當舒服。

為咗慶祝朋友生日 特登book咗有海景嘅海港薈同佢食晏因為係平日嚟 好好彩可以坐到窗邊可以飽覽維港嘅風景我哋首先叫咗啲點心鮑魚燒買貨真價實 每一隻燒賣都有一個鮑魚鮑魚唔會好銀 味道唔錯👍🏻小籠包亦都做到皮薄夾起嚟被亦都冇穿可以鎖住湯汁係裏面我哋見到燒鵝半價就叫咗一份例牌嚟食已半價可以食到皮脆肉嫩嘅燒鵝好抵！！！見到近排好多廣告賣植系肉搞到我哋都想試吓最後我哋叫咗一份惹味爆醬植系雞肉 餐廳當日冇牛肉所以轉左雞肉我覺得味道似午餐肉如果唔講係植物肉嘅話 真係會以為自己係食緊肉坐喺維港景前飲茶真係好賞心悅目食物份外好食

今日好想飲茶，因為食評好好，所以選左海港薈。沒唸住寫食評，所以沒影相，只有一張單據，都唔想影啦。環境唔錯，對住大海，舒適，但我地座位遠離海境，都沒所謂，成12點半先入去，有位都可以。食物如下：包魚燒賣皇  $38 ：正常，沒特別蒸蘿蔔糕 $26 ：沒咩蘿蔔味黑毛豬差燒包 $48：稍鹹灌湯餃$48：都OK脆皮鮮蝦腸$38：脆皮黐牙春卷$30：內面粉多差燒菠蘿包$30：皮黐牙龍蝦湯泡飯$148：味精重連茶共$496價錢不是很貴，但食物質數一般，雖然不是很鹹，但味精不少，食一次就夠，唔食都沒所謂。

今天來一個滋潤的中式午餐，一入酒家即被那無敵維多利亞靚海景吸引著，人都醒灑😂樓底非常高景觀開揚，坐位也很舒服。食物很快上枱，空肚喝一碗燉湯果然精神爽利，姫松茸花膠燉鮑魚清甜，內有花膠鮑魚螺頭等滋潤養顏。原隻鮑魚燒賣皇賣相出色，中等價格配大大隻鮑魚性價比高。金莎脆皮鮮蝦腸有驚喜，入口乃層層脆脆的薄脆，比一般清蒸的蝦腸口感更豐富。燕窩蛋撻相機食先，撻面佈滿大量燕窩感覺良好。翡翠筍蝦餃王皮薄餡靚，蝦肉配香筍清新開胃。菠蘿咕嚕植系雞肉幾可亂真，素雞肉入口像真的豬肉，再加上甜酸的咕嚕醬汁配菠蘿、水蜜桃及車厘茄，感覺更健康。

已有一段時間未有相約好友到外用餐了,難得近期疫情稍稍緩和,好友就趁大家都有閒暇時間的這天,約個午茶飯局到位於北京道一號,海港集團在九龍的旗艦店--海港薈;擁有無敵的高視野維多利亞海港美景,而內裡以歐陸式的白色宮廷元素為概念的裝潢,配上絹白枱布,以及質優而潔亮的白瓷餐具,襯托得整個氣氛更是美侖美奐!而食物方面,旗艦店的質素一向高且穩定,所以好友與我都鍾情於此店歎午茶!可能因為季節問題,見點餐紙的選擇比上一季少一些,相對將更多焦點集中於精選食物之上,亦更有裨益!而在餐牌上更見有時下非常大熱的植物肉入饌,在選菜時有就趁機不妨追一下潮流來嚐新;另外之前數次的用餐經驗,自覺不可錯過的食物分別有:用黑毛豬肉製成的叉燒腸粉,高物值比的山竹牛肉球,松露野菌餃以及豉蒜炒虎皮椒,有了決定就立刻落單;美食除了配佳釀外,用茗茶相襯亦是另有火花,尤其點心一類;此店供應的茶葉尚算不俗,但帶上自己心頭好的清鮮綠茶,更為美妙;而有優質服務的酒樓餐廳食肆,若客人自行帶上上佳茶葉,當然是會妥善服侍,而此店亦在這小環節上做得周到,值得讚許!與好友邊聊聊近況邊喝著佳茗,食物也逐一上枱;明爐即製叉燒腸,以爽滑的腸粉包裹著黑毛豬

你到尖沙咀舖同朋友食飯 佢推介去北京道一號的海港薈呢度有個無敵海景 一路飲茶一路嘆海景望住個海景飲鐵觀音 茶味零舍 回甘香首先我哋要個 明爐叉燒腸 話明係明爐叉燒當然係即叫即燒, 腸粉好嫩滑。之後就叫咗個黑金奶黃包 奶黃透心好味之後再叫多個 蝦餃 鮮蝦餃蝦肉大大粒 蝦餃皮皮薄餡靚仲有三竹牛肉 山竹牛肉腐皮好好味 牛肉 好新鮮 咬落好彈牙。最後就叫咗一別炒咕嚕肉 你未炒咕嚕肉用上素食肉 咬落口感 同豬肉差不多 師傅上炸粉 好薄好靚 脆卜卜有好多生果配料 食落好健康。

餐廳裝修美輪美奐， 座位舒適寬敞，透過落地大玻璃，可以飽覽美麗維港海景， 令人迷醉。 原隻鮑魚燒賣王(三件)$38原隻鮑魚放在燒賣王上 ， 賣相令人垂涎， 鮑魚色澤明亮， 口感彈牙， 鮮味而滋味。翡翠小籠蝦餃皇(四隻)$38巨型的蝦餃皇， 外型飽滿 ，蝦餃皮薄而且晶瑩剔透，口感煙靭 ， 內裏爽脆的翡翠筍粒， 配上鮮味彈牙的蝦粒， 津津回味。黑金流沙包$26黑色流沙包，金光閃閃， 包 皮鬆軟，我不理會熱燙，大口咬下去，流心奶黃緩緩流出， 鹹蛋黃的甘香， 實在太吸引了 我。松露野菌餃$26晶瑩剔透的松露野菌餃， 口感煙韌， 中間餡料是飽滿黑松露 野菌， 每口是誘人的黑松露香氣， 大快朵頤。金沙脆皮鮮蝦腸$38 金沙脆皮鮮蝦腸， 腸粉皮薄薄， 軟綿滑溜， 中間餡料是 脆卜卜的油炸鬼及爽彈蝦粒， 惹味過癮。燕窩燉鮮奶(一位)$28 燕窩燉鮮奶，燕窩分量十足， 鋪滿燉奶上面， 賣相吸引， 燉奶滑溜細緻， 配上燕窩特別滋味， 滋補養顏， 絕對是女士恩物。菠蘿咕嚕植系雞肉$98咕嚕肉是是我最喜歡的中菜佳餚，充滿鑊氣，用上大豆製造 成的植系雞肉 ，啖啖肉但又唔係肉，每件肉都掛滿甜酸醬汁， 配上香甜的菠

家人很喜歡在這裏飲茶，環境優美點心即叫即蒸，地方寬躺，坐得很舒服😌餐紙上基本的酒樓點心樣樣都有，最欣賞這裏有很多款式的植素肉，健康有益。菠蘿咕嚕植系雞球素雞球外皮炸得香脆可口，口感像真度很高，再加入新鮮菠蘿，酸酸甜甜很開胃👍原隻鮑魚燒賣王燒賣王有三隻，每隻上邊都有原隻鮑魚，燒賣做得非常好，有蝦肉給豬肉作配料，分量比例剛剛好，非常爽口彈牙。鮮蝦豆苗餃豆苗餃顏色新鮮嫩綠，餃皮薄到變得透明，非常足料👍鮮蝦豆苗餃豆苗餃顏色新鮮嫩綠，餃皮薄到變得透明，非常足料👍鮑魚花膠灌湯餃花膠大隻又厚肉，湯餃皮薄餡料豐富新鮮，配合清清淡淡清湯，養顏又有益😋沙嗲金錢肚金錢肚味道不錯👍沙嗲味香濃，好入味，好淋😋牛肉球牛肉熱辣辣即叫即蒸，粒粒脹卜卜，肉質新鮮彈牙，加入喼汁更加提升牛肉的味道😋

今日經過想飲茶，諗起呢間餐廳。就試一試啦。間酒樓，環境好望海，限聚令的關係，座位疏落。今次試咗蝦餃，燒賣正常冇咩特別。叉燒包同叉燒腸係有啲驚喜喎。另外再叫左個灌湯餃，呢個雖然賣相ok, 但食落就覺得一般～最後，我想介紹個2人餐，望落好抵食。有機會要試吓