海港酒家

營業中

休息中

由於今個月有朋友生日,話約食晚飯啦1行10人度,咁黎海港叫一個餐食啦個餐都幾抵食喎, 星期一至四都只係$1598全包宴,12位用,又已經包埋茶芥加一服務費喎仲要D野食好足料,好好食,鮑魚唔算細隻,但好夠味,仲唔會整得過熟喎特別要推介個龍蝦糯米飯,龍蝦份量唔少,好多肉,糯米飯好夠味,吸收晒龍蝦既鮮味最重要份量夠咁多人食,味道唔差,就算10個人,1人都只係百幾蚊,超抵食~~

今次第二次上去，比第一次過分尋晚跟同事到上址食飯，長腳蟹，味道ok，但係經營手法十分有問題，埋去海鮮檔揀蟹，攞左隻蟹放我面前直接話5斤半，我話要磅下，黑面放落磅結果4斤4炒菜，味道一般燒鵝，ok果皮蒸南非飽，味道一般，懷疑廚房換左唔新鮮豉油王煎花竹蝦，味道一般，叫佢磅下又係黑面重頭戲黎喇，清蒸2斤幾西星斑，大家都好期待，結果上枱後發覺唔妥，比原先揀果條細左D，成條魚d肉霉，魚血仲積存喺條魚骨度，同經理理論，佢堅持冇調包冇問題，唔肯取消，結果埋單不歡而散綜合上述經驗，燒鵝，長腳蟹必叫，其他海鮮就唔好叫喇，不老實，以後都唔會再去，本人食咁多年魚，未試過比人換條死魚比我，真係嬲到爆炸，大家去呢間酒樓要小心完.

好耐無寫食評，不過尋晚餐飯真係要寫，簡直係差到極點，媲美地獄料理家人食飯叫左套餐。首先見到第1道菜大家都要估係D咩，原來係炸軟殻蟹，但唔知點解係配酸醬第2道係有D蝦配白汁伊麫底，我都唔明點解要將麵底配紫洋蔥+迷迭香。個廚師可能以為自己煮緊pasta, 但西餐pasta都唔會加迭迷迭香喇，完全9唔搭8第3道係蔬菜炒海鮮，正常情況應該係用西芹或西蘭花炒，又唔知點解個廚師會碌熟D秋葵就咁加落D海鮮度，成碟都滑嘟嘟最正常就係碟上湯西生菜，不過係人都識煮結論：唔知點解間酒樓可以係星期二晚滿座，員工服務差（可能太多人), 再唔換廚房d人可以好快收皮，食物質素可以參加地獄廚神，仲有唔知點解隔離枱咁勇敢去食一條擬似淡水魚既魚生

知客服務態度極差，幾次黎中午飲茶都冇乜禮貌，拿不搭桌飛，等都吾洗等，就話冇，一定要搭桌，要搭桌就等食晚飯。先有得搭桌，其實你態度好少少無人會覺得難受，所以真糸扣哂分。食物就都幾好，吾錯。環境都幾靚。

話說媽媽想試下哩間以前喺英皇既海港，話搬左之後冇試過，一試就知唔會再黎！話說黎到menu 只有海鮮同刺身，要叫先有其他。不過菜色較少。好啦見佢龍蝦特價，叫左四隻試下，加個菜心苗 同珊瑚蚌。菜心苗老到一個點，其實佢唔應該叫菜心苗囉........然後個海膽醬焗龍蝦呢，其實係芝士焗..而且係凍既！姐係焗龍蝦凍食！？ 同經理講，佢拎入去番丁... 叮完的確.暖左除左個蚌 其他錯晒！絕對冇下次！早知去彩福食冇咁嬲！

這間酒樓好多人等位，等了半小時以上才有位，還好有兩排櫈可以坐。幾貼心！仕應推銷芒果糯米糍。軟綿綿細細粒。可惜原來入面冇芒果肉的，是芒果慕絲。幾香的。這個炒青辣椒好大份，切開一小一小件炒，好惹味。仲有d子係度，所以也幾辣的。同埋油了少少！蝦餃一看好透明，以為一定好好味，不過個層皮實在是好濕，好似未熟咁，唔掂，入面也是有蝦也是大隻的，可惜已經破壞了成個蝦餃的味道。也不夠爽口！！鳳眼餃也有幾隻蝦，但那層皮又是好濕的，唔掂叉燒包大個，也是自家製，入面叉燒OK不是好肥，好味的，包也是軟綿綿的，那蒜蓉蒸實在有點特別，泰式甜酸醬，好怪，下面有些粉，浪費左d鮮魷。唔好味呀這個咸魚肉餅飯，飯大粒，粒粒分多，咸魚好迷你，有些薑絲，肉餅超薄身，好刀功，味道也是幾好的。不會過咸。

為了同時慶祝母親節和媽媽生日的大日子, 我們一家六口加上男女朋友一行十日訂了近愉景新城的海港酒家,這間酒家是最近新開的, 所以走來試試, 當天星期五 , 由於臨近母親節所以坐無虛席。我們點了只有平日才供應的超值全包宴(星期一至四$1598, 星期五 $1798) , 有十二道菜。鴻運乳豬全體 -乳豬夠脆但略嫌細隻。鮮蟹肉蝦球燴伊麫- 味道尚可。墨魚餅-好味夠脆。花膠螺頭湯- 味道偏淡, 花膠頗少。蒸龍蠆頭腩-蒸得剛剛好, 很嫩滑。炒龍蠆球-夠火候。招牌燒鵝皇-海港的招牌菜, 很大隻,燒得很香, 最滿意的一道菜。歡樂大蟠桃-分蓮蓉和奶黃, 兩個也好好味。最後個紅米炒飯也因為太飽要整個打包。

海港飲茶好多人，叫左好多點心，麻醬生菜幾特別，開胃菜。竹炭甜薄味道也是特別，甜甜地，不知道竹炭其實是甚麼味道，有d花生碎好香，紫薯丸，甜甜地幾香漏，叉燒包，流沙奶皇包也是幾好，有料到的，也是大小適中，雪山叉燒包好食，好軟身，XO腸粉小小辣惹味，腸粉夠滑，咸菜豬肚普通，素鵝香口，蛋煎糯米雞好食呀，炒尖辣椒，有d辣啊！！蝦球伊麵，都相當清淡的樣子，味道也是比較淡，有韮黃，蝦球也是爽的，仲有菜芯，ok的！甜品焦糖燉蛋，面的焦糖不是太討好，比較粒粒及唔均勻呀，下面的燉蛋也好滑又香的。價格夠抵食，質素好！！

家人生日，見套餐17xx全包宴就來試試，家中有人如素，故另點两素食。南乳齋賣相奇醜又咸，炒，淮山，淮山很脆不過很油。套餐，用料足。要燉湯，裡面很多小鮑魚。乳豬也好吃。但可否所有食物一齊上。。。。。。。吃不消。

星期六中午，很難有位飲茶，通常要等，這裡還好，分搭枱和不搭枱。三人行去飲茶，雪山叉燒包很熱，包包很軟。鮑魚燒賣才22元，呃like的選項。臨埋單前，竟然看到侍應拿著剛出爐煎堆，又來一客，又大又便宜，性價比算不俗。

上網個個都話海港最好食係燒鵝，我非常認同!!我自己唔鐘意食肥鵝…而且鵝肉太扎實的燒鵝都唔係my cup of tea….但呢碟肥瘦適中，鵝味濃厚，咬落鬆軟!剛好上燒鵝之後就上埋碟櫻花蝦炒飯，配搭燒鵝一流!!生日飯一定有壽包!!好大個啊!!霸曬我全個碟!!我最開心係有蓮蓉同奶皇比我選擇! 我奶皇當然係我首選!!!食完又要跑返幾多圈先落到隔啊!值得一提，個阿姊全晚係間房度serve你，又主動送西瓜比我地!食蟹唔夠餐具又主動準備，比tips都比得開心D!個set都係$3XXX，無需要阿媽煮餐死…服務態度又好!抵啦!食物:環境:價錢:

為屋企人慶祝生日，當然要食得開心，座得舒服，最重要係服務態度好! 否則生日都食到一肚氣就絕對唔抵!琴日去左荃灣中染新城嘅海港酒家，因為貪佢夠新…平時飲茶都有保證!叫左一圍(set)，味道超乎我意料!成個set重點係呢碟長腳蟹，不但啖啖肉，鮮甜新鮮，一定有3斤重，單係個蟹腳已經大過我個頭，有相為證!酥炸蟹鉗都係呢度不能抗拒的! 因為真係好多蟹肉，炸米粉包住蟹肉，外面酥脆，內裏彈牙!抵讚!成餐飯最美中不足就係個翅，因為上台稍微凍左…而翅量又唔係好多，但味道依然有水準!

今日慶祝朋友們考完試，我地去荃灣海港食大餐。其實我哋一直都想食阿拉斯加蟹，所以今次揀隻唔係好大隻，一隻都係＄900，每人除翻開百幾蚊。蒸出嚟真係超大隻，好多肉汁，啖啖肉好好食。雖然貴但係值得。除咗蟹之外，我哋仲食咗砂鍋雲吞雞，麻醬豆腐，一斑兩味。整體來講都好好食。本來我叫一斑兩味，但樓面唔記得落單，只係落咗炒斑球，當我地催另一碟餸時，佢就話師傅走咗整不到，我們唯有取消。最大問題係我哋之前已經催了一次，佢哋話會跟進，但最後都係冇左件事，所以服務質素可以有改善。

冬至一家人食飯，海港原來搬了去中國染廠，重上了7樓，環境大及靚左，星期日已爆場。乳豬，好似偷食左一半咁，好怪相，味道都香脆，唔會好肥的，好味！蟹肉竹笙海皇大生翅，好足料，好味，好多竹笙，蟹肉，味道都唔太咸，啱啱好！！西蘭花蝦球炒帶子，帶子好好味，爽口鮮甜，正呀！西蘭花都好爽甜好味，蝦球都好多，又彈又爽口！松露帶子花枝盞，賣相好靚，好味，特別，花枝同帶子幾夾，仲有車厘茄沙律，可以感覺健康。上湯焗波士頓龍蝦伊麵底，份量好多，大隻又爽口，好正，伊麵吸晒d龍蝦汁好好味！海港醬燒雞，燒得好靚又夠香脆。正呀清蒸沙巴龍班，清甜夠滑，好好味，最鍾意食魚鮑螺片扣鵝掌，好大碟，鵝掌好大隻，鮑片入味好，底有些生菜，吸晒d汁好味！壽包一打，本身係紅棗糕，加錢改了壽包，原原有奶皇的，冇咸蛋黃的，蓮好香好滑，正'整體感覺都正面，食物，環境，價錢都滿意。

早在11號莫家已一早吃了冬至飯，地點選了中國染廠大廈的海港酒家，新開不久的海港酒家，內裏地方很趟大，但枱亦都擺得十分逼夾。我們一家點了冬至宴，不需三千蚊已經有龍蝦，蟹肉竹笙海皇大生翅及乳豬全體，睇落都好似好豐富咁喎！每席都會奉上橙汁兩渣及紅酒一枝，我哋一家都冇人飲酒，所以將佢換成六罐汽水，另外橙汁亦可以將之轉為紅莓汁。第一道菜係上湯焗波士頓龍蝦，份量有三斤之多而且仲有伊麵底添， 龍蝦肉質都幾爽彈吃得出係新鮮貨色，上湯味道就不過不失啦！但我還是喜歡芝士焗龍蝦多點。接著係喜慶金豬全體🐖， 乳豬略嫌皮燒得不夠香脆，可幸的是豬肉不會過鹹。戒掉魚翅良久的車媽媽將蟹肉竹笙海皇大生翅交予車爸爸殲滅，但係這翅份量都幾足，車爸爸最後吃了三大碗呢！😂西蘭花蝦球炒帶子，帶子和蝦球都鮮甜爽口，加上炒得剛好的西蘭花同埋清甜嘅三色椒呢個菜幾吸引我呀。清蒸沙巴龍躉🐟，呢條龍躉就蒸得過熟了，講到蒸魚好多人真係唔及車婆婆拿手呢！松露帶子花姿盞，初時還以為落錯上檯，因為佢個名叫盞，但係原來係丸來的！😏呢粒海鮮丸炸得幾香口，內裏的帶子同魷魚幾鮮味，不過車爸爸好唔好彩食咗一粒入邊係未熟的😝，但係我哋咁多人都冇事喎！佢真係要買