海灣茶居

營業中

休息中

窩夫與蝦子餅某天在港灣豪庭商場找地方開餐。見到海灣茶居的「點心牆」即心心眼，決定進去吃晚飯。另一幅牆上的裝飾也很有心思。其實海灣茶居不只有點心，晚市還有小菜，窩夫與蝦子餅點了兩個小菜套餐和兩款點心。點餐後先送來套餐的是日例湯，菜乾湯味道甘甜，清熱下火，蝦子餅極速喝光。第一個套餐的小菜是西蘭花炒蝦球(套餐$88)，份量不少，蝦球爽口，西蘭花亦軟硬適中。蝦子餅是叉燒控，另一個套餐選了秘傳腩叉(套餐$78)，腩叉並不常見，口感跟平日常吃的叉燒不同，不算太肥膩，值得一試。點心方面，窩夫與蝦子餅最開心見茶樓可選兩粒蝦餃或燒賣，那便可以各點一籠，每人每款一粒。黑松露燒賣(兩粒$22)不是窩夫與蝦子餅喜歡的質地，不過黑松露的香味補數。相比之下，蝦餃皇(兩粒$22)出色得多，皮夠薄，蝦新鮮，水準之作。天氣太熱，還點了一杯柚子氣泡檸檬茶(加購價$10)，味道很好，不會太甜，消暑解渴一流。

去了大角咀的海灣茶居！夜晚都有得飲茶 🍵 好耐冇試過一盅兩件啦～ 分別叫咗一個小菜套餐同埋晚市點心：燒賣、蝦餃、牛肉球！所謂水滾茶靚！😍 呢度嘅樓底好高，茶壺都好靚，乾淨企理，所以食飯都好舒適😊燒賣可以叫2件 ($22) ，餡肉多汁，一口咬落去就感受到豐富嘅肉汁同豬肉嘅鮮味。上面仲有黑松露點綴🤩蝦餃亦都好出色，皮薄蝦肉大大隻，望落去晶瑩通透。都可以兩件兩件咁叫，啱晒撐枱腳❤️至於晚市小菜套餐，基本上都係包一碗飯、同埋送老火湯！大概$78-98左右，勁抵食～ 口水雞試咗 ($98/半隻) 好有雞味😂，雞肉滑嫩，配上麻辣醬汁，大滿足！最後講下牛肉球，姐姐一行埋嚟就話嘩，好大粒，真係有成隻拳頭咁大😂😂😂牛肉球好滑好鮮嫩，配上茶樓自家嘅特製喼汁，味道更上層樓😋。總括而言，呢間茶樓嘅點心真係好好食，而且價錢亦都好親民，回頭指數⭐️⭐️⭐️⭐️⭐️！

靠海吃海，朋友很愛吃魚，這天他放工後，尋到工作附近的小店，提供蒸魚客飯，不例外也點了來吃。 店子晚市主打小炒，同時也有點心和湯品。 精緻討喜的甜品，絕對不能錯過，朋友點了甜品，令人回味的！ 蔥蒜蒸斑頭腩 金銀蒜蒸腩，吃魚朋友說味道正宗，很廣東人蒸魚的味，技巧滿滿的。黃金比例之醬汁，蒸到非常之漂亮！保持原本魚的嫩香，蒜、頭腩外，金銀蒜魚塊以粉絲墊底，這個做法，感覺棒！蒜蓉粉絲入味，好好吃。健康家常菜感大，粉絲索汁，香辣和惹味，蒜蓉蒸斑頭腩表面蒜很多。 豉汁蒸鯧魚 倉魚是我最愛吃的魚之一，店子有非常多做法，豉汁蒸也很棒了，店子特製調味醬來蒸，不願吃飯之朋友也了吃飯喔！傳統滋味，快樂感覺 今晚來這跟朋友吃，酒樓感覺之晚餐。有套餐，有湯和甜品。就座後，也看到很多人吃點心！ 想要去試試呢。抵吃新式茶樓！ 地方又新，用大落地玻璃，光亮亦看到街景。店子很細心的，燒賣蝦餃也有兩粒選，適合拍拖來吃。

姑媽搬咗去大角咀港灣豪庭，今日叫咗我過去幫手做嘢，晚上請我落商場食飯，商場都有好多食肆，姑媽唯獨喜歡去海灣茶居，佢話每日早上我會落嚟飲茶，佢哋嘅食物質素好好喎！咁我真係要試吓啦！茶居裝修都有特色，掛牆啲飾物都好精美。醬皇豬手煲配白飯及是日例湯，今日係蓮藕湯，夠火喉又清甜。豬手好入味，吃起來肉質軟腍，肥瘦均衡，味覺層次更豐富，醬底濃郁惹味。還有娃娃菜墊底，娃娃菜吸收咗醬汁，林甜好惹味！送嘅餐湯亦好足料又清甜。家鄉炒銀針粉配檸檬茶，銀針粉炒得又香又夠鑊氣，配料亦豐富，有叉燒、芽菜、青椒等，銀針粉爽滑，配料夠味又有口感，每口都滋味無窮。凡惠顧晚市小菜套餐或滋味獨享，可用優惠價無限加購指定食品$8香草綠豆沙，綠豆沙夠多綠豆，而且煮得夠耐起到沙，有少少香草味，又唔會好甜。$10大良薑汁雙皮奶，奶味濃郁，香滑可口。$25-大排檔煎釀茄子，茄汁釀咗鯪魚肉，加咗個濃郁惹味嘅醬汁，十分美味。

今日黎港灣豪庭探朋友～朋友介紹話佢食開呢間點心～！ 仲推薦要叫佢既飯湯套餐所以我地除左叫左幾款點心外，仲叫左個豉椒排骨飯加是日燉湯！ 呢個招牌腩肉叉燒包好足料，叉燒味道好新鮮，冇雪味，汁又濃～ 熱辣辣好好食😋呢度既燒賣同蝦餃都可以叫兩粒，唔洗一定一要4件咁叫！ 兩人食就岩岩好～ 呢個豉汁蒸鳳爪，蒸得好腍，又入味～ 好軟滑～🤤最後呢個豉汁排骨飯配燉湯好正～ 68$ 好抵食！ 個湯好好飲，好足料，湯水夠濃！ 入面有豬肉同雞肉～ 整體黎講呢間點心店幾好～ 有小炒同有得食烤魚，仲有靚湯飲！

今日行咗去大角咀，穿過公園對面行多兩步就係呢間點心喇！黑金流沙包 $38 (3件)咬開個包，入邊嘅餡料就不停咁流出嚟，因為嗰包係即叫即蒸嘅，所以好熱。大家嗌嘅時候記得攤一陣先好食黑松露燒賣 $40 (4粒)燒賣上到枱面松露味雖然唔係好濃，不過勝在啲蝦夠爽，而且皮夠薄。老乾媽金錢肚 $42金錢肚好入味，食到停唔到口，如果大碟啲咁就好啦！魚翅灌湯餃 $66灌湯餃嘅皮好薄，配啲湯真係一流。入面嘅餡料都幾多，一隻灌湯餃等於2至三隻燒賣咁大。

平時一班同年紀嘅人約埋去食飯，最多就係去Cafe，幾十年前一班年青人約埋去食飯，應該就係去飲茶。如果飲茶係一件年輕嘅事，其實就應該好似呢間茶樓咁。光猛闊落、坐得舒服。枱枱凳凳碗碗碟碟都乾乾淨淨，而且啲點心影出嚟應該要四四正正，可以擺上IG打卡。而家好多老式酒樓，啲點心都係工場中央整定然後送到酒樓翻熱，呢啲真係食得出味道唔同。今次呢間點心店，我哋一共嗌咗八樣嘢，非常豐富，但係買單到時係兩個人$264 ，而且點心都係好精緻，新鮮滾熱辣咁出爐。例如臘汁香酥肉餅就好睇得出點心師傅嘅功架，皮薄、肉嘅調味好惹味、啱啱好熟但又保持到肉汁。蝦餃王亦都好值得一試，蝦肉飽實，真係可以用皮薄餡靚去形容。最估唔到就係有以前去開蓮香樓食嘅懷舊鵪鶉蛋燒賣，其實蓮香樓都係食個情懷，而且而家都執咗，可以喺呢度試返鵪鶉蛋燒賣真係除咗好好味，仲好驚喜。

呢度裝修新同乾淨，卡位座位闊落，服務好。叫咗兩個餐，一點完菜，職員已送上跟餐嘅兩碗例湯，我係超級鍾意飲湯，實在太好了，個湯真材實料，冇味精。鹽焗手撕鷄腸粉，雞絲非常入味；腸粉即叫即做，腸粉淋有甜醬芝麻醬和芝麻，腸粉薄身惹味。瑤柱肉碎蒸水蛋，大碟抵食，兩個人食唔晒。香港最常見嘅家常菜之一，看似簡單但其實都要有技巧先可以有蛋水完美比例，加點豉油，配白飯一流。秘制蜜汁叉燒，厚切叉燒啖啖肉、叉燒斬大嚿叉燒， 甜而不膩，又腍又多汁，一啲都唔乾唔靭，好juicy，令人百吃不厭。整體價錢抵食，大份，有水準。

成日經過見到呢間點心店好想試，今日終於可以慢慢嘆餐廳內環境算寬闊，仲有梳化卡位。原來平日2pm後唔收茶位，仲有下午茶點心組合，單點點心就大約$20-$40鮑魚糯米雞配黑松露燒賣（$58）：第一次見糯米雞有鮑魚，雖然唔係好大粒，但好似尋寶咁都幾得意，有鹹蛋同肉碎，味道正常。燒賣蝦同豬肉嘅比例啱啱好，幾大粒，食落有黑松露味散叫點心最特別係蘿蔔絲腸粉（$36），腸粉皮內包着一層薄脆，入面仲有蘿蔔絲同鮮蝦肉，口感層次豐富！另外，蘿蔔糕（$25）煎到香脆又唔會太燶，仲有臘腸肉碎，如果覺得三件太多，下午茶仲有兩件$18選擇山竹牛肉球（$28）有三粒大大粒，牛肉味欠奉，但有幾多馬蹄碎同芫荽搭夠

一星期幾次既點心🥳 餐廳位置都算闊落 最鍾意有卡位揀下午茶勁抵食之選兩人叫左幾款點心蝦餃燒賣 唔少得仲要可選擇叫兩粒or 4粒有黑松露北菇燒賣 香噴噴黑松露 鮮蝦夠彈牙😋😋有一款好特別既春卷✨雪茄型炸蝦春卷好特別 第一次食黑色春卷皮👍🏻 入面好多隻蝦 唔會太油 咬落香脆😎手撕雞腸粉腸粉好滑 配上混醬 非常美味 鹽焗手撕雞好入味🤤章魚肉餅飯 上枱仲聽到‘咋咋聲’香氣十足 襯埋煲仔飯豉油 完全無得輸鮮蝦菜苗餃每粒餃都充滿鮮蝦皮薄蝦大大粒 👍🏻👍🏻懷舊食物四寶滑雞扎好開心食到懷舊點心 魚肚係精粹吸曬d汁軟綿綿😎 d雞肉都好滑好食🤤必食香煎蘿蔔糕煎到外脆內軟 配合辣椒醬 🙃

Dumplings in shark-fin soup 🥟 魚翅灌湯餃 $48滋補養顏嘅如此灌湯餃裏面魚翅非常足料🦈，湯底味道天然冇添加劑，健康養生，餡料以豬肉為主🍖，味道唔錯啊Pan-fried turnip cake 🥕 香煎蘿蔔糕 $25三大片煎蘿蔔糕嘅性價比好高，入面食到爽口嘅蘿蔔絲同少少蝦米，點埋辣椒醬一齊食辣辣地好惹味🌶️Salt-baked shredded chicken with rice noodle rolls 鹽焗手撕雞腸粉 🍗 $38手撕雞配腸粉係呢度嘅推薦點心之一，雞肉嫩滑，醃製得好入味，而傳統港式腸粉嘅質感軟滑😍，免頭加上芝麻碎、花生醬🥜同甜醬幾正呀Black truffle shumai 黑松露燒賣 $18黑松露燒賣有兩粒或者四粒選擇，燒賣入面嘅蝦好爽口🍤，上面加上少少矜貴嘅黑松露醬點綴，食落去口感層次更豐富Steamed rice with pork rib and chicken feet 鳳爪排骨飯 🍛 $38酒樓或者點心鋪都有嘅鳳爪排骨飯係不可或缺，排骨住得好軟身，醃得夠入味但唔會太鹹，成個飯嘅份量好多，同朋友share一齊食完之後都夠飽肚！Pra

下午茶佢地有18元優惠區，咁平所以我都揀左幾款黎食😋香煎蘿蔔糕（2件）蘿蔔糕唔會好重粉感，食到有一絲絲的蘿蔔絲👍配上佢地的辣椒醬，感覺上是XO辣椒醬咁，幾辣同惹味🤓香煎蔥油餅 （2件）蔥油餅表面灑上好多的芝麻，啖啖除左食到蔥油的香味仲會有啲芝麻味🤩 味道層次更上一層樓😎 面佢地蔥花的份量都好多🤤黑松露燒賣 （2粒）黑松露燒賣，面頭放左啲黑松露醬，而入面就同平時食開的燒賣一樣，唔會好似食緊麵粉😋 想試一啲特別同新口味點心的朋友仔可以試下👍 而且佢地蒸到好熱，係好新鮮的感覺😉 下午茶set $38 懷舊混醬腸粉 潮州粉果 （2粒）混醬腸粉平時街邊就食得多🥸，今次飲茶見到都忍唔住叫返一碟，佢地落醬的份量完全唔手軟😜 有滿滿的花生醬，甜醬仲有啲豉油，超級懷舊有風味😊蒸鳳爪 $28佢地的鳳爪同我地平時食開的有小小唔同，感覺佢地用料好好👍因為啲鳳爪係比平時食開的鳳爪大隻好多😆 食落都爽好多XO醬叉燒炒河 $65唔好以為點心鋪頭食穫氣小炒唔得，因為好肚餓所以叫左碟炒河試下😄點知佢地係好夠穫氣，感覺真係大火炒過😍 入面有芽菜，青椒🫑紅蘿蔔等的蔬菜，一啲都唔油唔漏☺️係一碟令我好驚喜的炒河，必食！海灣茶居

放假走到好耐冇去嘅大角咀逛街，夜晚同爸爸嚟到位於港灣豪庭嘅「海灣茶居」食中菜，晚市都有點心提供裝修走新派茶居風格，簡潔明亮又企理，座位舒適，設有卡位；用上古色古香的茶具同器皿，播放著懷舊純音樂==========🔹金銀蒜蒸斑頭腩 $98配白飯及香草綠豆沙8大件斑頭腩配以份量不少的粉絲斑頭腩雪白新鮮又厚肉，肉質緊緻嫩滑；魚皮軟彈富骨膠原；配以大量蒜蓉及調味恰好的蒸魚豉油，味道上佳推介指數：8.5/10==========🔹腩叉蝦仁炒蛋 $78配白飯及香草綠豆沙用上半肥瘦的腩叉，配以蔥花去炒炒蛋細滑保留蛋汁，蛋香濃郁而調味剛好；蝦仁爽彈帶淡淡鮮味；腩叉肉質緊緻而肥瘦適中推介指數：8/10==========🔹營健清灼生菜 +$25惠顧晚市小菜套餐可加購份量豐富，生菜爽脆==========🔹大良薑汁雙皮奶 +$10惠顧晚市小菜套餐可加購口感嫩滑，甜度不高==========茶錢每位$5，免加一服務費

同朋友👩一齊喺大角咀，諗住簡簡單單食一餐，路過呢間餐廳，印象中大件夾抵食，於是就入去開餐😆有多款「晚市套餐」可以選擇，叫咗 $98「絕味沙薑雞🐓半隻 配白飯🍚 及 香草🌿綠豆沙」：沙薑雞🐓有鹹鮮味仲幾好雞味，肉質都算幾滑😋，雞皮仲滑忍唔住食咗兩塊🤣$25「營健清灼生菜🥬」：新鮮爽脆，簡單好食😋$25「煎釀茄子🍆」：茄子🍆肉厚，應該係釀咗鯪魚肉，鯪魚肉結實、味鮮😋$38「鮮蝦菜苗餃」：蝦🍤同 菜苗🥬都新鮮，比煙靭嘅餃子皮包住，熱辣辣，幾好味😋食完飯仲有兩碗綠豆沙🤩街坊價錢，大大件，抵食🤩

又讓我發掘到一間下午茶超抵的茶樓，位置在大角咀港灣豪庭地下，環境光猛寬闊。點心現場製作，種類選擇多，除了點心、腸粉，還有燉湯、砂窩粥、籠仔飯等等，而且價錢親民。今天和老友在此茶聚，選了幾款下午茶孖寶。三個人食飽飽，每人只是七十元。~~~~~~~~黑松露燒賣蜜汁叉燒腸四寶雞扎鮑魚糯米雞蠔皇腩叉叉燒包補腦核桃包鮑魚糯米雞斑斕千層糕香煎綠豆餅~~~~~~~8款點心，都食得出是新鮮製作，味道和用料都不俗。其中甜點特別出色，真是意想不到。補腦核桃包不但外觀似核桃，連內餡也是煉奶核桃，特別又好食。斑斕千層糕煙韌香甜；香煎綠豆餅皮薄餡多，一塊唔夠哦。