海港薈

營業中

休息中

今晚晚飯分兩圍枱 ( 總共12人) ，每圍枱各叫一隻阿拉斯加蟹， 蟹肉清甜，新鮮。 各侍應也很親切地招呼我們， 還主動幫我們剪切隻蟹， 食得很開心, 我們還盛讚這處的侍應好nice, 十分專業和細心。可唶， 當結帳的時候，一位戴粉紅色眼鏡的主任前來，我對於賬單上的蟹價向佢查問，她即表示不耐煩，又話我煩，態度非常欠佳，並且發出唧唧聲，非常沒有禮貌。我的一家人均覺得她十分不專業，沒有禮貌之餘，亦與海港集團其他有禮貌的員工十分不符。樹大有枯枝，一個人的沒有禮貌影響我們全家人對海港的感覺， 當她的冇禮貌回應時， 其他侍應部長也凝望著佢。 平時我多數往灣仔 海港薈 或者寶翠園嘅海港 , 今次專誠去了尖沙咀北京道一號一試， 真係太難忘了！

I am a regular customer of Victoria Harbour and I have downloaded their app as well. I like the point saving scheme by using the app so I can redeem XO sauce. Tonight, we have ordered dinner set for 6 people.Victoria Harbour Supreme is a upscale version of the restaurant. The portion of the food is smaller than non-supreme version of the restaurant. I would recommend to come here if you have business dinner. The renovation of the restaurant is quite nice and people would have wedding ceremony

2021年5月15日12:30同行一人八人分開兩台敘舊飲茶本身已經食咗4樣點心第五樣燒賣嚟到嘅時候一夾起發現有勁大隻昆蟲立即無胃口 搵店長處理 態度不知所謂仲問返食客咁你想我點 一路只係重複話只可以減到四個人茶錢但問題係根本冇人再有胃口食枱上嘅點心其後不顧而去草草了事 即刻食到成肚火 好似俾人當係施捨咁望住枱上嘅點心完全食唔落於是再搵另一個經理出嚟處理 經理係唯一值得讚嘅伙記一嚟到已經不斷道歉亦都有解決左問題

一向識嘆嘅阿妹約咗我去尖沙咀海港薈飲茶，酒樓設計時尚裝潢瑰麗，特顯高貴氣派。擁有浪漫醉人的180°維港海景配以落地玻璃，迷人景色盡收眼底。阿妹話可品嚐各類精緻點心，又可飽覽維港嘅浪漫海景，一樂也！西班牙黑毛豬叉燒包：西班牙黑毛豬肉散發出陣陣橡果香味，入口肉汁多，肉味香濃,肥瘦適宜， 帶有油香，口感味道遠勝一般豬肉，包皮蒸熟後軟滑剛好，稍為裂開露出叉燒餡料，滲發出陣陣叉燒的香味。翡翠筍蝦餃皇：餡料有蝦、有筍，蝦餃皮薄而軟，程半透明，晶瑩剔透，口感爽滑Q彈，蝦鮮甜爽口彈牙。避風塘乾炒牛河：把避風塘的做法拿來炒牛河，拼用了干炒牛河的方式，牛河條條分明，入口乾爽不油膩。炒好的蒜頭脆而香，混合在柔軟的牛河中，是一種帶勁的口感。不得不提的是，分量非常足！

必食爆汁流心椰汁球～～～最近嘅心情份外抑壓，我需要少少陽光令自己positive一d，同時亦都需要食物，令我嘅心情變好，大舊👦🏻聽完我嘅諗法之後，就帶我嚟尖沙咀嘅呢一間海景茶樓飲茶。～～～為咗霸個靚位，我哋早早11點幾就嚟到，坐低叫咗滾水普洱之後就開始睇餐牌，最後就揀咗以下幾款食物：-原隻鮑魚燒賣皇-西班牙黑毛豬叉燒包-翡翠筍蝦餃王-菜遠蝦球湯伊麵-流心椰汁球-鮑汁鳳爪～～～等食物嘅途中可以欣賞下佢哋嘅維港美景，令人心情舒暢。第一碟上嘅食物就係西班牙黑毛豬叉燒包，由於比平時嘅豬用得靚所以佢哋嘅呢一個叉燒包，叉燒味道份外濃郁，裏面嘅叉燒半肥半瘦，醬嘅份量又唔會過多，係正嘅。～～～之後上嘅就係蝦餃王同埋燒賣王，前者有四粒後者有三粒，無論係邊一種佢哋入邊嘅蝦都爽口彈牙，蝦餃皮薄，燒賣香菇香氣突出，而且仲有一粒鮑魚仔喺上面，便宜價食出奢華感覺，係開心的。～～～菜遠蝦球湯伊麵就同燒賣蝦餃一樣，個蝦球都係彈牙新鮮嘅感覺，湯底清清地，加埋大大碗伊麵，飽肚美味，令人感覺非常滿足。～～～鮑汁鳳爪就一共有六隻，軟腍入味，入口即刻爛開，啱晒我呢啲連咬都懶得嘅懶人😆。～～～最後我哋嘅成個午茶就以一食難忘嘅流心

好耐冇坐低慢慢嘆茶了，望住咁靚既海景嘆茶真係別有一返滋味！望望海港薈既餐牌，佢既點心都幾有特色！首先我地叫左個酒糟鴨舌，酒味好香又入味，但唔會苦同嗆喉，入口好爽西班牙黑毛豬叉燒包呢個叉燒包真係真材實料，入面真係有大大粒叉燒，並唔係肥膏同埋醬汁，個叉燒肉質都幾腍，名副其實嘅叉燒包鮑魚海鮮撻鮑魚都算幾大隻，個酥皮牛油味好香同埋好鬆脆，再加上少少肉碎係個撻入面，幾濃郁嘅味道蟹粉小籠包都幾大粒，裏面都好多肉汁，而且味道唔會腥，小籠包皮都唔會太厚喺呢度飲茶真係幾舒服同幾寫意

嘆茶梗係要搵個好地方～一邊望住個海景，一邊食點心☺️坐近窗邊位置，真係心情都靚靚～基本上酒樓點心、小食、炒粉麵都有。飲茶我比較鍾意叫點心🤤▶️黑毛豬叉燒包充滿蜜汁，黑毛豬比起普通豬肉更香更好味😋▶️蟹粉小籠包估唔到咁多汁juicy，肉又夠香，好食😚▶️蝦春卷卜卜脆，金黃外皮，蝦爽口～▶️五彩繽紛：每樣一件，唔會太多，可以試多幾款～🔺鮑魚燒賣-面上有隻小鮑魚，燒賣豬肉夠新鮮，又無咩肥膏。🔺蝦餃-蝦大大隻新鮮爽口！🔺黑金流沙奶黃包- 蛋黃流心夠熱夠香～包軟綿綿～🔺粉果-超豐富餡料，爆滿口感🔺千層糕-夠懷舊，呢款千層糕已經唔係好多酒樓有了，白黃白黃一層☺️ ▶️原隻帶子腸新鮮即蒸，腸粉夠林夠滑，入面仲有帶子～▶️靈芝菇蒸牛肉球牛肉大大粒，配有靈芝菇好健康～望住海景食點心，價錢又唔貴，好正！

今日去尖沙咀行街，媽媽話想舒舒服服飲下茶，即刻上黎呢度，時間尚早，早上11點幾，好彩有窗口位。海景景色令人心曠神怡，環境十分舒適。翡翠荀蝦餃王皇 － 有4粒，包著滿滿的蝦，彈牙爽口夠新鮮。五香繽紛 － 一次過可以試5款點心，打咭一流松露野菌餃 － 香香的松露味，入口滿口野菌香。西班牙黑毛豬叉燒包 － 叉燒包比一般的大，裡面的黑毛豬叉燒份量很多，好吃。鮑魚花膠灌湯餃 － 鮑魚有咬口，花膠份量也頗多，熱熱的湯喝下去很暖胃。避風塘炸粉果 － 炸得很香口，內裡煙韌。這裡是一個好地方，大大的窗望著維多利亞港的美景，呷一口茶，享受人生。

今天帶家人到尖沙咀飲茶，找到了這間在北京道1號飽覽維港海景的酒樓酒樓內非常寬敞，而且對住全海景，環境一流西班牙黑毛豬叉燒包 - 必點點心，一籠三個大大個的，即叫即蒸熱騰騰那裏是黑毛豬叉燒，大大舊，非常足料原粒帶子腸 - 腸粉真的非常香滑，每舊都有原粒帶子避風塘炸粉果 - 第一次食到，外皮炸得非常香脆鬆化，內裡是蝦肉，配上避風塘炸蒜來吃十分惹味鮑魚花膠灌湯餃 - 灌湯餃大大個十分足料，還帶兩粒鮑魚和花膠，十分高質五彩繽紛 - 有鮑魚燒賣，蝦餃，千層奶黃糕，流沙包和黑松露餃，十分適合每樣都想試的我們最推介是鮑魚燒賣，燒賣是豬肉和冬菇切粒，十分有咬口這間酒樓食物質素好，而且環境舒適飽覽維港海景，性價比十分高

兩星期前因為係尖沙咀行開街, 唔知想去邊飲茶, 就撞左上呢度, 今次就係專登走過來, 估唔到今次同上次係有好大分別, 上次客人唔多, 可以即時入座, 但今次係滿哂, 要係門口等一陣, 本來都有個路邊二人枱, 但呢度有咁大既窗可以望到維港, 所以就想等多一陣要個窗口位, 最好都係等左 10分鐘左右就有, 感覺今次個點心單好似轉左, 無上一次咁多野食, 但有兩樣就一定要叫, 松茸花膠燉雞湯, 西班牙叉燒包好快就點左幾樣點心, 都係自己比較想食, 安格斯牛肉腸粉, 牛肉嫩滑, 腸粉皮薄又滑, 西藏牛肉球, 夠大粒, 鮑魚燒賣, 不過不失, 釀青椒, 魚肉爽口, 不過得 4隻就好似唔夠喉唔知係咪來得密左 D , 感覺上次來好似好食好多, 哈哈Anyway, 其實都唔係差,  仍然係有水準又唔係太貴既中餐廳

長輩們很久沒出來嘆茶，今日跟他們來到尖沙咀北京道一號「海港薈」嘆茶！店內有個面對維港的靚靚景，一邊嘆茶，一邊嚐點心，休閒寫意。桂花鮮准山$點心紙上好多肉食點心，特意點碟健康小食。切成粒狀蒸過後的鮮淮山，口感爽口中帶點粉，配上清甜的桂花蜜甜甜地，感覺又健康又好味。腐皮素鵝腐皮外層沾了粉漿，炸得脆脆，咬開內餡豐富，甘荀雜菌填得滿滿，再配上喼汁，又惹味又香脆。原隻鮑魚燒賣皇一客有三件，頂層的鮑魚仔好鮮味腍滑，下層的鮮肉燒賣，口感扎實又足料，真係抵食。蟹粉小籠包內餡的鮮肉和蟹粉混合後，不但有鮮肉的甜味還增添多份蟹粉的香味，這個配搭真係贏晒。明爐即燒叉燒腸晶瑩通透的粉皮透出紅紅的叉燒，十分吸睛， 不但賣相好，口感幼滑煙韌，叉燒甜度剛好，真係想叫多碟。流心椰汁球看似煎堆的小甜品，但外層有一粒粒的米粒 ，炸得十分香脆，咬開後，流出香濃椰汁西米，十分香甜，是一個有驚喜的小甜品乾炒植系(雞)河餐牌上有一系列植系小菜和粉麵，我覺得十分新鮮便點了用植系雞球來配炒河粉。上檯時都己有陣陣香氣，份量很大，雞球用上黃豆制成，咬下去跟鮮雞的口感好相近，配上鑊氣十足的乾炒河粉一起食，是一個不錯的配搭。

爸爸最愛飲茶，這裡環境一流，望著整個大海（維港），景色開揚舒服，整個人也感到很悠閒放鬆～靈芝菇蒸牛肉球～牛肉的比例比平日酒樓吃到的較多，加入靈芝菇很香，油脂感亦剛剛好香煎臘味蘿蔔糕～臘味足料，蘿蔔糕能吃到蘿蔔絲，清甜可口西班牙黑毛豬叉燒包～ 矜貴之作，比平日傳統的叉燒更有豬肉味，肥油不多，但肉的油脂充滿鮑魚花膠灌湯餃～超好味😍有2片厚厚的花膠，吃後很黏口;鮑魚有咸香，灌湯餃很多料，蝦肉結實新鮮，湯清好喝👍五彩繽紛～鮑魚燒賣豬肉釀滿很大粒，鮑魚咸香有鮑味；黑金流沙奶黃包，流心奶黃超正；蝦餃蝦肉飽滿，啖啖彈牙蝦肉；松露野菌餃很香松露味；奶皇千層糕，奶黃味香濃，有數層，必吃鮮蝦炸春捲～香脆已不油膩，蝦肉亦釀的很飽滿

早前到海港薈參加婚宴，在維港海景下進膳，令人心曠神怡。今日適逢母親放假，一於邀請她來飲個早茶😻沙嗲金錢肚金錢肚入味又煙韌，配上沙嗲汁，更是惹味。最喜歡是襯底的芋頭👍🏼西班牙黑毛豬叉燒包媽媽喜歡吃叉燒包，難得這裏有黑毛豬叉燒包，黑毛豬一向以肥瘦均稱和肉質鮮甜見稱，一於來一客。吃下來有驚喜，肥肉不多，肉質結實，餡量多，滿足。大澳原粒帶子腸吃得多叉燒和蝦腸等等，這裏有帶子腸，立刻令人眼前一亮。帶子鮮味十足，配上滑溜溜的腸粉，再加一點醬油提鮮，美味。翡翠筍蝦餃王蝦餃粒粒飽滿，在晶瑩剔透的外皮裏，看到有不少的蝦仁和筍，用料非常大方👍🏼

今天與另一位同事在尖沙咀辦妥了一點事務，正是午飯時间我建議到北京道一号擁有無敵維港靚景的午餐。 到達酒樓未食巳心曠神怡了！幾個月沒來了，發現多了一份新菜單～十多款的植系肉菜式，有雞肉，牛肉等。現在都市人都注重健康，這款植系肉可提供了多一項選擇。 很有興趣試一試～金磚豆腐 42元炸得外脆內嫩滑！在十多款中選了～菠蘿咕嚕植系鷄肉 118元賣相與真肉無分別，口感～外皮作得香脆內軟，肉的質感像真度甚高，醬汁酸甜惹味！頗有新鮮感！蟹肉瑤桂蛋白炒飯 128元十足份量的炒飯～炒得很爽口，飯粒分明，蝦肉爽口，一絲絲的蟹肉鮮味十足！美景，美食，两個大男人飽足的一餐！

今日同朋友去尖沙咀行街行街之前緊係要食飽飽先啦佢話不如去海港薈飲茶可以望住海景食飯我本身以為海港薈好貴原來又唔係好貴咋喎全個落地玻璃，望住個海景飲茶🫖真係幾爽見到餐牌有植系肉我成日都想試下到底係咪食落真係同肉無分別所以就叫咗個菠蘿咕嚕植系雞球試下有菠蘿、青椒、洋蔥、士多啤梨，酸酸甜甜雞肉炸得好脆口，食落去真係好似食緊雞肉咁再叫多咗幾款點心翡翠筍蝦餃皇一籠有四粒，粒粒都好大粒，皮薄通透，大大隻蝦，爽口彈牙鮮蝦炸春卷炸得好香脆，成隻鮮蝦配埋青芹粒，好清爽豉椒炒虎皮椒加入咗豆豉、蒜粒一齊炒嘅虎皮尖椒，又香又辣，好惹味仲有招牌點心黑毛豬叉燒包叉燒肥瘦適中，肉質軟腍，甜甜地嘅醬汁，配埋包一齊食好滋味