海港酒家

營業中

休息中

第一次粉嶺上酒樓週五日 六時恭候咕嚕肉 新鮮菠蘿 青椒苦瓜（涼瓜）炒牛肉 薄切牛肉片 苦瓜切薄片酸菜魚 龍躉肉 小辣 芽菜 紅薯粉絲 辣椒 雲耳 唐芹 豆腐泡 芫荽三樣都OK賣相唔錯分量足

聯和墟附近有幾間茶樓本身幾好食但係都相繼結業屋企人就話成家嚟海港試吓10:30左左右右要排隊10分鐘之後有位呢間應該好多人幫襯，職員做到燥燥地由於星期六嘅關係本身價錢真係唔平，星期六日每碟點心都要加多$4仲要計返茶錢由於唔夠人手，真係成日叫都冇人幫手等到有啲燥底聽到隔籬枱食客都話唔怪得咁多人北上消費最嬲係冷氣時冷時熱不過食物就正常同平時差唔多，唔會特別難食同特別好味其實我諗老人家唔介意俾多少少錢但係要俾得值先大家開心

本身食過幾次都冇問題但今次真係忍唔住要比差評😵‍💫😵‍💫😵‍💫借人多為名唔比條魚個客睇？！明明餐牌寫明2斤（$580）話時價要加多100蚊都ok冇問題😒上到枱條魚細到目測唔過斤半都已經蒸好冇得唔要😵‍💫同佢爭論左好耐先肯用返餐牌580個價錢食落先知條魚好唔新鮮死左好耐咁☠️☠️☠️個腮冇光澤瘀瘀黑黑極度搵笨😒😒😒大家黎呢到食飯食飯叫魚記得一定要佢拎條魚黎睇下新唔新鮮同埋幾大條！！！

本來，一個多月前已訂了兩圍12人嘅全包宴, 當然講明係12人一圍。（之前職員仲話幫忙會安排側邊已經做唔到，都算。）我哋已經提早咗去到酒樓拎位，但職員居然安排了兩張10人枱比我哋。咁點坐得落呢？人貼人張椅仲要擺後啲先得。連上菜位都迫唔到出嚟，仲要因為枱又細咗，啲食物都放唔落，一轉食物盤就推跌晒啲杯！！ 冇枱你其實一早講ok的，又唔係冇第二間酒樓, 你唔會即時先知掛， 根本係焗你到晒焗你坐，難為啲親戚朋友嚟晒迫住食飯咁肉酸！！ 另當晚蒸魚嘅欖豉角味道好怪。西蘭花好硬，帶子唔新鮮所以整到好咸，炸唔知咩餅老公話好硬，個湯冇咩味食咗一啖冇食了。其他野食就正常。

4個人11點幾來飲茶，今日係中秋節翌日，慶祝中秋節叫左奶王包，係流心既，好好食叉燒包沒有特別，餡較多凰抓排骨飯，正常份量及味道燒賣好大粒，好大粒蝦，當然其他都是豬肉牛肉腸都是沒有特別的貨色總共叫左2款包點，1款點心，1碟腸粉及1碗飯價錢為248，價錢差唔多，海港是大酒樓可接受多種付款方法，非常方便環境及坐位尚可，不是特別舒適。

嚟呢度食長腳蟹已經有幾年，不過呢個季節真係唔係好抵食，啲蟹磅數少，得啲殼重，啲肉幼身過以前好多。上年食，起碼啲肉都有3支鉛筆咁粗，但今次啲肉，第一支鉛筆咁幼😂真係唔好俾佢個殼呃到！其他餸嘅份量都好少，得個碟大😂份量少之餘質素又差咗，價錢就貴咗😂裝修完之後換晒啲人，裝修靚咗又點？🤣冇質素係留唔住啲客人，如果呢種質素咁不如去隔離商場食？雖然啲酒樓都係咁，尤其是連鎖式集團，但冇諗過佢可以疫情之後差咗咁多

我哋一行兩人﹐喺七月八日晚路經呢間酒樓﹐被門外嘅晚飯孖寶宣傳單張吸引﹐入咗去食晚飯。我哋嗌咗一份晚飯孖寶﹐兩個雞湯花膠燉螺頭﹐全部嘅食物﹐都係水準之下！先講燉湯﹐係一大煲煲好𢳂出嚟嗰隻﹐而唔係原盅燉湯﹐火候還好﹐但就唔夠熱、唔夠鹹。跟住嚟嘅係燒鵝﹐上枱係微溫﹐皮唔脆﹐肉質非常老﹐有幾舊直頭咬唔開﹐底下墊底d豆d味好甜、好怪。跟住到大佬出場﹐好聽嘅叫清炒河蝦仁﹐唔好聽嘅就係急凍三色豆撈急凍蝦仁！見到個賣相已經無晒胃口﹐好似隨意喺冰箱攞兩包急凍嘢撈埋一齊咁！你急凍貨都唔緊要﹐比少少誠意﹐炒得夠味d、比d火喉、賣相靚少少都得啩？！仲衰過自己屋企炒﹐咁都好意思攞出嚟賣比人？老實講﹐話就話特價﹐其實加埋d茶芥雜費﹐都唔係好平﹐你做得特價都係想吸客﹐而家你比d咁嘅嘢人﹐食完一次都怕怕﹐仲點敢返轉頭幫襯？

【北區】【海港】我出遠門之前，成日都驚自己返唔到嚟而未盡孝道，最誇張一次係早兩個月同家慈慶生因為我要去白俄羅斯工作。今次係防疫政策未過晒時去新加坡，我都有啲驚被變種病毒攪掂，因此就想同家慈去食餐好嘅，開心吓。由於鄰近香港嘅某個超級大國對海鮮呢啲奢侈食物有限制，因此呢類海產就靠香港幫手清貨。唔知係咪 supply curve 向右移而導致 price 下降，所以好多老一輩同事都喺度講呢啲時間食海鮮抵食，我就唔食嘅，所以我唔太知。問過吓公司啲識飲識食嘅老師傅，最後決定去 1am0949 提及過嘅安安師兄介紹嘅海港酒家。我完全對邊間分店好啲都係一頭霧水嘅，唯有就去返佢去過嘅粉嶺帝庭軒店啦，穩穩陣陣。家慈覺得地方闊落幾好坐，都覺得舒服。一去到就搵目標物「南澳洲龍蝦」，安安師兄極力推薦，話好食過西澳洲同波士頓嘅龍蝦。我證實唔到，叫個 $744 嘅「南澳洲龍蝦」，侍應話有兩斤半，價錢係段斤秤嘅，一斤 $298。家慈唔食芝士，就用上湯焗嘅方法。一上菜就覺得勁靚，我就算唔食都見過唔少，佢個樣係幾掂，就算同場其他客人嘅龍蝦都真係冇我哋嗰碟咁靚，令家慈好開心。佢食肉，我主力食伊麵底，都真係好好食，成碟八九

久違的酒樓小菜🥬🥬🥬趁復活節假期去了海港酒家食生日飯，慶祝家兄生日。點了主菜 阿拉斯加長腳蟹🦀 加拼 幾道小菜1. 佛跳牆燉盅 湯味濃，味精鮮甜，應該冇落味精，飲完都冇特別口渴。而且我喜歡食湯渣，嘩，一睇，材料十分足料，包括：冬菇，雞腳，雞肉、瑤柱，金華火腿、豬肉、花膠、螺片！！！一啲都唔馬虎，誠意之作雞腳就好好食，煲到淋晒但啲花膠略硬、有一點腥味瘦肉其實都唔解議食，好硬2. 乳豬觀感上，乳豬肉身較薄！肉質尚算嫩。唯獨是不夠熱、而且乳豬身上，有一個印記。可考慮再吃3.阿拉斯加長腳蟹屋企人早前已經book 左、去到現場先話冇3斤蟹，得2斤，ok , 我地照要。可能我地唔係老熟客，人地個枱隻蟹都大大隻。所以安慰自己，可能今季的長腳蟹不夠肥美。但肉質仍然鮮甜，好食。呢隻蟹 係5人食，像開胃小菜因為上次食3斤，很足料。希望下次可以再試4. 阿拉斯加長腳蟹 蟹膏 炒飯火氣十足，內有蟹籽、元貝粒、菜粒、薑粒、蔥粒。寒涼嘅蟹，食返啲薑補充下。可食之選😉5. 其他還有蒜蓉炒生菜正正常常，略油6. 紅豆湯水、壽桃太甜，我覺得麻麻地😝😝

疫情後裝修完，再次光顧，職員仍然好有禮貌和熱情。食物質素仍然保持。唯部分食物送到顧客時已經唔熱，特別係炒米粉和鯪魚球，唔明點解嚟到已經完全唔熱。同職員反映就話會到廚房講，嚟到有點失分和失望。

20221103-平日海港酒家地址位於: 粉嶺聯和墟和滿街8號帝庭軒購物商場1樓34號舖，海港集團另有一間海王漁港位於綠悠軒。時間約早上11時多，平日酒樓也要等位，四人座位拿了兩個籌號，約等了十分鐘開了龍井和水仙茶($10位)四人點了些小菜和點心一碗燒肉飯，忘記了影相，燒肉和飯分開碟上，燒肉脆卜卜，份量足，飯粒粒分明，合格白切貴妃雞一隻雞唔算大隻，味道普通的雞龍躉兩味($268)碧綠炒斑球，斑球鮮味啖啖肉，魚皮部份爽彈，西蘭花偏硬，炒得有蒜香味，份量足蒸頭腩斑腩白雪雪，有魚味，配料有冬菇、雲耳，索了魚汁豉油汁，味道不錯另外點了數碟點心沙律炸雲吞雲吞皮卜卜脆，包住中間有蝦做餡料沙律解膩上湯浸菜，較爽脆，不是軟腍口感蜆介鯪魚球賣相一般，味道也像普通小店炸魚蛋，普通不過鮑汁鳳爪份量約有四至五隻，鮑汁量多，鳳爪入味，炆得軟腍，底部有花生，我沒吃，不知味道忘了影相的綿花雞，雞肉嫩滑、魚肚軟腍，有大片冬菇，味道不錯甜品點了桂花椰汁糕桂花不香、椰汁味不濃，味道清淡的甜品埋單: 共一款食物，四人埋單接近$651，可免費泊車兩小時。待應質素和服務也是一般當天食物味道沒驚喜同區的海王漁港比較，海王樓底高，

三個人叫咗兩個套餐。生炆龍躉斑翅 其實就係魚鰭位，份量都好大份，三個人好夠食，魚肉都有好多。入面仲有火腩，豆腐干，豆腐，味道唔錯。XO醬西芹炒龍躉扣就咁睇好似豬肚嘅龍躉扣，食落好爽口，扣嘅份量都算係咁，西芹份量好多，當份青菜咁食都唔錯啦。以上兩碟為一份套餐，每份HKD 238新鮮菠蘿咕嚕肉咕嚕肉炸得有啲過火，食落比較硬身。勝在有新鮮菠蘿嘅鮮甜搭救。豉椒炒愛爾蘭蟶子皇大大件蟶子皇，有4隻。但食到有隻有沙。味道炒得都唔錯，唔會話好咸。 椒絲腐乳通菜好耐冇食通菜，通菜好新鮮翠綠，份量都好夠，微微嘅辣味豐富咗腐乳嘅咸香味，好食。以上三碟為一份套餐，每份HKD268整體嚟講用餐感受都唔錯月，係覺得人手唔係好夠，但因為食頭一輪，所以覺得還好，上菜都好快。

呢間酒樓已經食咗好多年, 每逢大時大節都一家大細親朋戚友走入去食, 但由於疫情嘅關係已經少咗好多去, 呢次小小地自己一家去食！其實好食就唔係特別好食, 只係一個最方便嘅位置而且攞位唔係好麻煩😅同埋價錢上比較經濟😁今次都係叫左的恆常食物, 4個人食$423個個都飽住走, 一家大細又有坐住食，算唔錯唔知係咪疫情關係，好似少左好多人飲茶咁, 就連係舖頭既侍應都少左好多, 但就因為小左侍應，手腳都慢左好多，加水要叫好耐先有🙃

呢間細細個已經食開，屋企人都好中意食，不過成日都要排好耐隊先食到，食物嘅質素的確比好多間都要好，蝦餃都唔係間間做得好食，但呢間起碼係好食，不過價錢就會比一般貴小小，但如果比貴小小就可以食到好嘅質素，我覺得都抵嘅👍🏾

上水粉嶺呢間都係我食過好多次之中嘅酒家， 不過近年好似水準差咗好多價錢都還商宜， 每日下午茶就會抵食啲， 我最鍾意食呢度嘅蜜汁燒雞翼🥗呢個海鮮鍋湯麵賣相非常之好睇，但可惜，食落去味精好重，啲湯好鹹，個蚌仲要係唔新鮮，啲蝦肉又唔新鮮只係個賣相好睇唔好食😫唯一好食嘅就係燒鵝就比較出名，🙄不過好似水準比以前差， 之前聽人哋講佢哋係自設工場所以燒得比較好食💡環境衛生方面就真係普普通通， 唔知係咪因為酒樓永遠都人多，所以服務都係差😑