海港酒家

營業中

休息中

今晚同家人去荃灣海港酒樓食慶生飯，原本都擔心交通配套好唔方便點知去到原來有一個超大嘅停車場跟住整餐飯嘅質素亦都非常有水準，12人一個套餐3500元絕對物超所值值得推介清蒸海斑夠鮮味，本身不太愛吃魚都食咗好多花茹好厚，鮑魚夠大隻炸蟹鉗慶生飯當然唔少得壽包

踏入11月，就係食蟹嘅日子。除咗嚟自上海嘅大閘蟹，我個人比較喜歡嚟自日本嘅長腳蟹。今晚3個人，叫咗一隻4斤幾，加埋其他餸，飽到上心口！絕對會再encore ! 仲可以用d膏炒埋飯。

今日放假同屋企人黎飲茶，諗住叫豬仔奶皇包俾小朋友食，點知冇咗，連雞包仔都冇，點心款式都少咗好多，心諗，市道唔好，可能減少人手減少款式平衡工作量，冇選擇情況下只好叫籠叉燒包俾小朋友食。上菜時，明明我地留個空間俾傳菜阿姐落嘢，佢係要由兩個人中間上，好，我地就佢，讓佢，又俾個位佢，跟住佢攞張卡離枱級印後再放枱面，而唔係當面級印，唔知有冇級多或級少。所以賣單時，我話睇睇張單，發現燒賣兩份，其他冇問題，於是同收銀講，我地只係叫一份，亦只係黎一份。佢話「印仔同柯打數量一樣，唔會錯，如有問題要搵經理處理。」好，搵到個經理同佢講咗個情況，佢又係數數量，數完話「14個柯打，14個印，啱啊！」大姐，我識數數，我識計數，得我一個鍾意食燒賣，我媽我老婆都唔食燒賣，我自己啃咗一籠，點解會係兩籠，仲要級咗印，我唔係為咗嗰廿幾蚊，我係想搞清楚件事，對我（客人）對你地（酒樓）都公平，你係唔係應該跟進下？！個經理同我講「印就級咗，你肯定食咗，或者食咗其他嘢，有時佢地賣錯嘢照級印，你諗下你食咗咩！」講完俾張單我自己睇，佢做佢嘅嘢，冇理我。吓！射個波俾我？！搵你地跟進，搞清楚，呢個唔係你地責任咩？！開頭話印啱就啱，唔會錯，

話說每次親友話要食生日飯，都要我諗地方，有時真係好煩，我地後生呢班只鍾意食壽司刺身，班老人家又話生冷野唔好食咁多，好啦今次又就你地，去酒樓食，最後佢地都係吃得開心座得舒服又滿意喎。生日飯點可以冇壽包，一大籠，一人一個唔洗爭。燒鵝半隻，又乳豬，夠哂肥美。個龍蝦冇得輸，下面d粉c吸哂味，正。西芹炒大蝦，花膠煲雞湯，蒸魚，炸子雞，炸蝦餅，芥茶，最後仲有炒飯。呢到咁多野食加幾支大啤酒，咁樣就滿足哂班老友記。

8咪半既呢間海港好值得寫食評因為每次黎都係捧住個肚走價錢又唔算貴食左咁多次點心，因為有事慶祝既關係今日lunch決定食好d,叫d平時飲茶少叫既野食第一個係好好食既飽魚炒飯見佢唔貴，諗住應該都係得一粒飽魚係上面個d點知！佢有好多飽魚，炒飯份量亦唔少！味道仲好好食 ，d醬油好入味，飯粒既唔會過硬過軟。個個都讚呀真係睇相都見到佢有好多飽魚唔會過咸我哋仲叫咗冰鎮鮑魚，賣相好好，食落亦十分新鮮佢俾埋豉油和芥辣，大家都食得好滿足當中我哋仲帶咗一啲點心，點心水準好好，但就冇詳細影相啦。建議大家可以試佢個雪山叉燒包嗰個亦都係必食最後仲叫咗一碟細龍躉，滑到不得了非常之入味，亦冇骨，真係一家大細都啱食。小菜同點心呢度都咁出色，下次飲茶都一定要嚟呢間海港

中午同同事去遠少少飲茶，味道不過不失。流沙包唔太靚仔，表面皺晒又硬硬地，入面唔多流沙。蛋散唔算好鬆脆。鴨腳紮叫做好少少，但件芋頭好白色唔夠入味。不過價錢唔貴，平平地食下，無得要求太多

朋友生日，話要黎海港食蟹，原來最近做返$188一斤長腳太，咁我哋就揀咗一隻六斤嘅蟹食，的確係好大隻味道鮮甜，同之前你食過嘅差唔多，跟住仲叫咗其他餸，象拔蚌268但係極之細隻好細盤，睇教殼就知但係，味道可以既，扇貝$88有4隻，但係你都見到啲扇貝係呃人嘅，埔咗盡粉絲係底，跟住上面放幾塊冰鮮帶子上去，就學人扮扇貝，我都冇嘢好講啦，冬瓜盅都算OK嘅比較正路好似188燒鵝半隻二百幾蚊，我覺得啊一般啦唔係十分大碟，好似以前大隻d，味道都無以前甘好，咕嚕肉都算正路，都好似百幾蚊，碟蒜蓉炒菜心呢碟菜都要成$98 ，基本上其他啲餸太貴又唔係十分好食剩係得牆腳蟹最抵食下次你都淨係食隻蟹算啦。八個大人兩個細佬，食左$2800.

是晚同事們飯聚，訂左一圍剛剛好12個。人多之下猶不猶豫地叫左個阿拉斯加長腳蟹套餐。點餐後酒樓職員仲會叫你出去睇住佢捉蟹，證明冇呃秤。隻蟹一嚟到，同事們都即刻嘩嘩聲，因為好大隻，又多膏。咁多人食阿拉斯加長腳蟹真係啱曬，份量係岩岩好。隻蟹好鮮甜、亦都好有蟹味，大家都讚不絕口。個餐除咗有阿拉斯加蟹食之外，仲有鮑魚食，然後仲有個紫菜蝦餅亦都好好食至於其他餸菜味道都唔錯， 一圍係能夠食到每一個人都飽嘅最後仲要值得一讚呢就係個壽包，壽包好大個！而且呢個壽包係有驚喜嘅！因為一打壽包裡有半打係蓮蓉餡、有半打係蛋黃餡，真係好正呀

店內員工愛理不理 入座完全冇人理 淨係企係到 叫我們去前枱登記 入座六點 當時店內只得二張枱 問拎濕紙巾 叫我自己去隔離枱自取 食物出品極差 未試過係海港食得咁不愉快荃灣中染 店 食到一肚氣

阿仔唔使返學 有個悠閒嘅早上 梗係去嘆返一盅兩味啦想搵間乾乾淨淨又唔會太嘈嘅酒樓 我哋就去咗海港酒樓其實飲咗咁多年茶，對酒樓食物嘅質素都唔會有太大要求， 但係今餐令我食得有d感動🤣🤣 呢到較多特色點心。春捲最怕炸得油膩，食一嚿就唔想食!但係 佢就得好鬆化，細細嚿又易入口，唔會食到個嘴損曬😜蝦餃皮薄餡靚，芋頭糕是芋頭絲炸的好特別(呢樣唔記得影相)，芋圓 外脆內軟👍🏻 唔會太甜! 薄撐 粉漿調校得恰當唔會覺得食到成口仔得分將嘅味道 仲加油蔥香味我仲覺得佢加添咗啲韭菜。 叉燒包… 其實中式麵包嘅包皮好考功夫去做,我最怕食嗰啲包皮係一咬鬆散曬, 食到個口好乾或者蒸到濕糴糴， 但係呢個包完全冇呢啲咁差嘅感覺， 我對一般叉燒包嘅感覺都改觀曬lu🤩我哋叫咗九樣點心連埋加一茶位 先大約二百五十蚊我覺得都好抵食👍👍最緊要係啲侍應，識得自動自覺你睇下使唔使加水，你知啦有啲酒樓，你叫極都唔會有人嚟招呼你! 所以我一定會再嚟呢到飲茶

今晚補食母親節飯，酒樓都算多人。我地7個大人食12人一圍酒席，飽到痴線。由第一味乳豬食到好飽已經。值得介紹是呢味粉絲蒸龍蝦，第一次見到咁樣配搭，都幾好味，肉就一般多，但粉絲係好多好入味，送飯一流！

經常來飲茶，第一次來吃晚飯套餐，訂了$3880全包壽宴，再加一份紅棗糕，共$4000。鮮果大蝦🍤沙律非常之有驚喜啊，完全想不到擺盤會這樣精緻，一個個火龍果切開起肉再放上生果及大蝦，大蝦又新鮮，簡直令人胃口大開😍👍姬茸菇花膠燉螺頭足料好味👍古法蒸沙巴龍躉班用荷葉墊底蒸，很特別，魚肉鮮嫩味美👍藜麥蛋白海皇炒飯健康味美，口感一流👍另有十二個壽桃，6個蓮蓉饀，6個奶黃饀，還細心點上黃色做記號。這間酒樓大廚真的值得一讚，可是那位侍應阿頭態度真的很一般，又沒提我們8小時內儲積分，後悔給了利是她🤬

復活節三哥一家去澳門玩打回來問要什麼手信，車爸爸當然即刻Order他至愛的香蕉糕，所以早兩天我因香蕉糕之名順便回外家跟車公公、婆婆飲下午茶！選了舊中國染廠現叫8咪半的海港酒家飲下午茶，飲得茶就沒得揀全部都係肥啊唯有吃少少啦！這兒的藥膳雞腳一向都好味道，今次也不例外藥材味挺香不過師傅就多了點點！而雞腳炆得質地恰好有咬口得來又不會硬身。 翡翠蝦餃皇大大隻係抵食的，澄皮須然較厚但餡料豐足亦鮮爽，吃下去總是叫人滿足的。 水晶潮州粉果就真係麻麻哋，皮厚又黏牙餡不夠香亦偏少可以不試！ 車公公最喜歡吃南乳蒸豬手，一客有三件剛剛好不用爭，豬手皮軟糯肉鬆化梗係好味架，不過好肥之嘛！！ 最後還有鮮蝦腐皮卷簡直想迫死我吧！不過認真難頂返炸就肯定是了，熱係熱但韌過我Ｄ皮又係可以不吃！！

爸爸80大壽，近近地搵間就腳的酒樓慶祝!一家人去咗海港酒樓食飯， 酒樓在8咪半 沿著荃灣地鐵總站天橋便可到達，尚算方便。紅燒豆腐~味道偏淡適合老人家及小孩生炒咕嚕肉 ~必食item火喉十足超級大東星斑 ~尺半長 師傅蒸到啱啱好 魚肉嫩滑芝士大蝦伊麵~ 蝦肉爽口彈牙 長壽麵老人家致愛，但芡汁太多了。魚腐浸時蔬~ 清新解膩，魚腐綿綿的很好味。白切鷄~ 出奇地嫩滑 無雪藏味 ~正大家都食到飽飽打算唔叫壽包， 點知兩個小朋友追call. 侍應哥哥話蒸一個壽包都可以，正合我們心意。

今晚突然想食燒鵝，諗起荃灣8咪半有海港，兩囗子就揸車去果度食飯。7點半左右到，都有7成滿，食物應該唔差。 埋到枱，剛對正風囗位，勁凍 (鍾意冷氣夠的朋友一定覺得好正)... 問侍應有冇披肩，佢好快就拿咗件比我，都好有效率。睇完餐牌，見有長腳蟹餐，好想食。但我兩個人點食到五斤蟹，仲有一條魚同埋其他食物，應該要等下次先試到。睇餐牌見到個波士頓龍蝦(一隻)伊麵底都係$168，就黎一個啦。 跟住叫咗個花菇鵝掌煲 ($98)，當然唔少得燒鵝。 幫我地落單的侍應見我地兩個，提議如果食例牌，可以加$20要下庄 (即$138). 心諗燒鵝食唔晒，早餐要黎浸米粉簡直一流，我地就要咗半隻 ($208)。5分鐘左右，燒鵝到。 外皮夠脆，冇乜肥膏，正!! 食落仲要係暖暖地，好滿足。 食咗兩舊燒鵝，龍蝦伊麵到，係傳統賣相，同餐牌相片好唔同(果然圖片只供參考).聞落冇乜香味，伊麵又煮得太稔，囗感極差。 心諗同一價錢，早知去魚缸捉隻黎清蒸好過，唔食伊麵。跟住就係鵝掌煲，味道一般，花菇又唔夠香。 但係$98呢個價又真係冇乜要求。 勝在上枱時個煲夠熱，食到中途個餸都仲係暖暖地。今晚去食飯的目的係燒鵝，冇令我失望。 不過